Armaan Dhillon Performance On Kulwinder Dhillon Song: ਕੁਲਵਿੰਦਰ ਢਿੱਲੋਂ ਪੰਜਾਬੀ ਇੰਡਸਟਰੀ ਦੇ ਟੌਪ ਗਾਇਕਾਂ ਵਿੱਚੋਂ ਇੱਕ ਸੀ। ਉਨ੍ਹਾਂ ਦੇ ਗਾਏ ਗਾਣੇ ਅੱਜ ਤੱਕ ਲੋਕਾਂ ਦੀ ਜ਼ੁਬਾਨ 'ਤੇ ਹਨ। ਕੁਲਵਿੰਦਰ ਢਿੱਲੋਂ ਨਾਮ ਦਾ ਇਹ ਸਿਤਾਰਾ ਆਪਣੀਆਂ ਬੁਲੰਦੀਆਂ ਨੂੰ ਛੂਹ ਰਿਹਾ ਸੀ ਕਿ ਅਚਾਨਕ ਹੀ ਗਾਇਕ ਦੁਨੀਆ ਤੋਂ ਅਕਾਲ ਚਲਾਣਾ ਕਰ ਗਏ। ਸਾਲ 2003 'ਚ ਉਨ੍ਹਾਂ ਦੀ ਭਿਆਨਕ ਰੋਡ ਐਕਸੀਡੈਂਟ 'ਚ ਦਰਦਨਾਕ ਮੌਤ ਹੋ ਗਈ ਸੀ। ਪਰ ਉਨ੍ਹਾਂ ਦੇ ਬੇਟੇ ਅਰਮਾਨ ਢਿੱਲੋਂ ਨੇ ਉਨ੍ਹਾਂ ਨੂੰ ਅੱਜ ਵੀ ਸਭ ਦੀਆਂ ਯਾਦਾਂ 'ਚ ਜ਼ਿੰਦਾ ਰੱਖਿਆ ਹੋਇਆ ਹੈ।
ਇਹ ਵੀ ਪੜ੍ਹੋ: ਸਤਿੰਦਰ ਸਰਤਾਜ ਦੇ ਸ਼ੋਅ ਚ ਜਪਜੀ ਖਹਿਰਾ ਨੇ ਲਾਈਆਂ ਰੌਣਕਾਂ, ਦੇਖੋ ਕਿਵੇ ਸਰਤਾਜ ਦੇ ਗੀਤ ਤੇ ਕੀਤਾ ਡਾਂਸ
ਹਾਲ ਹੀ 'ਚ ਕੁਲਵਿੰਦਰ ਢਿੱਲੋਂ ਦੇ ਪੁੱਤਰ ਅਰਮਾਨ ਨੇ ਇੱਕ ਵੀਡੀਓ ਆਪਣੇ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ, ਜਿਸ ਵਿੱਚ ਉਸ ਨੂੰ ਦੇਖ ਕੇ ਤੁਸੀਂ ਭੁਲੇਖਾ ਖਾ ਜਾਓਗੇ ਕਿ ਉਹ ਅਰਮਾਨ ਹੈ ਕਿ ਕੁਲਵਿੰਦਰ ਢਿੱਲੋਂ। ਅਰਮਾਨ ਢਿੱਲੋਂ ਨੇ ਉਸੇ ਤਰ੍ਹਾਂ ਦਾ ਪਹਿਰਾਵਾ ਪਹਿਿਨਿਆ ਹੈ, ਜਿਸ ਤਰ੍ਹਾਂ ਦਾ ਪਹਿਰਾਵਾ ਆਪਣੀ ਸਟੇਜ ਪਰਫਾਰਮੈਂਸ 'ਚ ਕੁਲਵਿੰਦਰ ਢਿੱਲੋਂ ਪਹਿਨਦੇ ਸੀ।
ਇਹੀ ਨਹੀਂ, ਉਸ ਨੇ ਕੁਲਵਿੰਦਰ ਢਿੱਲੋਂ ਦੇ ਗਾਣੇ 'ਕੱਲ੍ਹੀ ਕਿਤੇ ਮਿਲ' 'ਤੇ ਧਮਾਕੇਦਾਰ ਪਰਫਾਰਮੈਂਸ ਵੀ ਕੀਤੀ। ਸ਼ੋਅ 'ਚ ਮੌਜੂਦ ਸਭ ਲੋਕ ਇਹ ਗਾਣਾ ਸੁਣ ਕੇ ਬੇਹੱਦ ਖੁਸ਼ ਨਜ਼ਰ ਆ ਰਹੇ ਸੀ। ਦੇਖੋ ਇਹ ਵੀਡੀਓ:
ਦੱਸ ਦਈਏ ਕਿ 'ਕੱਲ੍ਹੀ ਕਿਤੇ ਮਿਲ' ਕੁਲਵਿੰਦਰ ਢਿੱਲੋਂ ਦਾ ਸੁਪਰਹਿੱਟ ਗੀਤ ਹੈ। ਇਹ ਗੀਤ ਆਪਣੇ ਟਾਈਮ ਦਾ ਸੁਪਰਹਿੱਟ ਗਾਣਾ ਹੈ। ਅੱਜ ਵੀ ਵਿਆਹਾਂ ਦੇ ਫੰਕਸ਼ਨਾਂ 'ਚ ਇਹ ਗਾਣਾ ਸੁਣਿਆ ਜਾਂਦਾ ਹੈ। ਇੱਥੇ ਸੁਣੋ ਇਹ ਗਾਣਾ:
ਕਾਬਿਲੇਗ਼ੌਰ ਹੈ ਕਿ ਕੁਲਵਿੰਦਰ ਢਿੱਲੋਂ ਆਪਣੇ ਸਮੇਂ ਦੇ ਟੌਪ ਦੇ ਗਾਇਕ ਸੀ। ਪਰ ਬਦਕਿਸਮਤੀ ਨਾਲ ਉਨ੍ਹਾਂ ਦੀ ਬੁਲੰਦੀ ਦਾ ਸਿਤਾਰਾ ਜ਼ਿਆਦਾ ਦੇਰ ਤੱਕ ਚਮਕ ਨਹੀਂ ਸਕਿਆ। 2003 'ਚ ਕੁਲਵਿੰਦਰ ਢਿੱਲੋਂ ਇੱਕ ਭਿਆਨ ਕਾਰ ਐਕਸੀਡੈਂਟ 'ਚ ਦਰਦਨਾਕ ਮੌਤ ਹੋ ਗਈ ਸੀ। ਉਹ ਆਪਣੇ ਪਿੱਛੇ ਆਪਣੀ ਪਤਨੀ ਤੇ ਪੁੱਤਰ ਨੂੰ ਛੱਡ ਗਏ। ਕੁਲਵਿੰਦਰ ਢਿੱਲੋਂ ਦਾ ਪੁੱਤਰ ਅਰਮਾਨ ਵੀ ਇੱਕ ਉਮਦਾ ਗਾਇਕ ਹੈ, ਪਰ ਉਹ ਹਾਲੇ ਤੱਕ ਇੰਡਸਟਰੀ 'ਚ ਸਟਾਰ ਬਣਨ ਲਈ ਸੰਘਰਸ਼ ਕਰ ਰਿਹਾ ਹੈ।
ਇਹ ਵੀ ਪੜ੍ਹੋ: ਕਰਨ ਔਜਲਾ ਨੇ ਕੀਤਾ ਨਵੀਂ ਐਲਬਮ 'ਮੇਕਿੰਗ ਮੈਮੋਰੀਜ਼' ਦਾ ਐਲਾਨ, ਜਾਣੋ ਕਿਸ ਦਿਨ ਹੋ ਰਹੀ ਰਿਲੀਜ਼