Kartik Aaryan Proposed By Fan: ਕਾਰਤਿਕ ਆਰੀਅਨ ਦੀ ਹਾਲ ਹੀ 'ਚ ਆਈ ਫਿਲਮ 'ਸੱਤਿਆਪ੍ਰੇਮ ਕੀ ਕਥਾ' ਨੂੰ ਦਰਸ਼ਕਾਂ ਦਾ ਕਾਫੀ ਪਿਆਰ ਮਿਲਿਆ ਹੈ। ਬਲਾਕਬਸਟਰ 'ਸੱਤਿਆਪ੍ਰੇਮ ਕੀ ਕਥਾ' ਦੀ ਫੈਨ ਸਕ੍ਰੀਨਿੰਗ ਮੈਲਬੌਰਨ ਦੇ ਇੰਡੀਅਨ ਫਿਲਮ ਫੈਸਟੀਵਲ 'ਚ ਹੋਈ ਅਤੇ ਇਸ ਦੌਰਾਨ ਬਾਲੀਵੁੱਡ ਦੇ ਦਿਲ ਦੀ ਧੜਕਣ ਕਹਾਉਣ ਵਾਲੇ ਐਕਟਰ ਕਾਰਤਿਕ ਆਰੀਅਨ ਕਾਫੀ ਉਤਸ਼ਾਹਿਤ ਨਜ਼ਰ ਆਏ। ਕਾਰਤਿਕ ਆਰੀਅਨ ਨੇ ਭਾਰਤੀ ਫਿਲਮਾਂ ਦੀ ਬਿਹਤਰੀਨ ਪ੍ਰਤਿਭਾ ਦਾ ਜਸ਼ਨ ਮਨਾਉਣ ਲਈ ਮਸ਼ਹੂਰ ਇਸ ਈਵੈਂਟ ਵਿੱਚ ਆਪਣੇ ਆਸਟ੍ਰੇਲੀਅਨ ਪ੍ਰਸ਼ੰਸਕਾਂ ਨਾਲ ਗੱਲਬਾਤ ਕੀਤੀ।
ਕਾਰਤਿਕ ਆਰੀਅਨ ਅਤੇ ਕਿਆਰਾ ਅਡਵਾਨੀ ਦੀ ਫਿਲਮ 'ਸੱਤਿਆਪ੍ਰੇਮ ਕੀ ਕਥਾ' ਨੇ ਬਾਕਸ ਆਫਿਸ 'ਤੇ ਚੰਗਾ ਪ੍ਰਦਰਸ਼ਨ ਕੀਤਾ। ਇਵੈਂਟ ਦੌਰਾਨ ਫੈਨ ਸਕ੍ਰੀਨਿੰਗ ਉਸ ਲਈ ਯਾਦਗਾਰ ਅਨੁਭਵ ਬਣ ਗਈ। ਦਰਅਸਲ, ਇਸ ਦੌਰਾਨ ਕਾਰਤਿਕ ਨੂੰ ਆਪਣੇ ਪ੍ਰਸ਼ੰਸਕਾਂ ਨਾਲ ਗੱਲ ਕਰਨ ਅਤੇ ਉਨ੍ਹਾਂ ਦੇ ਸਮਰਥਨ ਲਈ ਧੰਨਵਾਦ ਕਰਨ ਦਾ ਮੌਕਾ ਮਿਲਿਆ। ਪਰ ਇਸ ਦੌਰਾਨ ਕੁਝ ਅਜਿਹਾ ਹੋਇਆ ਜਿਸ ਬਾਰੇ ਕਾਰਤਿਕ ਨੇ ਸ਼ਾਇਦ ਕਦੇ ਸੋਚਿਆ ਵੀ ਨਹੀਂ ਹੋਵੇਗਾ। ਦਰਅਸਲ ਫੈਨਜ਼ ਨਾਲ ਗੱਲਬਾਤ ਦੌਰਾਨ ਇਕ ਲੜਕੀ ਨੇ ਉਨ੍ਹਾਂ ਨੂੰ ਵਿਆਹ ਲਈ ਪ੍ਰਪੋਜ਼ ਕੀਤਾ।
ਕਾਰਤਿਕ ਆਰੀਅਨ ਨੇ ਪ੍ਰਸਤਾਵ ਦਾ ਜਵਾਬ ਦਿੱਤਾ
ਕਾਰਤਿਕ ਆਰੀਅਨ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਪੋਸਟ ਕੀਤੀ ਹੈ ਜਿਸ ਵਿੱਚ ਇੱਕ ਪ੍ਰਸ਼ੰਸਕ ਉਨ੍ਹਾਂ ਨੂੰ ਵਿਆਹ ਲਈ ਪ੍ਰਪੋਜ਼ ਕਰਦੇ ਦੇਖਿਆ ਜਾ ਸਕਦਾ ਹੈ। ਵਿਆਹ ਦਾ ਅਜਿਹਾ ਪ੍ਰਸਤਾਵ ਮਿਲਣ ਤੋਂ ਬਾਅਦ ਕਾਰਤਿਕ ਦੀ ਪ੍ਰਤੀਕਿਰਿਆ ਵੀ ਦੇਖਣ ਵਾਲੀ ਸੀ। ਅਭਿਨੇਤਾ ਕੁਝ ਸਮੇਂ ਲਈ ਭਾਵਹੀਣ ਅਤੇ ਹੈਰਾਨ ਨਜ਼ਰ ਆ ਰਿਹਾ ਸੀ। ਬਾਅਦ ਵਿੱਚ ਉਸ ਨੇ ਆਪਣੀ ਪ੍ਰਸ਼ੰਸਕ ਨੂੰ ਜੱਫੀ ਪਾ ਲਈ। ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਕਾਰਤਿਕ ਨੇ ਕੈਪਸ਼ਨ 'ਚ ਲਿਖਿਆ- 'ਅਤੇ ਇੱਥੇ ਮੇਰੀ ਬੋਲਤੀ ਬੰਦ ਹੋ ਗਈ, ਮੰਮ ਨੂੰ ਪੁੱਛ ਕੇ ਦੱਸਦਾ ਹਾਂ'।
IFFM ਨੂੰ ਲੈ ਸਾਂਝਾ ਕੀਤਾ ਉਤਸ਼ਾਹ
ਕਾਰਤਿਕ ਆਰੀਅਨ ਨੇ IFFM ਦਾ ਹਿੱਸਾ ਬਣਨ ਬਾਰੇ ਆਪਣੀ ਖੁਸ਼ੀ ਸਾਂਝੀ ਕੀਤੀ। ਉਨ੍ਹਾਂ ਨੇ ਕਿਹਾ, 'ਮੈਂ ਇੰਡੀਅਨ ਫਿਲਮ ਫੈਸਟੀਵਲ ਆਫ ਮੈਲਬੌਰਨ ਦਾ ਹਿੱਸਾ ਬਣਨ ਲਈ ਬਹੁਤ ਉਤਸ਼ਾਹਿਤ ਹਾਂ। ਇਹ ਮੈਲਬੌਰਨ ਵਿੱਚ ਮੇਰੇ ਲਈ ਪਹਿਲਾ ਮੌਕਾ ਹੈ ਅਤੇ ਮੈਂ ਇੱਥੇ ਉਤਰਦੇ ਹੀ 'ਸੱਤਿਆਪ੍ਰੇਮ ਕੀ ਕਥਾ' ਦੀ ਸਕ੍ਰੀਨਿੰਗ ਲਈ ਆਇਆ ਹਾਂ, ਇਹ ਮੇਰੇ ਲਈ ਬਹੁਤ ਖਾਸ ਪਲ ਹੈ। ਇਹ ਮੇਰੇ ਲਈ ਬਹੁਤ ਮਾਇਨੇ ਰੱਖਦਾ ਹੈ ਕਿ ਹਰ ਕੋਈ ਇੱਥੇ ਮੌਜੂਦ ਹੈ।