ਪੰਜਾਬੀ ਸੁਪਰਸਟਾਰ ਐਮੀ ਵਿਰਕ ਅਤੇ ਸੋਨਮ ਬਾਜਵਾ ਹਰ ਇਕ ਫਿਲਮ ਸੁਪਰ ਹਿੱਟ ਰਹੀ ਹੈ। ਦੋਹਾਂ ਦੀ ਫਿਲਮ 'ਪੁਆੜਾ' ਇਸ ਵੇਲੇ ਸਿਨੇਮਾ ਘਰਾਂ 'ਚ ਚੰਗਾ ਬਿਜ਼ਨੈੱਸ ਕਰ ਰਹੀ ਹੈ। ਹੁਣ ਦੋਹਾਂ ਸਿਤਾਰਿਆਂ ਦੇ ਫੈਨਜ਼ ਲਈ ਇਕ ਹੋਰ ਖੁਸ਼ਖਬਰੀ ਹੈ। ਐਮੀ ਵਿਰਕ ਅਤੇ ਸੋਨਮ ਬਾਜਵਾ ਸਟਾਰਰ ਇੱਕ ਹੋਰ ਪੰਜਾਬੀ ਫਿਲਮ 'ਸ਼ੇਰ ਬੱਗਾ' ਦੀ ਸ਼ੂਟਿੰਗ ਪੂਰੀ ਹੋ ਚੁੱਕੀ ਹੈ। ਫਿਲਮ 'ਸ਼ੇਰ ਬੱਗਾ' ਦੀ ਟੀਮ ਨੇ ਅਨਾਊਸਮੈਂਟ ਕੀਤੀ ਕਿ ਫਾਇਨਲੀ ਉਨ੍ਹਾਂ ਦੀ ਫਿਲਮ ਦੀ ਸ਼ੂਟਿੰਗ ਪੂਰੀ ਹੋ ਗਈ ਹੈ।
ਫਿਲਮ ਦੇ ਡਾਇਰੈਕਟਰ ਜਗਦੀਪ ਸਿੱਧੂ ਨੇ ਫਿਲਮ ਦੀ ਉਡੀਕ ਕਰ ਰਹੇ ਦਰਸ਼ਕਾਂ ਨੂੰ ਅਪਡੇਟ ਦੇਣ ਲਈ ਪੂਰੀ ਟੀਮ ਨੂੰ ਟੈਗ ਕਰਦੇ ਹੋਏ ਅਨਾਊਂਸ ਕੀਤਾ ਕਿ ਅਸੀਂ ਇਸ ਫਿਲਮ ਦੀ ਸ਼ੂਟਿੰਗ ਨੂੰ ਪੂਰਾ ਕਰ ਲਿਆ ਹੈ। ਇਸ ਤੋਂ ਪਹਿਲਾਂ, ਫਿਲਮ ਦੀ ਟੀਮ ਨੇ ਯੂਕੇ ਦੇ ਸ਼ੈਡਿਊਲ ਨੂੰ ਪੂਰਾ ਕਰਨ ਦਾ ਐਲਾਨ ਕੀਤਾ ਸੀ, ਕਿਉਂਕਿ ਫਿਲਮ ਦਾ ਇੱਕ ਹਿੱਸਾ ਯੂਕੇ ਵਿੱਚ ਵੀ ਸ਼ੂਟ ਕੀਤਾ ਗਿਆ ਹੈ ਅਤੇ ਹੁਣ ਪੂਰੀ ਫਿਲਮ ਦੀ ਸ਼ੂਟਿੰਗ ਹੋ ਚੁੱਕੀ ਹੈ।
'ਕਿਸਮਤ 2' ਤੋਂ ਬਾਅਦ ਇਹ ਜਗਦੀਪ ਸਿੱਧੂ ਦਾ ਅਗਲਾ ਡਾਇਰੈਕਸ਼ਨਲ ਪ੍ਰੋਜੈਕਟ ਹੈ। ਇਸ ਫਿਲਮ ਦੀ ਅਨਾਊਸਮੈਂਟ ਕੁਝ ਮਹੀਨੇ ਪਹਿਲਾਂ ਕੀਤੀ ਗਈ ਸੀ, ਅਤੇ ਉਸ ਦਿਨ ਤੋਂ ਪੰਜਾਬੀ ਸਿਨੇਮਾ ਦੇ ਲਵਰ ਫਿਲਮ ਦੀ ਰਿਲੀਜ਼ ਡੇਟ ਦੇ ਐਲਾਨ ਦੀ ਉਡੀਕ ਕਰ ਰਹੇ ਸਨ। 'ਕਿਸਮਤ 2' 24 ਸਤੰਬਰ ਨੂੰ ਸਿਨੇਮਾ ਘਰਾਂ 'ਚ ਰਿਲੀਜ਼ ਹੋਣ ਵਾਲੀ ਹੈ।
ਹੁਣ ਜਦੋ ਐਮੀ ਵਿਰਕ ਤੇ ਉਨ੍ਹਾਂ ਦੀ ਟੀਮ ਵਲੋਂ ਉਨ੍ਹਾਂ ਦੇ ਫੈਨਜ਼ ਨੂੰ ਬੈਕ ਟੁ ਬੈਕ ਸਰਪ੍ਰਾਈਜ਼ ਮਿਲ ਰਹੇ ਹਨ ਤਾਂ ਦਰਸ਼ਕਾਂ ਨੂੰ ਹੁਣ ਫਿਲਮ 'ਸ਼ੇਰ ਬੱਗਾ' ਦਾ ਵੀ ਬੇਸਬਰੀ ਨਾਲ ਇੰਤਜ਼ਾਰ ਹੈ। ਦਰਸ਼ਕ ਇਸ ਫਿਲਮ ਦੀ ਰਿਲੀਜ਼ਿੰਗ ਡੇਟ ਦਾ ਵੀ ਇੰਤਜ਼ਾਰ ਕਰ ਰਹੇ ਹਨ।
ਸਰਗੁਣ ਮਹਿਤਾ ਤੇ ਐਮੀ ਵਿਰਕ ਦੀ ਫ਼ਿਲਮ 'ਕਿਸਮਤ-2' ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਜਿਸ ਦੇ ਸ਼ੁਰੂਆਤ 'ਚ ਫ਼ਿਲਮ ਕਿਸਮਤ ਦਾ ਇਕ ਸੀਨ ਦਿਖਾਇਆ ਗਿਆ, ਜਿਥੇ ਐਮੀ ਵਿਰਕ ਤੇ ਸਰਗੁਣ ਮਹਿਤਾ ਦੇ ਕਿਰਦਾਰ ਆਪਣੇ ਅਧੂਰੇ ਪਿਆਰ ਦੀ ਗੱਲ ਕਰ ਰਹੇ ਹਨ। ਉਥੇ ਬਾਣੀ ਸ਼ਿਵ ਨੂੰ ਕਹਿੰਦੀ ਹੈ ਕਿ ਜੇ ਇਸ ਵਾਰ ਨਹੀਂ ਅਗਲੇ ਜਨਮ ਆਪਾ ਮਿਲਾਂਗੇ।"
ਫ਼ਿਲਮ ਨੂੰ ਜਗਦੀਪ ਸਿੱਧੂ ਨੇ ਲਿਖਿਆ ਤੇ ਡਾਇਰੈਕਟ ਕੀਤਾ ਹੈ। ਜਗਦੀਪ ਨੇ ਫ਼ਿਲਮ 'ਕਿਸਮਤ' ਨੂੰ ਬਣਾਇਆ ਸੀ। ਇਸ ਵਾਰ ਵੀ ਜਗਦੀਪ ਸਿੱਧੂ ਦੀ ਕਹਾਣੀ 'ਚ ਕੋਈ ਨਾ ਕੋਈ ਟ੍ਰੈਜਡੀ ਜ਼ਰੂਰ ਹੋਏਗੀ। ਦੂਜੇ ਪਾਸੇ ਫ਼ਿਲਮ ਦੇ ਗਾਣੇ ਜਾਨੀ ਤੇ ਬੀ ਪ੍ਰਾਕ ਨੇ ਹੀ ਤਿਆਰ ਕੀਤੇ ਹਨ। ਦੋਵਾਂ ਨੇ ਫ਼ਿਲਮ ਕਿਸਮਤ ਤੇ ਸੁਫਨਾ ਦੇ ਗਾਣੇ ਬਣਾਏ ਸੀ। ਜਿਸ ਨੂੰ ਕਿ ਰਿਪਿਟ 'ਤੇ ਅੱਜ ਵੀ ਸੁਣਿਆ ਜਾਂਦਾ ਹੈ।