ਮੁੰਬਈ: ਬਾਲੀਵੁੱਡ ਅਦਾਕਾਰ ਧਰਮੇਂਦਰ ਲੌਕਡਾਊਨ ਜਾਰੀ ਹੋਣ ਤੋਂ ਬਾਅਦ ਆਪਣਾ ਪੂਰਾ ਸਮਾਂ ਫਾਰਮ ਹਾਊਸ 'ਤੇ ਬਿਤਾਉਂਦੇ ਹਨ। ਜਿੱਥੇ ਕਦੇ ਉਹ ਸਬਜ਼ੀਆਂ ਉਗਾਉਂਦੇ ਹਨ ਤੇ ਕਦੇ ਟਰੈਕਟਰ ਚਲਾਉਂਦੇ ਨਜ਼ਰ ਆਉਂਦੇ ਹਨ। ਅਜਿਹੇ 'ਚ ਹੁਣ ਉਨ੍ਹਾਂ ਇਕ ਵੀਡੀਓ ਸਾਂਝਾ ਕੀਤਾ ਜਿਸ 'ਚ ਉਹ ਬੈਂਬੂ ਟਰੀ 'ਤੇ ਕੀਤੀ ਗਈ ਆਪਣੀ ਕਲਾਕਾਰੀ ਦਿਖਾ ਰਹੇ ਹਨ।
ਧਰਮੇਂਦਰ ਨੇ ਆਪਣੇ ਟਵਿੱਟਰ ਜ਼ਰੀਏ ਇਹ ਵੀਡੀਓ ਸ਼ੇਅਰ ਕੀਤੀ ਹੈ। ਜਿਸ 'ਚ ਉਹ ਬੈਂਬੂ ਟਰੀ ਨੂੰ ਦਿਖਾ ਕੇ ਦੱਸ ਰਹੇ ਹਨ ਕਿ ਇਹ ਦਰੱਖ਼ਤ ਬਹੁਤ ਉੱਚਾ ਹੁੰਦਾ ਸੀ ਪਰ ਹ੍ਹਨੇਰੀ ਕਾਰਨ ਡਿੱਗ ਗਿਆ। ਇਸ ਨੂੰ ਉਨ੍ਹਾਂ ਹਨ੍ਹੇਰੀ 'ਚ ਉੱਡ ਕੇ ਆਈ ਇਕ ਜੜ੍ਹ ਨਾਲ ਖੂਬਸੂਰਤ ਤਰੀਕੇ ਨਾਲ ਸਜਾਇਆ ਹੈ।
ਲੌਕਡਾਊਨ ਦੌਰਾਨ ਸੋਸ਼ਲ ਮੀਡੀਆ ਤੇ ਧਰਮੇਂਦਰ ਐਕਟਿਵ ਹਨ। ਹਰ ਛੋਟੀ-ਵੱਡੀ ਚੀਜ਼ ਸ਼ੇਅਰ ਕਰਦੇ ਹਨ। ਕੁਝ ਦਿਨ ਪਹਿਲਾਂ ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੀ ਗਾਂ ਨੇ ਵੱਛਾ ਦਿੱਤਾ ਹੈ। ਇਸ ਤੋਂ ਇਲਾਵਾ ਉਹ ਆਪਣੇ ਹੋਰ ਕੰਮਾਂ ਦਾ ਵੀ ਵੀਡੀਓ ਸ਼ੇਅਰ ਕਰਦੇ ਰਹਿੰਦੇ ਹਨ।