ਅਜੇ ਦੇਵਗਨ ਨੇ ਮੁੰਬਈ ਵਿਚ ਇਕ ਆਲੀਸ਼ਾਨ ਘਰ ਖਰੀਦਿਆ ਹੈ, ਜਿਸ ਨੂੰ ਲੈ ਕੇ ਉਹ ਇਕ ਵਾਰ ਫਿਰ ਚਰਚਾ ਦੇ ਵਿਚ ਆਏ ਹਨ। ਕਾਜੋਲ ਅਤੇ ਅਜੇ ਦੇਵਗਨ ਨੇ ਮੁੰਬਈ ਦੇ ਜੁਹੂ ਵਿੱਚ ਲਗਭਗ 60 ਕਰੋੜ ਰੁਪਏ ਦੇ ਲਗਜ਼ਰੀ ਬੰਗਲੇ ਨੂੰ ਖਰੀਦਿਆ ਹੈ। ਰਿਪੋਰਟਸ ਦੇ ਮੁਤਾਬਕ ਇਹ ਬੰਗਲਾ ਕਾਫੀ ਵੱਡੇ ਏਰੀਏ ਦੇ ਵਿੱਚ ਫੈਲਿਆ ਹੈ ਅਤੇ ਬਾਲੀਵੁੱਡ ਦੇ ਹੋਰ ਸਿਤਾਰੇ ਵੀ ਇਸੇ ਲੋਕੇਸ਼ਨ 'ਤੇ ਰਹਿੰਦੇ ਹਨ।
ਹਾਲਾਂਕਿ, ਇਸ ਦੀ ਕੀਮਤ ਬਾਰੇ ਕੁਝ ਨਹੀਂ ਦੱਸਿਆ। ਪਰ ਰਿਪੋਰਟਸ ਦੇ ਮੁਤਾਬਕ ਦੱਸਿਆ ਜਾ ਰਿਹਾ ਹੈ ਕਿ ਅਜੇ ਦੇਵਗਨ ਨੇ ਇਹ ਬੰਗਲਾ 60 ਕਰੋੜ ਰੁਪਏ ਵਿੱਚ ਖਰੀਦਿਆ ਹੈ। ਅਜੇ ਦੇਵਗਨ ਪਿਛਲੇ ਇਕ ਸਾਲ ਤੋਂ ਇਕ ਨਵੇਂ ਘਰ ਦੀ ਤਲਾਸ਼ ਵਿਚ ਸੀ। ਹੁਣ ਉਨ੍ਹਾਂ ਦੀ ਭਾਲ ਪੂਰੀ ਹੋ ਗਈ ਹੈ ਅਤੇ ਉਨ੍ਹਾਂ ਨੇ ਇੱਕ ਸ਼ਾਨਦਾਰ ਘਰ ਖਰੀਦਿਆ, ਜੋ ਕਿ ਕਾਫ਼ੀ ਸੁੰਦਰ ਹੈ।
ਰਿਤਿਕ ਰੋਸ਼ਨ, ਅਮਿਤਾਭ ਬੱਚਨ, ਧਰਮਿੰਦਰ ਅਤੇ ਅਕਸ਼ੇ ਕੁਮਾਰ ਵੀ ਅਜੇ ਦੇਵਗਨ ਦੇ ਇਸ ਨਵੇਂ ਘਰ ਦੇ ਨੇੜੇ ਰਹਿੰਦੇ ਹਨ। ਵੈਸੇ, ਅਜੇ ਦੇਵਗਨ ਅਤੇ ਕਾਜੋਲ ਦੇ ਘਰ ਦਾ ਨਾਮ ਸ਼ਿਵਸ਼ਕਤੀ ਹੈ। ਦੋਵਾਂ ਦਾ ਪੁਰਾਣਾ ਘਰ ਅਜੇ ਵੀ ਜੁਹੂ 'ਚ ਹੈ।