Jug jugg Jeeyo Box Office Day 2: ਬਾਲੀਵੁੱਡ ਅਦਾਕਾਰ ਵਰੁਣ ਧਵਨ ਅਤੇ ਅਦਾਕਾਰਾ ਕਿਆਰਾ ਅਡਵਾਨੀ ਦੀ ਫਿਲਮ ਜੁਗ ਜੁਗ ਜੀਓ ਸਿਨੇਮਾਘਰਾਂ 'ਚ ਧਮਾਲ ਮਚਾ ਰਹੀ ਹੈ। ਬਾਲੀਵੁੱਡ ਨਿਰਮਾਤਾ ਕਰਨ ਜੌਹਰ ਦੀ ਇਸ ਫਿਲਮ ਦੀ ਹਰ ਪਾਸੇ ਚਰਚਾ ਹੋ ਰਹੀ ਹੈ। ਇਸ ਦੌਰਾਨ ਹਿੰਦੀ ਫਿਲਮ ਆਲੋਚਕ ਤਰਨ ਆਦਰਸ਼ ਨੇ ਜੁਗ ਜੁਗ ਜੀਓ ਦੇ ਦੂਜੇ ਦਿਨ ਦੇ ਬਾਕਸ ਆਫਿਸ ਕਲੈਕਸ਼ਨ ਬਾਰੇ ਜਾਣਕਾਰੀ ਦਿੱਤੀ ਹੈ। ਜਿਸ ਦੇ ਆਧਾਰ 'ਤੇ ਮਲਟੀਸਟਾਰਰ ਫਿਲਮ ਨੇ ਰਿਲੀਜ਼ ਦੇ ਦੂਜੇ ਦਿਨ ਬੰਪਰ ਕਮਾਈ ਕੀਤੀ ਹੈ।
ਫਿਲਮ ਜੁਗ ਜੁਗ ਜੀਓ ਦੇ ਪਹਿਲੇ ਦਿਨ ਦੀ ਕਮਾਈ ਦੇ ਅੰਕੜਿਆਂ ਤੋਂ ਬਾਅਦ, ਹਰ ਕੋਈ ਇਸ ਫਿਲਮ ਦੇ ਦੂਜੇ ਦਿਨ ਦੇ ਬਾਕਸ ਆਫਿਸ ਕਲੈਕਸ਼ਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਿਹਾ ਸੀ। ਅਜਿਹੇ 'ਚ ਮਸ਼ਹੂਰ ਟ੍ਰੇਡ ਐਨਾਲਿਸਟ ਤਰਨ ਆਦਰਸ਼ ਨੇ ਹਾਲ ਹੀ 'ਚ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ 'ਤੇ ਜੁਗ ਜੁਗ ਜੀਓ ਦੇ ਦੂਜੇ ਦਿਨ ਦੀ ਕਮਾਈ ਦੇ ਅੰਕੜੇ ਪੇਸ਼ ਕੀਤੇ ਹਨ। ਹਿੰਦੀ ਫਿਲਮ ਜੁਗ ਜੁਗ ਜੀਓ ਨੇ ਰਿਲੀਜ਼ ਦੇ ਦੂਜੇ ਦਿਨ 12.55 ਕਰੋੜ ਦੀ ਕਮਾਈ ਕਰਦੇ ਹੋਏ ਬਾਕਸ ਆਫਿਸ 'ਤੇ ਜ਼ਬਰਦਸਤ ਛਾਲ ਮਾਰੀ ਹੈ। ਇਹ ਸ਼ੁਰੂਆਤੀ ਦਿਨ ਨਾਲੋਂ ਕਰੀਬ 3.27 ਕਰੋੜ ਰੁਪਏ ਵੱਧ ਹੈ।
ਓਪਨਿੰਗ ਡੇਅ 'ਜੁਗ ਜੁਗ ਜੀਓ' ਦਾ ਕਲੈਕਸ਼ਨ
ਜੁਗ ਜੁਗ ਜੀਓ ਦੇ ਦੂਜੇ ਦਿਨ ਬਾਕਸ ਆਫਿਸ ਕਲੈਕਸ਼ਨ ਤੋਂ ਬਾਅਦ ਵਰੁਣ ਅਤੇ ਕਿਆਰਾ ਦੀ ਇਸ ਫਿਲਮ ਦਾ ਕੁਲ ਕਲੈਕਸ਼ਨ 21.83 ਕਰੋੜ ਹੋ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਜੁਗ ਜੁਗ ਜੀਓ ਨੇ ਆਪਣੇ ਪਹਿਲੇ ਦਿਨ 9.28 ਕਰੋੜ ਦਾ ਕਾਰੋਬਾਰ ਕੀਤਾ ਸੀ। ਸ਼ਨੀਵਾਰ ਨੂੰ 'ਜੁਗ ਜੁਗ ਜੀਓ' ਦੇ ਅੰਕੜਿਆਂ ਤੋਂ ਬਾਅਦ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਐਤਵਾਰ ਨੂੰ ਇਸ ਫਿਲਮ ਦੇ ਕਾਰੋਬਾਰ 'ਚ ਕਾਫੀ ਵਾਧਾ ਦੇਖਣ ਨੂੰ ਮਿਲੇਗਾ। ਇੰਨਾ ਹੀ ਨਹੀਂ ਜੁਗ ਜੁਗ ਜੀਓ ਨੂੰ ਰੇਟਿੰਗ ਵੀ ਚੰਗੀ ਦਿੱਤੀ ਜਾ ਰਹੀ ਹੈ।