ਮੁੰਬਈ: ਬਾਲੀਵੁੱਡ ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਅੱਜ 39 ਸਾਲਾਂ ਦੀ ਹੋ ਗਈ ਹੈ। ਪ੍ਰਿਯੰਕਾ ਨੇ ਆਪਣੇ ਜਨਮ ਦਿਨ ਦੇ ਖਾਸ ਮੌਕੇ 'ਤੇ ਆਪਣੀਆਂ ਹੌਟ ਅੰਦਾਜ਼ ਵਾਲਿਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਪ੍ਰਿਯੰਕਾ ਚੋਪੜਾ ਤਸਵੀਰ ਵਿੱਚ ਆਪਣਾ ਸਵਿਮ ਸੂਟ ਤੇ ਆਪਣਾ ਟੈਟੂ ਫਲਾਉਂਟ ਕਰਦੀ ਨਜ਼ਰ ਆ ਰਹੀ ਹੈ। ਹਰ ਕੋਈ ਪ੍ਰਿਯੰਕਾ ਦੀ ਇਸ ਤਸਵੀਰ ਨੂੰ ਪਸੰਦ ਕਰ ਰਿਹਾ ਹੈ ਤੇ ਨਾਲ ਹੀ ਪ੍ਰਿਯੰਕਾ ਨੂੰ ਬਰਥਡੇ ਵਿਸ਼ ਕਰ ਰਿਹਾ ਹੈ।

ਬਰੇਲੀ ਤੋਂ ਲੈ ਕੇ ਹਾਲੀਵੁੱਡ ਤੱਕ, ਪ੍ਰਿਅੰਕਾ ਚੋਪੜਾ ਨੇ ਜੋ ਪਾਵਰਫੁੱਲ ਪੰਚ ਮਾਰਿਆ ਹੈ, ਉਸ ਨਾਲ ਹਰ ਕੋਈ ਹੈਰਾਨ ਹੈ। ਪ੍ਰਿਯੰਕਾ ਚੋਪੜਾ ਇੱਕ ਐਸੀ ਇੰਡੀਅਨ ਅਦਾਕਾਰਾ ਹੈ ਜਿਸ ਦਾ ਜਾਦੂ ਪੂਰੀ ਦੁਨੀਆ ਵਿੱਚ ਚੱਲਦਾ ਹੈ। ਪ੍ਰਿਯੰਕਾ ਜੋ ਵੀ ਕਰਦੀ ਹੈ, ਬਿੱਲਕੁਲ ਵੱਖਰੇ ਢੰਗ ਨਾਲ ਕਰਦੀ ਹੈ, ਫੇਰ ਭਾਵੇਂ ਕੋਈ ਉਸ ਨੂੰ ਟ੍ਰੋਲ ਕਰਦਾ ਹੈ ਜਾਂ ਉਸ ਦੀ ਤਾਰੀਫ ਪਰ ਇਕ ਗੱਲ ਇਹ ਵੀ ਹੈ ਕਿ ਅੱਜ ਪ੍ਰਿਅੰਕਾ ਚੋਪੜਾ ਉਸ ਜਗ੍ਹਾ 'ਤੇ ਹੈ ਜੋ ਉਸ ਨੇ ਆਪਣੇ ਲਈ ਖੁਦ ਬਣਾਈ ਹੈ।

ਸਾਲ 2000 ਵਿੱਚ ਮਿਸ ਵਰਲਡ ਦਾ ਖਿਤਾਬ ਜਿੱਤਣ ਵਾਲੀ ਪ੍ਰਿਯੰਕਾ ਚੋਪੜਾ ਬਾਲੀਵੁੱਡ ਦੀ ਸਭ ਤੋਂ ਮਹਿੰਗੀ ਅਭਿਨੇਤਰੀਆਂ ਵਿੱਚੋਂ ਇੱਕ ਹੈ। ਪ੍ਰਿਯੰਕਾ ਨੇ ਆਪਣੇ ਕਰੀਅਰ ਵਿੱਚ ਹਿੰਦੀ ਸਿਨੇਮਾ ਵਿੱਚ ਬਹੁਤ ਸਾਰੇ ਖਾਸ ਐਵਾਰਡ ਜਿੱਤੇ ਹਨ ਜਿਸ ਵਿੱਚ ਨੈਸ਼ਨਲ ਐਵਾਰਡ ਤੇ ਪੰਜ ਕੈਟੇਗਰੀ ਵਿੱਚ ਫਿਲਮਫੇਅਰ ਐਵਾਰਡ ਸ਼ਾਮਲ ਹਨ।

18 ਜੁਲਾਈ, 1982 ਨੂੰ ਜਮਸ਼ੇਦਪੁਰ, ਬਿਹਾਰ ਵਿੱਚ ਅਸ਼ੋਕ ਚੋਪੜਾ ਤੇ ਮਧੂ ਚੋਪੜਾ ਦੇ ਘਰ ਜਨਮ ਲੈਣ ਵਾਲੀ ਪ੍ਰਿਯੰਕਾ ਚੋਪੜਾ 39 ਸਾਲਾਂ ਦੀ ਹੋ ਗਈ ਹੈ। ਆਪਣੀ ਖੂਬਸੂਰਤੀ ਤੇ ਆਪਣੀ ਅਦਾਕਾਰੀ ਨਾਲ ਲੋਕਾਂ ਦਾ ਦਿਲ ਜਿੱਤਣ ਵਾਲੀ ਪ੍ਰਿਯੰਕਾ ਚੋਪੜਾ ਨੂੰ ਜਨਮ ਦਿਨ ਮੁਬਾਰਕ।