Bigg Boss 17: ਬਿੱਗ ਬੌਸ 17 'ਚ ਅਭਿਸ਼ੇਕ ਅਤੇ ਈਸ਼ਾ ਨੇ ਜਦੋਂ ਐਂਟਰੀ ਲਈ ਸੀ ਤਾਂ ਦੋਵਾਂ ਵਿਚਾਲੇ ਕਾਫੀ ਮਨਮੁਟਾਵ ਦੇਖਣ ਨੂੰ ਮਿਲਿਆ। ਅਸਲ 'ਚ ਅਭਿਸ਼ੇਕ ਅਤੇ ਈਸ਼ਾ ਰਿਲੇਸ਼ਨਸ਼ਿਪ 'ਚ ਸਨ ਪਰ ਦੋਹਾਂ ਵਿਚਾਲੇ ਚੀਜ਼ਾਂ ਠੀਕ ਨਹੀਂ ਚੱਲੀਆਂ ਅਤੇ ਉਹ ਵੱਖ ਹੋ ਗਏ। ਈਸ਼ਾ ਨੇ ਅਭਿਸ਼ੇਕ 'ਤੇ ਕਈ ਗੰਭੀਰ ਦੋਸ਼ ਲਗਾਏ ਸਨ। ਈਸ਼ਾ ਨੇ ਸਰੀਰਕ ਹਿੰਸਾ ਦੇ ਦੋਸ਼ ਲਾਏ ਸਨ।
ਸ਼ੋਅ 'ਚ ਜਦੋਂ ਦੋਵਾਂ ਨੇ ਐਂਟਰੀ ਕੀਤੀ ਤਾਂ ਦੋਵੇਂ ਸਲਮਾਨ ਖਾਨ ਦੇ ਸਾਹਮਣੇ ਲੜਦੇ ਨਜ਼ਰ ਆਏ। ਈਸ਼ਾ ਨੇ ਤਾਂ ਅਭਿਸ਼ੇਕ ਨੂੰ ਆਪਣਾ ਸਾਬਕਾ ਬੁਆਏਫਰੈਂਡ ਮੰਨਣ ਤੋਂ ਵੀ ਇਨਕਾਰ ਕਰ ਦਿੱਤਾ ਸੀ। ਈਸ਼ਾ ਨੇ ਕਿਹਾ ਕਿ ਉਹ ਅਭਿਸ਼ੇਕ ਦੀ ਚੰਗੀ ਦੋਸਤ ਸੀ। ਹਾਲਾਂਕਿ, ਘਰ ਦੇ ਅੰਦਰ ਉਸਨੇ ਹੌਲੀ-ਹੌਲੀ ਮੰਨਿਆ ਕਿ ਉਹ ਅਭਿਸ਼ੇਕ ਦੇ ਨਾਲ ਰਿਸ਼ਤੇ ਵਿੱਚ ਸੀ।
ਹੁਣ ਹਾਲ ਹੀ ਵਿੱਚ ਸਮਰਥ ਨੇ ਸ਼ੋਅ ਵਿੱਚ ਐਂਟਰੀ ਕੀਤੀ ਹੈ, ਜੋ ਈਸ਼ਾ ਦਾ ਮੌਜੂਦਾ ਬੁਆਏਫ੍ਰੈਂਡ ਹੈ। ਸਮਰਥ ਦੇ ਘਰ ਆ ਕੇ ਅਭਿਸ਼ੇਕ ਪੂਰੀ ਤਰ੍ਹਾਂ ਟੁੱਟ ਗਿਆ ਸੀ। ਉਹ ਫੁੱਟ-ਫੁੱਟ ਕੇ ਰੋਣ ਲੱਗ ਪਿਆ। ਅਭਿਸ਼ੇਕ ਈਸ਼ਾ ਤੋਂ ਦੂਰ ਨਹੀਂ ਰਹਿ ਪਾ ਰਹੇ ਸਨ। ਪਰ ਉਹ ਹੌਲੀ-ਹੌਲੀ ਆਪਣੇ ਆਪ 'ਤੇ ਕਾਬੂ ਪਾ ਰਿਹਾ ਹੈ। ਸੋਮਵਾਰ ਦੇ ਐਪੀਸੋਡ 'ਚ ਸਮਰਥ ਅਤੇ ਅਭਿਸ਼ੇਕ ਵਿਚਾਲੇ ਕਾਫੀ ਲੜਾਈ ਦੇਖਣ ਨੂੰ ਮਿਲੀ।
ਖਾਨਜਾਦੀ ਨਾਲ ਅਭਿਸ਼ੇਕ ਦਾ ਰੋਮਾਂਸ
ਪਰ ਹੁਣ ਕਹਾਣੀ 'ਚ ਨਵਾਂ ਮੋੜ ਆਇਆ ਹੈ। ਦਰਅਸਲ, ਅਭਿਸ਼ੇਕ ਖਾਨਜ਼ਾਦੀ ਨਾਲ ਜੁੜ ਰਹੇ ਹਨ। ਅਭਿਸ਼ੇਕ ਅਤੇ ਖਾਨਜ਼ਾਦੀ ਦਾ ਨਵਾਂ ਪ੍ਰੋਮੋ ਸਾਹਮਣੇ ਆਇਆ ਹੈ। ਇਸ ਵੀਡੀਓ 'ਚ ਅਭਿਸ਼ੇਕ ਖਾਨਜ਼ਾਦੀ ਨਾਲ ਸਮਾਂ ਬਿਤਾਉਂਦੇ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੂੰ ਸਵੀਮਿੰਗ ਪੂਲ 'ਚ ਮਸਤੀ ਕਰਦੇ ਦੇਖਿਆ ਗਿਆ। ਇਸ ਤੋਂ ਇਲਾਵਾ ਉਸ ਨੇ ਖਾਨਜ਼ਾਦੀ ਦੇ ਹੱਥ 'ਤੇ ਚੁੰਮਿਆ। ਇਸ ਪ੍ਰੋਮੋ ਨੂੰ ਸ਼ੇਅਰ ਕਰਦੇ ਹੋਏ ਕਲਰਸ ਟੀਵੀ ਨੇ ਲਿਖਿਆ - ਕੀ ਬਿੱਗ ਬੌਸ ਦੇ ਘਰ ਵਿੱਚ ਖਾਨਜ਼ਾਦੀ ਅਤੇ ਅਭਿਸ਼ੇਕ ਵਿਚੇ ਖਿੜ ਰਹੇ ਪਿਆਰ ਦੇ ਫੁੱਲ?
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।