ਚੰਡੀਗੜ੍ਹ: ਟੈਲੰਟ ਨਾਲ ਭਰਿਆ ਪੰਜਾਬੀ ਕਲਾਕਾਰ ਰਣਜੀਤ ਬਾਵਾ ਬਹੁਤ ਜਲਦ ਆਪਣੇ ਫੈਨਜ਼ ਲਈ ਆਪਣੀ ਨਵੀਂ ਐਲਬਮ 'LOUD' ਲੈ ਕੇ ਆ ਰਹੇ ਹਨ। ਆਪਣੀ ਇਸ ਐਲਬਮ ਨਾਲ ਰਣਜੀਤ ਬਾਵਾ ਹੁਣ ਆਪਣੇ ਫੈਨਜ਼ ਨੂੰ ਲੱਗਦਾ ਹੈ ਕਿ ਇੱਕ ਹੋਰ ਸਰਪ੍ਰਾਈਜ਼ ਦੇਣ ਵਾਲੇ ਹਨ। ਰਣਜੀਤ ਬਾਵਾ ਦਾ ਇਸ ਐਲਬਮ ਵਿਚ ਪੰਜਾਬੀ ਆਰਟਿਸਟ ਅੰਮ੍ਰਿਤ ਮਾਨ ਨਾਲ ਕੋਲੈਬੋਰੇਸ਼ਨ ਹੋ ਸਕਦਾ ਹੈ।
ਇਸ ਦਾ ਹਿੰਟ ਰਣਜੀਤ ਬਾਵਾ ਦੇ ਖੁਦ ਦਿੱਤਾ ਹੈ। ਰਣਜੀਤ ਬਾਵਾ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ ਜਿਸ ਵਿੱਚ ਅੰਮ੍ਰਿਤ ਮਾਨ ਉਨ੍ਹਾਂ ਦੇ ਨਾਲ ਦਿਖਾਈ ਦਿੱਤੇ, ਜਿਸ ਤੇ ਲਿਖਿਆ ਦੀ ਐਲਬਮ 'LOUD' ਦਾ ਟਾਈਟਲ ਟਰੈਕ ਅਗਲੇ ਹਫਤੇ ਹੋਣ ਵਾਲਾ ਹੈ।
ਅੰਮ੍ਰਿਤ ਮਾਨ ਦਾ ਲਿਖਿਆ ਗੀਤ ਰਣਜੀਤ ਬਾਵਾ ਤਾਂ ਗਾ ਹੀ ਰਹੇ ਨੇ ਪਰ ਰਣਜੀਤ ਬਾਵਾ ਨਾਲ ਅੰਮ੍ਰਿਤ ਦੀ ਗਾਣੇ ਵਿੱਚ ਫ਼ੀਚਰਿੰਗ ਵੀ ਹੋ ਸਕਦੀ ਹੈ। ਇਸ ਦੇ ਨਾਲ ਹੀ ਇੱਕ ਗੱਲ ਹੋਰ ਵੀ ਹੈ ਕਿ ਅੱਜਕੱਲ੍ਹ ਅੰਮ੍ਰਿਤ ਮਾਨ ਐਲਬਮ ਦੀ ਇੰਟਰੋ ਨੂੰ ਲੈ ਆਪਣਾ ਵੌਇਸ ਓਵਰ ਵੀ ਦੇ ਰਹੇ ਹਨ। ਹੋ ਸਕਦਾ ਹੈ ਰਣਜੀਤ ਬਾਵਾ ਦੀ ਐਲਬਮ ਦੀ ਸ਼ੁਰੂਆਤੀ ਇੰਟਰੋ ਵਿੱਚ ਅੰਮ੍ਰਿਤ ਮਾਨ ਦੀ ਆਵਾਜ਼ ਸੁਣਨ ਨੂੰ ਮਿਲੇ।
ਚਲੋ ਜੋ ਵੀ ਹੁੰਦਾ ਹੈ, ਫੈਨਜ਼ ਲਈ ਹੋਏਗਾ ਬੰਬ ਹੀ, ਕਿਉਂਕਿ ਇੱਕ ਤਾਂ ਐਸਾ ਕਲਾਕਾਰ ਹੈ ਜੋ ਆਪਣੀ ਆਵਾਜ਼ ਨਾਲ ਸਭ ਦੇ ਦਿਲਾਂ ਤੇ ਵਾਰ ਕਰਦਾ ਹੈ ਤੇ ਦੂਜਾ ਕਲਾਕਾਰ ਆਪਣੀ ਕਲਮ ਨਾਲ। ਹਾਲ ਹੀ ਵਿੱਚ ਰਣਜੀਤ ਬਾਵਾ ਨੇ ਆਪਣੀ ਐਲਬਮ ਦਾ ਪੋਸਟਰ ਵੀ ਸ਼ੇਅਰ ਕੀਤਾ ਸੀ ਜਿਸ 'ਚ ਲਿਖਿਆ ਸੀ 'ਸਪੀਕਰਾਂ ਦੀ ਆਵਾਜ਼ ਘੱਟ ਹੀ ਰੱਖਿਓ, ਬਾਵਾ ਆਪ ਹੀ ਉੱਚਾ ਗਾਉਂਦਾ ਹੈ।'
ਇਸ ਪੂਰੀ ਐਲਬਮ ਦਾ ਮਿਉਜ਼ਿਕ ਦੇਸੀ ਕਰੂ ਨੇ ਤਿਆਰ ਕੀਤਾ ਹੈ, ਜਿਸ ਵਿੱਚ ਤਹਾਨੂੰ ਹਿੱਟ ਗੀਤਕਾਰਾਂ ਦੇ ਲਿਖੇ ਗੀਤ ਰਣਜੀਤ ਬਾਵਾ ਦੀ ਦਮਦਾਰ ਆਵਾਜ਼ 'ਚ ਸੁਣਨ ਨੂੰ ਮਿਲਣਗੇ।