Ranveer Singh: ਆਪਣੇ ਸਮੇਂ ਦੇ ਦਿੱਗਜ ਅਭਿਨੇਤਾ ਮੁਕੇਸ਼ ਖੰਨਾ ਇੱਕ ਵਾਰ ਫਿਰ ਸੁਰਖੀਆਂ ਦਾ ਵਿਸ਼ਾ ਬਣੇ ਹੋਏ ਹਨ। ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਮੁਕੇਸ਼ ਖੰਨਾ ਨੇ ਖੁਲਾਸਾ ਕਰ ਦੱਸਿਆ ਕਿ ਰਣਵੀਰ ਸਿੰਘ ਹਾਲ ਹੀ 'ਚ ਉਨ੍ਹਾਂ ਦੇ ਦਫਤਰ 'ਚ ਉਨ੍ਹਾਂ ਨੂੰ ਮਿਲਣ ਆਏ ਸਨ। ਉਨ੍ਹਾਂ ਦੀ ਮੁਲਾਕਾਤ ਤੋਂ ਬਾਅਦ, ਬਹੁਤ ਸਾਰੇ ਲੋਕਾਂ ਨੇ ਅੰਦਾਜ਼ਾ ਲਗਾਉਣਾ ਸ਼ੁਰੂ ਕਰ ਦਿੱਤਾ ਕਿ ਰਣਵੀਰ ਭਾਰਤ ਦੇ ਅਸਲੀ ਸੁਪਰਹੀਰੋ 'ਸ਼ਕਤੀਮਾਨ' ਦੀ ਭੂਮਿਕਾ ਨਿਭਾਉਣਗੇ।
ਇਸ ਗੱਲ ਤੋਂ ਹਰ ਕੋਈ ਜਾਣੂ ਹੈ ਕਿ 'ਸ਼ਕਤੀਮਾਨ' 90 ਦੇ ਦਹਾਕੇ ਦਾ ਸਭ ਤੋਂ ਮਸ਼ਹੂਰ ਟੀਵੀ ਸ਼ੋਅ ਸੀ। ਸ਼ਕਤੀਮਾਨ ਦੀ ਮੁੱਖ ਭੂਮਿਕਾ ਮੁਕੇਸ਼ ਖੰਨਾ ਨੇ ਨਿਭਾਈ ਸੀ। ਮੁਕੇਸ਼ ਨੇ ਹੁਣ ਇੱਕ ਵੀਡੀਓ ਸੰਦੇਸ਼ ਜਾਰੀ ਕੀਤਾ ਹੈ, ਜਿਸ ਵਿੱਚ ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਨੇ ਕਦੇ ਨਹੀਂ ਕਿਹਾ ਕਿ ਰਣਵੀਰ ਸਿੰਘ ਸੁਪਰਹੀਰੋ ਫਿਲਮ 'ਸ਼ਕਤੀਮਾਨ' ਵਿੱਚ ਹੀਰੋ ਹੋਣਗੇ।
ਮੁਕੇਸ਼ ਖੰਨਾ ਨੇ ਕਿਹਾ ਕਿ ਰਣਵੀਰ ਸਿੰਘ ਨੂੰ ਅਧਿਕਾਰਤ ਤੌਰ 'ਤੇ 'ਸ਼ਕਤੀਮਾਨ' ਵਿੱਚ ਟਾਈਟਲ ਰੋਲ ਲਈ ਸਾਈਨ ਨਹੀਂ ਕੀਤਾ ਗਿਆ ਹੈ। ਉਨ੍ਹਾਂ ਨੇ ਕਿਹਾ, ''ਰਣਵੀਰ ਸਿੰਘ ਮੈਨੂੰ ਮਿਲਣ ਆਏ। ਇਸ ਵੀਡੀਓ ਨੂੰ ਸ਼ੇਅਰ ਕਰਨ ਦੇ 2-3 ਘੰਟਿਆਂ ਦੇ ਅੰਦਰ ਹੀ ਨਿਊਜ਼ ਚੈਨਲਾਂ 'ਤੇ ਵੀਡੀਓਜ਼ ਸ਼ੇਅਰ ਹੋਣ ਲੱਗੀਆਂ ਕਿ ਰਣਵੀਰ ਸਿੰਘ ਮੁਕੇਸ਼ ਜੀ ਨੂੰ ਮਨਾਉਣ ਆਏ ਹਨ। ਉਨ੍ਹਾਂ ਤੋਂ ਵੱਧ ਇੰਡਸਟਰੀ 'ਚ ਊਰਜਾਵਾਨ ਅਦਾਕਾਰ ਕੋਈ ਨਹੀਂ ਹੈ।"
'ਸ਼ਕਤੀਮਾਨ' ਨਹੀਂ ਬਣਨਗੇ ਰਣਵੀਰ ਸਿੰਘ
ਮੁਕੇਸ਼ ਖੰਨਾ ਨੇ ਅੱਗੇ ਕਿਹਾ, “ਮੈਂ ਤੁਹਾਨੂੰ ਦੱਸ ਦੇਵਾ ਕਿ ਮੈਂ ਇਹ ਸਭ ਕਿਹਾ ਹੈ ਪਰ ਮੈਂ ਕਦੇ ਨਹੀਂ ਕਿਹਾ ਕਿ ਉਹ ਸ਼ਕਤੀਮਾਨ ਦਾ ਕਿਰਦਾਰ ਨਿਭਾਉਣ ਜਾ ਰਿਹਾ ਹੈ। ਇਹ ਨੋਟ ਕਰ ਲਓ। ” ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ, ''ਕੀ ਰਣਵੀਰ ਸਿੰਘ ਬਣਨਗੇ ਸ਼ਕਤੀਮਾਨ ? ਕੀ ਮੈਂ ਅਜਿਹਾ ਕੁਝ ਕਿਹਾ ਸੀ !!!"
ਇਸ ਦੇ ਨਾਲ ਹੀ ਆਪਣੇ ਆਖ਼ਰੀ ਵੀਡੀਓ ਵਿੱਚ ਮੁਕੇਸ਼ ਖੰਨਾ ਨੇ ਆਪਣੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕੀਤਾ ਜਿਨ੍ਹਾਂ ਨੇ ਉਨ੍ਹਾਂ ਨੂੰ 'ਸ਼ਕਤੀਮਾਨ' ਦੀ ਭੂਮਿਕਾ ਨਿਭਾਉਣ ਲਈ ਵਿਦਯੁਤ ਜਾਮਵਾਲ, ਮੋਹਿਤ ਰੈਨਾ, ਰਜਨੀਕਾਂਤ, ਅੱਲੂ ਅਰਜੁਨ ਅਤੇ ਰਾਮ ਚਰਨ ਸਮੇਤ ਕਈ ਕਲਾਕਾਰਾਂ ਦਾ ਸੁਝਾਅ ਦਿੱਤਾ। ਉਹ ਇਸ ਤੱਥ ਤੋਂ ਖਾਸ ਤੌਰ 'ਤੇ ਪ੍ਰਭਾਵਿਤ ਹੋਏ ਕਿ ਕਈ ਸਾਲ ਬੀਤ ਜਾਣ ਤੋਂ ਬਾਅਦ ਵੀ, ਕੁਝ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਨੂੰ ਸ਼ਕਤੀਮਾਨ ਦੇ ਰੂਪ ਵਿੱਚ ਦੁਬਾਰਾ ਦੇਖਣ ਦੀ ਇੱਛਾ ਜ਼ਾਹਰ ਕੀਤੀ।