Varun Dhawan Disease: ਬਾਲੀਵੁੱਡ ਅਭਿਨੇਤਾ ਵਰੁਣ ਧਵਨ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ 'ਭੇੜੀਆ' ਨੂੰ ਲੈ ਕੇ ਸੁਰਖੀਆਂ 'ਚ ਹਨ। ਇਸ ਫਿਲਮ 'ਚ ਵਰੁਣ ਦੇ ਲੁੱਕ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਫਿਲਮ ਦਾ ਟ੍ਰੇਲਰ ਵੀ ਕਾਫ਼ੀ ਹੈਰਾਨ ਕਰ ਦੇਣ ਵਾਲਾ ਹੈ। ਫਿਲਮ 'ਚ ਵਰੁਣ ਦੇ ਨਾਲ ਕ੍ਰਿਤੀ ਸੈਨਨ ਵੀ ਮੁੱਖ ਭੂਮਿਕਾ 'ਚ ਹੈ। ਇਹ ਫਿਲਮ 25 ਨਵੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ। ਇਸ ਸਭ ਦੇ ਵਿਚਕਾਰ ਵਰੁਣ ਧਵਨ ਨੇ ਅਜਿਹਾ ਖੁਲਾਸਾ ਕੀਤਾ ਹੈ ਕਿ ਹਰ ਕੋਈ ਹੈਰਾਨ ਰਹਿ ਗਿਆ ਹੈ। ਦਰਅਸਲ ਅਦਾਕਾਰ ਨੇ ਆਪਣੀ ਇਕ ਬੀਮਾਰੀ ਬਾਰੇ ਦੱਸਿਆ ਅਤੇ ਕਿਹਾ ਕਿ ਇਸ ਕਾਰਨ ਉਨ੍ਹਾਂ ਨੂੰ ਕੰਮ ਤੋਂ ਬ੍ਰੇਕ ਲੈਣਾ ਪਿਆ।
ਵਰੁਣ ਧਵਨ ਨੇ ਆਪਣੀ ਬੀਮਾਰੀ ਬਾਰੇ ਕੀਤਾ ਖੁਲਾਸਾ
ਵਰੁਣ ਧਵਨ ਨੇ ਇੰਡੀਆ ਟੂਡੇ ਦੇ ਇੱਕ ਇੰਟਰਵਿਊ ਦੌਰਾਨ ਖੁਲਾਸਾ ਕੀਤਾ ਹੈ ਕਿ ਉਹ ਵੈਸਟੀਬੂਲਰ ਹਾਈਪੋਫੰਕਸ਼ਨ ਤੋਂ ਪੀੜਤ ਹੈ। ਅਦਾਕਾਰ ਨੇ ਕਿਹਾ ਕਿ ਜਦੋਂ ਉਨ੍ਹਾਂ ਨੂੰ ਆਪਣੀ ਬੀਮਾਰੀ ਬਾਰੇ ਪਤਾ ਲੱਗਾ ਤਾਂ ਉਹ ਹੈਰਾਨ ਰਹਿ ਗਏ। ਇਸ ਬੀਮਾਰੀ ਤੋਂ ਉਭਰਨਾ ਉਸ ਲਈ ਕਾਫੀ ਚੁਣੌਤੀਪੂਰਨ ਸੀ। ਉਹ ਬੰਦ ਮਹਿਸੂਸ ਕਰਨ ਲੱਗਾ ਸੀ। ਉਸੇ ਸਮੇਂ, ਜਦੋਂ ਉਹ ਕੋਵਿਡ -19 ਤੋਂ ਬਾਅਦ ਕੰਮ 'ਤੇ ਵਾਪਸ ਆਉਣਾ ਚਾਹੁੰਦਾ ਸੀ, ਇਹ ਪੜਾਅ ਉਸ ਲਈ ਬਹੁਤ ਚੁਣੌਤੀਪੂਰਨ ਸੀ। ਵਰੁਣ ਕਹਿੰਦੇ ਹਨ ਕਿ ਜਦੋਂ ਤੁਸੀਂ ਘਰ ਦੇ ਦਰਵਾਜ਼ੇ ਖੋਲ੍ਹਦੇ ਹੋ ਤਾਂ ਕੀ ਤੁਸੀਂ ਇਹ ਵੀ ਸੋਚਦੇ ਹੋ ਕਿ ਅਸੀਂ ਘਰ ਦੇ ਬਾਹਰ ਚੱਲ ਰਹੀ ਚੂਹਿਆਂ ਦੀ ਦੌੜ ਵਿੱਚ ਸ਼ਾਮਲ ਹੋਣ ਜਾ ਰਹੇ ਹਾਂ। 'ਜੁਗ ਜੁਗ ਜੀਓ' ਲਈ ਮੈਂ ਧੱਕੇ ਨਾਲ ਕੰਮ `ਤੇ ਜਾਂਦਾ ਹੁੰਦਾ ਸੀ। ਮੇਰਾ ਕੰਮ ਕਰਨ ਨੂੰ ਬਿਲਕੁਲ ਮਨ ਨਹੀਂ ਕਰਦਾ ਸੀ। ਪਰ ਮੈਨੂੰ ਇਹ ਵੀ ਪਤਾ ਸੀ ਕਿ ਮੇਰੇ ਲਈ ਕੰਮ ਕਰਨਾ ਕਿੰਨਾ ਜ਼ਰੂਰੀ ਹੈ।
ਦੁਨੀਆ 'ਚ ਆਉਣ ਦਾ ਮਕਸਦ ਲੱਭ ਰਿਹਾ ਹਾਂ: ਵਰੁਣ ਧਵਨ
ਵਰੁਣ ਧਵਨ ਅੱਗੇ ਕਹਿੰਦੇ ਹਨ ਕਿ ਹਾਲਾਂਕਿ ਮੈਂ ਵੀ ਕੁਝ ਦਿਨਾਂ 'ਚ ਆਪਣੀ ਬੀਮਾਰੀ ਦਾ ਆਦੀ ਹੋ ਗਿਆ। ਫਿਰ ਮੈਂ ਸੋਚਿਆ ਕਿ ਕੋਈ ਸੰਤੁਲਨ ਹੈ, ਇਸ ਤੋਂ ਬਾਅਦ ਮੈਂ ਆਪਣੇ ਆਪ ਨੂੰ ਥੋੜ੍ਹਾ ਪੁਸ਼ ਕੀਤਾ। ਮੈਨੂੰ ਲੱਗਦਾ ਹੈ ਕਿ ਅਸੀਂ ਕਿਸੇ ਨਾ ਕਿਸੇ ਕਾਰਨ ਇਸ ਸੰਸਾਰ ਵਿੱਚ ਆਏ ਹਾਂ। ਮੈਂ ਉਸੇ ਮਕਸਦ ਦੀ ਤਲਾਸ਼ ਕਰ ਰਿਹਾ ਹਾਂ।
ਕੀ ਹੈ ਵੈਸਟੀਬਿਊਲਰ ਹਾਈਪੋਫੰਕਸ਼ਨ ਬਿਮਾਰੀ?
ਜਿਸ ਨੂੰ ਵੀ ਵੈਸਟੀਬਿਊਲਰ ਹਾਈਪੋਫੰਕਸ਼ਨ ਰੋਗ ਹੈ, ਕੰਨ ਦੇ ਅੰਦਰ ਸੰਤੁਲਨ ਪ੍ਰਣਾਲੀ ਵਿਗੜ ਜਾਂਦੀ ਹੈ। ਦੱਸ ਦੇਈਏ ਕਿ ਕੰਨ ਦੇ ਅੰਦਰ ਵੈਸਟੀਬਿਊਲਰ ਸਿਸਟਮ ਸਾਡੀਆਂ ਅੱਖਾਂ ਨਾਲ ਕੰਮ ਕਰਦਾ ਹੈ, ਇਹ ਸਾਡੀਆਂ ਮਾਸਪੇਸ਼ੀਆਂ ਨੂੰ ਸੰਤੁਲਿਤ ਕਰਦਾ ਹੈ। ਜੇਕਰ ਕੋਈ ਇਸ ਬੀਮਾਰੀ ਤੋਂ ਪੀੜਤ ਹੈ ਤਾਂ ਕੰਨਾਂ ਤੋਂ ਸੁਣੀਆਂ ਗੱਲਾਂ ਦਿਮਾਗ ਤੱਕ ਠੀਕ ਤਰ੍ਹਾਂ ਨਹੀਂ ਪਹੁੰਚਦੀਆਂ। ਇਸ ਸਥਿਤੀ ਵਿੱਚ, ਮਰੀਜ਼ ਨੂੰ ਬਹੁਤ ਤਕਲੀਫ ਹੁੰਦੀ ਹੈ, ਇੱਥੋਂ ਤੱਕ ਕਿ ਉਸਨੂੰ ਚੱਕਰ ਆਉਣੇ ਸ਼ੁਰੂ ਹੋ ਜਾਂਦੇ ਹਨ।