Esha Deol: ਹਿੰਦੀ ਸਿਨੇਮਾ ਜਗਤ ਦੇ ਸੁਪਰਸਟਾਰ ਧਰਮਿੰਦਰ ਅਤੇ ਹੇਮਾ ਮਾਲਿਨੀ ਦੀ ਬੇਟੀ ਈਸ਼ਾ ਦਿਓਲ ਇਨ੍ਹੀਂ ਦਿਨੀਂ ਸੁਰਖੀਆਂ 'ਚ ਬਣੀ ਹੋਈ ਹੈ। ਦੱਸ ਦੇਈਏ ਕਿ ਧੂਮ, ਦਸ ਅਤੇ ਨੋ ਐਂਟਰੀ ਵਰਗੀਆਂ ਫਿਲਮਾਂ ਵਿੱਚ ਨਜ਼ਰ ਆ ਚੁੱਕੀ ਅਦਾਕਾਰਾ ਨੇ ਹਾਲ ਹੀ ਵਿੱਚ ਇੱਕ ਖਾਸ ਇੰਟਰਵਿਊ ਦੌਰਾਨ ਆਪਣੇ ਨਿੱਜੀ ਅਤੇ ਪੇਸ਼ੇਵਰ ਅਨੁਭਵਾਂ ਬਾਰੇ ਗੱਲ ਕੀਤੀ।
ਪੀਰੀਅਡਜ਼ ਬਾਰੇ ਕੋਈ ਗੱਲ ਨਹੀਂ ਕਰਦਾ ਸੀ
ਈਸ਼ਾ ਨੇ Hauterrfly ਨੂੰ ਦਿੱਤੇ ਇੰਟਰਵਿਊ 'ਚ ਦੱਸਿਆ ਕਿ ਉਸ 'ਤੇ ਕਾਫੀ ਪਾਬੰਦੀਆਂ ਲਗਾਈਆਂ ਗਈਆਂ ਸਨ। ਅਦਾਕਾਰਾ ਨੇ ਦੱਸਿਆ ਕਿ ਉਨ੍ਹਾਂ ਦਾ ਘਰ ਔਰਤਾਂ ਹੀ ਚਲਾਉਂਦੀਆਂ ਹਨ। ਈਸ਼ਾ ਨੇ ਕਿਹਾ ਕਿ ਉਹ ਆਪਣੀ ਮਾਂ, ਦਾਦੀ (ਜਯਾ ਚੱਕਰਵਰਤੀ) ਅਤੇ ਆਪਣੀ ਆਂਟੀ ਦੇ ਵਿਚਕਾਰ ਰਹਿ ਕੇ ਵੱਡੀ ਹੋਈ ਹੈ। ਉਸ ਸਮੇਂ ਉਸ ਦੇ ਘਰ ਕੋਈ ਵੀ ਪੀਰੀਅਡਸ ਬਾਰੇ ਖੁੱਲ੍ਹ ਕੇ ਗੱਲ ਨਹੀਂ ਕਰਦਾ ਸੀ।
Read MOre: Karan Johar: ਕਰਨ ਜੌਹਰ ਦੇ ਸਵਾਲ 'ਤੇ ਸ਼ਰਮਸਾਰ ਹੋਈ ਮਲਾਇਕਾ ਅਰੋੜਾ, ਨਿਰਦੇਸ਼ਕ ਨੇ ਪ੍ਰਾਈਵੇਟ ਪਾਰਟ ਬਾਰੇ ਪੁੱਛਿਆ...
ਈਸ਼ਾ ਨੇ ਕਿਹਾ ਕਿ ਪੀਰੀਅਡਸ ਦੌਰਾਨ ਸਾਨੂੰ ਮੰਦਰ 'ਚ ਜਾ ਕੇ ਪ੍ਰਾਰਥਨਾ ਕਰਨ ਦੀ ਇਜਾਜ਼ਤ ਨਹੀਂ ਸੀ। ਜਦੋਂ ਮਾਹਵਾਰੀ ਖਤਮ ਹੋ ਜਾਂਦੀ ਸੀ, ਤਾਂ ਵਾਲ ਧੋ ਕੇ ਹੀ ਪੂਜਾ ਕੀਤੀ ਜਾ ਸਕਦੀ ਸੀ। ਇਹ ਕੇਵਲ ਇੱਕ ਰੂੜੀਵਾਦੀ ਤਰੀਕਾ ਹੈ ਅਤੇ ਮੈਂ ਇਸਦਾ ਪਾਲਣ ਕਰਦੀ ਹਾਂ। ਈਸ਼ਾ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਆਪਣੇ ਸਕੂਲ ਤੋਂ ਸੈਕਸ ਐਜੂਕੇਸ਼ਨ ਬਾਰੇ ਜਾਣਕਾਰੀ ਮਿਲੀ।
ਇਨ੍ਹਾਂ ਫਿਲਮਾਂ 'ਚ ਨਜ਼ਰ ਆਈ ਸੀ ਈਸ਼ਾ
ਈਸ਼ਾ ਨੇ ਆਪਣਾ ਬਾਲੀਵੁੱਡ ਡੈਬਿਊ 'ਕੋਈ ਮੇਰੇ ਦਿਲ ਸੇ ਪੂਛੇ' ਨਾਲ ਕੀਤਾ ਸੀ। ਬਾਅਦ ਵਿੱਚ ਉਨ੍ਹਾਂ ਨੂੰ ਨਾ ਤੁਮ ਜਾਨੋ ਨਾ ਹਮ, ਕਿਆ ਦਿਲ ਨੇ ਕਹਾ, ਕੁਛ ਤੋ ਹੈ, ਚੁਰਾ ਲਿਆ ਹੈ ਤੁਮਨੇ ਅਤੇ ਐਲਓਸੀ: ਕਾਰਗਿਲ ਵਰਗੀਆਂ ਫਿਲਮਾਂ ਵਿੱਚ ਕੰਮ ਕੀਤਾ। ਉਨ੍ਹਾਂ ਯੁਵਾ, ਧੂਮ, ਇੰਸਾਨ, ਕਾਲ, ਦਸ ਅਤੇ ਨੋ ਐਂਟਰੀ ਵਰਗੀਆਂ ਮਸ਼ਹੂਰ ਫਿਲਮਾਂ ਵਿੱਚ ਵੀ ਕੰਮ ਕੀਤਾ। ਈਸ਼ਾ ਆਖਰੀ ਵਾਰ 2021 ਦੀ ਸ਼ੌਰਟ ਫਿਲਮ ਏਕ ਦੁਆ ਵਿੱਚ ਨਜ਼ਰ ਆਈ ਸੀ। ਉਹ ਅਜੇ ਦੇਵਗਨ ਦੀ 2022 ਦੀ ਥ੍ਰਿਲਰ ਸੀਰੀਜ਼ ਰੁਦਰ: ਦ ਐਜ ਆਫ ਡਾਰਕਨੇਸ ਅਤੇ ਸੁਨੀਲ ਸ਼ੈਟੀ ਸਟਾਰਰ ਸ਼ੋਅ ਹੰਟਰ: ਟੂਟੇਗਾ ਨਹੀਂ ਤੋੜੇਗਾ ਵਿੱਚ ਵੀ ਦਿਖਾਈ ਦਿੱਤੀ।
Read More: Death: ਮਸ਼ਹੂਰ ਗਾਇਕ ਨੂੰ ਆਇਆ ਹਾਰਟ ਅਟੈਕ, ਡਰਾਈਵਿੰਗ ਕਰਦੇ ਸਮੇਂ ਨਿਕਲੀ ਜਾਨ