ਬਰਨਾਲਾ: ਪਿੰਡ ਚੀਮਾ ਦੇ ਗੂਰਦੁਆਰਾ ਰਾਮਬਾਗ ਵਿਖੇ ਜੋਗਿੰਦਰ ਸਿੰਘ ਉਗਰਾਹਾਂ ਦੀ ਪ੍ਰਧਾਨਗੀ ਹੇਠ ਹੋਈ ਭਾਰਤੀ ਕਿਸਾਨ ਯੂਨੀਅਨ (ਏਕਤਾ ਉਗਰਾਹਾਂ) ਦੀ ਸੂਬਾ ਕਮੇਟੀ ਮੀਟਿੰਗ ਵਿੱਚ ਜਥੇਬੰਦੀ ਵੱਲੋਂ ਸ਼ੁਰੂ ਕੀਤੀ ਹੋਈ "ਵੋਟ-ਭਰਮ ਤੋੜੋ, ਲੋਕ-ਤਾਕਤ ਜੋੜੋ" ਮੁਹਿੰਮ ਨੂੰ ਹੋਰ ਭਖਾਉਣ ਲਈ 17 ਫਰਵਰੀ ਨੂੰ ਬਰਨਾਲਾ ਵਿਖੇ ਸੂਬਾ ਪੱਧਰੀ ਲੋਕ ਕਲਿਆਣ ਰੈਲੀ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ।

ਇਹ ਜਾਣਕਾਰੀ ਦਿੰਦੇ ਹੋਏ ਜਥੇਬੰਦੀ ਦੇ ਜਨਰਲ ਸਕੱਤਰ ਸੁਖਦੇਵ ਸਿੰਘ ਕੋਕਰੀ ਕਲਾਂ ਨੇ ਕਿਹਾ, "ਇਸ ਰੈਲੀ ਮੌਕੇ ਕਿਸਾਨਾਂ ਮਜ਼ਦੂਰਾਂ ਤੇ ਸਮੂਹ ਕਿਰਤੀਆਂ ਦੇ ਬੁਨਿਆਦੀ ਲੋਕ ਮੁੱਦੇ ਉਭਾਰੇ ਜਾਣਗੇ, ਜਿਨ੍ਹਾਂ ਨੂੰ ਸਾਰੀਆਂ ਵੋਟ ਬਟੋਰੂ ਪਾਰਟੀਆਂ ਜਾਣਬੁੱਝ ਕੇ ਰੋਲ਼ ਰਹੀਆਂ ਹਨ। ਇਹ ਲੋਕ ਮੁੱਦੇ ਹੋਣਗੇ ਜਗੀਰਦਾਰਾਂ ਅਤੋ ਕਾਰਪੋਰੇਟਾਂ ਨੂੰ ਚਲਦਾ ਕਰਕੇ ਨਵਾਂ ਖੇਤੀ ਮਾਡਲ ਲਿਆਓ। ਲੋੜਵੰਦ ਮਜਦੂਰਾਂ ਕਿਸਾਨਾਂ ਦੀ ਜਮੀਨੀ ਤੋਟ ਪੂਰੀ ਕਰੋ।"

ਉਨ੍ਹਾਂ ਅਗੇ ਕਿਹਾ, "ਸੂਦ-ਖੋਰੀ ਦਾ ਫ਼ਸਤਾ ਵੱਢ੍ਹੋ। ਸਰਕਾਰੀ ਖਜਾਨੇ ਤੇ ਬੈਂਕਾਂ ਦਾ ਮੂੰਹ ਮਜਦੂਰਾਂ-ਕਿਸਾਨਾਂ ਲਈ ਖੋਲ੍ਹੋ। ਨਵ-ਉਦਾਰਵਾਦੀ ਨੀਤੀਆਂ ਫੈਸਲਿਆਂ ਨੂੰ ਪੁੱਠਾ ਗੇੜਾ ਦੇ ਕੇ ਬਦਲਵਾਂ ਵਿਕਾਸ ਲਿਆਓ।"

ਕੋਕਰੀ ਨੇ ਕਿਹਾ, "ਰੁਜ਼ਗਾਰ ਉਜਾੜੂ ਨੀਤੀਆਂ ਦਾ ਫਸਤਾ ਵੱਢ ਕੇ ਰੁਜਗਾਰ ਮੁਖੀ ਮਾਡਲ ਲਿਆਓ। ਕਾਣੀ-ਵੰਡ ਦੇ ਖਾਤਮੇ ਲਈ ਜ਼ਮੀਨਾਂ ਜਾਇਦਾਦਾਂ ਲੁਟੇਰਿਆਂ ਤੋਂ ਖੋਹਕੇ ਲੋੜਵੰਦਾਂ ’ਚ ਵੰਡੋ। ਸਿਹਤ ਸੇਵਾਵਾਂ ਤੇ ਵਿਦਿਆ ਮੁਫ਼ਤ ਅਤੇ ਬਾਕੀ ਜਨਤਕ ਸੇਵਾਵਾਂ ਸਸਤੀਆਂ ਦਿਓ।"

ਉਨ੍ਹਾਂ ਕਿਹਾ, "ਜਗੀਰਦਾਰਾਂ ਅਤੇ ਕਾਰਪੋਰੇਟਾਂ ’ਤੇ ਮੋਟੇ ਟੈਕਸ ਠੋਕੋ ਅਤੇ ਬਾਕੀਆਂ ਤੇ ਟੈਕਸ ਭਾਰ ਘਟਾਓ। ਜਾਤ-ਪਾਤ, ਊਚ-ਨੀਚ, ਧਾਰਮਕ ਵਿਤਕਰੇ ਅਤੇ ਦਾਬੇ ਦਾ ਖਾਤਮਾ ਕਰੋ।"ਕੋਕਰੀ ਨੇ ਕਿਹਾ, "ਇਨ੍ਹਾਂ ਮੁੱਦਿਆਂ 'ਤੇ ਅਮਲ ਕਰਾਉਣ ਲਈ ਦੇਸ਼ ਪੱਧਰੀ ਸਾਂਝੀ ਸੰਘਰਸ਼ ਲਹਿਰ ਉਸਾਰਨ ਲਈ ਸੱਦਾ ਦਿੱਤਾ ਜਾਵੇਗਾ ਕਿ ਸਮੂਹ ਮਿਹਨਤਕਸ਼ੋ! ਹੰਭਲਾ ਮਾਰੋ! ਵੋਟਾਂ ਅਤੇ ਲੁਟੇਰੀਆਂ ਵੋਟ-ਪਾਰਟੀਆਂ ਦੇ ਜੰਜਾਲ ’ਚੋਂ ਨਿਕਲੋ। ਸਾਰੇ ਵਰਗਾਂ ਦੀ ਤਾਕਤ ਜੋੜੋ। ਲਮਕਵੇਂ ਤੇ ਜਾਨ ਹੂਲਵੇਂ ਘੋਲਾਂ ਵਾਲੇ ਰਾਹ ਦੇ ਪਾਂਧੀ ਬਣੋ। 


 


 


 


ਇਹ ਵੀ ਪੜ੍ਹੋ: YouTube ਵੀਡੀਓ ਵੇਖ ਕਰਵਾਉਣ ਲੱਗਾ ਪਤਨੀ ਦੀ ਡਿਲੀਵਰੀ, ਬੱਚੇ ਦੀ ਮੌਤ, ਪਤਨੀ ਗੰਭੀਰ


ਇਹ ਵੀ ਪੜ੍ਹੋ: ਮੌਤ ਦਾ ਖਤਰਾ 70 ਫੀਸਦੀ ਘਟਾਓ, ਰੋਜ਼ਾਨਾ ਕਰੋ ਸਿਰਫ ਇਹ ਕੰਮ, ਨਵੇਂ ਅਧਿਐਨ 'ਚ ਖ਼ੁਲਾਸਾ


ਇਹ ਵੀ ਪੜ੍ਹੋ: ਬਹੁਤੇ ਲੋਕ ਨਹੀਂ ਜਾਣਦੇ ਗੁੜ ਖਾਣ ਦੇ ਫਾਇਦੇ, ਸਿਹਤਮੰਦ ਦੇ ਨਾਲ ਹੀ ਖੂਬਸੂਰਤੀ ਵੀ ਵਧਾਉਂਦਾ


ਇਹ ਵੀ ਪੜ੍ਹੋ: ਸੰਤਰਾ, ਕੇਲਾ ਅਤੇ ਸੇਬ ਖਾਂਦੇ ਸਮੇਂ ਨਾ ਕਰੋ ਇਹ ਵੱਡੀ ਗਲਤੀ, ਜਾਣੋ ਇਨ੍ਹਾਂ ਨੂੰ ਖਾਣ ਦਾ ਸਹੀ ਤਰੀਕਾ