Parineeti Chopra Video: ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ ਦੇ ਵਿਆਹ ਦਾ ਪ੍ਰਸ਼ੰਸਕ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਵਿਆਹ ਦੀਆਂ ਤਿਆਰੀਆਂ ਜ਼ੋਰਾਂ 'ਤੇ ਹਨ। ਇਹ ਜੋੜਾ 24 ਸਤੰਬਰ ਨੂੰ ਉਦੈਪੁਰ 'ਚ ਸ਼ਾਹੀ ਅੰਦਾਜ਼ 'ਚ ਵਿਆਹ ਕਰਨ ਜਾ ਰਿਹਾ ਹੈ।
ਅਜਿਹੇ 'ਚ ਹਰ ਦਿਨ ਵਿਆਹ ਨਾਲ ਜੁੜੀ ਨਵੀ ਅਪਡੇਟ ਸਾਹਮਣੇ ਆ ਰਹੀ ਹੈ। ਇਸਦੇ ਨਾਲ ਹੀ ਵਿਆਹ ਦੀਆਂ ਤਿਆਰੀਆਂ ਵਿਚਾਲੇ ਰਾਘਵ ਚੱਢਾ ਦੀ ਦੁਲਹਨ ਪਰਿਣੀਤੀ ਨੂੰ ਹਾਲ ਹੀ 'ਚ ਏਅਰਪੋਰਟ 'ਤੇ ਦੇਖਿਆ ਗਿਆ।
ਪਰਿਣੀਤੀ ਚੋਪੜਾ ਨੇ ਪਾਈ 'ਆਰ' ਅੱਖਰ ਵਾਲੀ ਕੈਪ
ਅਭਿਨੇਤਰੀ ਨੂੰ ਜਿਵੇਂ ਹੀ ਏਅਰਪੋਰਟ 'ਤੇ ਦੇਖਿਆ ਗਿਆ, ਉਸ ਦੀ ਕਸਟਮਾਈਜ਼ਡ ਕੈਪ ਕੈਮਰੇ 'ਚ ਕੈਦ ਹੋ ਗਈ। ਇਸ ਕੈਪ 'ਤੇ ਉਸ ਦੇ ਹੋਣ ਵਾਲੇ ਪਤੀ ਰਾਘਵ ਦੇ ਨਾਂ ਦਾ ਪਹਿਲਾ ਅੱਖਰ 'ਆਰ' ਲਿਖਿਆ ਹੋਇਆ ਸੀ। ਅਜਿਹੇ 'ਚ ਉਨ੍ਹਾਂ ਦੀ ਕਸਟਮਾਈਜ਼ਡ ਕੈਪ ਨੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਫੈਨਜ਼ ਉਸ ਦੇ ਇਸ ਕੂਲ ਲੁੱਕ ਨੂੰ ਕਾਫੀ ਪਸੰਦ ਕਰ ਰਹੇ ਹਨ।
ਪਰਿਣੀਤੀ ਚੋਪੜਾ ਨੂੰ ਪਾਪਰਾਜ਼ੀ 'ਤੇ ਆਇਆ ਗੁੱਸਾ
ਦੱਸ ਦੇਈਏ ਕਿ ਬੀਤੇ ਦਿਨੀਂ ਅਦਾਕਾਰਾ ਦਾ ਇੱਕ ਹੈਰਾਨ ਕਰਨ ਵਾਲਾ ਵੀਡੀਓ ਸਾਹਮਣੇ ਆਇਆ। ਵੀਡੀਓ 'ਚ ਪਰਿਣੀਤੀ ਪਾਪਰਾਜ਼ੀ 'ਤੇ ਗੁੱਸੇ 'ਚ ਨਜ਼ਰ ਆ ਰਹੀ ਹੈ। ਅਸਲ 'ਚ ਅਜਿਹਾ ਹੋਇਆ ਕਿ ਜਿਵੇਂ ਹੀ ਉਹ ਕਾਰ ਤੋਂ ਹੇਠਾਂ ਉਤਰੀ, ਪਾਪਰਾਜ਼ੀ ਉਸ ਦੇ ਸਾਹਮਣੇ ਕੈਮਰੇ ਲੈ ਆਏ। ਪਾਪਰਾਜ਼ੀ ਦੀ ਇਸ ਹਰਕਤ 'ਤੇ ਅਭਿਨੇਤਰੀ ਗੁੱਸੇ ਨਾਲ ਲਾਲ ਹੋ ਗਈ ਅਤੇ ਕਹਿੰਦੀ ਹੈ, 'ਮੈਂ ਤੁਹਾਨੂੰ ਨਹੀਂ ਬੁਲਾਇਆ, ਯਾਰ।'
ਇਸ ਤੋਂ ਬਾਅਦ ਵੀ ਪਾਪਰਾਜ਼ੀ ਨਹੀਂ ਮੰਨਦੇ। ਇਸ 'ਤੇ ਪਰਿਣੀਤੀ ਉਸ ਦੇ ਸਾਹਮਣੇ ਹੱਥ ਜੋੜਦੀ ਹੈ ਅਤੇ ਕਹਿੰਦੀ ਹੈ, ''ਮੈਂ ਤੁਹਾਨੂੰ ਆਉਣ ਲਈ ਨਹੀਂ ਕਿਹਾ ਸੀ। ਤੁਸੀਂ ਕਿਰਪਾ ਕਰਕੇ ਬੱਸ ਕਰੋ। ਮੈਂ ਤੁਹਾਨੂੰ ਬੇਨਤੀ ਕਰ ਰਹੀ ਹਾਂ।” ਕਈ ਸੋਸ਼ਲ ਮੀਡੀਆ ਯੂਜ਼ਰਸ ਪਰਿਣੀਤੀ ਚੋਪੜਾ ਦਾ ਸਮਰਥਨ ਕਰਦੇ ਨਜ਼ਰ ਆਏ।
ਜੋੜਾ ਇੱਥੇ ਲਵੇਗਾ ਲਾਂਵਾ
ਵਿਆਹ ਦੀ ਗੱਲ ਕਰੀਏ ਤਾਂ ਇਹ ਜੋੜਾ 24 ਸਤੰਬਰ ਨੂੰ ਉਦੈਪੁਰ ਦੇ 'ਦ ਲੀਲਾ ਪੈਲੇਸ' 'ਚ ਲਾਂਵਾਂ ਲਵੇਗਾ। ਇਸ ਤੋਂ ਬਾਅਦ ਇਹ ਜੋੜਾ 30 ਸਤੰਬਰ ਨੂੰ 'ਦ ਤਾਜ ਲੇਕ' 'ਤੇ ਆਪਣੇ ਵਿਆਹ ਦੀ ਰਿਸੈਪਸ਼ਨ ਪਾਰਟੀ ਦੇਣਗੇ। 23 ਸਤੰਬਰ ਨੂੰ ਮਹਿਮਾਨਾਂ ਲਈ ਸੁਆਗਤੀ ਦੁਪਹਿਰ ਦੇ ਖਾਣੇ ਦਾ ਆਯੋਜਨ ਕੀਤਾ ਗਿਆ ਹੈ।