Salaar Hindi Trailer View: ਸਾਉਥ ਸੁਪਰਸਟਾਰ ਪ੍ਰਭਾਸ ਇਨ੍ਹੀਂ ਦਿਨੀਂ ਆਪਣੀ ਫਿਲਮ ਸਾਲਾਰ ਦੇ ਚੱਲਦੇ ਪ੍ਰਸ਼ੰਸਕਾ ਵਿਚਾਲੇ ਛਾਏ ਹੋਏ ਹਨ। ਦੱਸ ਦੇਈਏ ਕਿ ਸਾਲ 2023 ਦੀ ਸਭ ਤੋਂ ਵੱਧ ਉਡੀਕੀ ਜਾਣ ਵਾਲੀ ਇਸ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਕਰ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਦੱਸ ਦੇਈਏ ਕਿ ਪ੍ਰਭਾਸ ਦੀ ਫਿਲਮ ਸਾਲਾਰ ਦਾ ਸ਼ਾਹਰੁਖ ਖਾਨ ਦੀ ਡੰਕੀ ਨਾਲ ਮੁਕਾਬਲਾ ਹੋਣ ਜਾ ਰਿਹਾ ਹੈ। ਇਸ ਵਿਚਾਲੇ ਹੈਰਾਨੀ ਦੀ ਗੱਲ ਇਹ ਹੈ ਕਿ ਸਾਲਾਰ ਦੇ ਟ੍ਰੇਲਰ ਨੇ ਹੀ ਸ਼ਾਹਰੁਖ ਖਾਨ ਦੀ ਡੰਕੀ ਨੂੰ ਪਛਾੜ ਦਿੱਤਾ ਹੈ।
ਇਸ ਫਿਲਮ 'ਚ ਪ੍ਰਭਾਸ ਤੋਂ ਇਲਾਵਾ ਪ੍ਰਿਥਵੀਰਾਜ, ਸ਼ਰੂਤੀ ਹਾਸਨ, ਟੀਨੂੰ ਆਨੰਦ, ਈਸ਼ਵਰੀ ਰਾਓ, ਜਗਪਤੀ ਬਾਬੂ, ਸ਼੍ਰਿਆ ਰੈੱਡੀ, ਗਰੁੜ ਰਾਮ ਨਜ਼ਰ ਆਉਣ ਵਾਲੇ ਹਨ। ਜਿਵੇਂ ਹੀ ਐਨੀਮਲ ਅਤੇ ਸੈਮ ਬਹਾਦੁਰ ਦੀ ਰਿਲੀਜ਼ ਵਿਚਾਲੇ ਫਿਲਮ 'ਸਾਲਾਰ' ਦਾ ਟ੍ਰੇਲਰ ਰਿਲੀਜ਼ ਹੋਇਆ, ਤਾਂ ਇਸ ਉੱਪਰ ਪ੍ਰਸ਼ੰਸਕਾਂ ਵੱਲੋਂ ਜ਼ਬਰਦਸਤ ਪ੍ਰਤੀਕਿਰਿਆ ਆਉਣੀ ਸ਼ੂਰੁ ਹੋ ਗਈ। ਸੋਸ਼ਲ ਮੀਡੀਆ 'ਤੇ ਇਸ ਦੇ ਵਿਊਜ਼ ਹਰ ਪਲ ਵਧਦੇ ਨਜ਼ਰ ਆ ਰਹੇ ਹਨ। ਜਦੋਂ ਕਿ ਪ੍ਰਸ਼ੰਸਕ ਇਸ ਨੂੰ ਮਾਸਟਰਪੀਸ ਕਹਿੰਦੇ ਨਜ਼ਰ ਆ ਰਹੇ ਹਨ।
ਐਕਸ਼ਨ ਨਾਲ ਭਰਪੂਰ ਸਾਲਾਰ ਦਾ ਟ੍ਰੇਲਰ ਹੋਮਬਲ ਫਿਲਮਜ਼ ਦੇ ਯੂਟਿਊਬ ਪੇਜ 'ਤੇ ਹਿੰਦੀ ਵਿੱਚ ਸਾਂਝਾ ਕੀਤਾ ਗਿਆ ਹੈ, ਜਿਸ ਨੂੰ 24 ਘੰਟਿਆਂ ਵਿੱਚ 100 ਮਿਲੀਅਨ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ, ਅਤੇ ਪ੍ਰਸ਼ੰਸਕ ਟਿੱਪਣੀਆਂ ਵਿੱਚ ਤਾਰੀਫ ਜ਼ਬਰਦਸਤ ਤਾਰੀਫ਼ ਕਰ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਦੇ ਹੋਏ ਕਿਹਾ ਰੌਗਟੇ ਖੜ੍ਹੇ ਕਰ ਦੇਣ ਵਾਲਾ। ਇਕ ਹੋਰ ਯੂਜ਼ਰ ਨੇ ਲਿਖਿਆ, ਹਰ ਕੋਈ ਪ੍ਰਭਾਸ ਦੀ ਗੱਲ ਕਰ ਰਿਹਾ ਹੈ। ਪਰ ਪ੍ਰਿਥਵੀਰਾਜ ਨੇ ਵੀ ਬਹੁਤ ਵਧੀਆ ਕੰਮ ਕੀਤਾ ਹੈ।
ਇਸ ਤੋਂ ਇਲਾਵਾ ਸਾਲਾਰ ਦਾ ਆਈਡੀਆ ਕਿਵੇਂ ਆਇਆ, ਇਸ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਫਿਲਮ ਨਿਰਮਾਤਾ ਨੇ ਕਿਹਾ, ''ਸਾਲਾਰ ਨੂੰ ਬਣਾਉਣ ਦਾ ਵਿਚਾਰ ਮੇਰੇ ਦਿਮਾਗ 'ਚ 15 ਸਾਲ ਪਹਿਲਾਂ ਆਇਆ ਸੀ ਪਰ ਆਪਣੀ ਪਹਿਲੀ ਫਿਲਮ ਉਗ੍ਰਮ ਬਣਾਉਣ ਤੋਂ ਬਾਅਦ ਮੈਂ ਕੇਜੀਐੱਫ 'ਚ ਰੁੱਝ ਗਿਆ, ਜਿਸ ਨੂੰ ਬਣਾਉਣਾ ਲਈ ਮੈਨੂੰ ਅੱਠ ਸਾਲ ਲੱਗ ਗਏ। ਯਾਨੀ ਅਸੀਂ ਸਭ ਤੋਂ ਪਹਿਲਾਂ KGF ਬਣਾਉਣ ਤੇ ਯੋਜਨਾ ਸ਼ੁਰੂ ਕੀਤੀ ਅਤੇ ਜਦੋਂ ਤੱਕ ਇਸ ਦਾ ਦੂਜਾ ਭਾਗ ਰਿਲੀਜ਼ ਹੋਇਆ, 8 ਸਾਲ ਬੀਤ ਚੁੱਕੇ ਸਨ। ਇਸ ਲਈ ਇਹ ਫਿਲਮ ਬਣਾਉਣ ਦਾ ਵਿਚਾਰ ਮੇਰੇ ਮਨ ਵਿੱਚ ਪਹਿਲਾਂ ਹੀ ਸੀ ਅਤੇ ਕੋਵਿਡ ਦੌਰਾਨ ਜਦੋਂ KGF 2 ਰਿਲੀਜ਼ ਨਹੀਂ ਹੋਈ ਸੀ, ਸਾਡੇ ਸਾਰਿਆਂ ਕੋਲ ਬਹੁਤ ਸਮਾਂ ਸੀ ਕਿਉਂਕਿ ਅਸੀਂ ਸਾਰੇ ਘਰ ਬੈਠੇ ਸੀ। ਇਸ ਸਮੇਂ ਦੌਰਾਨ, ਮੈਂ ਇਸ 'ਤੇ ਥੋੜ੍ਹਾ ਜਿਹਾ ਕੰਮ ਕੀਤਾ।
ਦੱਸ ਦੇਈਏ ਕਿ ਸਾਲਾਰ ਪਾਰਟ 1 ਸੀਜਫਾਈਰ 22 ਦਸੰਬਰ ਨੂੰ ਹਿੰਦੀ, ਤਾਮਿਲ, ਤੇਲਗੂ, ਕੰਨੜ ਅਤੇ ਮਲਿਆਲਮ ਵਿੱਚ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਏਗੀ। ਜਿੱਥੇ ਇਸੇ ਦਿਨ ਸ਼ਾਹਰੁਖ ਖਾਨ ਦੀ ਸਾਲ 2023 ਦੀ ਤੀਜੀ ਫਿਲਮ ਡੰਕੀ ਰਿਲੀਜ਼ ਹੋਵੇਗੀ, ਉਥੇ ਹੀ ਇਸ ਤੋਂ ਪਹਿਲਾਂ ਪਠਾਨ ਅਤੇ ਜਵਾਨ ਬਲਾਕਬਸਟਰ ਹੋਈਆਂ।