Salman Khan Ayesha Khan Video Bigg Boss 17: ਬਿੱਗ ਬੌਸ 17 'ਚ ਇੰਨੀਂ ਦਿਨੀਂ ਮਾਹੌਲ ਭਖਿਆ ਹੋਇਆ ਹੈ। ਹਾਲ ਹੀ 'ਚ ਵੀਕੈਂਡ ਕਾ ਵਾਰ ਦੌਰਾਨ ਸਲਮਾਨ ਖਾਨ ਨੇ ਮੁਨੱਵਰ ਫਾਰੂਕੀ ਤੇ ਆਇਸ਼ਾ ਖਾਨ ਨੂੰ ਕਾਫੀ ਝਿੜਕਿਆ। ਇਸ ਤੋਂ ਬਾਅਦ ਆਇਸ਼ਾ ਖਾਨ ਫੁੱਟ ਫੁੱਟ ਕੇ ਰੋਈ ਅਤੇ ਰੋਂਦੇ ਰੋਂਦੇ ਬੇਹੋਸ਼ ਹੋ ਗਈ। ਜਿਸ ਤੋਂ ਬਾਅਦ ਸਾਰੇ ਘਰਵਾਲੇ ਬੁਰੀ ਤਰ੍ਹਾਂ ਘਬਰਾ ਗਏ, ਇੱਥੋਂ ਤੱਕ ਕਿ ਸਲਮਾਨ ਖਾਨ ਵੀ ਬੁਰੀ ਤਰ੍ਹਾਂ ਘਬਰਾਏ ਹੋਏ ਨਜ਼ਰ ਆਏ। ਸਲਮਾਨ ਖਾਨ ਘਰ ਵਾਲਿਆਂ ਨਾਲ ਗੱਲ ਕਰਨ ਲਈ ਘਰ 'ਚ ਦਾਖਲ ਹੋਏ। ਬਿੱਗ ਬੌਸ 17 ਵੀਕੈਂਡ ਦਾ ਵਾਰ ਐਪੀਸੋਡ ਹਮੇਸ਼ਾ ਹੀ ਸਲਮਾਨ ਖਾਨ ਅਤੇ ਘਰ ਵਾਲਿਆਂ ਵਿਚਾਲੇ ਦਿਲਚਸਪ ਗੱਲਬਾਤ ਕਾਰਨ ਚਰਚਾ ਦਾ ਵਿਸ਼ਾ ਬਣਿਆ ਰਹਿੰਦਾ ਹੈ।
ਅੱਜ ਦੇ ਐਪੀਸੋਡ ਵਿੱਚ, ਦਰਸ਼ਕ ਹੈਰਾਨ ਸਨ ਕਿਉਂਕਿ ਸਲਮਾਨ ਖਾਨ ਨੇ ਆਇਸ਼ਾ ਖਾਨ ਦੀ ਖੇਡ ਦਾ ਪਰਦਾਫਾਸ਼ ਕੀਤਾ ਅਤੇ ਉਸਨੂੰ ਬਹੁਤ ਡਾਂਟਿਆ। ਜਿਸ ਤੋਂ ਬਾਅਦ ਆਇਸ਼ਾ ਖਾਨ ਕਾਫੀ ਡਰੀ ਹੋਈ ਸੀ। ਵੀਕੈਂਡ ਕਾ ਵਾਰ ਐਪੀਸੋਡ ਵਿੱਚ, ਸਲਮਾਨ ਖਾਨ ਨੇ ਮੁਨੱਵਰ ਫਾਰੂਕੀ ਅਤੇ ਆਇਸ਼ਾ ਖਾਨ 'ਤੇ ਆਪਣਾ ਆਪਾ ਖੋਹ ਦਿੱਤਾ। ਸਲਮਾਨ ਨੇ ਉਨ੍ਹਾਂ ਦੇ ਰਿਸ਼ਤੇ 'ਤੇ ਸਵਾਲ ਉਠਾਏ ਅਤੇ ਆਇਸ਼ਾ ਨੂੰ ਮੁਨੱਵਰ ਦੀ ਛਵੀ (ਇਮੇਜ) ਖਰਾਬ ਕਰਨ ਲਈ ਝਿੜਕਿਆ।
ਰੋਂਦੇ ਹੋਏ ਬੇਹੋਸ਼ ਹੋਈ ਆਇਸ਼ਾ ਖਾਨ
ਸਲਮਾਨ ਨੇ ਆਇਸ਼ਾ ਦੇ ਸ਼ੋਅ 'ਚ ਆਉਣ ਦਾ ਅਸਲ ਮਕਸਦ ਪੁੱਛਿਆ ਅਤੇ ਉਸ ਨੂੰ ਦੱਸਿਆ ਕਿ ਉਹ ਮੁਨੱਵਰ ਤੋਂ ਸਭ ਦੇ ਸਾਹਮਣੇ ਮੁਆਫੀ ਮੰਗਵਾਉਣਾ ਚਾਹੁੰਦੀ ਸੀ। ਪਰਿਵਾਰ ਦੇ ਜ਼ਿਆਦਾਤਰ ਮੈਂਬਰ ਸਲਮਾਨ ਦੀ ਗੱਲ ਨਾਲ ਸਹਿਮਤ ਨਜ਼ਰ ਆਏ ਅਤੇ ਇਸ ਤੋਂ ਬਾਅਦ ਆਇਸ਼ਾ ਕਾਫੀ ਸਹਿਮ ਗਈ ਅਤੇ ਉੱਠ ਕੇ ਬਾਹਰ ਚਲੀ ਗਈ।
ਆਪਣੇ 'ਤੇ ਲੱਗੇ ਸਾਰੇ ਦੋਸ਼ਾਂ ਨੂੰ ਸੁਣ ਕੇ ਆਇਸ਼ਾ ਆਪਣੇ ਹੰਝੂ ਨਹੀਂ ਰੋਕ ਸਕੀ। ਉਸ ਨੂੰ ਮੁਨੱਵਰ 'ਤੇ ਵੀ ਗੁੱਸਾ ਆ ਗਿਆ ਕਿਉਂਕਿ ਜਦੋਂ ਉਸ ਨੇ ਉਸ ਨੂੰ 'ਨਿਕਾਹ' (ਵਿਆਹ) ਬਾਰੇ ਦੱਸਿਆ ਤਾਂ ਉਸ ਨੇ ਇਸ ਗੱਲ ਨੂੰ ਸਵੀਕਾਰ ਨਹੀਂ ਕੀਤਾ। ਜਦੋਂ ਆਇਸ਼ਾ ਰੋ ਰਹੀ ਸੀ ਤਾਂ ਅੰਕਿਤਾ ਲੋਖੰਡੇ ਨੇ ਉਸ ਨੂੰ ਸ਼ਾਂਤ ਕੀਤਾ। ਆਇਸ਼ਾ ਨੇ ਮੁਨੱਵਰ ਨੂੰ ਕਿਹਾ ਕਿ ਜਦੋਂ ਉਹ ਕੰਫਰਟੇਬਲ ਹੋਏਗੀ ਤਾਂ ਉਹ ਬਾਅਦ ਵਿੱਚ ਉਸ ਨਾਲ ਗੱਲ ਕਰੇਗੀ।
ਆਇਸ਼ਾ ਖਾਨ ਹਸਪਤਾਲ ਭਰਤੀ
ਆਇਸ਼ਾ ਫਰਸ਼ 'ਤੇ ਬੈਠ ਗਈ ਅਤੇ ਫੁੱਟ-ਫੁੱਟ ਕੇ ਰੋਣ ਲੱਗੀ। ਆਇਸ਼ਾ ਨੇ ਰੋਂਦੇ ਹੋਏ ਕਿਹਾ, 'ਮੰਮੀ, ਮੈਨੂੰ ਮਾਫ ਕਰੋ'। ਇਸ ਤੋਂ ਬਾਅਦ ਆਇਸ਼ਾ ਕਮਰੇ ਤੋਂ ਬਾਹਰ ਆਈ ਅਤੇ ਫਰਸ਼ 'ਤੇ ਬੇਹੋਸ਼ ਹੋ ਗਈ। ਆਇਸ਼ਾ ਡਿੱਗਦੇ ਹੀ ਪਰਿਵਾਰ ਦੇ ਸਾਰੇ ਮੈਂਬਰ ਚੀਕਣ ਲੱਗੇ। ਇਸ ਤੋਂ ਬਾਅਦ ਆਇਸ਼ਾ ਨੂੰ ਡਾਕਟਰ ਕੋਲ ਭੇਜਿਆ ਗਿਆ।
ਆਇਸ਼ਾ ਦੀ ਹਾਲਤ ਦੇਖ ਘਬਰਾਏ ਭਾਈਜਾਨ
ਡਾਕਟਰ ਨੇ ਸਲਮਾਨ ਨੂੰ ਕਿਹਾ ਕਿ ਆਇਸ਼ਾ ਖਾਨ ਨੂੰ ਹਸਪਤਾਲ 'ਚ ਭਰਤੀ ਕਰਵਾਉਣ ਦੀ ਲੋੜ ਹੈ। ਅਜਿਹੇ 'ਚ ਕੁਝ ਲੋਕਾਂ ਦੀ ਮਦਦ ਨਾਲ ਆਇਸ਼ਾ ਨੂੰ ਬਿੱਗ ਬੌਸ ਦੇ ਘਰ ਤੋਂ ਬਾਹਰ ਕੱਢ ਕੇ ਹਸਪਤਾਲ ਲਿਜਾਇਆ ਗਿਆ। ਆਇਸ਼ਾ ਦੀ ਇਹ ਹਾਲਤ ਦੇਖ ਕੇ ਸਾਰੇ ਮੁਕਾਬਲੇਬਾਜ਼ ਬੇਹੱਦ ਹੈਰਾਨ ਰਹਿ ਗਏ।
ਆਇਸ਼ਾ ਨੂੰ ਹੋਸ਼ ਆਉਣ ਤੋਂ ਬਾਅਦ ਉਹ ਰੋਣ ਲੱਗੀ। ਸਲਮਾਨ ਨੇ ਉਸ ਨਾਲ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਜਵਾਬ ਨਹੀਂ ਦੇ ਸਕੀ। ਇਸ ਤੋਂ ਬਾਅਦ ਸਲਮਾਨ ਖਾਨ ਨੇ ਪਰਿਵਾਰ ਨੂੰ ਸਮਝਾਇਆ ਕਿ ਇਹ ਸ਼ੋਅ ਮਾਨਸਿਕ ਤੌਰ 'ਤੇ ਮਜ਼ਬੂਤ ਲੋਕਾਂ ਲਈ ਹੈ। ਦੱਸ ਦਈਏ ਕਿ ਵੀਡੀਓ 'ਚ ਸਾਫ ਨਜ਼ਰ ਆ ਰਿਹਾ ਹੈ ਕਿ ਸਲਮਾਨ ਖਾਨ ਆਇਸ਼ਾ ਦੀ ਇਸ ਹਾਲਤ 'ਤੇ ਕਾਫੀ ਚਿੰਤਤ ਹਨ। ਇਸ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਖੂਬ ਛਾਇਆ ਹੋਇਆ ਹੈ।
ਮੁਨੱਵਰ ਦਾ ਰੋ-ਰੋ ਕੇ ਬੁਰਾ ਹਾਲ
ਆਇਸ਼ਾ ਦੀ ਹਾਲਤ ਦੇਖ ਕੇ ਮੁਨੱਵਰ ਵੀ ਰੋਣ ਲੱਗ ਪਿਆ ਅਤੇ ਆਇਸ਼ਾ ਦੀ ਹਾਲਤ ਲਈ ਖੁਦ ਨੂੰ ਜ਼ਿੰਮੇਵਾਰ ਠਹਿਰਾਉਣ ਲੱਗਾ। ਜਦੋਂ ਡਾਕਟਰ ਆਇਸ਼ਾ ਦਾ ਇਲਾਜ ਕਰ ਰਿਹਾ ਸੀ ਤਾਂ ਸਲਮਾਨ ਮੈਡੀਕਲ ਰੂਮ 'ਚ ਮੌਜੂਦ ਸਨ। ਸਲਮਾਨ ਨੇ ਡਾਕਟਰ ਤੋਂ ਆਇਸ਼ਾ ਦੀ ਸਿਹਤ ਬਾਰੇ ਪੁੱਛਿਆ।
ਇਹ ਵੀ ਪੜ੍ਹੋ: ਕਿਲੀ ਪੌਲ ਨੇ ਦਿਵਾਈ ਸੁਰਜੀਤ ਬਿੰਦਰੱਖੀਆ ਦੀ ਯਾਦ, ਇਸ ਸੁਪਰਹਿੱਟ ਗਾਣੇ 'ਤੇ ਪਾਇਆ ਭੰਗੜਾ, ਵੀਡੀਓ ਵਾਇਰਲ