Assam, Kerala, Puducherry Election : ਅਸਾਮ, ਕੇਰਲ ਅਤੇ ਪੁਡੂਚੇਰੀ 'ਚ ਕੁੱਲ 296 ਸੀਟਾਂ 'ਤੇ ਵੋਟਿੰਗ ਜਾਰੀ

TMC ਨੇ ਮੰਨੀ ਹਾਰ , ਮਮਤਾ ਬੈਨਰਜੀ ਦੀ ਕਰੀਬੀ MP ਸਾਯੋਨੀ ਘੋਸ਼ ਦੀ ਪਹਿਲੀ ਪ੍ਰਤੀਕਿਰਿਆ, ਕਿਹਾ - ਜ਼ਮੀਨ 'ਤੇ ਬਣੇ ਰਹਾਂਗੇ"

ABP Sanjha — Mon, 4 May 2026 19:36:59 +0530

West Bengal Election 2026 : ਪੱਛਮੀ ਬੰਗਾਲ 'ਚ ਭਾਜਪਾ ਭਾਰੀ ਜਿੱਤ ਵੱਲ ਵਧ ਰਹੀ ਹੈ। ਮੌਜੂਦਾ ਰੁਝਾਨਾਂ ਦੇ ਅਨੁਸਾਰ ਭਾਜਪਾ 198 ਸੀਟਾਂ 'ਤੇ ਅੱਗੇ ਹੈ ਅਤੇ ਟੀਐਮਸੀ ਲਗਭਗ 90 ਸੀਟਾਂ 'ਤੇ ਅੱਗੇ ਹੈ। ਇਸ ਦੌਰਾਨ ਟੀਐਮਸੀ ਸੰਸਦ ਮੈਂਬਰ ਅਤੇ ਮਮਤਾ ਬੈਨਰਜੀ ਦੀ ਕਰੀਬੀ ਸਾਯੋਨੀ ਘੋਸ਼ ਦੇ ਇੱਕ ਬਿਆਨ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਉਨ੍ਹਾਂ ਨੇ ਹਾਰ ਸਵੀਕਾਰ ਕਰ ਲਈ ਹੈ। ਇੰਸਟਾਗ੍ਰਾਮ 'ਤੇ ਪੋਸਟ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ, "ਅਸੀਂ ਜ਼ਮੀਨ 'ਤੇ ਮੌਜੂਦ ਹਾਂ ਅਤੇ ਜ਼ਮੀਨ 'ਤੇ ਹੀ ਬਣੇ ਰਹਾਂਗੇ।"ਟੀਐਮਸੀ ਸੰਸਦ ਮੈਂਬਰ ਨੇ ਲਿਖਿਆ, 'ECI ਦੇ ਅੰਤਿਮ ਅਪਲੋਡ ਦਾ ਇੰਤਜ਼ਾਰ ਹੈ।

TMC MP ਸਯੋਨੀ ਘੋਸ਼ ਦੀ ਪਹਿਲੀ ਪ੍ਰਤੀਕਿਰਿਆ

ਇਸ ਪੂਰੇ ਚੋਣ ਮੁਹਿੰਮ ਦੌਰਾਨ ਟੀਐੱਮਸੀ ਸੰਸਦ ਮੈਂਬਰ ਸਯੋਨੀ ਘੋਸ਼ ਮਮਤਾ ਬੈਨਰਜੀ ਤੋਂ ਬਾਅਦ ਵੱਡਾ ਚੇਹਰਾ ਸੀ। ਉਸਨੇ ਖੁੱਲ੍ਹ ਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ 'ਤੇ ਹਮਲਾਵਰ ਸੀ। ਦੋਵਾਂ ਨੇਤਾਵਾਂ ਨੂੰ ਬਾਹਰੀ ਕਹਿ ਰਹੀ ਸੀ। ਕੋਲਕਾਤਾ ਵਿੱਚ ਵੋਟ ਪਾਉਣ ਤੋਂ ਬਾਅਦ ਉਸਨੇ ਕਿਹਾ ਸੀ ਕਿ ਮਮਤਾ ਬੈਨਰਜੀ ਬੰਗਾਲ ਦੇ ਲੋਕਾਂ ਦੇ ਨਾਲ ਹੈ ਅਤੇ ਲੋਕ ਵੀ ਮਮਤਾ ਦੀਦੀ ਦੇ ਕਦਮ ਨਾਲ ਕਦਮ ਮਿਲਾ ਕੇ ਚੱਲ ਰਹੇ ਹਨ। ਉਨ੍ਹਾਂ ਕਿਹਾ ਸੀ ਕਿ ਭਾਜਪਾ ਦੇ ਹੱਥੋਂ ਜ਼ਮੀਨ ਖਿਸਕ ਰਹੀ ਹੈ ਅਤੇ ਮਮਤਾ ਬੈਨਰਜੀ ਲੜੇਗੀ ਅਤੇ ਜਿੱਤੇਗੀ।

ਹਾਲਾਂਕਿ, ਸਯੋਨੀ ਘੋਸ਼ ਦੀ ਭਵਿੱਖਬਾਣੀ ਗਲਤ ਸਾਬਤ ਹੋਈ ਅਤੇ ਭਾਜਪਾ ਲਗਭਗ 200 ਸੀਟਾਂ 'ਤੇ ਅੱਗੇ ਹੈ। ਇਹ ਅੰਕੜਾ ਮਮਤਾ ਬੈਨਰਜੀ ਅਤੇ ਉਨ੍ਹਾਂ ਦੀ ਪਾਰਟੀ ਟੀਐਮਸੀ ਲਈ ਚਿੰਤਾ ਦਾ ਕਾਰਨ ਹੈ। ਸਭ ਤੋਂ ਵੱਧ ਚਰਚਾ ਵਾਲਾ ਵਿਸ਼ਾ ਇਹ ਹੈ ਕਿ ਮੁਸਲਿਮ ਵੋਟ, ਜਿਸਨੂੰ ਟੀਐਮਸੀ ਆਪਣਾ ਮਜ਼ਬੂਤ ਅਧਾਰ ਮੰਨਦੀ ਸੀ, ਹੁਣ ਟੁੱਟਣ ਦੇ ਸੰਕੇਤ ਦਿਖਾ ਰਹੀ ਹੈ। ਭਾਜਪਾ ਕਈ ਮੁਸਲਿਮ ਬਹੁਲਤਾ ਵਾਲੇ ਖੇਤਰਾਂ ਵਿੱਚ ਅੱਗੇ ਹੈ।

ਮਮਤਾ ਬੈਨਰਜੀ ਦੀ ਪਾਰਟੀ ਨੂੰ ਕਿੱਥੇ ਨੁਕਸਾਨ ਹੋਇਆ?

ਇਸ ਦੇ ਪਿੱਛੇ ਕਈ ਕਾਰਨ ਹੋ ਸਕਦੇ ਹਨ। ਟੀਐਮਸੀ ਨੂੰ ਪਹਿਲਾਂ ਹੀ ਡਰ ਸੀ ਕਿ ਐਸਆਈਆਰ ਕਾਰਨ ਮੁਸਲਿਮ ਵੋਟਾਂ ਵਿੱਚ ਕਮੀ ਆਉਣ ਨਾਲ ਨੁਕਸਾਨ ਹੋ ਸਕਦਾ ਹੈ। ਇਸ ਦੇ ਨਾਲ ਹੀ ਇਸ ਚੋਣ ਵਿੱਚ ਹਿੰਦੂ ਵੋਟਰਾਂ ਦੀ ਵੱਡੀ ਭਾਗੀਦਾਰੀ ਵੀ ਭਾਜਪਾ ਦੇ ਪੱਖ ਵਿੱਚ ਜਾਪਦੀ ਹੈ। ਕੁਝ ਸੀਟਾਂ 'ਤੇ ਕਾਂਗਰਸ ਦੀ ਮੌਜੂਦਗੀ ਨੇ ਟੀਐਮਸੀ ਦੇ ਵੋਟ ਬੈਂਕ ਨੂੰ ਵੀ ਪ੍ਰਭਾਵਿਤ ਕੀਤਾ ਹੈ।

ਪੱਛਮੀ ਬੰਗਾਲ ਚੋਣਾਂ ਵਿੱਚ ਭਾਰਤੀ ਜਨਤਾ ਪਾਰਟੀ (ਬੀਜੇਪੀ) ਦੀ ਲੀਡ ਤੋਂ ਬਾਅਦ ਵਰਕਰਾਂ ਵਿੱਚ ਬਹੁਤ ਉਤਸ਼ਾਹ ਹੈ। ਭਾਜਪਾ ਵਰਕਰ ਰਾਜ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਜਸ਼ਨ ਮਨਾ ਰਹੇ ਹਨ। ਕੋਲਕਾਤਾ ਵਿੱਚ ਭਾਜਪਾ ਦਫ਼ਤਰ ਦੇ ਬਾਹਰ "ਕਮਲਾ ਭੋਗ" ਅਤੇ "ਝਲ ਮੂੜੀ" ਵਰਗੀਆਂ ਮਿਠਾਈਆਂ ਵੰਡੀਆਂ ਗਈਆਂ। ਭਾਜਪਾ ਵਰਕਰਾਂ ਨੇ "ਜੈ ਸ਼੍ਰੀ ਰਾਮ" ਦੇ ਨਾਅਰੇ ਲਗਾਏ।

Election Results 2026 : ਬੰਗਾਲ ਅਤੇ ਅਸਾਮ 'ਚ ਭਾਜਪਾ ਦੀ ਸ਼ਾਨਦਾਰ ਜਿੱਤ, ਥੋੜੀ ਦੇਰ 'ਚ ਭਾਜਪਾ ਹੈੱਡਕੁਆਰਟਰ ਪਹੁੰਚਣਗੇ PM ਮੋਦੀ

ABP Sanjha — Mon, 4 May 2026 19:16:41 +0530

Election Results 2026 : ਪੱਛਮੀ ਬੰਗਾਲ ਸਮੇਤ ਪੰਜ ਰਾਜਾਂ ਵਿੱਚ ਵਿਧਾਨ ਸਭਾ ਚੋਣ ਨਤੀਜਿਆਂ ਦੀ ਤਸਵੀਰ ਹੁਣ ਸਾਫ਼ ਹੋ ਗਈ ਹੈ। ਜਿੱਥੇ ਭਾਜਪਾ ਨੇ ਬੰਗਾਲ ਵਿੱਚ ਪਹਿਲੀ ਵਾਰ ਭਾਰੀ ਜਿੱਤ ਪ੍ਰਾਪਤ ਕੀਤੀ, ਉੱਥੇ ਹੀ ਅਸਾਮ ਵਿੱਚ ਪਾਰਟੀ ਨੇ ਸੱਤਾ 'ਚ ਵਾਪਸੀ ਕੀਤੀ। ਜਿਨ੍ਹਾਂ ਰਾਜਾਂ ਵਿੱਚ ਚੋਣ ਨਤੀਜੇ ਐਲਾਨੇ ਜਾਣਗੇ ,ਉਨ੍ਹਾਂ ਵਿੱਚ ਤਾਮਿਲਨਾਡੂ, ਕੇਰਲ, ਅਸਾਮ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ ਪੁਡੂਚੇਰੀ ਸ਼ਾਮਲ ਹਨ।

ਪੱਛਮੀ ਬੰਗਾਲ ਵਿਧਾਨ ਸਭਾ ਚੋਣ ਨਤੀਜੇ

ਪੱਛਮੀ ਬੰਗਾਲ ਵਿੱਚ 294 ਵਿਧਾਨ ਸਭਾ ਸੀਟਾਂ ਹਨ, ਜਿਨ੍ਹਾਂ ਵਿੱਚੋਂ ਇਸ ਸਮੇਂ 293 ਲਈ ਵੋਟਾਂ ਦੀ ਗਿਣਤੀ ਕੀਤੀ ਹੋ ਰਹੀ ਹੈ। ਵੋਟਿੰਗ ਦੋ ਪੜਾਵਾਂ ਵਿੱਚ ਹੋਈ ਸੀ। ਪਹਿਲੇ ਪੜਾਅ 'ਚ 23 ਅਪ੍ਰੈਲ ਨੂੰ 152 ਸੀਟਾਂ 'ਤੇ ਵੋਟਿੰਗ ਹੋਈ ਸੀ, ਜਦੋਂ ਕਿ ਦੂਜੇ ਪੜਾਅ 'ਚ 29 ਅਪ੍ਰੈਲ ਨੂੰ 142 ਸੀਟਾਂ 'ਤੇ ਵੋਟਿੰਗ ਹੋਈ ਸੀ। ਇਥੇ ਮਮਤਾ ਬੈਨਰਜੀ ਲਗਾਤਾਰ ਚੌਥੀ ਵਾਰ ਸੱਤਾ ਵਿੱਚ ਆਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ, ਜਦੋਂ ਕਿ ਭਾਜਪਾ ਇਸ ਵਾਰ ਸੱਤਾ 'ਚ ਆਉਣ ਦੀ ਲੜਾਈ ਲੜ ਰਹੀ ਹੈ। ਇਸ ਚੋਣ ਵਿੱਚ ਲਗਭਗ 92 ਪ੍ਰਤੀਸ਼ਤ ਵੋਟਰਾਂ ਨੇ ਵੋਟਿੰਗ ਕੀਤੀ। ਧਿਆਨ ਭਵਾਨੀਪੁਰ ਸੀਟ 'ਤੇ ਹੈ, ਜਿੱਥੋਂ ਮਮਤਾ ਬੈਨਰਜੀ ਖੁਦ ਚੋਣ ਲੜ ਰਹੀ ਹੈ ਅਤੇ ਉਨ੍ਹਾਂ ਨੂੰ ਭਾਜਪਾ ਦੇ ਸੁਵੇਂਦੂ ਅਧਿਕਾਰੀ ਟੱਕਰ ਦੇ ਰਹੇ ਹਨ।

ਅਸਾਮ ਵਿਧਾਨ ਸਭਾ ਚੋਣ ਨਤੀਜੇ

ਅਸਾਮ ਦੀਆਂ ਸਾਰੀਆਂ 126 ਵਿਧਾਨ ਸਭਾ ਸੀਟਾਂ ਲਈ 9 ਅਪ੍ਰੈਲ ਨੂੰ ਵੋਟਿੰਗ ਹੋਈ ਸੀ। ਜਿਥੇ ਹਿਮੰਤ ਬਿਸਵਾ ਸਰਮਾ ਦੀ ਅਗਵਾਈ ਵਾਲੀ ਭਾਜਪਾ ਲਗਾਤਾਰ ਤੀਜੀ ਵਾਰ ਸੱਤਾ ਵਿੱਚ ਆਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਗੌਰਵ ਗੋਗੋਈ ਦੀ ਅਗਵਾਈ ਵਾਲੀ ਕਾਂਗਰਸ ਨੇ ਚੋਣਾਂ ਲੜੀਆਂ ਸਨ। ਇਸ ਵਾਰ ਰਾਜ ਵਿੱਚ 85 ਪ੍ਰਤੀਸ਼ਤ ਤੋਂ ਵੱਧ ਵੋਟਿੰਗ ਦਰਜ ਹੋਈ ਸੀ।

ਤਾਮਿਲਨਾਡੂ ਵਿਧਾਨ ਸਭਾ ਚੋਣ ਨਤੀਜੇ

ਤਾਮਿਲਨਾਡੂ ਦੀਆਂ 234 ਵਿਧਾਨ ਸਭਾ ਸੀਟਾਂ ਲਈ ਵੋਟਿੰਗ 23 ਅਪ੍ਰੈਲ ਨੂੰ ਇੱਕ ਹੀ ਪੜਾਅ ਵਿੱਚ ਹੋਈ ਸੀ। ਪਿਛਲੇ ਵੋਟਿੰਗ ਰਿਕਾਰਡ ਤੋੜਦੇ ਹੋਏ ਜਨਤਾ ਨੇ 85 ਪ੍ਰਤੀਸ਼ਤ ਤੋਂ ਵੱਧ ਵੋਟਿੰਗ ਕੀਤੀ ਸੀ। ਮੁੱਖ ਮੰਤਰੀ ਸਟਾਲਿਨ ਦੀ ਅਗਵਾਈ ਵਾਲਾ ਡੀਐਮਕੇ ਗਠਜੋੜ ਸੱਤਾ ਵਿੱਚ ਤੀਜੀ ਵਾਰ ਸੱਤਾ ਵਿੱਚ ਆਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ, ਜਦੋਂ ਕਿ ਏਆਈਏਡੀਐਮਕੇ ਸੱਤਾ ਲਈ ਲੜ ਰਿਹਾ ਹੈ। ਭਾਜਪਾ ਦਾ ਏਆਈਏਡੀਐਮਕੇ ਨਾਲ ਗੱਠਜੋੜ ਹੈ, ਜਦੋਂ ਕਿ ਕਾਂਗਰਸ ਡੀਐਮਕੇ ਨਾਲ ਹੈ। ਹਾਲਾਂਕਿ, ਇਸ ਵਾਰ ਅਦਾਕਾਰ ਵਿਜੇ ਦੀ ਪਾਰਟੀ ਟੀਵੀਕੇ ਦੇ ਆਉਣ ਨਾਲ ਮੁਕਾਬਲਾ ਤਿਕੋਣਾ ਹੋ ਸਕਦਾ ਹੈ।

ਕੇਰਲ ਵਿਧਾਨ ਸਭਾ ਚੋਣ ਨਤੀਜੇ

ਕੇਰਲ ਦੀਆਂ 140 ਵਿਧਾਨ ਸਭਾ ਸੀਟਾਂ ਲਈ ਵੋਟਿੰਗ 9 ਅਪ੍ਰੈਲ ਨੂੰ ਹੋਈ ਸੀ। ਇਸ ਵਾਰ 78.27 ਪ੍ਰਤੀਸ਼ਤ ਵੋਟਿੰਗ ਹੋਈ ਸੀ। ਜਿੱਥੇ ਪਿਨਾਰਾਈ ਵਿਜਯਨ ਲਗਾਤਾਰ ਤੀਜੀ ਵਾਰ ਸੱਤਾ 'ਚ ਆਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ, ਕਾਂਗਰਸ ਦੀ ਅਗਵਾਈ ਵਾਲਾ ਯੂਡੀਐਫ ਗੱਠਜੋੜ ਸਰਕਾਰ ਬਣਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਕੇਂਦਰ ਸ਼ਾਸਤ ਪ੍ਰਦੇਸ਼ ਪੁਡੂਚੇਰੀ ਦੀਆਂ 30 ਸੀਟਾਂ ਲਈ ਵੋਟਿੰਗ ਵੀ 9 ਅਪ੍ਰੈਲ ਨੂੰ ਹੋਈ ਸੀ। ਕੇਂਦਰ ਸ਼ਾਸਤ ਪ੍ਰਦੇਸ਼ ਵਿੱਚ ਵੋਟਿੰਗ 89.97 ਪ੍ਰਤੀਸ਼ਤ ਹੋਈ ਸੀ।

West Bengal Election 2026 : ਪੱਛਮੀ ਬੰਗਾਲ ਦੇ 15 ਪੋਲਿੰਗ ਬੂਥਾਂ 'ਤੇ ਭਲਕੇ ਮੁੜ ਹੋਵੇਗੀ ਵੋਟਿੰਗ, ਚੋਣ ਕਮਿਸ਼ਨ ਦਾ ਵੱਡਾ ਫੈਸਲਾ

ABP Sanjha — Fri, 1 May 2026 18:35:16 +0530

West Bengal Election 2026 Voting : ਭਾਰਤੀ ਚੋਣ ਕਮਿਸ਼ਨ (ECI) ਨੇ ਪੱਛਮੀ ਬੰਗਾਲ ਦੇ ਦੋ ਮੁੱਖ ਵਿਧਾਨ ਸਭਾ ਹਲਕਿਆਂ ਦੇ 15 ਪੋਲਿੰਗ ਸਟੇਸ਼ਨਾਂ 'ਤੇ 2 ਮਈ ਨੂੰ ਦੁਬਾਰਾ ਵੋਟਿੰਗ ਕਰਨ ਦਾ ਫੈਸਲਾ ਕੀਤਾ ਹੈ। ਇਹ ਫੈਸਲਾ ਜ਼ਿਲ੍ਹਾ ਪੱਧਰ 'ਤੇ ਪੋਲਿੰਗ ਸਟੇਸ਼ਨ-ਵਾਰ ਰਿਪੋਰਟਾਂ ਅਤੇ ਸ਼ਿਕਾਇਤਾਂ ਦੀ ਜਾਂਚ ਕਰਨ ਤੋਂ ਬਾਅਦ ਲਿਆ ਗਿਆ। ਸਾਰੇ ਬੂਥ ਦੱਖਣੀ 24 ਪਰਗਨਾ ਜ਼ਿਲ੍ਹੇ ਦੇ ਅਧੀਨ ਆਉਂਦੇ ਹਨ।

ਦੱਖਣੀ 24 ਪਰਗਨਾ ਜ਼ਿਲ੍ਹੇ ਦੇ ਮਗ੍ਰਹਾਟ ਪੱਛਮੀ ਵਿਧਾਨ ਸਭਾ ਹਲਕੇ ਦੇ 11 ਬੂਥਾਂ 'ਤੇ ਦੁਬਾਰਾ ਵੋਟਿੰਗ ਹੋਵੇਗੀ। ਇਸ ਤੋਂ ਇਲਾਵਾ ਵਿਆਪਕ ਸ਼ਿਕਾਇਤਾਂ ਤੋਂ ਬਾਅਦ ਡਾਇਮੰਡ ਹਾਰਬਰ ਵਿਧਾਨ ਸਭਾ ਹਲਕੇ ਦੇ ਚਾਰ ਬੂਥਾਂ 'ਤੇ ਦੁਬਾਰਾ ਵੋਟਿੰਗ ਹੋਵੇਗੀ। ਚੋਣ ਕਮਿਸ਼ਨ ਨੇ ਕਿਹਾ ਕਿ ਇਹ ਫੈਸਲਾ ਵੋਟਿੰਗ ਅਤੇ ਜਾਂਚ ਦੌਰਾਨ ਪ੍ਰਾਪਤ ਹੋਈਆਂ ਧਾਂਦਲੀ ਦੀਆਂ ਸ਼ਿਕਾਇਤਾਂ ਦੇ ਆਧਾਰ 'ਤੇ ਲਿਆ ਗਿਆ ਹੈ, ਜਿਸ ਨਾਲ ਚੋਣਾਂ ਦੀ ਨਿਰਪੱਖਤਾ ਨੂੰ ਯਕੀਨੀ ਬਣਾਇਆ ਜਾ ਸਕੇ।

ਚੋਣ ਕਮਿਸ਼ਨ ਨੇ ਇਹ ਫੈਸਲਾ ਮਗ੍ਰਹਾਟ ਵੈਸਟ ਅਤੇ ਡਾਇਮੰਡ ਹਾਰਬਰ ਵਿਧਾਨ ਸਭਾ ਹਲਕਿਆਂ ਲਈ ਰਿਟਰਨਿੰਗ ਅਫਸਰਾਂ ਅਤੇ ਆਬਜ਼ਰਵਰਾਂ ਦੀਆਂ ਰਿਪੋਰਟਾਂ ਦੇ ਆਧਾਰ 'ਤੇ ਲਿਆ ਹੈ। ਚੋਣ ਕਮਿਸ਼ਨ ਨੇ 29 ਅਪ੍ਰੈਲ 2026 ਨੂੰ ਇਨ੍ਹਾਂ ਬੂਥਾਂ 'ਤੇ ਹੋਈ ਵੋਟਿੰਗ ਨੂੰ ਲੋਕ ਪ੍ਰਤੀਨਿਧਤਾ ਐਕਟ, 1951 ਦੀ ਧਾਰਾ 58(2) ਦੇ ਤਹਿਤ ਰੱਦ ਘੋਸ਼ਿਤ ਕਰ ਦਿੱਤਾ ਹੈ। ਕਮਿਸ਼ਨ ਦੇ ਅਨੁਸਾਰ 2 ਮਈ 2026 ਨੂੰ ਸਵੇਰੇ 7:00 ਵਜੇ ਤੋਂ ਸ਼ਾਮ 6:00 ਵਜੇ ਤੱਕ ਸਬੰਧਤ ਪੋਲਿੰਗ ਸਟੇਸ਼ਨਾਂ 'ਤੇ ਨਵੀਂ ਚੋਣ ਕਰਵਾਈ ਜਾਵੇਗੀ।

ਪੱਛਮੀ ਬੰਗਾਲ ਦੇ ਮੁੱਖ ਚੋਣ ਅਧਿਕਾਰੀ ਨੂੰ ਲਿਖੇ ਪੱਤਰ ਵਿੱਚ ਕਿਹਾ ਗਿਆ ਹੈ, "ਮੈਨੂੰ ਇਹ ਦੱਸਣ ਦਾ ਨਿਰਦੇਸ਼ ਦਿੱਤਾ ਗਿਆ ਹੈ ਕਿ ਪੱਛਮੀ ਬੰਗਾਲ ਵਿਧਾਨ ਸਭਾ 2026 ਦੀਆਂ ਆਮ ਚੋਣਾਂ ਲਈ 29 ਅਪ੍ਰੈਲ ਨੂੰ ਹੋਈ ਵੋਟਿੰਗ ਸੰਬੰਧੀ 142-ਮਗ੍ਰਹਾਟ ਵੈਸਟ ਏਸੀ ਅਤੇ 143-ਡਾਇਮੰਡ ਹਾਰਬਰ ਏਸੀ ਦੇ ਸਬੰਧਤ ਰਿਟਰਨਿੰਗ ਅਧਿਕਾਰੀਆਂ ਅਤੇ ਆਬਜ਼ਰਵਰਾਂ ਤੋਂ ਪ੍ਰਾਪਤ ਰਿਪੋਰਟਾਂ ਦੇ ਆਧਾਰ 'ਤੇ ਕਮਿਸ਼ਨ, ਲੋਕ ਪ੍ਰਤੀਨਿਧਤਾ ਐਕਟ, 1951 ਦੀ ਧਾਰਾ 58 ਦੀ ਉਪ-ਧਾਰਾ (2) ਦੇ ਤਹਿਤ, ਇਸ ਦੁਆਰਾ ਐਲਾਨ ਕਰਦਾ ਹੈ ਕਿ ਉਪਰੋਕਤ ਚੋਣ ਲਈ 29 ਅਪ੍ਰੈਲ ਨੂੰ ਚੁਣੇ ਗਏ ਪੋਲਿੰਗ ਸਟੇਸ਼ਨਾਂ 'ਤੇ ਹੋਈ ਵੋਟਿੰਗ ਅਵੈਧ ਹੈ।"

ਫਾਲਟਾ ਵਿਧਾਨ ਸਭਾ ਹਲਕੇ ਵਿੱਚ ਚੱਲ ਰਹੀ ਜਾਂਚ

15 ਬੂਥਾਂ 'ਤੇ ਮੁੜ ਵੋਟਿੰਗ ਦੇ ਐਲਾਨ ਦੇ ਨਾਲ ਚੋਣ ਕਮਿਸ਼ਨ ਹੋਰ ਹਲਕਿਆਂ 'ਤੇ ਵੀ ਧਿਆਨ ਕੇਂਦਰਿਤ ਕਰ ਰਿਹਾ ਹੈ। ਚੋਣ ਕਮਿਸ਼ਨ ਨੇ ਕਿਹਾ ਕਿ ਉਹ ਅਜੇ ਵੀ 144-ਫਾਲਟਾ ਵਿਧਾਨ ਸਭਾ ਹਲਕੇ ਨਾਲ ਸਬੰਧਤ ਸ਼ਿਕਾਇਤਾਂ 'ਤੇ ਰਿਪੋਰਟ ਦੀ ਉਡੀਕ ਕਰ ਰਿਹਾ ਹੈ। ਫਾਲਟਾ ਤੋਂ ਰਿਪੋਰਟ ਸਪੱਸ਼ਟ ਕਰੇਗੀ ਕਿ ਕੀ ਕਿਸੇ ਹੋਰ ਬੂਥਾਂ 'ਤੇ ਮੁੜ ਵੋਟਿੰਗ ਦੀ ਲੋੜ ਹੈ। ਚੋਣ ਕਮਿਸ਼ਨ ਦੀਆਂ ਟੀਮਾਂ ਜ਼ਿਲ੍ਹਿਆਂ ਤੋਂ ਆਈਆਂ ਸ਼ਿਕਾਇਤਾਂ ਅਤੇ ਪੋਲਿੰਗ ਸਟੇਸ਼ਨਾਂ ਤੋਂ ਆਈਆਂ ਰਿਪੋਰਟਾਂ ਦੀ ਲਗਾਤਾਰ ਸਮੀਖਿਆ ਕਰ ਰਹੀਆਂ ਹਨ।

ਫਾਲਟਾ ਵਿਧਾਨ ਸਭਾ ਹਲਕੇ ਦੀਆਂ ਤੀਹ ਹੋਰ ਸੀਟਾਂ 'ਤੇ ਦੁਬਾਰਾ ਵੋਟਿੰਗ ਹੋ ਸਕਦੀ ਹੈ। ਭਾਜਪਾ ਨੇ ਆਰੋਪ ਲਗਾਇਆ ਹੈ ਕਿ ਉਨ੍ਹਾਂ ਦੇ ਚੋਣ ਚਿੰਨ੍ਹਾਂ 'ਤੇ ਈਵੀਐਮ ਬਟਨਾਂ ਨੂੰ ਲੇਬਲ ਅਤੇ ਟੇਪ ਕੀਤਾ ਗਿਆ ਸੀ।

Exit Poll 2026 : ਆ ਗਿਆ Chanakya ਐਗਜ਼ਿਟ ਪੋਲ, ਜਾਣੋ ਬੰਗਾਲ 'ਚ ਕਿਸਦੀ ਬਣ ਰਹੀ ਹੈ ਸਰਕਾਰ

ABP Sanjha — Thu, 30 Apr 2026 20:24:53 +0530

West Bengal Exit Poll 2026 : ਪੱਛਮੀ ਬੰਗਾਲ ਵਿੱਚ ਰਿਕਾਰਡ ਵੋਟਿੰਗ ਤੋਂ ਬਾਅਦ ਰਾਜਨੀਤਿਕ ਪਾਰਟੀਆਂ ਹੁਣ 4 ਤਰੀਕ ਨੂੰ ਨਤੀਜਿਆਂ ਦੀ ਉਡੀਕ ਕਰ ਰਹੀਆਂ ਹਨ। ਦੋ ਪੜਾਵਾਂ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਕੁੱਲ 92.47 ਪ੍ਰਤੀਸ਼ਤ ਵੋਟਿੰਗ ਦਰਜ ਕੀਤੀ ਗਈ। ਪਹਿਲੇ ਪੜਾਅ ਵਿੱਚ 93.13 ਪ੍ਰਤੀਸ਼ਤ ਅਤੇ ਦੂਜੇ ਵਿੱਚ 91.66 ਪ੍ਰਤੀਸ਼ਤ ਵੋਟਰ ਮਤਦਾਨ ਹੋਇਆ। ਇਸ ਦੌਰਾਨ ਟੂਡੇਜ਼ ਚਾਣਕਿਆ ਐਗਜ਼ਿਟ ਪੋਲ ਵਿੱਚ ਭਾਜਪਾ ਨੂੰ 192 ਸੀਟਾਂ, ਟੀਐਮਸੀ ਨੂੰ 100 ਸੀਟਾਂ ਅਤੇ ਹੋਰਾਂ ਨੂੰ 2 ਸੀਟਾਂ ਮਿਲਣ ਦਾ ਅਨੁਮਾਨ ਹੈ।

ਬੰਗਲਾ 'ਚ ਭਾਜਪਾ ਨੂੰ ਭਾਰੀ ਬਹੁਮਤ ਮਿਲੇਗਾ : ਟੂਡੇਜ਼ ਚਾਣਕਿਆ

ਟੂਡੇਜ਼ ਚਾਣਕਿਆ ਐਗਜ਼ਿਟ ਪੋਲ ਵਿੱਚ ਪੱਛਮੀ ਬੰਗਾਲ ਵਿੱਚ ਭਾਜਪਾ ਨੂੰ ਭਾਰੀ ਬਹੁਮਤ ਮਿਲਣ ਦਾ ਅਨੁਮਾਨ ਹੈ। ਵੋਟ ਸ਼ੇਅਰ ਦੇ ਮਾਮਲੇ ਵਿੱਚ ਭਾਜਪਾ ਨੂੰ 48 ਪ੍ਰਤੀਸ਼ਤ, ਟੀਐਮਸੀ ਨੂੰ 38 ਪ੍ਰਤੀਸ਼ਤ ਅਤੇ ਹੋਰਾਂ ਨੂੰ 14 ਪ੍ਰਤੀਸ਼ਤ ਮਿਲਣ ਦੀ ਉਮੀਦ ਹੈ। ਸਰਵੇਖਣ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਭਾਜਪਾ ਨੂੰ ਦਲਿਤ ਅਤੇ ਓਬੀਸੀ ਵੋਟਰਾਂ ਦਾ ਭਾਰੀ ਸਮਰਥਨ ਮਿਲਿਆ ਹੈ।

ਇਹ ਚੋਣ ਹੁਣ ਸਿਰਫ਼ ਇਸ ਗੱਲ ਤੱਕ ਸੀਮਤ ਨਹੀਂ ਹੈ ਕਿ ਰਾਜ ਸਕੱਤਰੇਤ ਤੱਕ ਕੌਣ ਪਹੁੰਚੇਗਾ ,ਸਗੋਂ, ਇਸ ਗੱਲ 'ਤੇ ਜਨਮਤ ਸੰਗ੍ਰਹਿ ਬਣ ਗਿਆ ਹੈ ਕਿ ਮੁੱਖ ਮੰਤਰੀ ਮਮਤਾ ਬੈਨਰਜੀ 15 ਸਾਲਾਂ ਦੇ ਸ਼ਾਸਨ ਤੋਂ ਬਾਅਦ ਵੀ ਬੰਗਾਲ ਵਿੱਚ ਕੇਂਦਰੀ ਰਾਜਨੀਤਿਕ ਸ਼ਕਤੀ ਬਣੀ ਰਹਿੰਦੀ ਹੈ ਜਾਂ ਨਹੀਂ। ਬੰਗਾਲ ਵਿੱਚ ਇਸ ਚੋਣ ਵਿੱਚ ਆਜ਼ਾਦੀ ਤੋਂ ਬਾਅਦ ਸਭ ਤੋਂ ਵੱਧ ਵੋਟਰ ਵੋਟਿੰਗ ਹੋਈ ਹੈ।

ਮਮਤਾ ਬੈਨਰਜੀ ਲਈ ਕਿਉਂ ਜ਼ਰੂਰੀ ਹੈ ਇਹ ਚੋਣ ?

ਮਮਤਾ ਬੈਨਰਜੀ ਲਈ ਇਸ ਚੋਣ ਨੂੰ ਉਨ੍ਹਾਂ ਦੇ ਰਾਜਨੀਤਿਕ ਕਰੀਅਰ ਵਿੱਚ ਇੱਕ ਨਿਰਣਾਇਕ ਲੜਾਈ ਮੰਨਿਆ ਜਾਂਦਾ ਹੈ। ਲਗਾਤਾਰ ਤਿੰਨ ਕਾਰਜਕਾਲ ਅਤੇ ਡੇਢ ਦਹਾਕੇ ਦੀ ਸੱਤਾ ਤੋਂ ਬਾਅਦ ਉਹ ਨਾ ਸਿਰਫ਼ ਸੱਤਾ ਬਰਕਰਾਰ ਰੱਖਣ ਲਈ, ਸਗੋਂ ਆਪਣੇ ਸਥਾਪਿਤ ਰਾਜਨੀਤਿਕ ਢਾਂਚੇ ਦੀ ਰੱਖਿਆ ਲਈ ਵੀ ਸੰਘਰਸ਼ ਕਰ ਰਹੀ ਹੈ। ਦੂਜੇ ਪਾਸੇ ਬੰਗਾਲ ਭਾਜਪਾ ਲਈ ਇੱਕ ਅਧੂਰਾ ਰਾਜਨੀਤਿਕ ਟੀਚਾ ਬਣਿਆ ਹੋਇਆ ਹੈ। ਪਾਰਟੀ ਦਾ ਮੰਨਣਾ ਹੈ ਕਿ ਰਾਜ ਵਿੱਚ ਸੱਤਾ ਹਾਸਲ ਕਰਕੇ ਇਹ ਆਪਣੀ "ਆਖਰੀ ਵਿਚਾਰਧਾਰਕ ਮੋਰਚੇ" ਨੂੰ ਪਾਰ ਕਰ ਸਕਦੀ ਹੈ। ਪਾਰਟੀ ਦਾ ਵੋਟ ਸ਼ੇਅਰ 2011 ਵਿੱਚ ਲਗਭਗ ਚਾਰ ਪ੍ਰਤੀਸ਼ਤ ਤੋਂ ਵਧ ਕੇ 2019 ਵਿੱਚ ਲਗਭਗ 40 ਪ੍ਰਤੀਸ਼ਤ ਹੋ ਗਿਆ ਅਤੇ 2021 ਵਿੱਚ ਇਸਨੇ 77 ਸੀਟਾਂ ਜਿੱਤੀਆਂ, ਜਿਸ ਨਾਲ ਇਹ ਤ੍ਰਿਣਮੂਲ ਕਾਂਗਰਸ ਲਈ ਮੁੱਖ ਚੁਣੌਤੀ ਬਣ ਗਈ।

ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਆਰੋਪ ਲਗਾਇਆ ਕਿ ਐਗਜ਼ਿਟ ਪੋਲ ਦੀਆਂ ਭਵਿੱਖਬਾਣੀਆਂ ਭਾਜਪਾ ਦੇ ਇਸ਼ਾਰੇ 'ਤੇ ਟੀਐਮਸੀ ਵਰਕਰਾਂ ਦਾ ਮਨੋਬਲ ਡੇਗਣ ਲਈ ਪ੍ਰਸਾਰਿਤ ਕੀਤੀਆਂ ਜਾ ਰਹੀਆਂ ਹਨ। ਉਨ੍ਹਾਂ ਵਿਸ਼ਵਾਸ ਪ੍ਰਗਟ ਕੀਤਾ ਕਿ ਸੱਤਾਧਾਰੀ ਪਾਰਟੀ ਰਾਜ ਚੋਣਾਂ ਵਿੱਚ 294 ਵਿਧਾਨ ਸਭਾ ਸੀਟਾਂ ਵਿੱਚੋਂ 226 ਤੋਂ ਵੱਧ ਜਿੱਤੇਗੀ।

Assam Exit Poll 2026 : ਅਸਾਮ 'ਚ ਫਿਰ ਖਿੜ ਸਕਦਾ 'ਕਮਲ' ,ਜਾਣੋ NDA ਨੂੰ ਕਿੰਨੀਆਂ ਸੀਟਾਂ ਮਿਲ ਸਕਦੀਆਂ ਹਨ ?

ABP Sanjha — Wed, 29 Apr 2026 20:23:11 +0530

Assam Exit Poll 2026 : ਅਸਾਮ ਵਿਧਾਨ ਸਭਾ ਚੋਣਾਂ ਕਿਹੜੀ ਪਾਰਟੀ ਜਿੱਤੇਗੀ? ਕੀ ਮੁੱਖ ਮੰਤਰੀ ਹਿਮੰਤ ਬਿਸਵਾ ਸਰਮਾ ਤੀਜੀ ਵਾਰ ਮੁੱਖ ਮੰਤਰੀ ਬਣਨਗੇ ਜਾਂ ਕੀ ਸੱਤਾ ਵਿੱਚ ਤਬਦੀਲੀ ਹੋਵੇਗੀ? ਐਗਜ਼ਿਟ ਪੋਲ ਦੇ ਨਤੀਜਿਆਂ ਨੇ ਰਾਜ ਵਿੱਚ ਸਿਆਸੀ ਹਲਚਲ ਵਧਾ ਦਿੱਤੀ ਹੈ। ਮੈਟਰਾਈਜ਼ (Matrize) ਐਗਜ਼ਿਟ ਪੋਲ ਦੇ ਅਨੁਸਾਰ ਅਸਾਮ 'ਚ ਮੁੱਖ ਮੰਤਰੀ ਹਿਮੰਤ ਬਿਸਵਾ ਸਰਮਾ ਦੀ ਅਗਵਾਈ ਬੀਜੇਪੀ ਗਠਜੋੜ ਦੀ ਸੱਤਾ ਬਰਕਰਾਰ ਰਹਿੰਦੀ ਦਿਖਾਈ ਦੇ ਰਹੀ ਹੈ। ਐਗਜ਼ਿਟ ਪੋਲ ਵਿੱਚ NDA ਗਠਜੋੜ ਬਹੁਮਤ ਦੇ ਜਾਦੂਈ ਅੰਕੜੇ ਨੂੰ ਆਸਾਨੀ ਨਾਲ ਪਾਰ ਕਰਦਾ ਦਿੱਖ ਰਿਹਾ ਹੈ।

ਮੈਟਰਾਈਜ਼ ਦੇ ਅਨੁਸਾਰ ਰਾਜ ਵਿੱਚ ਭਾਜਪਾ ਅਤੇ ਕਾਂਗਰਸ ਗਠਜੋੜ ਵਿਚਕਾਰ ਕੜੀ ਟੱਕਰ ਹੈ, ਪਰ NDA ਸੱਤਾ ਬਚਾਉਣ 'ਚ ਕਾਮਯਾਬ ਹੁੰਦਾ ਦਿੱਖ ਰਿਹਾ ਹੈ। ਇਸ ਵਾਰ ਕਾਂਗਰਸ ਗਠਜੋੜ ਦੀਆਂ ਸੀਟਾਂ ਹੋਰ ਘੱਟ ਸਕਦੀਆਂ ਹਨ।

ਮੈਟਰਾਈਜ਼ (Matrize) ਐਗਜ਼ਿਟ ਪੋਲ ਦੇ ਅਨੁਸਾਰ

ਭਾਜਪਾ ਗਠਜੋੜ (NDA) ਨੂੰ 85 ਤੋਂ 95 ਸੀਟਾਂ ਮਿਲ ਸਕਦੀਆਂ ਹਨ।

ਕਾਂਗਰਸ ਗਠਜੋੜ (ASM/Mahajot) ਨੂੰ 25 ਤੋਂ 32 ਸੀਟਾਂ ਮਿਲ ਸਕਦੀਆਂ ਹਨ।

ਹੋਰ ਨੂੰ 6 ਤੋਂ 12 ਸੀਟਾਂ ਮਿਲ ਸਕਦੀਆਂ ਹਨ।

ਰਾਜ ਵਿੱਚ ਬਹੁਮਤ ਲਈ ਜਾਦੂਈ ਅੰਕੜਾ 64 ਸੀਟਾਂ ਹੈ।

ਵੋਟ ਸ਼ੇਅਰ ਦਾ ਅਨੁਮਾਨ

ਭਾਜਪਾ ਗਠਜੋੜ - 45.5 ਪ੍ਰਤੀਸ਼ਤ
ਕਾਂਗਰਸ ਗਠਜੋੜ - 39.8 ਪ੍ਰਤੀਸ਼ਤ
ਹੋਰ - 14.7 ਪ੍ਰਤੀਸ਼ਤ

ਭਾਜਪਾ ਗਠਜੋੜ ਨਾ ਸਿਰਫ਼ ਸੀਟਾਂ ਬਚਾਉਣ 'ਚ ਕਾਮਯਾਬ ਹੁੰਦਾ ਦਿਖਾਈ ਦੇ ਰਿਹਾ ਹੈ ਬਲਕਿ ਵੋਟ ਸ਼ੇਅਰ 'ਚ ਵੀ ਮਜਬੂਤ ਇਜ਼ਾਫਾ ਕਰਦੇ ਹੋਏ ਸੱਤਾ ਦੀ ਦੌੜ ਵਿੱਚ ਅੱਗੇ ਹੈ।

ਪਿਛਲੀਆਂ 2021 ਵਿਧਾਨ ਸਭਾ ਚੋਣਾਂ ਵਿੱਚ :

ਐਨਡੀਏ (ਬੀਜੇਪੀ+) ਨੇ 75 ਸੀਟਾਂ ਜਿੱਤੀਆਂ ਸੀ (ਬੀਜੇਪੀ-60, ਏਜੀਪੀ-9, ਯੂਪੀਪੀਐਲ-6)
Mahajot (ਕਾਂਗਰਸ+) ਨੇ 50 ਸੀਟਾਂ ਜਿੱਤੀਆਂ ਸਨ
ਹੋਰ ਪਾਰਟੀਆਂ ਨੇ 1 ਸੀਟ ਜਿੱਤੀ ਸੀ।

ਇਸ ਵਾਰ ਐਗਜ਼ਿਟ ਪੋਲ ਐਨਡੀਏ ਦੀਆਂ ਸੀਟਾਂ ਵਿੱਚ ਵਾਧਾ (75 ਤੋਂ 85-95) ਅਤੇ ਕਾਂਗਰਸ ਗਠਜੋੜ ਵਿੱਚ ਗਿਰਾਵਟ ਦਾ ਅਨੁਮਾਨ ਹੈ।

2026 ਦੀਆਂ ਅਸਾਮ ਵਿਧਾਨ ਸਭਾ ਚੋਣਾਂ ਵਿੱਚ ਮੁੱਖ ਗੱਠਜੋੜ :

NDA = BJP + AGP + BPF
ASM/Mahajot = INC + Raijor Dal + Assam Jatiya Parishad + CPI(M) + CPI(ML)
OTHERS = AIUDF + UPPL + AITMC + AAP

ਹੁਣ ਸਾਰਿਆਂ ਦੇ ਮਨ ਵਿੱਚ ਇਹ ਸਵਾਲ ਹੈ ਕਿ ਕੀ ਹਿਮੰਤ ਬਿਸਵਾ ਸਰਮਾ ਤੀਜੀ ਵਾਰ ਮੁੱਖ ਮੰਤਰੀ ਬਣਨਗੇ? ਇਹ ਫੈਸਲਾ ਹੁਣ ਵਿਧਾਨ ਸਭਾ ਦੇ ਨਤੀਜਿਆਂ ਅਤੇ 4 ਮਈ ਨੂੰ ਵਿਧਾਨ ਸਭਾ ਦੇ ਨੇਤਾ ਦੀ ਚੋਣ ਨਾਲ ਹੋਵੇਗਾ।

ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।

West Bengal Exit Poll 2026 : ਪੱਛਮੀ ਬੰਗਾਲ ਐਗਜ਼ਿਟ ਪੋਲ 'ਤੇ ਭੜਕੀ TMC , ਕਿਹਾ -"ਸਭ ਝੂਠ, ਭਾਜਪਾ 50 ਤੋਂ ਵੱਧ ਸੀਟਾਂ ਨਹੀਂ ਜਿੱਤਦੀ"

ABP Sanjha — Wed, 29 Apr 2026 20:05:19 +0530

West Bengal Exit Poll 2026 Live : ਪੱਛਮੀ ਬੰਗਾਲ ਵਿਧਾਨ ਸਭਾ ਚੋਣਾਂ 2026 ਦੇ ਐਗਜ਼ਿਟ ਪੋਲ ਦੇ ਨਤੀਜੇ ਜਾਰੀ ਹੋ ਗਏ ਹਨ। ਪੋਲ ਆਫ਼ ਪੋਲ 'ਚ ਭਾਜਪਾ ਦੀ ਸਰਕਾਰ ਬਣਦੇ ਦਿਖਾਈ ਦੇ ਰਹੀ ਹੈ। ਰਾਜ 'ਚ ਮਮਤਾ ਬੈਨਰਜੀ ਸਰਕਾਰ ਲਈ ਪੋਲ ਦੇ ਅਨੁਮਾਨ ਇੱਕ ਵੱਡੇ ਝਟਕੇ ਦੀ ਤਰ੍ਹਾਂ ਹਨ। ਹਾਲਾਂਕਿ, ਇਹ ਐਗਜ਼ਿਟ ਪੋਲ ਸਿਰਫ਼ ਅਨੁਮਾਨ ਹੁੰਦਾ ਹੈ। ਅਸਲ ਨਤੀਜੇ 4 ਮਈ ਨੂੰ ਵੋਟਾਂ ਦੀ ਗਿਣਤੀ ਤੋਂ ਬਾਅਦ ਹੀ ਸਪੱਸ਼ਟ ਹੋਣਗੇ। ਇਸ ਵਾਰ ਪੱਛਮੀ ਬੰਗਾਲ ਚੋਣਾਂ ਦੋ ਪੜਾਵਾਂ ਵਿੱਚ ਹੋਈਆਂ ਸਨ। ਵੋਟਿੰਗ ਦਾ ਪਹਿਲਾ ਪੜਾਅ 23 ਅਪ੍ਰੈਲ ਨੂੰ ਹੋਇਆ, ਜਿਸ ਵਿੱਚ 152 ਸੀਟਾਂ ਤੇ ਵੋਟਾਂ ਪਈਆਂ ਸਨ। ਇਸ ਪੜਾਅ ਵਿੱਚ ਰਿਕਾਰਡ 93.2 ਪ੍ਰਤੀਸ਼ਤ ਵੋਟਰਾਂ ਨੇ ਵੋਟਿੰਗ ਕੀਤੀ, ਜੋ ਕਿ ਉੱਚ ਵੋਟਰਾਂ ਦੀ ਗਿਣਤੀ ਨੂੰ ਦਰਸਾਉਂਦੀ ਹੈ। ਵੋਟਿੰਗ ਦਾ ਦੂਜਾ ਪੜਾਅ ਅੱਜ 29 ਅਪ੍ਰੈਲ, 2026 ਨੂੰ ਹੋਇਆ ਹੈ।

ਐਗਜ਼ਿਟ ਪੋਲ ਅਨੁਮਾਨ ਹੈ ,ਫਾਈਨਲ ਨਤੀਜੇ ਨਹੀਂ

ਐਗਜ਼ਿਟ ਪੋਲ ਸਿਰਫ਼ ਅਨੁਮਾਨ ਹੁੰਦੇ ਹਨ ਅਸਲੀ ਨਤੀਜੇ ਨਹੀਂ। ਕਈ ਵਾਰ ਇਹ ਅਨੁਮਾਨ ਸਹੀ ਨਿਕਲਦੇ ਹਨ ਅਤੇ ਕਈ ਵਾਰ ਗਲਤ ਵੀ ਹੋ ਜਾਂਦੇ ਹਨ, ਇਸ ਲਈ ਅੰਤਿਮ ਅਤੇ ਅਸਲ ਨਤੀਜੇ 4 ਮਈ, ਗਿਣਤੀ ਵਾਲੇ ਦਿਨ ਹੀ ਸਪੱਸ਼ਟ ਹੋਣਗੇ। ਇਸ ਤਰ੍ਹਾਂ ਐਗਜ਼ਿਟ ਪੋਲ ਲੋਕਾਂ ਨੂੰ ਚੋਣਾਂ ਤੋਂ ਬਾਅਦ ਇੱਕ ਸ਼ੁਰੂਆਤੀ ਤਸਵੀਰ ਜ਼ਰੂਰ ਦਿੰਦੇ ਹਨ ਪਰ ਅਸਲ ਨਤੀਜਾ ਵੋਟਾਂ ਦੀ ਗਿਣਤੀ ਤੋਂ ਬਾਅਦ ਹੀ ਪਤਾ ਲੱਗੇਗਾ।

ਕੁੱਲ 294 ਵਿਧਾਨ ਸਭਾ ਸੀਟਾਂ ਲਈ ਐਗਜ਼ਿਟ ਪੋਲ ਜਾਰੀ

ਸੀਟਾਂ ਦੇ ਮਾਮਲੇ ਵਿੱਚ ਪੱਛਮੀ ਬੰਗਾਲ ਵਿੱਚ ਕੁੱਲ 294 ਵਿਧਾਨ ਸਭਾ ਸੀਟਾਂ ਹਨ। ਕਿਸੇ ਵੀ ਪਾਰਟੀ ਨੂੰ ਸਰਕਾਰ ਬਣਾਉਣ ਲਈ ਘੱਟੋ-ਘੱਟ 148 ਸੀਟਾਂ ਦੀ ਲੋੜ ਹੁੰਦੀ ਹੈ।

2021 ਦੀਆਂ ਵਿਧਾਨ ਸਭਾ ਚੋਣਾਂ ਦੇ ਨਤੀਜੇ ਕੀ ਸਨ?

2021 ਦੀਆਂ ਪੱਛਮੀ ਬੰਗਾਲ ਵਿਧਾਨ ਸਭਾ ਚੋਣਾਂ ਵਿੱਚ ਕੁੱਲ 294 ਸੀਟਾਂ ਲਈ ਵੋਟਿੰਗ ਹੋਈ ਸੀ। ਮਮਤਾ ਬੈਨਰਜੀ ਦੀ ਅਗਵਾਈ ਵਾਲੀ ਤ੍ਰਿਣਮੂਲ ਕਾਂਗਰਸ (ਟੀਐਮਸੀ) ਨੇ ਇਸ ਚੋਣ ਵਿੱਚ ਭਾਰੀ ਜਿੱਤ ਪ੍ਰਾਪਤ ਕੀਤੀ ਸੀ। ਪਾਰਟੀ ਨੇ 213 ਸੀਟਾਂ ਜਿੱਤੀਆਂ, ਲਗਾਤਾਰ ਤੀਜੀ ਵਾਰ ਸਰਕਾਰ ਬਣਾਈ, ਰਾਜ ਦੀ ਰਾਜਨੀਤੀ 'ਤੇ ਆਪਣੀ ਮਜ਼ਬੂਤ ਪਕੜ ਦਾ ਪ੍ਰਦਰਸ਼ਨ ਕੀਤਾ। ਇਸ ਦੌਰਾਨ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਇਸ ਚੋਣ ਵਿੱਚ ਮੁੱਖ ਵਿਰੋਧੀ ਪਾਰਟੀ ਵਜੋਂ ਉਭਰੀ। ਭਾਜਪਾ ਨੇ 77 ਸੀਟਾਂ ਜਿੱਤੀਆਂ, ਜੋ ਕਿ ਇਸ ਲਈ ਇੱਕ ਵੱਡੀ ਪ੍ਰਾਪਤੀ ਮੰਨੀ ਜਾਂਦੀ ਸੀ।

Tamil Nadu Exit Poll 2026 : ਤਾਮਿਲਨਾਡੂ 'ਚ ਸਟਾਲਿਨ ਦਾ ਦਬਦਬਾ ਬਰਕਰਾਰ ! ਵਿਜੇ ਦੀ ਪਾਰਟੀ TVK ਨੇ ਵਿਗਾੜਿਆ AIADMK ਦਾ ਖੇਲ ?

ABP Sanjha — Wed, 29 Apr 2026 19:25:02 +0530

Tamil Nadu Exit Polls Results 2026 : ਮੈਟਰਾਈਜ਼ (Matrize) ਦੇ ਐਗਜ਼ਿਟ ਪੋਲ ਨੇ ਤਾਮਿਲਨਾਡੂ ਦੀ ਸਿਆਸੀ ਪਿੱਚ 'ਤੇ ਤੂਫਾਨ ਮਚਾ ਦਿੱਤਾ ਹੈ। ਸਰਵੇਖਣ ਦੇ ਅੰਕੜਿਆਂ ਅਨੁਸਾਰ ਸੱਤਾਧਾਰੀ ਡੀਐਮਕੇ+ ਗਠਜੋੜ ਇੱਕ ਵਾਰ ਫਿਰ ਬਹੁਮਤ ਪ੍ਰਾਪਤ ਕਰਕੇ ਸਰਕਾਰ ਬਣਾਉਣ ਦੀ ਮਜ਼ਬੂਤ ਸਥਿਤੀ ਵਿੱਚ ਜਾਪਦਾ ਹੈ, ਜਦੋਂ ਕਿ AIADMK + ਗਠਜੋੜ ਕਾਫ਼ੀ ਕਰੀਬੀ ਟੱਕਰ ਦੇ ਰਿਹਾ ਹੈ।

ਮੈਟਰਾਈਜ਼ ਐਗਜ਼ਿਟ ਪੋਲ ਦੇ ਮੁੱਖ ਅੰਕੜੇ:

ਡੀਐਮਕੇ+ 122 ਤੋਂ 132 ਸੀਟਾਂ, ਵੋਟ ਸ਼ੇਅਰ 40.3%
AIADMK+ 87 ਤੋਂ 100 ਸੀਟਾਂ, ਵੋਟ ਸ਼ੇਅਰ 37.1%
TVK (ਵਿਜੇ ਦੀ ਪਾਰਟੀ) 10 ਤੋਂ 12 ਸੀਟਾਂ, ਵੋਟ ਸ਼ੇਅਰ 17.5%
ਹੋਰ : 0 ਤੋਂ 6 ਸੀਟਾਂ, ਵੋਟ ਸ਼ੇਅਰ 5.1%

ਤਾਮਿਲਨਾਡੂ ਵਿਧਾਨ ਸਭਾ ਦੀਆਂ ਕੁੱਲ 234 ਸੀਟਾਂ ਹਨ। ਬਹੁਮਤ ਲਈ ਜਾਦੂਈ ਅੰਕੜਾ 118 ਹੈ। ਐਗਜ਼ਿਟ ਪੋਲ ਦੇ ਅਨੁਸਾਰ ਕਿ DMK + ਗਠਜੋੜ ਆਰਾਮ ਨਾਲ ਇਸ ਅੰਕੜੇ ਨੂੰ ਪਾਰ ਕਰਦਾ ਦਿੱਖ ਰਿਹਾ ਹੈ, ਜਦੋਂ ਕਿ ਏਆਈਏਡੀਐਮਕੇ+ ਅਜੇ ਵੀ ਲਗਭਗ 100 ਸੀਟਾਂ ਤੱਕ ਨਜ਼ਰ ਆ ਰਿਹਾ ਹੈ।

AIADMK + ਕੇਵਲ 3.2% ਵੋਟ ਸ਼ੇਅਰ ਨਾਲ ਪਿੱਛੇ

ਵੋਟ ਸ਼ੇਅਰ ਵਿੱਚ ਵੀ ਡੀਐਮਕੇ+ ਦਾ ਥੋੜ੍ਹਾ ਬਿਹਤਰ ਪ੍ਰਦਰਸ਼ਨ ਦਿੱਖ ਰਿਹਾ ਹੈ। ਹਾਲਾਂਕਿ, ਏਆਈਏਡੀਐਮਕੇ+ ਸਿਰਫ਼ 3.2% ਨਾਲ ਪਿੱਛੇ ਹੈ, ਜੋ ਕਿ ਇੱਕ ਬਹੁਤ ਹੀ ਦਿਲਚਸਪ ਅਤੇ ਨਜ਼ਦੀਕੀ ਮੁਕਾਬਲੇ ਨੂੰ ਦਰਸਾਉਂਦਾ ਹੈ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਟੀਵੀਕੇ ਨੇ ਆਪਣੇ ਪਹਿਲੇ ਵੱਡੇ ਇਮਤਿਹਾਨ ਵਿੱਚ 17.5% ਵੋਟਾਂ ਪ੍ਰਾਪਤ ਕਰਕੇ ਰਾਜਨੀਤਿਕ ਸਮੀਕਰਨਾਂ ਨੂੰ ਉਲਟਾ ਦਿੱਤਾ ਹੈ। ਇਹ ਵੋਟ ਸ਼ੇਅਰ ਏਆਈਏਡੀਐਮਕੇ+ ਲਈ ਕਾਫ਼ੀ ਨੁਕਸਾਨਦੇਹ ਸਾਬਤ ਹੋ ਸਕਦਾ ਹੈ।

ਐਗਜ਼ਿਟ ਪੋਲ ਦੇ ਅਨੁਸਾਰ ਮੁੱਖ ਮੰਤਰੀ ਐਮਕੇ ਸਟਾਲਿਨ ਲਗਾਤਾਰ ਦੂਜੀ ਵਾਰ ਸੱਤਾ ਵਿੱਚ ਵਾਪਸ ਆ ਸਕਦੇ ਹਨ। ਡੀਐਮਕੇ+ ਨੂੰ ਪਿਛਲੀਆਂ ਚੋਣਾਂ ਨਾਲੋਂ ਘੱਟ ਸੀਟਾਂ ਜਿੱਤਣ ਦਾ ਅਨੁਮਾਨ ਹੈ ਪਰ ਫਿਰ ਵੀ ਬਹੁਮਤ ਬਰਕਰਾਰ ਹੈ। ਦੂਜੇ ਪਾਸੇ ਏਆਈਏਡੀਐਮਕੇ+ ਨੂੰ ਸੱਤਾ ਵਿਰੋਧੀ ਵੋਟ ਤੋਂ ਲਾਭ ਹੋਣ ਦੀ ਉਮੀਦ ਸੀ ਪਰ TVK ਦੇ ਉਭਾਰ ਨੇ ਇਸਦੇ ਰਾਹ ਵਿੱਚ ਇੱਕ ਰੁਕਾਵਟ ਖੜ੍ਹੀ ਕਰ ਦਿੱਤੀ ਹੈ।

ਜਦੋਂ ਕਿ ਵਿਜੇ ਦੀ ਪਾਰਟੀ ਟੀਵੀਕੇ ਦਾ 10-12 ਸੀਟਾਂ ਦਾ ਅਨੁਮਾਨ ਘੱਟ ਜਾਪ ਸਕਦਾ ਹੈ, ਇਸਦਾ 17.5% ਵੋਟ ਸ਼ੇਅਰ ਭਵਿੱਖ ਲਈ ਇੱਕ ਮਜ਼ਬੂਤ ਅਧਾਰ ਸਾਬਤ ਹੋ ਸਕਦਾ ਹੈ।

West Bengal and Tamil Nadu Election: ਪੱਛਮੀ ਬੰਗਾਲ 'ਚ 91.64% ਅਤੇ ਤਾਮਿਲਨਾਡੂ 'ਚ 84.56% ਵੋਟਿੰਗ , ਆਜ਼ਾਦੀ ਤੋਂ ਬਾਅਦ ਸਭ ਤੋਂ ਵੱਧ ਵੋਟਿੰਗ

ABP Sanjha — Thu, 23 Apr 2026 20:41:41 +0530

West Bengal and Tamil Nadu Election Voting : ਪੱਛਮੀ ਬੰਗਾਲ ਅਤੇ ਤਾਮਿਲਨਾਡੂ ਵਿੱਚ ਵਿਧਾਨ ਸਭਾ ਚੋਣਾਂ ਲਈ ਵੋਟਿੰਗ ਸਮਾਪਤ ਹੋ ਗਈ ਹੈ। ਤਾਮਿਲਨਾਡੂ ਦੀਆਂ ਸਾਰੀਆਂ 234 ਸੀਟਾਂ ਲਈ ਵੋਟਿੰਗ ਇੱਕ ਪੜਾਅ ਵਿੱਚ ਸਮਾਪਤ ਹੋਈ। ਪੱਛਮੀ ਬੰਗਾਲ ਵਿੱਚ 152 ਸੀਟਾਂ ਲਈ ਚੋਣਾਂ ਦੇ ਪਹਿਲੇ ਪੜਾਅ ਲਈ ਵੋਟਿੰਗ ਹੋਈ। ਸਵੇਰ ਤੋਂ ਹੀ ਦੋਵਾਂ ਰਾਜਾਂ ਵਿੱਚ ਪੋਲਿੰਗ ਸਟੇਸ਼ਨਾਂ ਦੇ ਬਾਹਰ ਵੋਟਰਾਂ ਦੀਆਂ ਲੰਬੀਆਂ ਕਤਾਰਾਂ ਵੇਖੀਆਂ ਗਈਆਂ ਅਤੇ ਔਰਤਾਂ ਖਾਸ ਤੌਰ 'ਤੇ ਉਤਸ਼ਾਹਿਤ ਸਨ।

ਬੰਗਾਲ ਚੋਣਾਂ ਦੇ ਪਹਿਲੇ ਪੜਾਅ ਵਿੱਚ ਜਨਤਾ 1,478 ਉਮੀਦਵਾਰਾਂ ਦੀ ਕਿਸਮਤ ਦਾ ਫੈਸਲਾ ਕਰੇਗੀ। ਜਿੱਥੇ ਪੱਛਮੀ ਬੰਗਾਲ ਵਿੱਚ ਟੀਐਮਸੀ ਅਤੇ ਭਾਜਪਾ ਵਿਚਕਾਰ ਨਜ਼ਦੀਕੀ ਮੁਕਾਬਲਾ ਦੇਖਣ ਨੂੰ ਮਿਲ ਰਿਹਾ ਹੈ, ਉੱਥੇ ਹੀ ਤਾਮਿਲਨਾਡੂ ਵਿੱਚ ਡੀਐਮਕੇ ਦੀ ਅਗਵਾਈ ਵਾਲੇ ਆਲ ਇੰਡੀਆ ਅਲਾਇੰਸ ਅਤੇ ਏਆਈਏਡੀਐਮਕੇ-ਭਾਜਪਾ ਐਨਡੀਏ ਵਿਚਕਾਰ ਵੀ ਨਜ਼ਦੀਕੀ ਮੁਕਾਬਲਾ ਦੇਖਣ ਨੂੰ ਮਿਲ ਰਿਹਾ ਹੈ।

ਦੋਵਾਂ ਰਾਜਾਂ ਵਿੱਚ ਵਧੀ ਵੋਟਿੰਗ ਪ੍ਰਤੀਸ਼ਤ

ਪੱਛਮੀ ਬੰਗਾਲ ਵਿੱਚ ਚੋਣਾਂ ਦੇ ਪਹਿਲੇ ਪੜਾਅ ਵਿੱਚ 152 ਸੀਟਾਂ 'ਤੇ 91.64 ਪ੍ਰਤੀਸ਼ਤ ਵੋਟਿੰਗ ਦਰਜ ਕੀਤੀ ਗਈ, ਜਦੋਂ ਕਿ ਤਾਮਿਲਨਾਡੂ ਵਿੱਚ ਸਾਰੇ 234 ਸੀਟਾਂ 'ਤੇ 84.56 ਪ੍ਰਤੀਸ਼ਤ ਵੋਟਿੰਗ ਦਰਜ ਕੀਤੀ ਗਈ। ਸ਼ਾਮ 6 ਵਜੇ ਤੱਕ ਦੋਵਾਂ ਰਾਜਾਂ ਵਿੱਚ ਭਾਰੀ ਵੋਟਰਾਂ ਦੀ ਗਿਣਤੀ ਦੇਖਣ ਨੂੰ ਮਿਲੀ, ਜਿਸ ਵਿੱਚ ਔਰਤਾਂ ਨੇ ਕਾਫ਼ੀ ਉਤਸ਼ਾਹ ਦਿਖਾਇਆ।

ਪੱਛਮੀ ਬੰਗਾਲ ਵਿੱਚ ਕਰੋੜਾਂ ਵੋਟਰਾਂ ਨੇ 1478 ਉਮੀਦਵਾਰਾਂ ਦੀ ਕਿਸਮਤ ਦਾ ਫੈਸਲਾ ਕੀਤਾ। ਟੀਐਮਸੀ ਅਤੇ ਭਾਜਪਾ ਵਿਚਕਾਰ ਸਖ਼ਤ ਮੁਕਾਬਲਾ ਸੀ। ਤਾਮਿਲਨਾਡੂ ਵਿੱਚ ਡੀਐਮਕੇ ਦੀ ਅਗਵਾਈ ਵਾਲੇ ਆਲ ਇੰਡੀਆ ਅਲਾਇੰਸ ਅਤੇ ਏਆਈਏਡੀਐਮਕੇ-ਭਾਜਪਾ ਐਨਡੀਏ ਵਿਚਕਾਰ ਮੁਕਾਬਲਾ ਸੀ। ਸਵੇਰ ਤੋਂ ਹੀ ਦੋਵਾਂ ਰਾਜਾਂ ਵਿੱਚ ਪੋਲਿੰਗ ਸਟੇਸ਼ਨਾਂ ਦੇ ਬਾਹਰ ਲੰਬੀਆਂ ਕਤਾਰਾਂ ਦੇਖੀਆਂ ਗਈਆਂ।

ਹਾਲਾਂਕਿ, ਬੰਗਾਲ ਵਿੱਚ ਵੋਟਿੰਗ ਹਿੰਸਾ ਨਾਲ ਵੀ ਪ੍ਰਭਾਵਿਤ ਹੋਈ। ਮੁਰਸ਼ਿਦਾਬਾਦ ਵਿੱਚ ਟੀਐਮਸੀ ਵਰਕਰਾਂ ਅਤੇ ਏਯੂਜੇਪੀ ਦੇ ਸੰਸਥਾਪਕ ਹੁਮਾਯੂੰ ਕਬੀਰ ਵਿਚਕਾਰ ਝੜਪ ਹੋਈ। ਕਬੀਰ ਦੇ ਕਾਫਲੇ 'ਤੇ ਹਮਲਾ ਕੀਤਾ ਗਿਆ, ਪੱਥਰ ਸੁੱਟੇ ਗਏ ਅਤੇ ਵਾਹਨਾਂ ਨੂੰ ਨੁਕਸਾਨ ਪਹੁੰਚਾਇਆ ਗਿਆ। ਕਬੀਰ ਨੇ ਟੀਐਮਸੀ 'ਤੇ ਧਮਕਾਉਣ ਅਤੇ ਚੋਣ ਧਾਂਦਲੀ ਦਾ ਦੋਸ਼ ਲਗਾਇਆ। ਸਿਲੀਗੁੜੀ ਵਿੱਚ ਟੀਐਮਸੀ ਅਤੇ ਭਾਜਪਾ ਵਰਕਰਾਂ ਵਿਚਕਾਰ ਵੀ ਝੜਪਾਂ ਹੋਈਆਂ।

ਤਾਮਿਲਨਾਡੂ ਵਿੱਚ ਵੋਟਿੰਗ ਪੂਰੀ ਤਰ੍ਹਾਂ ਸ਼ਾਂਤੀਪੂਰਨ ਅਤੇ ਸੁਚਾਰੂ ਢੰਗ ਨਾਲ ਹੋਈ। ਕਈ ਮਸ਼ਹੂਰ ਹਸਤੀਆਂ ਅਤੇ ਪ੍ਰਮੁੱਖ ਸਿਆਸਤਦਾਨਾਂ ਨੇ ਆਪਣੀ ਵੋਟ ਪਾਈ। ਤਾਮਿਲਨਾਡੂ ਦੇ ਸਾਰੇ 234 ਹਲਕਿਆਂ ਲਈ ਵੋਟਿੰਗ ਇੱਕ ਹੀ ਪੜਾਅ ਵਿੱਚ ਪੂਰੀ ਹੋ ਗਈ।

Assembly Elections 2026 : ਅਸਾਮ, ਪੁਡੂਚੇਰੀ ਅਤੇ ਕੇਰਲ 'ਚ ਵੋਟਿੰਗ ਸਮਾਪਤ, 4 ਮਈ ਨੂੰ ਆਉਣਗੇ ਨਤੀਜੇ ,ਜਾਣੋ ਕਿੰਨੇ ਪ੍ਰਤੀਸ਼ਤ ਹੋਈ ਵੋਟਿੰਗ

ABP Sanjha — Thu, 9 Apr 2026 19:29:24 +0530

Assembly Elections 2026 : ਅਸਾਮ, ਕੇਰਲ ਅਤੇ ਪੁਡੂਚੇਰੀ ਵਿੱਚ ਅੱਜ ਸ਼ਾਮ 6 ਵਜੇ ਵਿਧਾਨ ਸਭਾ ਚੋਣਾਂ ਲਈ ਵੋਟਿੰਗ ਖਤਮ ਹੋ ਗਈ ਹੈ। ਚੋਣ ਕਮਿਸ਼ਨ ਦੇ ਅਨੁਸਾਰ ਸ਼ਾਮ 5 ਵਜੇ ਤੱਕ ਅਸਾਮ ਵਿੱਚ 84.42%, ਕੇਰਲ ਵਿੱਚ 75.01% ਅਤੇ ਪੁਡੂਚੇਰੀ ਵਿੱਚ 86.92% ਵੋਟਿੰਗ ਹੋਈ ਹੈ।

ਸਵੇਰੇ ਕਿੰਨੀ ਦੇਰ ਤੱਕ ਸੈਰ ਕਰਨੀ ਚਾਹੀਦਾ ਹੈ?

ਅਸਾਮ ਵਿੱਚ ਚੋਣ ਨਾਲ ਸਬੰਧਤ ਹਿੰਸਾ ਵਿੱਚ ਲਗਭਗ 30 ਲੋਕ ਜ਼ਖਮੀ ਹੋਏ ਅਤੇ ਸੱਤ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਸ਼੍ਰੀਭੂਮੀ ਜ਼ਿਲ੍ਹੇ ਦੇ ਪਥਰਕੰਡੀ ਵਿੱਚ ਕਾਂਗਰਸ ਅਤੇ ਭਾਜਪਾ ਸਮਰਥਕਾਂ ਵਿਚਕਾਰ ਝੜਪ ਵਿੱਚ ਲਗਭਗ 25 ਲੋਕ ਜ਼ਖਮੀ ਹੋਏ, ਜਿਨ੍ਹਾਂ ਵਿੱਚੋਂ ਦੋ ਦੀ ਹਾਲਤ ਗੰਭੀਰ ਹੈ।

ਪੁਡੂਚੇਰੀ ਵਿੱਚ ਮੰਨਾਡੀਪੇਟ ਵਿੱਚ ਇੱਕ ਪੋਲਿੰਗ ਬੂਥ 'ਤੇ ਕਾਂਗਰਸ ਅਤੇ ਭਾਜਪਾ ਸਮਰਥਕਾਂ ਵਿਚਕਾਰ ਝੜਪ ਹੋਈ। ਪੁਲਿਸ ਨੇ ਭੀੜ 'ਤੇ ਲਾਠੀਚਾਰਜ ਕੀਤਾ। ਪੁਡੂਚੇਰੀ ਦੇ ਮੁੱਖ ਮੰਤਰੀ ਰੰਗਾਸਵਾਮੀ ਵੋਟ ਪਾਉਣ ਲਈ ਸਾਈਕਲ 'ਤੇ ਸਵਾਰ ਹੋ ਕੇ ਪੋਲਿੰਗ ਬੂਥ 'ਤੇ ਗਏ।

ਕੇਰਲ ਵਿੱਚ ਸਾਬਕਾ ਰੱਖਿਆ ਮੰਤਰੀ ਅਤੇ ਕਾਂਗਰਸ ਨੇਤਾ ਏ.ਕੇ. ਐਂਟਨੀ ਨੇ ਤਿਰੂਵਨੰਤਪੁਰਮ ਵਿੱਚ ਆਪਣੀ ਵੋਟ ਪਾਈ। ਅਸਾਮ ਦੇ ਮੁੱਖ ਮੰਤਰੀ ਹਿਮੰਤ ਬਿਸਵਾ ਸਰਮਾ ਨੇ ਗੁਹਾਟੀ ਦੇ ਮਾਂ ਕਾਮਾਖਿਆ ਮੰਦਰ ਵਿੱਚ ਪ੍ਰਾਰਥਨਾ ਕੀਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਆਪਣੀ ਪਤਨੀ ਦੇ ਨਾਲ ਜਲੂਕਬਾੜੀ ਵਿੱਚ ਵੋਟ ਪਾਈ।

ਅਸਾਮ ਵਿੱਚ 41 ਪਾਰਟੀਆਂ ਦੇ 722 ਉਮੀਦਵਾਰ 126 ਸੀਟਾਂ ਲਈ ਚੋਣ ਲੜ ਰਹੇ ਹਨ। ਇਸ ਦੌਰਾਨ ਕੇਰਲ ਵਿੱਚ 2.71 ਕਰੋੜ ਵੋਟਰ 890 ਉਮੀਦਵਾਰਾਂ ਵਿੱਚੋਂ ਆਪਣਾ ਨੇਤਾ ਚੁਣਨਗੇ, ਜੋ 140 ਸੀਟਾਂ ਦੀ ਨੁਮਾਇੰਦਗੀ ਕਰਦੇ ਹਨ। ਪੁਡੂਚੇਰੀ ਵਿੱਚ 30 ਸੀਟਾਂ ਲਈ ਵੋਟਿੰਗ ਹੋਈ।

ਕੇਰਲ ਵਿੱਚ 70 ਸਾਲਾਂ ਵਿੱਚ ਪਹਿਲੀ ਵਾਰ ਕੋਈ ਮੁੱਖ ਮੰਤਰੀ ਹੈਟ੍ਰਿਕ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਅਸਾਮ ਵਿੱਚ ਭਾਜਪਾ ਲਗਾਤਾਰ ਤੀਜੀ ਸਰਕਾਰ ਬਣਾਉਣ ਲਈ ਹਿਮੰਤ ਬਿਸਵਾ ਸਰਮਾ 'ਤੇ ਦਾਅ ਖੇਡ ਰਹੀ ਹੈ। ਪੁਡੂਚੇਰੀ ਵਿੱਚ ਕਾਂਗਰਸ ਤੋਂ ਦਲ ਬਦਲ ਕੇ ਆਏ ਐਨ. ਰੰਗਾਸਵਾਮੀ ਪੰਜਵੀਂ ਵਾਰ ਸੱਤਾ ਵਿੱਚ ਆਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।

Assam, Kerala, Puducherry Election : ਅਸਾਮ, ਕੇਰਲ ਅਤੇ ਪੁਡੂਚੇਰੀ 'ਚ ਕੁੱਲ 296 ਸੀਟਾਂ 'ਤੇ ਵੋਟਿੰਗ ਜਾਰੀ

ABP Sanjha — Thu, 9 Apr 2026 13:26:23 +0530

Assam, Kerala, Puducherry Election : ਅਸਾਮ, ਕੇਰਲ ਅਤੇ ਪੁਡੂਚੇਰੀ ਵਿਚ ਅੱਜ ਇਕੋ ਪੜਾਅ ਵਿਚ ਵਿਧਾਨ ਸਭਾ ਚੋਣਾਂ ਲਈ ਵੋਟਿੰਗ ਹੋ ਰਹੀ ਹੈ। ਕੁੱਲ 296 ਸੀਟਾਂ ਲਈ ਵੋਟਿੰਗ ਹੋ ਰਹੀ ਹੈ। ਸਵੇਰੇ 11 ਵਜੇ ਤੱਕ ਅਸਾਮ ਵਿਚ 38.92%, ਕੇਰਲ ਵਿਚ 33.28% ਅਤੇ ਪੁਡੂਚੇਰੀ ਵਿਚ 37.06% ਵੋਟਰਾਂ ਨੇ ਵੋਟ ਪਾਈ। ਇਸ ਦੇ ਨਾਲ ਉਮੀਦਵਾਰਾਂ ਦੀ ਕਿਸਮਤ ਈਵੀਐਮ ਵਿੱਚ ਬੰਦ ਹੋ ਜਾਵੇਗੀ।

Health Tips : ਰੋਜ਼ਾਨਾ ਲਸਣ ਖਾਣ ਨਾਲ ਸਰੀਰ ਨੂੰ ਕਿਹੜੇ ਵਿਟਾਮਿਨ ਮਿਲਦੇ ਹਨ?

ਚੋਣ ਕਮਿਸ਼ਨ ਦੇ ਅਨੁਸਾਰ ਅਸਾਮ ਵਿੱਚ 126 ਸੀਟਾਂ, ਕੇਰਲ ਵਿੱਚ 140 ਅਤੇ ਪੁਡੂਚੇਰੀ ਵਿੱਚ 30 ਸੀਟਾਂ 'ਤੇ ਵੋਟਿੰਗ ਹੋਵੇਗੀ। ਤਿੰਨਾਂ ਰਾਜਾਂ ਵਿਚ ਸ਼ਾਂਤੀਪੂਰਵਕ ਵੋਟਿੰਗ ਜਾਰੀ ਹੈ। ਪੁਡੂਚੇਰੀ ਦੇ ਮੁੱਖ ਮੰਤਰੀ ਰੰਗਾਸਵਾਮੀ ਆਪਣੀ ਵੋਟ ਪਾਉਣ ਲਈ ਪੋਲਿੰਗ ਬੂਥ 'ਤੇ ਮੋਟਰਸਾਈਕਲ 'ਤੇ ਸਵਾਰ ਹੋ ਕੇ ਪਹੁੰਚੇ। ਕੇਰਲ ਦੇ ਮੁੱਖ ਮੰਤਰੀ ਪਿਨਾਰਾਈ ਵਿਜਯਨ ਨੇ ਵੀ ਸਵੇਰੇ ਜਲਦੀ ਆਪਣੀ ਵੋਟ ਪਾਈ। ਅਸਾਮ ਦੇ ਮੁੱਖ ਮੰਤਰੀ ਹਿਮੰਤ ਨੇ ਗੁਹਾਟੀ ਦੇ ਮਾਂ ਕਾਮਾਖਿਆ ਮੰਦਰ ਵਿਚ ਪ੍ਰਾਰਥਨਾ ਕੀਤੀ।

ਸਾਬਕਾ ਰੱਖਿਆ ਮੰਤਰੀ ਅਤੇ ਕਾਂਗਰਸ ਨੇਤਾ ਏ.ਕੇ. ਐਂਟਨੀ ਨੇ ਤਿਰੂਵਨੰਤਪੁਰਮ ਵਿਚ ਆਪਣੀ ਵੋਟ ਪਾਈ। ਮੀਡੀਆ ਨਾਲ ਗੱਲ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਕੇਰਲ ਦੇ ਲੋਕ ਭਾਜਪਾ ਨੂੰ ਪਸੰਦ ਨਹੀਂ ਕਰਦੇ। ਰਾਜ ਵਿਚ 10 ਸਾਲਾਂ ਦੇ ਕੁਸ਼ਾਸਨ ਦੀ ਸਰਕਾਰ ਰਹੀ ਹੈ। ਇਸ ਲਈ ਇਸ ਵਾਰ ਸਰਕਾਰ ਬਦਲ ਜਾਵੇਗੀ।

ਅਸਾਮ ਵਿੱਚ ਕੁੱਲ 2.5 ਕਰੋੜ ਵੋਟਰ ਹਨ, ਜਿਨ੍ਹਾਂ ਵਿੱਚ 1.25 ਕਰੋੜ ਪੁਰਸ਼, 1.25 ਕਰੋੜ ਔਰਤਾਂ ਅਤੇ 343 ਥਰਡ ਜੈਂਡਰ ਵੋਟਰ ਸ਼ਾਮਲ ਹਨ। ਮਹੱਤਵਪੂਰਨ ਗੱਲ ਇਹ ਹੈ ਕਿ 18-19 ਉਮਰ ਵਰਗ ਦੇ ਲਗਭਗ 5.75 ਲੱਖ ਨੌਜਵਾਨ ਪਹਿਲੀ ਵਾਰ ਆਪਣੀ ਵੋਟ ਦਾ ਇਸਤੇਮਾਲ ਕਰਨਗੇ। ਅਸਾਮ ਦੀਆਂ 126 ਸੀਟਾਂ ਲਈ 722 ਉਮੀਦਵਾਰ ਚੋਣ ਲੜ ਰਹੇ ਹਨ, ਜਿਨ੍ਹਾਂ ਕੋਲ 64 ਸੀਟਾਂ ਦਾ ਬਹੁਮਤ ਹੈ। ਰਾਜ ਦੀ 15ਵੀਂ ਵਿਧਾਨ ਸਭਾ ਦਾ ਕਾਰਜਕਾਲ 20 ਮਈ, 2026 ਨੂੰ ਖਤਮ ਹੋ ਰਿਹਾ ਹੈ।

ਇਸ ਦੌਰਾਨ ਕੇਰਲ ਵਿੱਚ 140 ਸੀਟਾਂ ਲਈ 833 ਉਮੀਦਵਾਰ ਚੋਣ ਲੜ ਰਹੇ ਹਨ। ਮੁੱਖ ਰਾਜਨੀਤਿਕ ਪਾਰਟੀਆਂ ਵਿਚਕਾਰ ਤਿੰਨ-ਪੱਖੀ ਮੁਕਾਬਲਾ ਦੇਖਣ ਨੂੰ ਮਿਲ ਰਿਹਾ ਹੈ। ਸਰਕਾਰ ਬਣਾਉਣ ਲਈ 71 ਸੀਟਾਂ ਦੀ ਬਹੁਮਤ ਦੀ ਲੋੜ ਹੁੰਦੀ ਹੈ। ਰਾਜ ਵਿੱਚ ਕੁੱਲ 2.71 ਕਰੋੜ ਵੋਟਰ ਹਨ, ਜਿਨ੍ਹਾਂ ਵਿੱਚ 1.32 ਕਰੋੜ ਪੁਰਸ਼, 1.39 ਕਰੋੜ ਔਰਤਾਂ ਅਤੇ 273 ਥਰਡ ਜੈਂਡਰ ਵੋਟਰ ਸ਼ਾਮਲ ਹਨ।

ਪੁਡੂਚੇਰੀ ਵਿੱਚ 30 ਸੀਟਾਂ 'ਤੇ ਚੋਣਾਂ ਹੋ ਰਹੀਆਂ ਹਨ, ਜਿਨ੍ਹਾਂ ਵਿੱਚੋਂ 5 ਅਨੁਸੂਚਿਤ ਜਾਤੀਆਂ ਲਈ ਰਾਖਵੀਆਂ ਹਨ। ਸਰਕਾਰ ਬਣਾਉਣ ਲਈ 16 ਸੀਟਾਂ ਦੀ ਬਹੁਮਤ ਦੀ ਲੋੜ ਹੁੰਦੀ ਹੈ। 9.44 ਲੱਖ ਕੁੱਲ ਵੋਟਰਾਂ 'ਚ ਲਗਭਗ 4.43 ਲੱਖ ਪੁਰਸ਼, 5 ਲੱਖ ਔਰਤਾਂ ਅਤੇ 139 ਥਰਡ ਜੈਂਡਰ ਵੋਟਰ ਸ਼ਾਮਲ ਹਨ।