Actor Kim Woo Bin: ਅੱਜ ਅਸੀਂ ਤੁਹਾਨੂੰ ਦੱਖਣੀ ਕੋਰੀਆ ਦੇ ਇੱਕ ਅਜਿਹੇ ਅਦਾਕਾਰ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸ ਨੂੰ ਲੈ ਹੈਰਾਨ ਕਰਨ ਵਾਲਾ ਖੁਲਾਸਾ ਹੋਇਆ ਹੈ। ਦਰਅਸਲ, ਇਹ ਅਦਾਕਾਰ ਮੌਤ ਨੂੰ ਛੂਹ ਕੇ ਤੋਂ ਵਾਪਸ ਪਰਤ ਆਇਆ ਹੈ। ਦਰਅਸਲ, ਅਸੀਂ ਜਿਸ ਸ਼ਖਸ ਦੀ ਗੱਲ ਕਰ ਰਹੇ ਹਾਂ ਉਹ ਕੋਈ ਹੋਰ ਨਹੀਂ ਬਲਕਿ ਦੱਖਣੀ ਕੋਰੀਆਈ ਅਦਾਕਾਰ ਕਿਮ ਵੂ ਬਿਨ ਹੈ, ਜੋ ਇਸ ਸਮੇਂ ਨੈੱਟਫਲਿਕਸ ਦੀ ਫਿਲਮ 'ਆਫੀਸਰ ਬਲੈਕ ਬੈਲਟ' ਨੂੰ ਲੈ ਕੇ ਸੁਰਖੀਆਂ 'ਚ ਹਨ। ਫਿਲਮ ਦਾ ਪ੍ਰੀਮੀਅਰ 13 ਸਤੰਬਰ ਨੂੰ ਹੋਇਆ ਸੀ ਅਤੇ ਇਸ ਦੇ ਨਾਲ ਹੀ ਕਿਮ ਸਿਨੇਮਿਕ ਐਕਸ਼ਨ ਨਾਲ ਵਾਪਸ ਆ ਗਏ ਹਨ। ਲੋਕ ਕਿਮ ਦੀ ਐਕਟਿੰਗ ਦੇ ਦੀਵਾਨੇ ਹਨ ਅਤੇ ਉਨ੍ਹਾਂ ਨੂੰ ਕਾਫੀ ਪਸੰਦ ਵੀ ਕਰਦੇ ਹਨ।
ਕੈਂਸਰ ਵਿਰੁੱਧ ਲੜੀ ਜੰਗ
ਜ਼ਿਕਰਯੋਗ ਹੈ ਕਿ ਕਿਮ ਨੂੰ ਸਾਲ 2017 'ਚ ਨੈਸੋਫੈਰਨਜੀਲ ਕੈਂਸਰ ਦਾ ਸਾਹਮਣਾ ਕਰਨਾ ਪਿਆ ਸੀ ਅਤੇ ਹੁਣ ਉਨ੍ਹਾਂ ਨੇ ਆਪਣੇ ਸਫਰ ਬਾਰੇ ਗੱਲ ਕੀਤੀ ਹੈ। ਇਸ ਬਾਰੇ ਗੱਲ ਕਰਦਿਆਂ ਕਿਮ ਨੇ ਕਿਹਾ ਕਿ ਕੈਂਸਰ ਨਾਲ ਲੜਨ ਤੋਂ ਬਾਅਦ ਉਨ੍ਹਾਂ ਦੀ ਏਜੰਸੀ ਸਿਡਸ ਨੇ ਅਧਿਕਾਰਤ ਬਿਆਨ ਜਾਰੀ ਕੀਤਾ ਸੀ। ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਉਨ੍ਹਾਂ ਨੂੰ ਆਪਣੇ ਇਲਾਜ ਦੇ ਕਾਰਨ ਆਪਣੇ ਪ੍ਰੋਜੈਕਟ ਪ੍ਰਤੀਬੱਧਤਾਵਾਂ ਤੋਂ ਪਿੱਛੇ ਹਟਣਾ ਪਿਆ।
ਬਹੁਤ ਮੁਸ਼ਕਿਲ ਸਮਾਂ ਸੀ - ਕਿਮ
ਆਪਣੇ ਇਲਾਜ ਬਾਰੇ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਇਹ ਸਮਾਂ ਬਹੁਤ ਔਖਾ ਸੀ ਅਤੇ ਕਿਸੇ ਲਈ ਵੀ ਆਸਾਨ ਨਹੀਂ ਹੁੰਦਾ। ਸਾਲ 2019 ਵਿੱਚ, ਜਦੋਂ ਮੈਨੂੰ ਪਤਾ ਲੱਗਾ ਕਿ ਮੈਂ ਇਸ ਤੋਂ ਠੀਕ ਹੋ ਗਿਆ ਹਾਂ ਅਤੇ ਮੇਰੀ ਜਾਨ ਬਚ ਗਈ ਹੈ, ਤਾਂ ਮੈਂ ਬਹੁਤ ਖੁਸ਼ ਸੀ ਕਿਉਂਕਿ ਆਖਰਕਾਰ ਮੈਨੂੰ ਇਸ ਤੋਂ ਰਾਹਤ ਮਿਲੀ। ਉਨ੍ਹਾਂ ਨੇ ਕਿਹਾ ਕਿ ਮੈਂ ਬਹੁਤ ਸਕਾਰਾਤਮਕ ਹਾਂ ਅਤੇ ਇਸ ਲਈ ਸਪੱਸ਼ਟ ਹੈ ਕਿ ਮੈਂ ਇਸ ਤੋਂ ਪਰੇਸ਼ਾਨ ਨਹੀਂ ਸੀ।
ਫੈਨਜ਼ ਨੇ ਕੀਤੀ ਅਰਦਾਸ
ਮੈਂ ਕਦੇ ਉਮੀਦ ਨਹੀਂ ਹਾਰੀ ਅਤੇ ਹਮੇਸ਼ਾ ਇਸ ਨਾਲ ਲੜਨ ਦੀ ਕੋਸ਼ਿਸ਼ ਕੀਤੀ। ਜਦੋਂ ਡਾਕਟਰ ਨੇ ਮੈਨੂੰ ਇਹ ਖਬਰ ਦਿੱਤੀ ਤਾਂ ਮੇਰੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕ ਗਈ ਅਤੇ ਮੈਂ ਸੋਚਿਆ ਕਿ ਇਹ ਕਿਸੇ ਫਿਲਮੀ ਪਰਦੇ ਦੀ ਕਹਾਣੀ ਹੈ। ਜਦੋਂ ਡਾਕਟਰ ਨੇ ਮੈਨੂੰ ਦੱਸਿਆ ਕਿ ਮੇਰੇ ਕੋਲ ਸਿਰਫ 6 ਮਹੀਨੇ ਹਨ… ਮੈਂ ਥੋੜਾ ਡਰਿਆ ਅਤੇ ਹੈਰਾਨ ਹੋ ਗਿਆ। ਮੈਂ ਸੋਚਿਆ ਕਿ ਇਹ ਸਿਰਫ਼ ਇੱਕ ਸੁਪਨਾ ਸੀ। ਹਾਲਾਂਕਿ, ਇਹ ਮੇਰੇ ਮਨ ਵਿੱਚ ਇਹ ਕਦੇ ਨਹੀਂ ਆਇਆ ਕਿ ਮੈਂ ਇਸ ਨੂੰ ਕਾਬੂ ਨਹੀਂ ਕਰ ਸਕਦਾ। ਅਭਿਨੇਤਾ ਨੇ ਕਿਹਾ ਕਿ ਲੋਕ ਹਮੇਸ਼ਾ ਮੇਰੇ ਲਈ ਦੁਆ ਕਰਦੇ ਹਨ। ਉਨ੍ਹਾਂ ਦੀਆਂ ਦੁਆਵਾਂ ਨਾਲ ਮੈਂ ਠੀਕ ਹੋ ਸਕਿਆ ਹਾਂ। ਮੈਨੂੰ ਜੋ ਤਾਕਤ ਮਿਲੀ ਹੈ, ਉਹ ਲੋਕਾਂ ਦੇ ਸਹਿਯੋਗ ਸਦਕਾ ਹੈ।