Sexually Assaulted As A Child: ਟੀਵੀ ਰਿਐਲਿਟੀ ਸ਼ੋਅ 'Lock Upp' ਦੇ ਐਤਵਾਰ ਨੂੰ ਪ੍ਰਸਾਰਿਤ ਹੋਏ ਐਪੀਸੋਡ 'ਚ ਸ਼ੋਅ ਦੀ ਹੋਸਟ ਕੰਗਨਾ ਰਣੌਤ (Kangana Ranaut) ਨੇ ਬਹੁਤ ਹੀ ਸਨਸਨੀਖੇਜ਼ ਖੁਲਾਸਾ ਕੀਤਾ ਹੈ। ਕੰਗਨਾ ਨੇ ਦੱਸਿਆ ਹੈ ਕਿ ਉਸ ਨੂੰ ਵੀ ਬਚਪਨ 'ਚ ਜਿਨਸੀ ਸ਼ੋਸ਼ਣ ਦਾ ਸਾਹਮਣਾ ਕਰਨਾ ਪਿਆ ਸੀ। ਦਰਅਸਲ, ਸ਼ੋਅ ਦੇ ਇੱਕ ਮੁਕਾਬਲੇਬਾਜ਼ ਮੁਨੱਵਰ ਫਾਰੂਕੀ ਨੇ ਇੱਕ ਟਾਸਕ ਦੌਰਾਨ ਦੱਸਿਆ ਸੀ ਕਿ ਉਹ ਬਚਪਨ ਵਿੱਚ ਜਿਨਸੀ ਸ਼ੋਸ਼ਣ ਦਾ ਸ਼ਿਕਾਰ ਹੋਏ। ਮੁਨੱਵਰ ਨੂੰ ਸੁਣਨ ਤੋਂ ਬਾਅਦ ਕੰਗਨਾ ਨੂੰ ਵੀ ਆਪਣੇ ਨਾਲ ਵਾਪਰੀ ਅਜਿਹੀ ਹੀ ਘਟਨਾ ਯਾਦ ਆ ਗਈ।
ਇਹ ਸਾਰੀ ਘਟਨਾ ਇੱਕ ਟਾਸਕ ਦੌਰਾਨ ਸ਼ੁਰੂ ਹੋਈ, ਜਦੋਂ ਸਾਇਸ਼ਾ ਸ਼ਿੰਦੇ ਨੂੰ ਸ਼ੋਅ ਦੀ ਇੱਕ ਪ੍ਰਤੀਯੋਗੀ ਨੂੰ ਆਪਣੀ ਜ਼ਿੰਦਗੀ ਦਾ ਇੱਕ ਵੱਡਾ ਰਾਜ਼ ਸਾਰਿਆਂ ਨੂੰ ਦੱਸਣ ਲਈ ਮਨਾਉਣਾ ਪਿਆ।
ਅਜਿਹੇ 'ਚ ਮੁਨੱਵਰ ਫਾਰੂਕੀ ਨੇ ਅੱਗੇ ਆ ਕੇ ਦੱਸਿਆ ਕਿ ਉਹ ਸਿਰਫ 11 ਸਾਲ ਦਾ ਸੀ ਜਦੋਂ ਉਸ ਦਾ ਆਪਣੇ ਹੀ ਕਰੀਬੀ ਰਿਸ਼ਤੇਦਾਰ ਨੇ ਜਿਨਸੀ ਸ਼ੋਸ਼ਣ ਕੀਤਾ। ਮੁਨੱਵਰ ਦੱਸਦੇ ਹਨ ਕਿ, 'ਮੈਂ ਸਿਰਫ਼ ਛੇ ਸਾਲ ਦਾ ਸੀ ਜਦੋਂ ਮੇਰੇ ਨਾਲ ਜਿਨਸੀ ਸ਼ੋਸ਼ਣ ਹੋਇਆ ਤੇ ਇਹ ਸਿਲਸਿਲਾ 11 ਸਾਲ ਦੀ ਉਮਰ ਤੱਕ ਜਾਰੀ ਰਿਹਾ। ਇਹ ਕੋਈ ਹੋਰ ਨਹੀਂ ਸਗੋਂ ਮੇਰੇ ਆਪਣੇ ਦੋ ਰਿਸ਼ਤੇਦਾਰ ਸੀ, ਉਸ ਸਮੇਂ ਮੈਂ ਛੋਟਾ ਸੀ ਤੇ ਇਹ ਸਭ ਕੁਝ ਸਮਝ ਨਹੀਂ ਸਕਦਾ ਸੀ। ਫਿਰ ਇੱਕ ਵਾਰ ਬਹੁਤ ਜ਼ਿਆਦਾ ਹੋ ਗਿਆ ਤਾਂ ਉਨ੍ਹਾਂ ਦੋਹਾਂ ਰਿਸ਼ਤੇਦਾਰਾਂ ਨੂੰ ਲੱਗਾ ਕਿ ਹੁਣ ਮੈਨੂੰ ਛੱਡ ਦੇਣਾ ਚਾਹੀਦਾ ਹੈ। ਮੁਨੱਵਰ ਨੇ ਇਹ ਵੀ ਦੱਸਿਆ ਕਿ ਜਦੋਂ ਉਸ ਨੇ ਇਸ ਬਾਰੇ ਆਪਣੇ ਪਿਤਾ ਨੂੰ ਦੱਸਿਆ ਤਾਂ ਉਹ ਬਹੁਤ ਗੁੱਸੇ ਵਿਚ ਆ ਗਏ ਤੇ ਕਿਹਾ ਕਿ ਅਜਿਹੀਆਂ ਗੱਲਾਂ ਸਾਹਮਣੇ ਨਹੀਂ ਆਉਣੀਆਂ ਚਾਹੀਦੀਆਂ।
ਇਹ ਸਭ ਸੁਣ ਕੇ ਕੰਗਨਾ ਨੇ ਕਿਹਾ ਕਿ ਹਰ ਸਾਲ ਕਈ ਬੱਚੇ ਜਿਨਸੀ ਸ਼ੋਸ਼ਣ ਦਾ ਸ਼ਿਕਾਰ ਹੁੰਦੇ ਹਨ ਪਰ ਉਹ ਇਸ ਬਾਰੇ ਕਦੇ ਖੁੱਲ੍ਹ ਕੇ ਗੱਲ ਨਹੀਂ ਕਰਦੇ। ਐਕਟਰਸ ਨੇ ਕਿਹਾ, 'ਮੈਂ ਵੀ ਅਜਿਹੀ ਸਥਿਤੀ ਦਾ ਸਾਹਮਣਾ ਕੀਤਾ ਹੈ, ਮੈਂ ਉਦੋਂ ਛੋਟੀ ਸੀ ਤੇ ਸਾਡੇ ਸ਼ਹਿਰ ਦਾ ਲੜਕਾ ਮੈਨੂੰ ਗਲਤ ਤਰੀਕੇ ਨਾਲ ਛੂਹਦਾ ਸੀ, ਉਦੋਂ ਮੈਂ ਵੀ ਛੋਟੀ ਸੀ ਤੇ ਮੈਨੂੰ ਇਨ੍ਹਾਂ ਗੱਲਾਂ ਦਾ ਮਤਲਬ ਨਹੀਂ ਸਮਝਦੀ ਸੀ।'
ਇਹ ਵੀ ਪੜ੍ਹੋ: Sidhu Slam on Kejriwal: ਕੇਜਰੀਵਾਲ ਜੀ! ਤੁਸੀਂ ਕਿਹਾ ਸੀ, ਪਹਿਲੀ ਅਪਰੈਲ ਮਗਰੋਂ ਕੋਈ ਕਿਸਾਨ ਖ਼ੁਦਕੁਸ਼ੀ ਨਹੀਂ ਕਰੇਗਾ, 3 ਹਫ਼ਤਿਆਂ 'ਚ ਹੀ 14 ਖੁਦਕੁਸ਼ੀਆਂ, ਨਵਜੋਤ ਸਿੱਧੂ ਦੇ ਤਿੱਖੇ ਵਾਰ