Bipasha Basu Daughter: ਬਾਲੀਵੁੱਡ ਅਦਾਕਾਰਾ ਬਿਪਾਸ਼ਾ ਬਾਸੂ ਨੇ 43 ਸਾਲ ਦੀ ਉਮਰ ਵਿੱਚ ਆਪਣੇ ਪਹਿਲੇ ਬੱਚੇ ਨੂੰ ਜਨਮ ਦਿੱਤਾ। ਇਸ ਤੋਂ ਬਾਅਦ ਉਹ ਲਗਾਤਾਰ ਸੁਰਖੀਆਂ ਵਿੱਚ ਰਹਿੰਦੀ ਹੈ। ਦੱਸ ਦੇਈਏ ਕਿ ਬਿਪਾਸ਼ਾ ਅਤੇ ਉਸ ਦਾ ਪਤੀ ਕਰਨ ਸਿੰਘ ਗਰੋਵਰ ਆਪਣੀ ਬੇਟੀ ਨਾਲ ਖਾਸ ਪਲ ਬਤੀਤ ਕਰ ਰਹੇ ਹਨ। ਇਸ ਜੋੜੇ ਨੇ ਆਪਣੀ ਬੇਟੀ ਦਾ ਨਾਂ ਦੇਵੀ ਬਾਸੂ ਸਿੰਘ ਗਰੋਵਰ ਰੱਖਿਆ। ਅਦਾਕਾਰਾ ਨੇ ਪੋਸਟ ਸ਼ੇਅਰ ਕਰਦੇ ਹੋਏ ਪ੍ਰਸ਼ੰਸਕਾਂ ਨਾਲ ਇੱਕ ਹੈਰਾਨ ਕਰ ਦੇਣ ਵਾਲੀ ਖਬਰ ਸਾਂਝੀ ਕੀਤੀ ਸੀ। ਦਰਅਸਲ, ਬਿਪਾਸ਼ਾ ਅਤੇ ਕਰਨ ਦੀ ਨਵਜੰਮੀ ਬੇਟੀ ਵੈਂਟ੍ਰਿਕੂਲਰ ਸੇਪਟਲ ਨਾਂਅ ਦੀ ਬਿਮਾਰੀ ਤੋਂ ਪੀੜਤ ਸੀ। ਭਾਵ ਨਵਜੰਮੀ ਦੇਵੀ ਦੇ ਦਿਲ ਵਿੱਚ ਦੋ ਛੇਕ ਸੀ। ਜਿਸ ਤੋਂ ਬਾਅਦ ਜਦੋਂ ਉਹ ਕਰੀਬ 3 ਮਹੀਨੇ ਦੀ ਸੀ ਤਾਂ ਉਸਦੀ ਸਰਜਰੀ ਕੀਤੀ ਗਈ। ਹਾਲ ਹੀ 'ਚ ਨੇਹਾ ਧੂਪੀਆ ਨਾਲ ਇੰਸਟਾਗ੍ਰਾਮ ਲਾਈਵ 'ਤੇ ਗੱਲ ਕਰਦੇ ਹੋਏ ਬਿਪਾਸ਼ਾ ਭਾਵੁਕ ਹੋ ਗਈ।
'ਆਮ ਮਾਪਿਆਂ ਦੇ ਮੁਕਾਬਲੇ ਸਫ਼ਰ ਹੋਇਆ ਔਖਾ'
ਬਿਪਾਸ਼ਾ ਬਾਸੂ ਨੇ ਹਾਲ ਹੀ 'ਚ ਨੇਹਾ ਧੂਪੀਆ ਨਾਲ ਇੰਸਟਾਗ੍ਰਾਮ ਲਾਈਵ 'ਤੇ ਗੱਲਬਾਤ ਕੀਤੀ। ਜਿਸ ਵਿੱਚ ਉਸਨੇ ਦੱਸਿਆ, 'ਸਾਡਾ ਸਫ਼ਰ ਕਿਸੇ ਵੀ ਸਾਧਾਰਨ ਮਾਤਾ-ਪਿਤਾ ਨਾਲੋਂ ਬਹੁਤ ਵੱਖਰਾ ਰਿਹਾ, ਇਹ ਉਸ ਮੁਸਕਰਾਹਟ ਤੋਂ ਵੱਧ ਮੁਸ਼ਕਿਲ ਹੈ ਜੋ ਹੁਣ ਮੇਰੇ ਚਿਹਰੇ ਉੱਪਰ ਹੈ। ਮੈਂ ਨਹੀਂ ਚਾਹਾਂਗਾ ਕਿ ਕਿਸੇ ਵੀ ਮਾਂ-ਪਿਓ ਨਾਲ ਅਜਿਹਾ ਹੋਵੇ। ਇੱਕ ਨਵੀਂ ਮਾਂ ਲਈ, ਜਦੋਂ ਤੁਹਾਨੂੰ ਪਤਾ ਲੱਗਦਾ ਹੈ, ਤਾਂ ਸਭ ਤੋਂ ਵੱਧ ਔਖਾ ਹੁੰਦਾ ਹੈ। ਮੈਨੂੰ ਮੇਰੇ ਬੱਚੇ ਦੇ ਜਨਮ ਤੋਂ ਬਾਅਦ ਤੀਜੇ ਦਿਨ ਪਤਾ ਲੱਗਾ ਕਿ ਸਾਡੀ ਬੇਟੀ ਦੇ ਦਿਲ ਵਿੱਚ ਦੋ ਛੇਕ ਹਨ। ਮੈਂ ਸੋਚਿਆ ਸੀ ਕਿ ਮੈਂ ਇਸ ਨੂੰ ਸਾਂਝਾ ਨਹੀਂ ਕਰਾਂਗੀ, ਪਰ ਮੈਂ ਇਹ ਇਸ ਲਈ ਸਾਂਝਾ ਕਰ ਰਹੀਂ ਹਾਂ ਕਿਉਂਕਿ ਮੈਨੂੰ ਲੱਗਦਾ ਹੈ ਕਿ ਇਸ ਵਿੱਚ ਮੇਰੀ ਮਦਦ ਕਰਨ ਵਾਲੀਆਂ ਬਹੁਤ ਸਾਰੀਆਂ ਮਾਵਾਂ ਹਨ, ਜਿਨ੍ਹਾਂ ਨੇ ਇਸ ਵਿੱਚ ਮੇਰੀ ਮਦਦ ਕੀਤੀ, ਅਤੇ ਉਨ੍ਹਾਂ ਮਾਵਾਂ ਨੂੰ ਲੱਭਣਾ ਬਹੁਤ ਮੁਸ਼ਕਿਲ ਸੀ।
ਬਿਪਾਸ਼ਾ ਨੇ ਅੱਗੇ ਕਿਹਾ, 'ਅਸੀਂ ਇਹ ਵੀ ਨਹੀਂ ਸਮਝ ਸਕੇ ਕਿ VSD ਕੀ ਹੁੰਦਾ ਹੈ। ਇਹ ਵੈਂਟ੍ਰਿਕੂਲਰ ਸੇਪਟਲ ਹੈ। ਅਸੀਂ ਇੱਕ ਪਾਗਲਪਨ ਨਾਲ ਭਰੇ ਪੜਾਅ ਵਿੱਚੋਂ ਲੰਘੇ। ਅਸੀਂ ਆਪਣੇ ਪਰਿਵਾਰ ਨਾਲ ਇਸ ਬਾਰੇ ਗੱਲ ਨਹੀਂ ਕੀਤੀ, ਅਸੀਂ ਦੋਵੇਂ ਥੋੜੇ ਡਰੇ ਹੋਏ ਸੀ। ਕਰਨ ਅਤੇ ਮੈਂ ਸੁੰਨ ਪੈ ਗਏ ਸੀ। ਪਹਿਲੇ ਪੰਜ ਮਹੀਨੇ ਸਾਡੇ ਲਈ ਬਹੁਤ ਔਖੇ ਰਹੇ, ਪਰ ਦੇਵੀ ਪਹਿਲੇ ਦਿਨ ਤੋਂ ਹੀ ਸ਼ਾਨਦਾਰ ਰਹੀ ਹੈ। ਸਾਨੂੰ ਦੱਸਿਆ ਗਿਆ ਕਿ ਸਾਨੂੰ ਹਰ ਮਹੀਨੇ ਸਕੈਨ ਕਰਵਾਉਣਾ ਪਵੇਗਾ ਕਿ ਇਹ ਆਪਣੇ ਆਪ ਠੀਕ ਹੋ ਰਹੀ ਹੈ ਜਾਂ ਨਹੀਂ, ਪਰ ਜਿਸ ਤਰ੍ਹਾਂ ਦਾ ਵੱਡਾ ਛੇਦ ਸੀ, ਸਾਨੂੰ ਦੱਸਿਆ ਗਿਆ ਕਿ ਇਹ ਖਤਰਨਾਕ ਹੈ, ਤੁਹਾਨੂੰ ਸਰਜਰੀ ਕਰਵਾਉਣੀ ਪਵੇਗੀ ਅਤੇ ਸਰਜਰੀ ਉਸ ਸਮੇਂ ਕਰਨੀ ਸਹੀ ਹੁੰਦੀ ਹੈ ਜਦੋਂ ਬੱਚਾ ਬੱਚਾ ਤਿੰਨ ਮਹੀਨਿਆਂ ਦਾ ਹੋ ਜਾਂਦਾ ਹੈ।
ਕਰਨ ਬੇਟੀ ਦੀ ਸਰਜਰੀ ਨਹੀਂ ਕਰਵਾਉਣਾ ਚਾਹੁੰਦੇ ਸੀ
ਬਿਪਾਸ਼ਾ ਨੇ ਕਿਹਾ, 'ਤੁਸੀਂ ਬਹੁਤ ਉਦਾਸ ਅਤੇ ਬੋਝ ਮਹਿਸੂਸ ਕਰਦੇ ਹੋ, ਕਿਉਂਕਿ ਤੁਸੀਂ ਇੱਕ ਬੱਚੇ ਨੂੰ ਓਪਨ ਹਾਰਟ ਸਰਜਰੀ ਵਿੱਚ ਕਿਵੇਂ ਪਾ ਸਕਦੇ ਹੋ? ਅਸੀਂ ਸੋਚ ਰਹੇ ਸੀ ਕਿ ਇਹ ਆਪਣੇ ਆਪ ਠੀਕ ਹੋ ਜਾਵੇਗੀ। ਪਹਿਲੇ ਮਹੀਨੇ ਅਜਿਹਾ ਨਹੀਂ ਹੋਇਆ, ਦੂਜੇ ਮਹੀਨੇ ਅਜਿਹਾ ਨਹੀਂ ਹੋਇਆ ਅਤੇ ਮੈਨੂੰ ਤੀਜੇ ਮਹੀਨੇ ਯਾਦ ਹੈ, ਜਦੋਂ ਅਸੀਂ ਸਕੈਨ ਲਈ ਗਏ, ਸਰਜਨਾਂ ਨੂੰ ਮਿਲੇ, ਹਸਪਤਾਲਾਂ ਵਿੱਚ ਗਏ, ਡਾਕਟਰਾਂ ਨਾਲ ਗੱਲ ਕੀਤੀ ਅਤੇ ਮੈਂ ਤਿਆਰ ਸੀ, ਕਰਨ ਤਿਆਰ ਨਹੀਂ ਸੀ। ਮੈਨੂੰ ਪਤਾ ਸੀ ਕਿ ਉਸ ਨੂੰ ਠੀਕ ਹੋਣਾ ਪਏਗਾ ਅਤੇ ਮੈਨੂੰ ਪਤਾ ਸੀ ਕਿ ਉਹ ਠੀਕ ਹੋ ਜਾਵੇਗੀ। ਉਹ ਹੁਣ ਠੀਕ ਹੈ, ਪਰ ਮੁਸ਼ਕਿਲ ਇਹ ਸੀ ਕਿ ਉਸ ਦੇ ਬੱਚੇ ਦਾ ਸਹੀ ਥਾਂ 'ਤੇ ਅਤੇ ਸਹੀ ਸਮੇਂ 'ਤੇ ਆਪ੍ਰੇਸ਼ਨ ਕਿਵੇਂ ਕਰਵਾਇਆ ਜਾਵੇ।
ਧੀ ਦੇ ਆਪਰੇਸ਼ਨ ਦੇ ਸਮੇਂ ਬਿਪਾਸ਼ਾ ਦੀ ਜ਼ਿੰਦਗੀ ਰੁਕ ਗਈ
ਬਿਪਾਸ਼ਾ ਨੇ ਦੱਸਿਆ, 'ਜਦੋਂ ਦੇਵੀ ਤਿੰਨ ਮਹੀਨੇ ਦੀ ਸੀ ਅਤੇ ਆਪਰੇਸ਼ਨ ਛੇ ਘੰਟੇ ਤੱਕ ਚੱਲਿਆ। ਉਨ੍ਹਾਂ ਕਿਹਾ ਕਿ ਜਦੋਂ ਦੇਵੀ ਆਪਰੇਸ਼ਨ ਥੀਏਟਰ ਦੇ ਅੰਦਰ ਸੀ ਤਾਂ ਉਸ ਦੀ ਜ਼ਿੰਦਗੀ ਰੁਕ ਗਈ ਸੀ ਅਤੇ ਸਰਜਰੀ ਸਫਲ ਹੋਣ 'ਤੇ ਉਸ ਨੂੰ ਰਾਹਤ ਮਿਲੀ ਸੀ।