ਬਿੱਗ ਬੌਸ 14 ਦੀ ਜੇਤੂ ਬਣਨ ਤੋਂ ਬਾਅਦ, ਰੁਬੀਨਾ ਦਿਲੇਕ ਹੁਣ ਛੁੱਟੀਆਂ 'ਤੇ ਜਾਣਾ ਚਾਹੁੰਦੀ ਹੈ। ਹਾਲ ਹੀ ਵਿੱਚ ਉਸ ਨੇ ਇੱਕ ਸਵੀਮ ਸੂਟ ਵਿੱਚ ਆਪਣੀ ਇੱਕ ਫੋਟੋ ਪੋਸਟ ਕੀਤੀ ਹੈ ਜਿਸ ਵਿੱਚ ਉਸ ਨੇ ਲਿਖਿਆ ਹੈ, ਮੈਂ ਛੁੱਟੀਆਂ ‘ਤੇ ਜਾਣ ਲਈ ਬੇਤਾਬ ਹਾਂ। ਇਸ ਫੋਟੋ 'ਚ ਰੂਬੀਨਾ ਕਲਰਫੁੱਲ ਬਿਕਨੀ 'ਚ ਦਿਖਾਈ ਦੇ ਰਹੀ ਹੈ ਅਤੇ ਉਹ ਪੂਲ ਦੇ ਅੰਦਰ ਹੈ।
ਰੁਬੀਨਾ ਨੇ ਬਿੱਗ ਬੌਸ ਵਿੱਚ ਤਕਰੀਬਨ ਪੰਜ ਮਹੀਨੇ ਬਿਤਾਉਣ ਤੋਂ ਬਾਅਦ ਬਿੱਗ ਬੌਸ ਦਾ ਖਿਤਾਬ ਆਪਣੇ ਨਾਮ ਕੀਤਾ ਸੀ। ਰੁਬੀਨਾ ਦੀ ਇਸ ਫੋਟੋ 'ਤੇ, ਉਸ ਦੇ ਪਤੀ ਅਭਿਨਵ ਸ਼ੁਕਲਾ ਨੇ ਇੱਕ ਮਜ਼ਾਕੀਆ ਜਵਾਬ ਦਿੱਤਾ ਅਤੇ ਉਸ ਨੇ ਲਿਖਿਆ, ਨਹੀਂ ... ਅਤੇ ਦੋ ਤਲਵਾਰਾਂ ਦੇ ਕਰਾਸ ਇਮੋਜੀ ਨਾਲ ਇੱਕ ਨਿਸ਼ਾਨ ਬਣਾਇਆ। ਹਾਲਾਂਕਿ, ਪ੍ਰਸ਼ੰਸਕਾਂ ਨੇ ਰੂਬੀਨਾ ਨੂੰ ਖੁਸ਼ ਕੀਤਾ ਅਤੇ ਕਿਹਾ, ਕਿਰਪਾ ਕਰਕੇ ਛੁੱਟੀਆਂ 'ਤੇ ਜਾਓ, ਅਸੀਂ ਤੁਹਾਡੀਆਂ ਖੂਬਸੂਰਤ ਤਸਵੀਰਾਂ ਦਾ ਇੰਤਜ਼ਾਰ ਕਰ ਰਹੇ ਹਾਂ। ਇਕ ਹੋਰ ਪ੍ਰਸ਼ੰਸਕ ਨੇ ਲਿਖਿਆ, ਹਾਂ, ਤੁਹਾਨੂੰ ਇਸ ਬਿਜ਼ੀ ਦੁਨੀਆ ਤੋਂ ਕੁਝ ਸਮਾਂ ਚੋਰੀ ਕਰਕੇ ਰੈਸਟ 'ਤੇ ਜਾਣਾ ਚਾਹੀਦਾ ਹੈ।
ਹਾਲ ਹੀ ਵਿੱਚ, ਰੁਬੀਨਾ ਨੇ ਇੱਕ ਇੰਟਰਵਿਊ ਵਿੱਚ ਬਿੱਗ ਬੌਸ ਵਿੱਚ ਆਪਣੀ ਜਰਨੀ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਉਸ ਨੂੰ ਬਿਗ ਬੌਸ ਵਿੱਚ ਜਾ ਕੇ ਅਭਿਨਵ ਨਾਲ ਆਪਣੇ ਰਿਸ਼ਤੇ ਵਿੱਚ ਸੁਧਾਰ ਕਰਨ ਦਾ ਮੌਕਾ ਮਿਲਿਆ। ਬਿੱਗ ਬੌਸ ਤੋਂ ਪਹਿਲਾਂ ਦੋਵੇਂ ਤਲਾਕ ਦੀ ਕਗਾਰ 'ਤੇ ਪਹੁੰਚ ਗਏ ਸਨ। ਅਭਿਨਵ ਨੇ ਖੁਲਾਸਾ ਕੀਤਾ ਸੀ ਕਿ ਰੁਬੀਨਾ ਲਈ ਲੌਕਡਾਊਨ ਵਿੱਚ ਕੌਫੀ ਨਾ ਬਣਾਉਣਾ ਉਸ 'ਤੇ ਭਾਰੀ ਪੈ ਗਿਆ ਸੀ ਅਤੇ ਇਹ ਉਸ ਦੇ ਤਲਾਕ ਦਾ ਕਾਰਨ ਬਣ ਗਿਆ, ਜਦਕਿ ਰੁਬੀਨਾ ਦਾ ਕਹਿਣਾ ਹੈ ਕਿ ਤਲਾਕ ਦਾ ਕਾਰਨ ਸਿਰਫ ਕੌਫੀ ਨਹੀਂ ਬਲਕਿ ਹੋਰ ਵੀ ਸੀ।