ਅਮੈਲੀਆ ਪੰਜਾਬੀ ਦੀ ਰਿਪੋਰਟ
Carry On Jatta 3 Creates History: 'ਕੈਰੀ ਆਨ ਜੱਟਾ 3' ਨੇ ਇਤਿਹਾਸ ਰਚ ਦਿੱਤਾ ਹੈ। 'ਕੈਰੀ...' ਪੰਜਾਬੀ ਸਿਨੇਮਾ ਦੀ ਪਹਿਲੀ ਫਿਲਮ ਬਣ ਗਈ ਹੈ, ਜਿਸ ਨੇ ਬਾਕਸ ਆਫਿਸ 'ਤੇ 100 ਕਰੋੜ ਦੀ ਕਮਾਈ ਕੀਤੀ ਹੈ। ਚਾਰੇ ਪਾਸੇ ਇਸੇ ਫਿਲਮ ਦੀ ਚਰਚਾ ਹੈ। ਅੱਜ ਅਸੀਂ ਤੁਹਾਨੂੰ ਕੈਰੀ ਆਨ ਜੱਟਾ 3 ਬਾਰੇ ਅਜਿਹੀਆਂ ਅਨਸੁਣੀਆਂ ਗੱਲਾਂ ਦੱਸਣ ਜਾ ਰਹੇ ਹਾਂ, ਜਿਸ ਨੂੰ ਸੁਣ ਕੇ ਤੁਸੀਂ ਹੈਰਾਨ ਹੋ ਜਾਓਗੇ। ਇਹ ਅਜਿਹੀ ਫਿਲਮ ਹੈ, ਜਿਸ ਨੇ ਪੰਜਾਬੀ ਸਿਨੇਮਾ ਦੇ ਕਈ ਰਿਕਾਰਡ ਤੋੜੇ ਹਨ। ਤਾਂ ਆਓ ਤੁਹਾਨੂੰ ਦਸਦੇ ਹਾਂ:
ਪਹਿਲੇ ਦਿਨ ਭਾਰਤ 'ਚ ਕੀਤੀ ਸੀ 5 ਕਰੋੜ ਦੀ ਕਮਾਈ
ਯੂਟਿਊਬ ਚੈਨਲ ਸਰਦਾਰਸ ਟੇਕ ਦੀ ਰਿਪੋਰਟ ਮੁਤਾਬਕ 'ਕੈਰੀ ਆਨ ਜੱਟਾ 3' ਨੇ ਪਹਿਲੇ ਹੀ ਦਿਨ ਇਹ ਸਾਬਤ ਕਰ ਦਿੱਤਾ ਸੀ ਕਿ ਇਹ ਫਿਲਮ ਵੱਡੇ ਵੱਡੇ ਰਿਕਾਰਡ ਕਾਇਮ ਕਰੇਗੀ। ਪਹਿਲੇ ਹੀ ਦਿਨ ਕੈਰੀ ਆਨ ਜੱਟਾ 3 ਨੇ 5 ਕਰੋੜ ਤੋਂ ਜ਼ਿਆਦਾ ਦੀ ਕਮਾਈ ਕੀਤੀ ਸੀ, ਜਿਸ ਨਾਲ ਇਸ ਫਿਲਮ ਨੇ 'ਹੌਸਲਾ ਰੱਖ' ਦੀ ਕਮਾਈ (2.55 ਕਰੋੜ) ਦਾ ਰਿਕਾਰਡ ਤੋੜਿਆ ਸੀ।
ਪਹਿਲੇ ਹਫਤੇ 'ਚ ਕੀਤੀ ਸੀ 46 ਕਰੋੜ ਦੀ ਕਮਾਈ
'ਕੈਰੀ ਆਨ ਜੱਟਾ 3' ਨੇ ਪਹਿਲੇ ਹੀ ਹਫਤੇ 'ਚ 46 ਕਰੋੜ ਤੋਂ ਜ਼ਿਆਦਾ ਦੀ ਕਮਾਈ ਕੀਤੀ ਸੀ। ਇਸ ਦੇ ਨਾਲ ਹੀ ਫਿਲਮ ਨੇ 'ਸੌਂਕਣ ਸੌਕਣੇ' ਫਿਲਮ ਦਾ ਪਹਿਲੇ ਹਫਤੇ ਦੀ ਕਮਾਈ ਦਾ ਰਿਕਾਰਡ ਤੋੜਿਆ ਸੀ। ਹੁਣ ਤੱਕ 'ਸੌਂਕਣ ਸੌਂਕਣੇ' ਅਜਿਹੀ ਫਿਲਮ ਸੀ, ਜਿਸ ਨੇ ਰਿਲੀਜ਼ ਦੇ ਪਹਿਲੇ ਹਫਤੇ 18.10 ਕਰੋੜ ਦੀ ਕਮਾਈ ਕੀਤੀ। ਇਸ ਦੇ ਨਾਲ ਨਾਲ ਫਿਲਮ ਪਹਿਲੇ ਹਫਤੇ 'ਚ ਹੀ ਇੰਨੀਂ ਜ਼ਿਆਦਾ ਕਮਾਈ ਕਰਨ ਵਾਲੀ ਵੀ 'ਕੈਰੀ...' ਪਹਿਲੀ ਫਿਲਮ ਸੀ।
ਸਭ ਤੋਂ ਤੇਜ਼ 50 ਕਰੋੜ ਕਮਾਈ ਕਰਨ ਵਾਲੀ ਫਿਲਮ
'ਕੈਰੀ ਆਨ ਜੱਟਾ 3' ਉਹ ਫਿਲਮ ਹੈ, ਜਿਸ ਦੇ ਨਾਮ ਸਭ ਤੋਂ ਤੇਜ਼ 50 ਕਰੋੜ ਕਮਾਈ ਦਾ ਰਿਕਾਰਡ ਬਣਿਆ ਹੈ। ਜੀ ਹਾਂ, ਇਸ ਫਿਲਮ ਨੇ ਮਹਿਜ਼ 5 ਦਿਨਾਂ 'ਚ ਹੀ ਇਸ ਫਿਲਮ ਨੇ 50 ਕਰੋੜ ਦੀ ਕਮਾਈ ਕਰ ਲਈ ਸੀ।
ਅੱਜ ਤੱਕ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ
ਫਿਲਮ ਅੱਜ ਤੱਕ ਦੀ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਫਿਲਮ ਬਣ ਗਈ ਹੈ। 12 ਦਿਨਾਂ 'ਚ ਫਿਲਮ ਨੇ 86 ਕਰੋੜ ਦੀ ਕਮਾਈ ਕੀਤੀ ਸੀ, ਜਿਸ ਨਾਲ ਫਿਲਮ ਨੇ 'ਕੈਰੀ ਆਨ ਜੱਟਾ 2' ਦਾ ਰਿਕਾਰਡ ਤੋੋੜਿਆ ਸੀ। 'ਕੈਰੀ....2' ਨੇ 12 ਦਿਨਾਂ 'ਚ 57 ਕਰੋੜ ਦੀ ਕਮਾਈ ਕੀਤੀ ਸੀ।
ਐਤਵਾਰ ਦੇ ਦਿਨ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਫਿਲਮ ਬਣੀ
'ਕੈਰੀ 3...' ਨੇ ਪਹਿਲੇ ਐਤਵਾਰ 13.40 ਕਰੋੜ ਦੀ ਕਮਾਈ ਕੀਤੀ ਸੀ। ਪਹਿਲਾਂ ਇਹ ਰਿਕਾਰਡ 'ਸੌਂਕਣ ਸੌਂਕਣੇ' ਦੇ ਨਾਮ ਸੀ। ਫਿਲਮ ਨੇ ਪਹਿਲੇ ਐਤਵਾਰ 7.9 ਕਰੋੜ ਦੀ ਕਮਾਈ ਕੀਤੀ ਸੀ।
32 ਦੇਸ਼ਾਂ 'ਚ ਰਿਲੀਜ਼ ਹੋਣ ਵਾਲੀ ਪਹਿਲੀ ਫਿਲਮ 'ਕੈਰੀ ਆਨ ਜੱਟਾ 3'
ਆਮ ਤੌਰ 'ਤੇ ਦੂਜੀਆਂ ਪੰਜਾਬੀ ਫਿਲਮਾਂ 15-20 ਦੇਸ਼ਾਂ 'ਚ ਰਿਲੀਜ਼ ਹੁੰਦੀਆਂ ਹਨ, ਪਰ 'ਕੈਰੀ....3' 32 ਦੇਸ਼ਾਂ 'ਚ ਰਿਲੀਜ਼ ਹੋਣ ਵਾਲੀ ਪਹਿਲੀ ਫਿਲਮ ਸੀ।
ਇਸ ਤੋਂ ਇਲਾਵਾ ਇੱਕ ਪੰਜਾਬੀ ਫਿਲਮ ਨੂੰ ਸਿਨੇਮਾਘਰਾਂ 'ਚ 1200-1500 ਸ਼ੋਅਜ਼ ਮਿਲਦੇ ਹਨ, ਪਰ 'ਕੈਰੀ ਆਨ ਜੱਟਾ 3' ਨੂੰ 2000 ਤੋਂ ਵੱਧ ਸ਼ੋਅਜ਼ ਮਿਲੇ।
ਆਖਰੀ ਰਿਕਾਰਡ ਫਿਲਮ ਬਣਾ ਕੇ ਫਿਲਮ ਨੇ ਇਤਿਹਾਸ ਰਚ ਦਿੱਤਾ। ਜੀ ਹਾਂ, ਫਿਲਮ ਨੇ 100 ਕਰੋੜ ਦੀ ਕਮਾਈ ਪੂਰੀ ਕਰ ਲਈ ਹੈ। ਫਿਲਮ ਨੇ ਰਿਲੀਜ਼ ਤੋਂ ਕਰੀਬ 20 ਦਿਨਾਂ ਦੇ ਅੰਦਰ ਇਹ ਰਿਕਾਰਡ ਬਣਾਇਆ ਹੈ। ਹੁਣ ਦੇਖਣਾ ਇਹ ਹੈ ਕਿ 'ਕੈਰੀ ਆਨ ਜੱਟਾ 3' ਦੇ ਇਸ ਵੱਡੇ ਰਿਕਾਰਡ ਨੂੰ ਕਿਹੜੀ ਪੰਜਾਬੀ ਫਿਲਮ ਤੋੜਦੀ ਹੈ।