Kareena Kapoor Khan: ਅਦਾਕਾਰਾ ਕਰੀਨਾ ਕਪੂਰ ਖਾਨ (Kareena Kapoor Khan) ਮਾਂ ਬਣਨ ਦਾ ਆਨੰਦ ਮਾਣ ਰਹੀ ਹੈ। ਉਹ ਦੋ ਪੁੱਤਰਾਂ ਤੈਮੂਰ ਅਲੀ ਖਾਨ ਅਤੇ ਜੇਹ ਅਲੀ ਖਾਨ ਦੀ ਮਾਂ ਹੈ। ਅਦਾਕਾਰਾ ਨੂੰ ਅਕਸਰ ਆਪਣੇ ਬੱਚਿਆਂ ਨਾਲ ਦੇਖਿਆ ਜਾਂਦਾ ਹੈ। ਉਹ ਆਪਣੇ ਬੱਚਿਆਂ ਦਾ ਖਾਸ ਖਿਆਲ ਰੱਖਦੀ ਹੈ। ਹਾਲ ਹੀ ਵਿੱਚ, ਅਦਾਕਾਰਾ ਨੇ ਆਪਣੇ ਬੱਚਿਆਂ ਦੀ ਸਕਿਨ ਕੇਅਰ ਰੁਟੀਨ ਬਾਰੇ ਗੱਲ ਕੀਤੀ।
ਨਿਊਜ਼ ਏਜੰਸੀ ਆਈਏਐਨਐਸ ਨਾਲ ਗੱਲਬਾਤ ਕਰਦਿਆਂ ਕਰੀਨਾ ਕਪੂਰ ਖਾਨ ਨੇ ਕਿਹਾ, ''ਇੱਕ ਮਾਂ ਹੋਣ ਦੇ ਨਾਤੇ ਮੇਰਾ ਪਹਿਲਾ ਫਰਜ਼ ਹੈ ਕਿ ਮੈਂ ਆਪਣੇ ਬੱਚਿਆਂ ਦੀ ਸਕਿਨ ਦੀ ਦੇਖਭਾਲ ਕਰਾਂ ਅਤੇ ਉਨ੍ਹਾਂ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਾਂ। ਉਹਨਾਂ ਦੀ ਸਕਿਨ ਬਹੁਤ ਨਾਜ਼ੁਕ ਹੁੰਦੀ ਹੈ ਅਤੇ ਖੁਸ਼ਕੀ ਅਤੇ ਜਲੂਣ ਦੀ ਸੰਭਾਵਨਾ ਹੁੰਦੀ ਹੈ। ਮੈਂ ਅਕਸਰ ਹਲਕੇ, ਨਰਮ ਸਕਿਨ ਦੀ ਦੇਖਭਾਲ ਲਈ ਉਤਪਾਦ ਚੁਣਦੀ ਹਾਂ ਜੋ ਕੋਮਲ ਸਕਿਨ ਨੂੰ ਸਮੱਸਿਆਵਾਂ ਤੋਂ ਬਚਾਉਂਦੇ ਹਨ। ਜਿਵੇਂ ਕਿ ਮੈਂ ਕਿਹਾ, ਮਾਂ ਹੋਣ ਦੇ ਨਾਤੇ ਮੇਰੇ 'ਤੇ ਵੀ ਬਹੁਤ ਸਾਰੀਆਂ ਜ਼ਿੰਮੇਵਾਰੀਆਂ ਹਨ, ਹਰ ਮਾਂ ਦੀ ਤਰ੍ਹਾਂ, ਮੈਂ ਆਪਣੇ ਬੱਚਿਆਂ ਲਈ ਸਭ ਤੋਂ ਵਧੀਆ ਉਤਪਾਦ ਦੀ ਵਰਤੋਂ ਕਰਨਾ ਚਾਹੁੰਦੀ ਹਾਂ।
ਦਿਨ ਵਿੱਚ ਦੋ ਵਾਰ ਬੱਚਿਆਂ ਦੀ ਸਕਿਨ ਦਾ ਧਿਆਨ ਰੱਖੋ
ਕੀ ਤੁਹਾਡੇ ਕੋਲ ਆਪਣੇ ਬੱਚਿਆਂ ਲਈ ਕੋਈ ਸਪੈਸ਼ਲ ਸਕਿਨ ਕੇਅਰ ਰੁਟੀਨ ਹੈ? ਇਸ 'ਤੇ ਕਰੀਨਾ ਨੇ ਜਵਾਬ ਦਿੱਤਾ, "ਮੇਰੇ ਕੋਲ ਬੇਬੀ ਸਕਿਨ ਕੇਅਰ ਲਈ ਰੂਟਿੰਗ ਫਿਕਸ ਹੈ, ਮੈਂ ਦਿਨ ਵਿੱਚ ਦੋ ਵਾਰ ਕੁਦਰਤੀ ਬੇਬੀ ਸਕਿਨ ਉਤਪਾਦਾਂ ਦੀ ਵਰਤੋਂ ਕਰਦੀ ਹਾਂ, ਜੋ ਕਿ ਬੱਚੇ ਦੀ ਸਕਿਨ 'ਤੇ ਹਲਕੇ ਅਤੇ ਵਰਤਣ ਵਿੱਚ ਆਸਾਨ ਹੁੰਦੇ ਹਨ। ਮੈਂ ਅਜਿਹੇ ਉਤਪਾਦਾਂ ਦੀ ਖੋਜ ਕਰਦੀ ਹਾਂ ਜਿਨ੍ਹਾਂ ਵਿੱਚ ਸ਼ੀਆ ਬਟਰ, ਗਲਿਸਰੀਨ ਵਰਗੇ ਹਾਈਡਰੇਟ ਕਰਨ ਵਾਲੇ ਤੱਤ ਹੁੰਦੇ ਹਨ। ਜੋਕਿ ਸਕਿਨ ਨੂੰ ਸਾਫ਼ ਕਰਨ ਲਈ ਕਠੋਰ ਰਸਾਇਣਾਂ ਤੋਂ ਮੁਕਤ ਹੋਣ।"
ਬੱਚਿਆਂ ਦੇ ਡਾਕਟਰ ਨਾਲ ਸਲਾਹ ਕਰੋ
ਤੁਸੀਂ ਹੋਰ ਮਾਵਾਂ ਨੂੰ ਆਪਣੇ ਬੱਚੇ ਦੀ ਸਕਿਨ ਦੀ ਦੇਖਭਾਲ ਕਰਨ ਬਾਰੇ ਕੀ ਸਲਾਹ ਦੇਵੋਗੇ? ਇਸ ਦੇ ਜਵਾਬ ਵਿੱਚ ਕਰੀਨਾ ਨੇ ਅੱਗੇ ਕਿਹਾ, "ਬੱਚਿਆਂ ਲਈ ਹਮੇਸ਼ਾ ਇੱਕ ਚੰਗਾ ਉਤਪਾਦ ਚੁਣੋ ਅਤੇ ਉਤਪਾਦ ਵਿੱਚ ਸ਼ਾਮਲ ਸਮੱਗਰੀ ਦੀ ਜਾਂਚ ਕਰੋ ਅਤੇ ਆਪਣੇ ਬੱਚੇ ਦੇ ਡਾਕਟਰ ਦੀ ਸਲਾਹ ਵੀ ਲਓ ਕਿ ਤੁਹਾਡੇ ਬੱਚੇ ਲਈ ਸਭ ਤੋਂ ਵਧੀਆ ਕੀ ਹੈ।"