Amar Singh Chamkila Broke Amitabh Bachchan: ਮਰਹੂਮ ਗਾਇਕ ਅਮਰ ਸਿੰਘ ਚਮਕੀਲਾ ਦਾ ਨਾਮ ਇੰਨੀਂ ਦਿਨੀਂ ਖੂਬ ਸੁਰਖੀਆਂ 'ਚ ਬਣਿਆ ਹੋਇਆ ਹੈ। ਨੈੱਟਫਲਿਕਸ 'ਤੇ ਫਿਲਮ 'ਅਮਰ ਸਿੰਘ ਚਮਕੀਲਾ' 12 ਅਪ੍ਰੈਲ ਨੂੰ ਰਿਲੀਜ਼ ਹੋ ਚੁੱਕੀ ਹੈ। ਫਿਲਮ 'ਚ ਦਿਲਜੀਤ ਦੋਸਾਂਝ ਨੇ ਚਮਕੀਲਾ ਬਣ ਕੇ ਸਭ ਦਾ ਦਿਲ ਜਿੱਤ ਲਿਆ ਹੈ। ਦੂਜੇ ਪਾਸੇ, ਫਿਲਮ ਰਾਹੀਂ ਚਮਕੀਲੇ ਬਾਰੇ ਕਈ ਅਜਿਹੀਆਂ ਗੱਲਾਂ ਤੇ ਤੱਥ ਸਾਹਮਣੇ ਆ ਰਹੇ ਹਨ, ਜੋ ਪੰਜਾਬੀਆਂ ਨੇ ਵੀ ਅੱਜ ਤੱਕ ਕਦੇ ਨਹੀਂ ਸੁਣੇ ਸੀ।
ਕੀ ਤੁਹਾਨੂੰ ਪਤਾ ਹੈ ਕਿ 80 ਦੇ ਦਹਾਕਿਆਂ 'ਚ ਅਮਰ ਸਿੰਘ ਚਮਕੀਲਾ ਬਾਲੀਵੁੱਡ ਦੇ ਦਿੱਗਜ ਸਿਤਾਰਿਆਂ ਤੋਂ ਜ਼ਿਆਦਾ ਮਸ਼ਹੂਰ ਸੀ। ਇਸ ਦਾ ਪਤਾ ਚਮਕੀਲੇ ਦੀ ਫਿਲਮ ਦੇਖ ਕੇ ਲੱਗਦਾ ਹੈ। ਇਹ ਤਾਂ ਸਭ ਨੂੰ ਪਤਾ ਹੈ ਕਿ ਚਮਕੀਲਾ ਦੀ ਸਟਾਰਡਮ ਦੇਖ ਕੇ ਸ਼੍ਰੀਦੇਵੀ ਹੈਰਾਨ ਰਹਿ ਗਈ ਸੀ। ਇੱਥੋਂ ਤੱਕ ਕਿ ਅਦਾਕਾਰਾ ਨੇ ਚਮਕੀਲੇ ਨੂੰ ਨਾਲ ਫਿਲਮ ਕਰਨ ਦਾ ਵੀ ਆਫਰ ਦੇ ਦਿੱਤਾ ਸੀ। ਜਿਸ ਨੂੰ ਚਮਕੀਲੇ ਨੇ ਠੁਕਰਾ ਦਿੱਤਾ ਸੀ।
ਹੁਣ ਇਹ ਵੀ ਚਮਕੀਲੇ ਬਾਰੇ ਗੱਲ ਸਾਹਮਣੇ ਆਈ ਹੈ ਕਿ ਉਸ ਦੀ ਪ੍ਰਸਿੱਧੀ 70-80 ਦੇ ਦਹਾਕਿਆਂ ਦੇ ਸੁਪਰਸਟਾਰ ਅਮਿਤਾਭ ਬੱਚਨ ਤੋਂ ਵੀ ਜ਼ਿਆਦਾ ਸੀ। ਚਮਕੀਲਾ ਫਿਲਮ 'ਚ ਇੱਕ ਸੀਨ ਹੈ, ਜਿੱਥੇ ਚਮਕੀਲੇ ਦਾ ਕੈਨੇਡਾ 'ਚ ਸ਼ੋਅ ਹੁੰਦਾ ਹੈ। ਫਿਲਮ 'ਚ ਇਹ ਵੀ ਦਿਖਾਇਆ ਗਿਆ ਹੈ ਕਿ ਚਮਕੀਲਾ ਅਮਿਤਾਭ ਬੱਚਨ ਦਾ ਬਹੁਤ ਵੱਡਾ ਫੈਨ ਸੀ। ਜਦੋਂ ਚਮਕੀਲੇ ਨੂੰ ਪਤਾ ਲੱਗਦਾ ਹੈ ਕਿ ਉਹ ਉਸੇ ਜਗ੍ਹਾ ;ਤੇ ਪਰਫਾਰਮ ਕਰ ਰਿਹਾ ਹੈ, ਜਿੱਥੇ ਅਮਿਤਾਭ ਬੱਚਨ ਪਰਫਾਰਮ ਕਰ ਰਹੇ ਹਨ, ਤਾਂ ਉਹ ਇਸ ਗੱਲ 'ਤੇ ਕਾਫੀ ਖੁਸ਼ ਹੋ ਜਾਂਦਾ ਹੈ।
ਜਦੋਂ ਉਹ ਟੈਕਸੀ 'ਚ ਆਡੀਟੋਰੀਅਮ ਵੱਲ ਜਾ ਰਿਹਾ ਹੁੰਦਾ ਹੈ, ਤਾਂ ਉਹ ਪੁੱਛਦਾ ਹੈ ਕਿ ਕੀ ਅਮਿਤਾਭ ਬੱਚਨ ਨੂੰ ਉਹ ਮਿਲ ਸਕਦਾ ਹੈ? ਤਾਂ ਉਸ ਨੂੰ ਅੱਗੋਂ ਜਵਾਬ ਮਿਲਦਾ ਹੈ ਕਿ ਅਮਿਤਾਭ ਬੱਚਨ ਪਰਫਾਰਮ ਕਰਕੇ ਜਾ ਚੁੱਕੇ ਹਨ। ਇਸ ਗੱਲ 'ਤੇ ਚਮਕੀਲਾ ਖੁਸ਼ ਹੋ ਜਾਂਦਾ ਹੈ ਕਿ ਉਹ ਉਸ ਸਟੇਜ 'ਤੇ ਪਰਫਾਰਮ ਕਰ ਰਿਹਾ ਹੈ, ਜਿੱਥੇ ਬੱਚਨ ਪਰਫਾਰਮ ਕਰਕੇ ਗਏ ਹਨ। ਇਸ ਤੋਂ ਬਾਅਦ ਆਡੀਟੋਰੀਅਮ ਹਾਲ 'ਚ ਚਮਕੀਲੇ ਦੀ ਪਰਫਾਰਮੈਂਸ 'ਤੇ ਤਾੜੀਆਂ ਗੂੰਜ ਉੱਠਦੀਆਂ ਹਨ। ਬਾਅਦ 'ਚ ਪਤਾ ਲੱਗਦਾ ਹੈ ਕਿ ਚਮਕੀਲੇ ਨੇ ਆਪਣੀ ਪਰਫਾਰਮੈਂਸ ਨਾਲ ਅਮਿਤਾਭ ਬੱਚਨ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਜਦੋਂ ਅਮਿਤਾਭ ਬੱਚਨ ਨੇ ਪਰਫਾਰਮ ਕੀਤਾ ਤਾਂ ਅਰਗਨਾਈਜ਼ਰਾਂ ਨੂੰ 137 ਸੀਟਾਂ ਵਾਧੂ ਲਗਵਾਉਣੀਆਂ ਪਈਆਂ ਸੀ, ਪਰ ਚਮਕੀਲੇ ਦੀ ਪਰਫਾਰਮੈਂਸ ਲਈ ਆਰਗਨਾਈਜ਼ਰਾਂ ਨੂੰ 1024 ਸੀਟਾਂ ਵਾਧੂ ਲਗਵਾਉਣੀਆਂ ਪਈਆਂ ਸੀ। ਇਸ ਤਰ੍ਹਾਂ ਚਮਕੀਲੇ ਨੇ ਬਿੱਗ ਬੀ ਰਿਕਾਰਡ ਤੋੜਿਆ ਸੀ।