ਬੌਲੀਵੁੱਡ ਅਦਾਕਾਰ ਅਜੇ ਦੇਵਗਨ ਦੇ ਫੈਨਜ਼ ਲਈ ਵੱਡੀ ਅਪਡੇਟ ਸਾਹਮਣੇ ਆਈ ਹੈ। ਇਹ ਵੱਡੀ ਅਪਡੇਟ ਫਿਲਮ 'ਭੁਜ ਦਿ ਪ੍ਰਾਈਡ ਆਫ ਇੰਡੀਆ' ਨਾਲ ਜੁੜੀ ਹੋਈ ਹੈ। ਰਿਪੋਰਟਸ ਮੁਤਾਬਕ ਅਜੇ ਦੇਵਗਨ ਦੀ ਫਿਲਮ 'ਭੁਜ ਦਿ ਪ੍ਰਾਈਡ ਆਫ ਇੰਡੀਆ' OTT ਪਲੇਟਫਾਰਮ 'ਤੇ ਰਿਲੀਜ਼ ਹੋਣ ਵਾਲੀ ਹੈ। ਇਸ ਈਦ 'ਤੇ ਭੁਜ ਨੂੰ ਓਟੀਟੀ ਪਲੇਟਫਾਰਮ ਡਿਜ਼ਨੀ ਹੌਟਸਟਾਰ 'ਤੇ ਰਿਲੀਜ਼ ਕਰਨ ਦੀਆਂ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਹਨ। ਅਜੇ ਦੇਵਗਨ ਦੀ ਇਹ ਫਿਲਮ ਈਦ 'ਤੇ ਹੌਟਸਟਾਰ 'ਤੇ ਰਿਲੀਜ਼ ਹੋ ਸਕਦੀ ਹੈ।
ਇਸ ਸਾਲ ਜਿਸ ਫਿਲਮ ਦੀ ਰਿਲੀਜ਼ਿੰਗ ਵੱਲ ਧਿਆਨ ਸੀ ਉਹ ਫਿਲਮ ਸਲਮਾਨ ਖਾਨ ਦੀ ਰਾਧੇ ਰਹੀ ਹੈ। ਜਿਸ ਨੂੰ ਇਸ ਸਾਲ ਈਦ 'ਤੇ ਰਿਲੀਜ਼ ਕੀਤਾ ਜਾਣਾ ਸੀ। ਹੁਣ ਲਗਦਾ ਹੈ ਇਹ ਮੌਕਾ ਸਲਮਾਨ ਦੀ ਬਜਾਏ ਅਜੇ ਦੇਵਗਨ ਨੇ ਸਾਂਭ ਲਿਆ ਹੈ। ਜੇ ਕੋਰੋਨਾ ਦਾ ਮਾਹੌਲ ਠੀਕ ਨਾ ਹੋਇਆ ਤਾਂ ਸਲਮਾਨ ਖਾਨ ਫਿਲਮ ਨੂੰ ਈਦ 'ਤੇ ਰਿਲੀਜ਼ ਨਾ ਕਰਦਿਆਂ ਅਗਲੇ ਸਾਲ ਦੀ ਈਦ ਦਾ ਇੰਤਜ਼ਾਰ ਕਰ ਸਕਦੇ ਹਨ।
ਫਿਲਮ 'ਸੱਤਿਆਮੇਵ ਜਯਤੇ 2' ਅਤੇ ਰਾਧੇ ਈਦ ਦੇ ਦਿਨ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣੀਆਂ ਸਨ। ਹੁਣ ਰਿਲੀਜ਼ਿੰਗ ਦਾ ਮੁਸ਼ਕਲ ਲੱਗ ਰਿਹਾ ਹੈ | ਅਜਿਹੀ ਸਥਿਤੀ ਵਿੱਚ ਅਜੇ ਦੇਵਗਨ, ਸੰਜੇ ਦੱਤ ਅਤੇ ਸੋਨਾਕਸ਼ੀ ਸਿਨਹਾ ਦੇ ਭੁਜ ਓਟੀਟੀ ‘ਤੇ ਰਿਲੀਜ਼ ਕਰਨ ਦੀ ਪੂਰੀ ਪਲਾਨਨਿੰਗ ਹੈ। ਫਿਲਮ 'ਭੁਜ ਦਿ ਪ੍ਰਾਈਡ ਆਫ ਇੰਡੀਆ' ਦੀ ਐਡਿਟਿੰਗ ਦਾ ਕੰਮ ਪੂਰਾ ਹੋ ਚੁੱਕਿਆ ਹੈ। ਵਾਰ ਸਿਕੁਅੰਸ ਵਾਲੇ ਸੀਨਸ 'ਚ ਕਾਫੀ ਵੱਡੇ ਲੈਵਲ 'ਤੇ ਵੀਐਫਐਕਸ ਦਾ ਕੰਮ ਕੀਤਾ ਜਾ ਰਿਹਾ ਹੈ।
ਅਹਿਮ ਗੱਲ ਇਹ ਹੈ ਕਿ ਅਜੇ ਦੇਵਗਨ ਦੇ ਭੁਜ ਲਈ 112 ਕਰੋੜ ਦੀ ਡੀਲ ਹੋਈ ਹੈ। ਜੋ ਕਿ ਫਿਲਮ ਦੇ ਪੂਰੇ ਬਜਟ ਤੋਂ ਵੀ ਜ਼ਿਆਦਾ ਹੈ। ਜੇਕਰ ਇਹ ਫਿਲਮ ਰਿਲੀਜ਼ ਹੁੰਦੀ ਹੈ ਤਾਂ ਇਸ ਫਿਲਮ ਦੇ ਨਾਲ ਪੰਜਾਬੀ ਗਾਇਕ ਤੇ ਅਦਾਕਾਰ ਐਮੀ ਵਿਰਕ ਦਾ ਵੀ ਬੌਲੀਵੁੱਡ ਡੈਬਿਊ ਹੋਵੇਗਾ। ਕਿਉਕਿ ਐਮੀ ਵਿਰਕ ਵੀ ਇਸ ਫਿਲਮ ਦੇ ਇਕ ਅਹਿਮ ਕਿਰਦਾਰ 'ਚ ਨਜ਼ਰ ਆਉਣ ਵਾਲੇ ਹਨ।