Shahrukh Khan Jawan Theme Song Out Now: ਬਾਲੀਵੁੱਡ ਸਟਾਰ ਸ਼ਾਹਰੁਖ ਖਾਨ ਦੀ ਇੱਕ ਝਲਕ ਪਾਉਣ ਲਈ ਦਰਸ਼ਕ ਹਮੇਸ਼ਾ ਬੇਤਾਬ ਰਹਿੰਦੇ ਹਨ। ਹੁਣ ਜਦੋਂ ਕਿ ਕਿੰਗ ਖਾਨ ਦੀ 'ਜਵਾਨ' ਰਿਲੀਜ਼ ਲਈ ਤਿਆਰ ਹੈ, ਤੁਸੀਂ ਸਾਰੇ ਉਸ ਦੇ ਪ੍ਰਸ਼ੰਸਕਾਂ ਦੇ ਉਤਸ਼ਾਹ ਦੇ ਪੱਧਰ ਦੀ ਕਲਪਨਾ ਕਰ ਸਕਦੇ ਹੋ।
ਪਹਿਲਾਂ ਪੋਸਟਰ ਫਿਰ ਟੀਜ਼ਰ ਨੇ ਪ੍ਰਸ਼ੰਸਕਾਂ 'ਚ ਮਚਾਈ ਖਲਬਲੀ
ਫਿਲਮ ਨੇ ਆਪਣੇ ਦਿਲਚਸਪ ਪੋਸਟਰ ਅਤੇ ਇੱਕ ਛੋਟੇ ਘੋਸ਼ਣਾ ਟੀਜ਼ਰ ਨਾਲ ਪਹਿਲਾਂ ਹੀ ਇੱਕ ਬਜ਼ ਪੈਦਾ ਕਰ ਦਿੱਤੀ ਹੈ, ਪਰ ਹਾਲ ਹੀ ਦੇ ਜਵਾਨ ਪ੍ਰੀਵਿਊ ਵਿੱਚ ਸ਼ਾਹਰੁਖ ਖਾਨ ਦੇ ਵੱਖੋ-ਵੱਖਰੇ ਰੂਪਾਂ ਨੂੰ ਦਿਖਾਇਆ ਗਿਆ ਹੈ ਨੇਵਰ ਸੀਨ ਬਿਫੌਰ ਅਵਤਾਰ ਦੀ ਝਲਕ ਨੇ ਇਸਨੂੰ ਵੱਖਰੇ ਲੈਵਲ ਤੱਕ ਪਹੁੰਚਾ ਦਿੱਤਾ ਹੈ। ਪ੍ਰੀਵਿਊ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ, ਜਿਸ ਵਿੱਚ ਫਿਲਮ ਦੀ ਸ਼ਾਨਦਾਰ ਕਾਸਟ ਤੋਂ ਲੈ ਕੇ ਜ਼ਬਰਦਸਤ ਐਕਸ਼ਨ ਨੂੰ ਲੋਕਾਂ ਦਾ ਪਿਆਰ ਮਿਲਿਆ।
'ਜਵਾਨ' ਦਾ ਥੀਮ ਗੀਤ ਸਾਹਮਣੇ ਆਇਆ
ਇਸ ਤੋਂ ਇਲਾਵਾ ਪ੍ਰੀਵਿਊ 'ਚ ਇੱਕ ਹੋਰ ਚੀਜ਼ ਜਿਸ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ, ਉਹ ਹੈ ਇਸ ਦਾ ਬੈਕਗ੍ਰਾਊਂਡ ਮਿਊਜ਼ਿਕ, ਜਿਸ ਨੇ ਸੋਸ਼ਲ ਮੀਡੀਆ 'ਤੇ ਹਲਚਲ ਮਚਾ ਦਿੱਤੀ ਹੈ। ਪ੍ਰਸ਼ੰਸਕਾਂ ਅਤੇ ਦਰਸ਼ਕਾਂ ਨੇ ਥੀਮ ਗੀਤ ਦੇ ਰਿਲੀਜ਼ ਹੋਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕੀਤਾ, ਜੋ ਹੁਣ ਖਤਮ ਹੋ ਗਿਆ ਹੈ।
ਜੀ ਹਾਂ, ਸਾਰਿਆਂ ਦੀ ਮੰਗ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਨਿਰਮਾਤਾਵਾਂ ਨੇ ਆਖਰਕਾਰ ਅਨਿਰੁਧ ਰਵੀਚੰਦਰਨ ਦੁਆਰਾ ਰਚਿਤ ਅਤੇ ਰਾਜਾ ਕੁਮਾਰੀ ਦੁਆਰਾ ਗਾਇਆ ਗਿਆ ਜਵਾਨ ਦਾ ਥੀਮ ਗੀਤ ਰਿਲੀਜ਼ ਕਰ ਦਿੱਤਾ ਗਿਆ ਹੈ। ਇਸ ਥੀਮ ਗੀਤ ਨੂੰ ਵੀ ਸਾਰਿਆਂ ਵੱਲੋਂ ਕਾਫੀ ਪਿਆਰ ਮਿਲ ਰਿਹਾ ਹੈ ਅਤੇ ਜਿਸ ਨੇ ਇਕ ਵਾਰ ਫਿਰ ਫਿਲਮ ਪ੍ਰਤੀ ਉਨ੍ਹਾਂ ਦੀ ਦਿਲਚਸਪੀ ਵਧਾ ਦਿੱਤੀ ਹੈ।
ਜੇਕਰ ਤੁਸੀਂ ਵੀ ਸ਼ਾਹਰੁਖ ਖਾਨ ਦੇ ਵੱਡੇ ਫੈਨ ਹੋ ਅਤੇ ਫਿਲਮ ਜਵਾਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹੋ, ਤਾਂ ਯਾਦ ਕਰਵਾ ਦੇਈਏ ਕਿ ਸੁਪਰਸਟਾਰ ਸ਼ਾਹਰੁਖ ਦੀ ਫਿਲਮ 7 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਆ ਰਹੀ ਹੈ।