Happy Birthday Binnu Dhillon: ਪੰਜਾਬੀ ਅਦਾਕਾਰ ਤੇ ਕਾਮੇਡੀ ਕਿੰਗ ਬਿੰਨੂ ਢਿੱਲੋਂ ਕਿਸੇ ਪਛਾਣ ਦੇ ਮੋਹਤਾਜ ਨਹੀਂ ਹਨ। ਉਹ ਲੋਕਾਂ ਨੂੰ ਆਪਣੇ ਹਸਾਉਣ ਦੇ ਹੁਨਰ ਤੇ ਕਾਮਿਕ ਟਾਈਮਿੰਗ ਲਈ ਮਸ਼ਹੂਰ ਹਨ। ਉਹ ਅੱਜ ਯਾਨਿ 29 ਅਗਸਤ ਨੂੰ ਆਪਣਾ 47ਵਾਂ ਜਨਮਦਿਨ ਮਨਾ ਰਹੇ ਹਨ। ਬਿੰਨੂ ਦਾ ਜਨਮ 29 ਅਗਸਤ 1975 ਨੂੰ ਧੂਰੀ `ਚ ਹੋਇਆ ਸੀ। ਸਭ ਜਾਣਦੇ ਹਨ ਕਿ ਬਿੰਨੂ ਢਿੱਲੋਂ ਪਾਲੀਵੁੱਡ ਦੇ ਲੈਜੇਂਡ ਕਲਾਕਾਰ ਹਨ। ਪਰ ਉਨ੍ਹਾਂ ਨੂੰ ਇਹ ਮੁਕਾਮ ਇੰਨੀਂ ਅਸਾਨੀ ਨਾਲ ਨਹੀਂ ਮਿਲਿਆ। ਉਨ੍ਹਾਂ ਨੇ ਇੱਥੇ ਤੱਕ ਪਹੁੰਚਣ ਲਈ ਬਹੁਤ ਸੰਘਰਸ਼ ਕੀਤਾ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਢਿੱਲੋਂ ਦੇ ਸੰਘਰਸ਼ ਦੀ ਕਹਾਣੀ:
ਬਿੰਨੂ ਢਿੱਲੋਂ ਨੇ ਆਪਣੀ ਪੜ੍ਹਾਈ ਧੂਰੀ ਦੇ ਸਰਕਾਰੀ ਸਕੂਲ `ਚ ਕੀਤੀ ਸੀ। ਇਸ ਤੋਂ ਉੱਚ ਸਿੱਖਿਆ ਹਾਸਲ ਕਰਨ ਲਈ ਉਨ੍ਹਾਂ ਨੇ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ `ਚ ਦਾਖਲਾ ਲਿਆ। ਢਿੱਲੋਂ ਐਮਏ ਪਾਸ ਹਨ। ਉਨ੍ਹਾਂ ਨੇ ਐਮਏ ਥੀਏਟਰ ਤੇ ਟੈਲੀਵਿਜ਼ਨ ਦੀ ਪੜ੍ਹਾਈ ਕੀਤੀ ਹੈ। ਇਸ ਦੌਰਾਨ 1998 ;ਚ ਉਨ੍ਹਾਂ ਨੇ ਬਤੌਰ ਕਲਾਕਾਰ ਕਰੀਅਰ ਦੀ ਸ਼ੁਰੂਆਤ ਕੀਤੀ। ਉਸ ਸਮੇਂ ਬਿੰਨੂ ਦੀ ਕੋਈ ਪਛਾਣ ਨਹੀਂ ਸੀ ਤਾਂ ਉਨ੍ਹਾਂ ਨੂੰ 2200 ਰੁਪਏ ਹੀ ਮਿਲਦੇ ਸੀ। ਉਹ ਇੰਨੀਂ ਘੱਟ ਕਮਾਈ ਤੋਂ ਸੰਤੁਸ਼ਟ ਨਹੀਂ ਸੀ।
ਇਸ ਤੋਂ ਬਾਅਦ ਉਨ੍ਹਾਂ ਨੇ ਇੱਕ ਚੈਨਲ ਪ੍ਰੋਗਰਾਮ `ਚ ਐਕਟਿੰਗ ਲਈ ਆਡੀਸ਼ਨ ਦਿਤਾ। ਜਿਸ ਵਿੱਚ ਉਹ ਸਿਲੈਕਟ ਹੋ ਗਏ। ਪਰ ਇੱਥੇ ਵੀ ਉਨ੍ਹਾਂ ਨੂੰ ਘੱਟ ਪੈਸੇ ਤੇ ਸੰਤੋਸ਼ ਕਰਨਾ ਪਿਆ। ਉਨ੍ਹਾਂ ਨੂੰ 730 ਰੁਪਏ ਪ੍ਰਤੀ ਐਪੀਸੋਡ ਦੇ ਹਿਸਾਬ ਨਾਲਨ ਮੇਹਨਤਾਨਾ ਮਿਲਿਆ।
ਬਿੰਨੂ ਢਿੱਲੋਂ ਨੇ ਪਰਛਾਵੇਂ, ਗਾਉਂਦੀ ਧਰਤੀ, ਮਨੀਪਲਾਂਟ ਤੇ ਹੋਰ ਕਈ ਹਿੱਟ ਸੀਰੀਅਲਾਂ ਵਿੱਚ ਬਤੌਰ ਕਲਾਕਾਰ ਕੰਮ ਕੀਤਾ। ਪਰ ਬਿੰਨੂ ਇਸ ਸਭ ਤੋਂ ਸੰਤੁਸ਼ਟ ਨਹੀਂ ਸੀ। ਉਹ ਆਪਣੀ ਜ਼ਿੰਦਗੀ `ਚ ਕੁੱਝ ਵੱਡਾ ਕਰਨਾ ਚਾਹੁੰਦੇ ਸੀ।
ਉਸ ਸਮੇਂ ਢਿੱਲੋਂ ਦੇ ਹਾਲਾਤ ਠੀਕ ਨਹੀਂ ਸੀ। ਉਹ 3200 ਰੁਪਏ ਮਹੀਨੇ ਤੇ ਗੁਜ਼ਾਰਾ ਕਰ ਰਹੇ ਸੀ, ਜਿਸ ਵਿੱਚ 1300 ਮਹੀਨਾ ਤਾਂ ਮਕਾਨ ਦਾ ਕਿਰਾਇਆ ਹੀ ਦੇਣਾ ਪੈਂਦਾ ਸੀ। ਇਨ੍ਹਾਂ ਹਾਲਾਤ `ਚ ਹੀ ਢਿੱਲੋਂ ਦਾ ਵਿਆਹ ਹੋ ਗਿਆ। ਇਸ ਤੋਂ 3200 `ਚ ਘਰ ਚਲਾਉਣਾ ਹੋਰ ਮੁਸ਼ਕਲ ਹੋ ਗਿਆ।
ਇਸੇ ਦੌਰਾਨ ਉਨ੍ਹਾਂ ਦੀ ਮੁਲਾਕਾਤ ਕਮੇਡੀਅਨ ਭਗਵੰਤ ਮਾਨ ਨਾਲ ਹੋਈ। ਮਾਨ ਨੇ ਉਨ੍ਹਾਂ ਨੂੰ ਆਪਣੇ ਪ੍ਰੋਗਰਾਮ `ਚ ਕੰਮ ਕਰਨ ਦੀ ਆਫ਼ਰ ਦਿਤੀ। ਉਨ੍ਹਾਂ ਨੇ ਇਸ ਆਫ਼ਰ ਨੂੰ ਸਵੀਕਾਰ ਕਰ ਲਿਆ। ਇਸ ਤੋਂ ਬਾਅਦ ਉਨ੍ਹਾਂ ਦੀ ਜ਼ਿੰਦਗੀ ਲੀਹ `ਤੇ ਆਉਣੀ ਸ਼ੁਰੂ ਹੋਈ। ਪਰ ਸੰਘਰਸ਼ ਹਾਲੇ ਵੀ ਜਾਰੀ ਸੀ। ਹਾਲਾਂਕਿ ਉਹ ਸਾਲ 2002 ਤੋਂ ਪੰਜਾਬੀ ਫ਼ਿਲਮਾਂ `ਚ ਕੰਮ ਕਰ ਰਹੇ ਸੀ, ਪਰ ਉੱਥੇ ਉਨ੍ਹਾਂ ਨੂੰ ਪਛਾਣ ਨਹੀਂ ਮਿਲ ਰਹੀ ਸੀ।
ਬਿੰਨੂ ਨੂੰ ਪਛਾਣ ਮਿਲੀ 2011 `ਚ ਫ਼ਿਲਮ ਜਿੰਨੇ ਮੇਰਾ ਦਿਲ ਲੁੱਟਿਆ ਤੋਂ। ਇਸ ਫ਼ਿਲਮ `ਚ ਉਨ੍ਹਾਂ ਦੇ ਕਿਰਦਾਰ ਨੂੰ ਖੂਬ ਪਿਆਰ ਮਿਲਿਆ। ਪੂਰੇ ਪੰਜਾਬ ਨੂੰ ਪਤਾ ਲੱਗ ਚੁੱਕਿਆ ਸੀ ਕਿ ਬਿੰਨੂ ਢਿੱਲੋਂ ਨਾਂ ਦਾ ਇੱਕ ਐਕਟਰ ਬੇਹਤਰੀਨ ਕਮੇਡੀਅਨ ਹੈ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ।
2012 `ਚ ਬਿੰਨੂ ਢਿੱਲੋਂ ਗਿੱਪੀ ਗਰੇਵਾਲ ਤੇ ਜਸਵਿੰਦਰ ਭੱਲਾ ਨਾਲ ਫ਼ਿਲਮ `ਕੈਰੀ ਆਨ ਜੱਟਾ` ਵਿੱਚ ਨਜ਼ਰ ਆਏ। ਇਸ ਫ਼ਿਲਮ ਨੇ ਉਨ੍ਹਾਂ ਦੇ ਕਰੀਅਰ ਨੂੰ ਟਰਨਿੰਗ ਪੁਆਇੰਟ ਦਿੱਤਾ ਤੇ ਇੱਕ ਬੇਹਤਰੀਨ ਕਲਾਕਾਰ ਦੇ ਤੌਰ ਤੇ ਢਿੱਲੋਂ ਨੂੰ ਪੰਜਾਬੀ ਇੰਡਸਟਰੀ `ਚ ਸਥਾਪਤ ਕਰ ਦਿਤਾ।