Sonam Bajwa Akshay Kumar: ਅਕਸ਼ੈ ਕੁਮਾਰ ਬਾਲੀਵੁੱਡ ਦੇ ਉਨ੍ਹਾਂ ਏ-ਲਿਸਟਰਾਂ ਵਿੱਚੋਂ ਇੱਕ ਹੈ ਜੋ ਹਮੇਸ਼ਾ ਆਪਣੇ ਪਾਵਰ-ਪੈਕ ਪ੍ਰਦਰਸ਼ਨ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਵਿੱਚ ਕੋਈ ਕਸਰ ਨਹੀਂ ਛੱਡਦਾ। ਹਾਲਾਂਕਿ, ਲੰਬੇ ਸਮੇਂ ਤੋਂ ਅਭਿਨੇਤਾ ਦੀਆਂ ਕਈ ਬੈਕ-ਟੂ-ਬੈਕ ਫਿਲਮਾਂ ਬਾਕਸ ਆਫਿਸ 'ਤੇ ਫਲਾਪ ਹੋਈਆਂ ਹਨ। ਹੁਣ ਉਨ੍ਹਾਂ ਨੂੰ ਸੋਨਮ ਬਾਜਵਾ ਅਤੇ ਮੌਨੀ ਰਾਏ ਦੇ ਨਾਲ ਉਨ੍ਹਾਂ ਦੇ ਵਰਲਡ ਟੂਰ 'ਦਿ ਐਂਟਰਟੇਨਰਜ਼' ਦੌਰਾਨ ਸਟੇਜ 'ਤੇ ਸ਼ਰਟਲੈੱਸ ਡਾਂਸ ਕਰਨ ਲਈ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਹਾਲਾਂਕਿ ਅਦਾਕਾਰ ਦੇ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਦਾ ਪੂਰਾ ਸਮਰਥਨ ਕੀਤਾ ਹੈ।
ਇਹ ਵੀ ਪੜ੍ਹੋ: ਪੰਜਾਬੀ ਗਾਇਕ ਹਰਭਜਨ ਮਾਨ ਬਠਿੰਡਾ ਦੀਆਂ ਸੜਕਾਂ 'ਤੇ ਘੁੰਮਦੇ ਆਏ ਨਜ਼ਰ, ਬੋਲੇ- 'ਯਾਦਾਂ ਤਾਜ਼ੀਆਂ ਹੋ ਗਈਆਂ'
ਅਕਸ਼ੇ ਕੁਮਾਰ ਦਾ ਸ਼ਰਟਲੈੱਸ ਡਾਂਸ ਵੀਡੀਓ ਵਾਇਰਲ ਹੋ ਰਿਹਾ ਹੈ
ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਵੀਡੀਓ 'ਚ ਅਕਸ਼ੇ ਕੁਮਾਰ ਨੂੰ ਮੌਨੀ ਰਾਏ ਅਤੇ ਸੋਨਮ ਬਾਜਵਾ ਨਾਲ ਸਟੇਜ 'ਤੇ ਸ਼ਰਟ ਉਤਾਰ ਕੇ ਡਾਂਸ ਕਰਦੇ ਦੇਖਿਆ ਜਾ ਸਕਦਾ ਹੈ। ਵੀਡੀਓ 'ਚ ਅਦਾਕਾਰ ਨੇ ਆਪਣੀ 2012 ਦੀ ਫਿਲਮ 'ਖਿਲਾੜੀ 786' ਦੇ ਗੀਤ 'ਬਲਮਾ' 'ਤੇ ਡਾਂਸ ਕੀਤਾ। ਇੰਟਰਨੈੱਟ 'ਤੇ ਇਹ ਵੀਡੀਓ ਵਾਇਰਲ ਹੁੰਦੇ ਹੀ ਨੇਟੀਜ਼ਨ ਨੇ ਅਦਾਕਾਰ ਨੂੰ ਟ੍ਰੋਲ ਕਰਨਾ ਸ਼ੁਰੂ ਕਰ ਦਿੱਤਾ। ਜਿੱਥੇ ਕੁਝ ਪ੍ਰਸ਼ੰਸਕ ਇਸ ਉਮਰ 'ਚ ਅੱਕੀ ਦੀ ਫਿਟਨੈੱਸ ਦੀ ਤਾਰੀਫ ਕਰ ਰਹੇ ਹਨ, ਉੱਥੇ ਹੀ ਇਕ ਨੇਟੀਜ਼ਨ ਨੇ ਤਾਂ ਅਦਾਕਾਰ ਨੂੰ 'ਬੇਸ਼ਰਮ' ਵੀ ਕਿਹਾ ਹੈ।
ਯੂਜ਼ਰਸ ਅਕਸ਼ੈ ਕੁਮਾਰ ਨੂੰ ਜ਼ਬਰਦਸਤ ਟ੍ਰੋਲ ਕਰ ਰਹੇ ਹਨ
ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ,ਇੱਕ ਯੂਜ਼ਰ ਨੇ ਟਵਿੱਟਰ 'ਤੇ ਲਿਿਖਿਆ, '59 ਸਾਲ ਦਾ ਸ਼ਰਟਲੈੱਸ ਅੰਕਲ 23-24 ਸਾਲ ਦੀਆਂ ਕੁੜੀਆਂ ਨਾਲ ਅਜੀਬੋ ਗਰੀਬ ਡਾਂਸ ਕਰਦਾ ਕਿੰਨਾ ਅਜੀਬ ਲੱਗ ਰਿਹਾ ਹੈ।' ਇੱਕ ਹੋਰ ਸ਼ਖਸ ਨੇ ਲਿਿਖਿਆ, 'ਇਹ ਅਕਸ਼ੇ ਕੁਮਾਰ ਦਾ ਪਤਨ ਹੈ।' ਇੱਕ ਹੋਰ ਯੂਜ਼ਰ ਨੇ ਲਿਿਖਿਆ, 'ਅੰਕਲ ਥੋੜੀ ਸ਼ਰਮ ਕਰੋ।' ਇੱਕ ਹੋਰ ਨੇ ਲਿਿਖਿਆ, 'ਇਹ ਇੰਡੀਅਨ ਨਹੀਂ ਕੈਨੇਡੀਅਨ ਕਲਚਰ ਹੈ।'
ਅਕਸ਼ੇ ਕੁਮਾਰ ਵਰਕ ਫਰੰਟ
ਦੂਜੇ ਪਾਸੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਅਕਸ਼ੇ ਕੁਮਾਰ ਕੋਲ ਕਈ ਫਿਲਮਾਂ ਹਨ। ਅਭਿਨੇਤਾ ਇਸ ਸਮੇਂ ਟਾਈਗਰ ਸ਼ਰਾਫ ਨਾਲ 'ਬੜੇ ਮੀਆਂ ਛੋਟੇ ਮੀਆਂ' ਅਤੇ ਪਰੇਸ਼ ਰਾਵਲ-ਸੁਨੀਲ ਸ਼ੈੱਟੀ ਨਾਲ 'ਹੇਰਾ ਫੇਰੀ 3' ਦੀ ਸ਼ੂਟਿੰਗ ਵਿੱਚ ਰੁੱਝਿਆ ਹੋਇਆ ਹੈ। ਇਨ੍ਹਾਂ ਤੋਂ ਇਲਾਵਾ ਅਦਾਕਾਰ ਕੋਲ ਕਈ ਵੱਡੀਆਂ ਫਿਲਮਾਂ ਹਨ।