Brahmanandam Son Wedding Celebration: ਤੇਲਗੂ ਸੁਪਰਸਟਾਰ ਰਾਮ ਚਰਨ ਅਤੇ ਉਪਾਸਨਾ ਵਿਆਹ ਦੇ 11 ਸਾਲ ਬਾਅਦ ਮਾਤਾ-ਪਿਤਾ ਬਣੇ ਹਨ। ਉਪਾਸਨਾ ਨੇ ਜੂਨ 2023 ਵਿੱਚ ਧੀ ਕਲੀਨ ਕਾਰਾ ਕੋਨੀਡੇਲਾ ਨੂੰ ਜਨਮ ਦਿੱਤਾ। ਉਦੋਂ ਤੋਂ ਇਹ ਜੋੜਾ ਆਪਣੀ ਜ਼ਿੰਦਗੀ ਦੇ ਇਸ ਪਿਆਰੇ ਪੜਾਅ ਦਾ ਆਨੰਦ ਮਾਣ ਰਿਹਾ ਹੈ। ਡਿਲੀਵਰੀ ਦੇ ਬਾਅਦ ਤੋਂ ਉਪਾਸਨਾ ਪਰੰਪਰਾਵਾਂ ਦੇ ਅਨੁਸਾਰ ਆਪਣੇ ਮਾਤਾ-ਪਿਤਾ ਦੇ ਘਰ ਅਸਥਾਈ ਤੌਰ 'ਤੇ ਰਹਿ ਰਹੀ ਹੈ। ਦੂਜੇ ਪਾਸੇ, ਥੋੜ੍ਹੇ ਜਿਹੇ ਪੈਟਰਨਿਟੀ ਬ੍ਰੇਕ ਤੋਂ ਬਾਅਦ, ਰਾਮ ਚਰਨ ਵੀ ਕੰਮ 'ਤੇ ਵਾਪਸ ਆ ਗਏ ਹਨ। ਹੁਣ ਮਾਤਾ-ਪਿਤਾ ਬਣਨ ਤੋਂ ਬਾਅਦ ਪਹਿਲੀ ਵਾਰ ਇਸ ਜੋੜੇ ਨੂੰ ਸਾਊਥ ਸਟਾਰ ਅਤੇ ਕਾਮੇਡੀਅਨ ਬ੍ਰਹਮਾਨੰਦਮ ਦੇ ਬੇਟੇ ਦੀ ਰਿਸੈਪਸ਼ਨ 'ਤੇ ਦੇਖਿਆ ਗਿਆ। ਜਿੱਥੇ ਸਾਊਥ ਸਟਾਰ ਪਵਨ ਕਲਿਆਣ ਵੀ ਪਹੁੰਚੇ ਸਨ।
ਬ੍ਰਹਮਾਨੰਦਮ ਨੇ ਪੁੱਤਰ ਦੇ ਵਿਆਹ ਦੀ ਸ਼ਾਨਦਾਰ ਰਿਸੈਪਸ਼ਨ ਰੱਖੀ
ਸਾਊਥ ਸਟਾਰ ਬ੍ਰਹਮਾਨੰਦਮ ਨੇ ਸ਼ੁੱਕਰਵਾਰ ਰਾਤ ਨੂੰ ਆਪਣੇ ਛੋਟੇ ਬੇਟੇ ਸਿਧਾਰਥ ਅਤੇ ਨੂੰਹ ਡਾਕਟਰ ਐਸ਼ਵਰਿਆ ਲਈ ਸ਼ਾਨਦਾਰ ਵਿਆਹ ਦੀ ਰਿਸੈਪਸ਼ਨ ਰੱਖੀ। ਇਹ ਰਿਸੈਪਸ਼ਨ 18 ਅਗਸਤ ਨੂੰ ਆਯੋਜਿਤ ਕੀਤਾ ਗਿਆ। ਜਿਸ 'ਚ ਕਈ ਮਸ਼ਹੂਰ ਹਸਤੀਆਂ ਨੇ ਸ਼ਿਰਕਤ ਕੀਤੀ। ਜਿਸ 'ਚ ਪਤਨੀ ਉਪਾਸਨਾ ਨਾਲ ਸਾਊਥ ਸਟਾਰ ਰਾਮਚਰਨ ਵੀ ਸ਼ਾਮਲ ਹੋਏ। ਰਾਮ ਚਰਨ ਚਿੱਟੀ ਕਮੀਜ਼ ਅਤੇ ਕਾਲੇ ਰੰਗ ਦੀ ਪੈਂਟ 'ਚ ਨਜ਼ਰ ਆਏ, ਉਥੇ ਹੀ ਉਪਾਸਨਾ ਗੁਲਾਬੀ ਰੰਗ ਦੀ ਸਾੜ੍ਹੀ 'ਚ ਕਾਫੀ ਖੂਬਸੂਰਤ ਲੱਗ ਰਹੀ ਸੀ। ਇਸ ਤੋਂ ਇਲਾਵਾ ਇਸ ਸ਼ਾਨਦਾਰ ਰਿਸੈਪਸ਼ਨ 'ਚ ਵਨ ਕਲਿਆਣ, ਨੰਦਾਮੁਰੀ ਬਾਲਕ੍ਰਿਸ਼ਨ, ਨਿਰਦੇਸ਼ਕ ਸੁਕੁਮਾਰ ਵਰਗੇ ਸਿਤਾਰਿਆਂ ਨੇ ਵੀ ਆਪਣੀ ਮੌਜੂਦਗੀ ਦਰਜ ਕਰਵਾਈ।
ਰਾਮ ਚਰਨ ਵਰਕਫਰੰਟ
ਰਾਮ ਚਰਨ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਹ ਇਸ ਸਮੇਂ ਐਸ ਸ਼ੰਕਰ ਦੁਆਰਾ ਨਿਰਦੇਸ਼ਿਤ ਫਿਲਮ 'ਗੇਮ ਚੇਂਜਰ' ਦੀ ਸ਼ੂਟਿੰਗ ਵਿੱਚ ਰੁੱਝੇ ਹੋਏ ਹਨ। ਇਸ ਤੋਂ ਇਲਾਵਾ ਖਬਰਾਂ ਹਨ ਕਿ ਉਨ੍ਹਾਂ ਨੇ ਨਿਰਦੇਸ਼ਕ ਬੁਚੀ ਬਾਬੂ ਚਾਨਾ ਨਾਲ 'ਆਰਸੀ 16' ਵੀ ਸਾਈਨ ਕਰ ਲਈ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।