ਰਣਬੀਰ ਕਪੂਰ ਤੇ ਸੰਜੇ ਲੀਲਾ ਬੰਸਾਲੀ ਮਗਰੋਂ ਮਨੋਜ ਬਾਜਪਾਈ ਵੀ ਕੋਰੋਨਾ ਪੌਜ਼ੇਟਿਵ

ਬਾਲੀਵੁੱਡ ਅਭਿਨੇਤਾ ਰਣਬੀਰ ਕਪੂਰ ਤੇ ਫਿਲਮ ਨਿਰਮਾਤਾ ਸੰਜੇ ਲੀਲਾ ਬੰਸਾਲੀ ਤੋਂ ਬਾਅਦ, ਅਭਿਨੇਤਾ ਮਨੋਜ ਬਾਜਪਾਈ ਵੀ ਕੋਰੋਨਾਵਾਇਸ ਨਾਲ ਪੌਜ਼ੇਟਿਵ ਟੈਸਟ ਕੀਤੇ ਗਏ ਹਨ। ਬਾਜਪਾਈ ਇਸ ਸਮੇਂ ਇਲਾਜ ਅਧੀਨ ਹਨ ਤੇ ਚੰਗੀ ਤਰ੍ਹਾਂ ਠੀਕ ਹੋ ਰਿਹਾ ਹਨ ਉਨ੍ਹਾਂ ਆਪਣੇ ਆਪ ਨੂੰ ਆਈਸੋਲੇਟ ਵੀ ਕਰ ਲਿਆ ਹੈ।

ਮੁੰਬਈ: ਬਾਲੀਵੁੱਡ ਅਭਿਨੇਤਾ ਰਣਬੀਰ ਕਪੂਰ ਤੇ ਫਿਲਮ ਨਿਰਮਾਤਾ ਸੰਜੇ ਲੀਲਾ ਬੰਸਾਲੀ ਤੋਂ ਬਾਅਦ, ਅਭਿਨੇਤਾ ਮਨੋਜ ਬਾਜਪਾਈ ਵੀ ਕੋਰੋਨਾਵਾਇਸ ਨਾਲ ਪੌਜ਼ੇਟਿਵ ਟੈਸਟ ਕੀਤੇ ਗਏ ਹਨ। ਬਾਜਪਾਈ ਇਸ ਸਮੇਂ ਇਲਾਜ ਅਧੀਨ ਹਨ ਤੇ ਚੰਗੀ ਤਰ੍ਹਾਂ ਠੀਕ ਹੋ ਰਿਹਾ ਹਨ ਉਨ੍ਹਾਂ ਆਪਣੇ ਆਪ ਨੂੰ ਆਈਸੋਲੇਟ ਵੀ ਕਰ ਲਿਆ ਹੈ।

ਮਨੋਜ ਬਾਜਪਾਈ ਇੱਕ ਓਟੀਟੀ ਫਿਲਮ ਦੀ ਸ਼ੂਟਿੰਗ ਕਰ ਰਹੇ ਸਨ ਅਤੇ ਅਭਿਨੇਤਾ ਦੇ ਕੋਵਿਡ-19 ਲਈ ਪੌਜ਼ੇਟਿਵ ਟੈਸਟ ਕਰਨ ਦੀ ਖ਼ਬਰ ਤੋਂ ਬਾਅਦ ਫਿਲਮ ਦੀ ਸ਼ੂਟਿੰਗ ਰੋਕ ਦਿੱਤੀ ਗਈ ਹੈ। ਸ਼ੂਟ ਕੁਝ ਮਹੀਨਿਆਂ ਬਾਅਦ ਫਿਰ ਤੋਂ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ। ਇਸ ਤੋਂ ਪਹਿਲਾਂ ਫਿਲਮ ਦੇ ਨਿਰਦੇਸ਼ਕ ਕਨੂੰ ਬਹਿਲ ਨੇ ਵੀ ਕੋਰੋਨਵਾਇਰਸ ਲਈ ਪੌਜ਼ੇਟਿਵ ਟੈਸਟ ਕੀਤਾ ਸੀ।

ਇੱਕ ਬਿਆਨ ਵਿੱਚ, ਉਨ੍ਹਾਂ ਦੀ ਟੀਮ ਨੇ ਪੁਸ਼ਟੀ ਕੀਤੀ ਹੈ, “ਮਨੋਜ ਬਾਜਪਾਈ ਨੇ ਡਾਇਰੈਕਟਰ ਦੇ ਪੌਜ਼ੇਟਿਵ ਹੋਣ ਮਗਰੋਂ ਕੋਵਿਡ ਟੈਸਟ ਕਰਵਾਇਆ ਜਿਸ ਵਿੱਚ ਉਹ ਕੋਰੋਨਾ ਪੌਜ਼ੇਟਿਵ ਪਾਏ ਗਏ। ਫਿਲਹਾਲ ਸ਼ੂਟ ਬੰਦ ਹੋ ਗਿਆ ਹੈ ਤੇ ਕੁਝ ਮਹੀਨਿਆਂ ਵਿੱਚ ਦੁਬਾਰਾ ਸ਼ੁਰੂ ਹੋ ਜਾਵੇਗਾ। ਮਨੋਜ ਬਾਜਪਾਈ ਘਰ ਵਿਚ ਆਪਣੇ ਆਪ ਨੂੰ ਅਲੱਗ ਕਰ ਚੁੱਕੇ ਹਨ ਤੇ ਸਾਰੀਆਂ ਸਾਵਧਾਨੀਆਂ ਦਾ ਪਾਲਣ ਕਰ ਰਹੇ ਹਨ।”

ਬਾਜਪਾਈ ਡਿਸਪੈਚ ਦੀ ਸ਼ੂਟਿੰਗ ਕਰ ਰਹੇ ਸੀ, ਜਿਸ ਨੂੰ ਨਿਰਦੇਸ਼ਕ ਕਨੂੰ ਬਹਿਲ ਡਾਇਰੈਕਟ ਕਰ ਰਹੇ ਹਨ। ਇਸ ਨੂੰ ਰੌਨੀ ਸਕ੍ਰਿਓਵਾਲਾ ਨੇ ਪ੍ਰੋਡਿਊਸ ਕੀਤਾ ਹੈ ਅਤੇ ਇਸਦੀ ਸ਼ੂਟਿੰਗ ਲੰਡਨ, ਦਿੱਲੀ ਤੇ ਮੁੰਬਈ ਵਿੱਚ ਕੀਤੀ ਜਾਏਗੀ।

ਮਨੋਜ, ਜਿਸ ਨੇ ਫਰਵਰੀ ਵਿਚ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕੀਤੀ ਸੀ, ਆਪਣੀ ਐਮਾਜ਼ਾਨ ਪ੍ਰਾਈਮ ਵੀਡੀਓ ਸੀਰੀਜ਼ ਦੇ ਦੋ ਸੀਜ਼ਨ ਰਿਲੀਜ਼ ਦੀ ਉਡੀਕ ਵਿੱਚ ਹੈ, ਫੈਮਲੀ ਮੈਨ ਤੇ ਉਸ ਦੀ ਫਿਲਮ ਸਾਈਲੈਂਸ…? ਇਹ 26 ਮਾਰਚ ਨੂੰ ਸਟ੍ਰੀਮਿੰਗ ਪਲੇਟਫਾਰਮ ZEE5 'ਤੇ ਪ੍ਰੀਮੀਅਰ ਹੋਵੇਗੀ।