ਬੌਲੀਵੁੱਡ ਅਦਾਕਾਰ ਅਕਸ਼ੇ ਕੁਮਾਰ ਬਾਰੇ ਅਜਿਹੀਆਂ ਅਫਵਾਹਾਂ ਆ ਰਹੀਆਂ ਸੀ ਕਿ ਉਨ੍ਹਾਂ ਨੇ ਆਪਣੀ ਆਉਣ ਵਾਲੀ ਫਿਲਮ ‘ਬੈਲ ਬੋਟਮ’ ਦੀ ਫੀਸ ਨੂੰ 30 ਕਰੋੜ ਰੁਪਏ ਤੱਕ ਘਟਾ ਦਿੱਤਾ ਹੈ। ਹਾਲਾਂਕਿ, ਹੁਣ ਇਸ ਖਬਰ 'ਤੇ ਅਕਸ਼ੇ ਕੁਮਾਰ ਦਾ ਰੀਐਕਸ਼ਨ ਆਇਆ ਹੈ ਅਤੇ ਉਨ੍ਹਾਂ ਨੇ ਅਜਿਹੀਆਂ ਸਾਰੀਆਂ ਖਬਰਾਂ ਨੂੰ ਫੇਕ ਦੱਸਦੇ ਹੋਏ ਇੱਕ ਟਵੀਟ ਕੀਤਾ ਹੈ।
ਅਕਸ਼ੇ ਕੁਮਾਰ ਦੀ ਆਉਣ ਵਾਲੀ ਇਹ ਫਿਲਮ ਜਾਸੂਸੀ 'ਤੇ ਅਧਾਰਤ ਹੈ ਅਤੇ ਫਿਲਮ ਦੀ ਜ਼ਿਆਦਾਤਰ ਸ਼ੂਟਿੰਗ ਸਕਾਟਲੈਂਡ 'ਚ ਕੀਤੀ ਗਈ ਹੈ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਫਿਲਮ ਦੇ ਪ੍ਰੋਡਿਊਸਰ ਵਾਸੂ ਭਗਨਾਣੀ ਨੇ ਅਕਸ਼ੇ ਕੁਮਾਰ ਨੂੰ ਫਿਲਮ ਦੀ ਫੀਸ 30 ਕਰੋੜ ਰੁਪਏ ਤੋਂ ਘਟਾਉਣ ਦੀ ਰਿਕੁਐਸਟ ਕੀਤੀ ਸੀ, ਤੇ ਕਿਹਾ ਇਹ ਜਾ ਰਿਹਾ ਸੀ ਅਕਸ਼ੇ ਕੁਮਾਰ ਨੇ ਵਾਸੂ ਦੀ ਇਸ ਰਿਕੁਐਸਟ ਨੂੰ ਸਵੀਕਾਰ ਕਰ ਲਿਆ ਸੀ।
ਫਿਲਮ 'ਬੈਲ ਬੌਟਮ' ਲਈ ਅਕਸ਼ੇ ਕੁਮਾਰ ਨੇ 117 ਕਰੋੜ ਦੀ ਭਾਰੀ ਫੀਸ ਮੰਗੀ ਸੀ, ਕਿਹਾ ਜਾਂਦਾ ਹੈ ਕਿ ਬਾਅਦ ਵਿਚ ਅਕਸ਼ੇ ਨੇ ਇਸ ਫੀਸ ਨੂੰ ਵਧਾ ਕੇ 135 ਕਰੋੜ ਰੁਪਏ ਕਰ ਦਿੱਤਾ ਸੀ। ਅਕਸ਼ੇ ਦਾ ਕਹਿਣਾ ਹੈ ਕਿ ਇਹ ਸਭ ਗੱਲਾਂ ਬੇਬੁਨਿਆਦ ਨੇ ਇਨ੍ਹਾਂ ਦਾ ਸੱਚ ਨਾਲ ਕੋਈ ਲੈਣਾ ਦੇਣਾ ਨਹੀਂ ਹੈ।