ਅਮੈਲੀਆ ਪੰਜਾਬੀ ਦੀ ਰਿਪੋਰਟ
Arjan Dhillon Saroor Punjab Intro Album Out Now: ਅਰਜਨ ਢਿੱਲੋਂ ਪੰਜਾਬੀ ਇੰਡਸਟਰੀ ਦਾ ਉਹ ਨਾਮ ਹੈ, ਜੋ ਕਿਸੇ ਜਾਣ ਪਛਾਣ ਦਾ ਮੋਹਤਾਜ ਨਹੀਂ ਹੈ। ਉਸ ਨੇ ਆਪਣੀ ਗਾਇਕੀ ਦੇ ਕਰੀਅਰ 'ਚ ਇੰਡਸਟਰੀ ਨੂੰ ਇੱਕ ਤੋਂ ਵਧ ਕੇ ਇੱਕ ਸੁਪਰਹਿੱਟ ਗਾਣੇ ਦਿੱਤੇ ਹਨ। ਹੁਣ ਅਰਜਨ ਢਿੱਲੋਂ ਦੀ ਨਵੀਂ ਐਲਬਮ 'ਸਰੂਰ ਪੰਜਾਬ ਇੰਟਰੋ' ਆਜ ਯਾਨਿ 29 ਜੂਨ ਨੂੰ ਰਿਲੀਜ਼ ਹੋ ਗਈ ਹੈ। ਰਿਲੀਜ਼ ਹੁੰਦੇ ਹੀ ਅਰਜਨ ਤੇ ਉਸ ਦੀ ਐਲਬਮ ਦੋਵੇਂ ਹੀ ਸੁਰਖੀਆਂ 'ਚ ਆ ਗਏ ਹਨ।
ਦੱਸ ਦਈਏ ਕਿ ਇਸ ਐਲਬਮ 'ਚ 15 ਗਾਣੇ ਹਨ। ਇਸ ਐਲਬਮ ਦਾ ਇਕੱਲਾ ਇਕੱਲਾ ਗਾਣਾ ਸੁਣ ਕੇ ਤੁਹਾਨੂੰ ਇਹ ਪਤਾ ਲੱਗਦਾ ਹੈ ਕਿ ਅਰਜਨ ਢਿੱਲੋਂ ਦੀ ਕਲਮ ਦਾ ਕੋਈ ਮੁਕਾਬਲਾ ਨਹੀਂ ਹੈ। ਅਰਜਨ ਢਿੱਲੋਂ ਪੰਜਾਬੀ ਇੰਡਸਟਰੀ ਦਾ ਅਨਮੋਲ ਰਤਨ ਹੈ। ਆਪਣੇ ਗਾਣਿਆਂ 'ਚ ਆਸ਼ਕੀ ਤੇ ਹਥਿਆਰਾਂ ਤੇ ਭੁੱਕੀ ਅਫੀਮ ਦੀਆਂ ਗੱਲਾਂ ਤਾਂ ਸਾਰੇ ਹੀ ਕਰ ਲੈਂਦੇ ਹਨ, ਪਰ ਇਹ ਜੋ ਐਲਬਮ ਅਰਜਨ ਨੇ ਕੱਢੀ ਹੈ। ਹੁਣ ਤੱਕ ਅਜਿਹਾ ਕੁੱਝ ਪੰਜਾਬੀ ਇੰਡਸਟਰੀ 'ਚ ਕਦੇ ਸੁਣਿਆ ਨਹੀਂ ਗਿਆ।
ਅਰਜਨ ਨੇ ਆਪਣੀ ਐਲਬਮ ਦੇ ਹਰ ਗੀਤ 'ਚ ਡੂੰਘਾ ਸੰਦੇਸ਼ ਦਿੱਤਾ ਹੈ। ਜੋ ਕਿ ਸਿੱਧਾ ਦਿਲਾਂ 'ਚ ਉੱਤਰਦਾ ਹੈ। ਪੁਰਾਣੀਆਂ ਤੇ ਨਵੀਆਂ ਚੀਜ਼ਾਂ ਦਾ ਮੇਲ ਵੀ ਬਾਕਮਾਲ ਹੈ। ਗੀਤਾਂ ਵਿੱਚ ਕਈ ਲਾਈਨਾਂ ਤਾਂ ਅਜਿਹੀਆਂ ਹਨ, ਜੋ ਸਿੱਧਾ ਤੁਹਾਡੀਆਂ ਦਿਲ ਕੱਢ ਕੇ ਲੈ ਜਾਂਦੀਆਂ ਹਨ ਅਤੇ ਤੁਸੀਂ ਅਰਜਨ ਦੀ ਤਾਰੀਫ ਕਰੇ ਬਗੈਰ ਰਹਿ ਨਹੀਂ ਪਾਉਂਦੇ। ਦੱਸ ਦਈਏ ਕਿ ਅਰਜਨ ਢਿੱਲੋਂ ਨੇ ਆਪਣੀ ਐਲਬਮ ਪੰਜ-ਆਬ ਰਿਕਾਰਡਜ਼ ਦੇ ਲੇਬਲ ਹੇਠ ਰਿਲੀਜ਼ ਕੀਤੀ ਹੈ। ਉਸ ਨੇ ਆਪਣੇ ਗੀਤਾਂ ਨੂੰ ਖੁਦ ਹੀ ਕਲਮਬੱਧ ਕੀਤਾ ਹੈ ਤੇ ਖੁਦ ਸੁਰਾਂ ਦੇ ਨਾਲ ਸਜਾਇਆ ਹੈ।
ਕਿੱਥੇ ਸੁਣ ਸਕਦੇ ਹੋ ਗਾਣੇ
ਅਰਜਨ ਢਿੱਲੋਂ ਨੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਪੇਜ 'ਤੇ ਜਾਣਕਾਰੀ ਦਿੱਤੀ ਸੀ ਕਿ ਇਸ ਐਲਬਮ ਦੇ ਗਾਣੇ ਯੂਟਿਊਬ 'ਤੇ ਰਿਲੀਜ਼ ਹੋਣਗੇ ਇਸ ਦੇ ਨਾਲ ਨਾਲ ਸਾਰੀਆਂ ਮਿਊਜ਼ਿਕ ਐਪਸ 'ਤੇ ਵੀ ਨਾਲ ਦੀ ਨਾਲ ਰਿਲੀਜ਼ ਹੋ ਜਾਣਗੇ।ਕਾਬਿਲੇਗ਼ੌਰ ਹੈ ਕਿ ਅਰਜੁਨ ਢਿੱਲੋਂ ਪੰਜਾਬੀ ਇੰਡਸਟਰੀ ਦੇ ਦਿੱਗਜ ਗਾਇਕਾਂ ਵਿੱਚੋਂ ਇੱਕ ਹੈ। ਉਸ ਨੇ ਆਪਣੇ ਕਰੀਅਰ 'ਚ ਇੰਡਸਟਰੀ ਨੂੰ ਬੇਸ਼ੁਮਾਰ ਹਿੱਟ ਗਾਣੇ ਤੇ ਐਲਬਮਾਂ ਦਿੱਤੀਆਂ ਹਨ।