ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ‘ਬਿੱਗ ਬੌਸ’ ਦਾ ਸ਼ੋਅ ਬਹੁਤ ਚਰਚਾ 'ਚ ਹੈ। ਇਸ ਦੇ ਨਾਲ ਹੀ ਐਤਵਾਰ ਯਾਨੀ ਵੀਕੈਂਡ ਕਾ ਵਾਰ ਕਾਫ਼ੀ ਵੱਖਰਾ ਹੋਣ ਜਾ ਰਿਹਾ ਹੈ। ਜਿੱਥੇ 'ਬਿੱਗ ਬੌਸ 14' ਦੇ ਪਹਿਲੇ ਹਫਤੇ ਦਾ ਪਹਿਲਾ ਐਵੀਕਸ਼ਨ ਹੋਵੇਗਾ, ਉਥੇ ਹੀ ਦੂਜੇ ਪਾਸੇ ਦੋ ਮਸ਼ਹੂਰ ਟੀਵੀ ਅਭਿਨੇਤਾ ਅਤੇ ਆਈਪੀਐਲ ਟੀਮ 'ਮੁੰਬਈ ਇੰਡੀਅਨਜ਼' ਵੀ ਸ਼ੋਅ 'ਚ ਸ਼ਾਮਲ ਹੋਣਗੀਆਂ।
ਹਾਲ ਹੀ ਵਿੱਚ ‘ਬਿੱਗ ਬੌਸ 14’ ਦਾ ਪ੍ਰੋਮੋ ਵੀਡੀਓ ਸਾਂਝਾ ਕੀਤਾ ਗਿਆ ਹੈ ਜਿਸ ਵਿੱਚ ਟੀਵੀ ਸੀਰੀਅਲ ‘ਛੋਟੀ ਸਰਦਾਰਨੀ’ ਦੀ ਪ੍ਰਮੁੱਖ ਅਦਾਕਾਰਾ ਨਿਮਰਤ ਕੌਰ ਆਹਲੂਵਾਲੀਆ ਅਤੇ ਅਵਿਨੇਸ਼ ਰੇਖੀ ‘ਬਿੱਗ ਬੌਸ 14’ ਦੇ ਘਰ ਵਿੱਚ ਨਜ਼ਰ ਆਏ। 'ਬਿੱਗ ਬੌਸ' ਦੇ ਘਰ 'ਚ ਨਿਮਰਤ ਅਤੇ ਅਵਨੀਸ਼ ਪਰਿਵਾਰ ਨਾਲ ਗੱਲਬਾਤ ਕਰਦੇ ਹਨ।
ਨਾਲ ਹੀ ‘ਮੁੰਬਈ ਇੰਡੀਅਨਜ਼’ ਦੀ ਟੀਮ ਵੀ ਕੰਟੈਸਟੇਂਟਸ ਨਾਲ ਮਸਤੀ ਕਰਨ ਜਾ ਰਹੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ‘ਮੁੰਬਈ ਇੰਡੀਅਨਜ਼’ ਦੀ ਟੀਮ ‘ਬਿੱਗ ਬੌਸ 14’ ਦੇ ਕੰਟੈਸਟੇਂਟਸ ਨਾਲ ਮੁਲਾਕਾਤ ਕਰੇਗੀ, ਜਿਸ ਵਿੱਚ ਹਾਰਦਿਕ ਪਾਂਡਿਆ, ਕ੍ਰੂਨਾਲ ਪਾਂਡਿਆ ਅਤੇ ਈਸ਼ਾਨ ਕਿਸ਼ਨ ਵਰਗੇ ਸ਼ਾਨਦਾਰ ਖਿਡਾਰੀ ਸ਼ਾਮਲ ਹੋਣਗੇ।