Josephine Chaplin Passes Away: ਬਰਤਾਨਵੀ ਕਮੇਡੀਅਨ, ਅਦਾਕਾਰ ਅਤੇ ਫ਼ਿਲਮ ਨਿਰਦੇਸ਼ਕ ਚਾਰਲੀ ਚੈਪਲਿਨ ਦਾ ਨਾਂਅ ਅੱਜ ਵੀ ਲੋਕਾਂ ਦੀ ਜ਼ੁਬਾਨ ਤੋਂ ਸੁਣਨ ਨੂੰ ਮਿਲਦਾ ਹੈ। ਦੱਸ ਦੇਈਏ ਕਿ ਇਕ ਵਾਰ ਫਿਰ ਤੋਂ ਉਨ੍ਹਾਂ ਦਾ ਨਾਂਂਅ ਸੁਰਖੀਆਂ ਬਟੋਰ ਰਿਹਾ ਹੈ। ਦਰਅਸਲ, ਚਾਰਲੀ ਦੀ ਚੌਥੀ ਪਤਨੀ ਓਨਾ ਓ'ਨੀਲ ਦੀ ਧੀ ਜੋਸਫੀਨ ਚੈਪਲਿਨ ਦੀ 13 ਜੁਲਾਈ ਨੂੰ ਪੈਰਿਸ ਵਿੱਚ ਮੌਤ ਹੋ ਗਈ। ਉਨ੍ਹਾਂ ਦੇ ਪਰਿਵਾਰ ਨੇ ਸ਼ੁੱਕਰਵਾਰ ਨੂੰ ਮੀਡੀਆ ਨੂੰ ਇਸ ਦੀ ਜਾਣਕਾਰੀ ਦਿੱਤੀ। ਜੋਸੇਫਿਨ ਨੇ ਕਈ ਹਾਲੀਵੁੱਡ ਫਿਲਮਾਂ ਵਿੱਚ ਅਭਿਨੈ ਕੀਤਾ, ਜਿਸ ਵਿੱਚ ਪੀਅਰ ਪਾਓਲੋ ਪਾਸੋਲਿਨੀ ਦੀ ਦ ਕੈਂਟਰਬਰੀ ਟੇਲਸ ਵੀ ਸ਼ਾਮਲ ਹੈ। ਹੁਣ ਇਹ ਦੁਖਦਾਈ ਖ਼ਬਰ ਮਿਲੀ ਹੈ ਕਿ ਉਨ੍ਹਾਂ ਦਾ 74 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ ਹੈ।
ਚਾਰਲੀ ਦੀ ਚੌਥੀ ਪਤਨੀ ਦੀ ਧੀ...
ਦੱਸ ਦੇਈਏ ਕਿ ਜੋਸਫੀਨ ਚੈਪਲਿਨ ਕਾਮੇਡੀ ਸਕ੍ਰੀਨ ਦੇ ਮਹਾਨ ਕਲਾਕਾਰ ਚਾਰਲੀ ਚੈਪਲਿਨ ਦੇ 11 ਬੱਚਿਆਂ ਵਿੱਚੋਂ 6ਵੀਂ ਸੀ। ਉਹ ਚਾਰਲੀ ਦੀ ਚੌਥੀ ਪਤਨੀ, ਯੂਜੀਨ ਓ'ਨੀਲ, ਇੱਕ ਨੋਬਲ ਪੁਰਸਕਾਰ ਜੇਤੂ ਨਾਟਕਕਾਰ ਦੀ ਬੱਚੀ ਸੀ। ਜੋਸਫੀਨ ਓ'ਨੀਲ ਦੇ ਅੱਠ ਬੱਚਿਆਂ ਵਿੱਚੋਂ ਤੀਜੀ ਸੀ। ਚੈਪਲਿਨ 1942 ਵਿੱਚ ਓ'ਨੀਲ ਨੂੰ ਮਿਲਿਆ ਅਤੇ ਇੱਕ ਸਾਲ ਬਾਅਦ ਉਸ ਨਾਲ ਵਿਆਹ ਕਰਵਾ ਲਿਆ। ਚੈਪਲਿਨ ਦੇ ਜੀਵਨ 'ਤੇ ਕਿਤਾਬਾਂ ਦੇ ਅਨੁਸਾਰ, ਕਾਮੇਡੀ ਸਟਾਰ ਨੂੰ "ਆਖਿਰਕਾਰ ਸੱਚੀ ਖੁਸ਼ੀ ਮਿਲੀ, ਅਤੇ ਲੱਗਾ ਕਿ ਉਨ੍ਹਾਂ ਦੋਵਾਂ ਨੇ ਆਪਣੇ ਸਾਥੀ ਲੱਭ ਲਿਆ, ਇਸ ਤੱਥ ਦੇ ਬਾਵਜੂਦ ਕਿ ਊਨਾ ਸਿਰਫ 18 ਸਾਲ ਦੀ ਸੀ, ਅਤੇ ਚਾਰਲੀ 53 ਸਾਲ ਦਾ ਸੀ।" ਇਸ ਵਿਆਹ ਤੋਂ ਬਾਅਦ ਮਾਰਚ 1949 ਵਿੱਚ ਸਾਂਟਾ ਮੋਨਿਕਾ, ਕੈਲੀਫੋਰਨੀਆ ਵਿੱਚ ਜੋਸਫੀਨ ਚੈਪਲਿਨ ਦਾ ਜਨਮ ਹੋਇਆ।
ਇੱਕ ਅਭਿਨੇਤਰੀ ਦੇ ਤੌਰ 'ਤੇ, ਜੋਸੇਫਾਈਨ ਨੇ ਮੇਨਹੇਮ ਗੋਲਾਨ ਦੇ ਸਿਆਸੀ ਡਰਾਮੇ ਵਿੱਚ ਕੰਮ ਕੀਤਾ। 'ਏਸਕੇਪ ਟੂ ਦਾ ਸਨ', 'ਲੋਡਿਉਰ ਡੇਸ ਫੌਵਸ', 'ਵਿਟੋਰੀਓ ਡੀ ਸਿਕਾ' ਅਤੇ ਜਰਮਨ ਭਾਸ਼ਾ ਵਿੱਚ ਮੌਰੀਸ ਰੋਨੇਟ ਦੇ ਨਾਲ 'ਜੈਕ ਦ ਰਿਪਰ' ਅਤੇ ਡੈਨੀਅਲ ਪੈਟਰੀ ਦੀ 'ਦ ਬੇ ਬੁਆਏ'। ਉਹ ਪਹਿਲੀ ਵਾਰ ਤਿੰਨ ਸਾਲ ਦੀ ਉਮਰ ਵਿੱਚ ਸਕ੍ਰੀਨ 'ਤੇ ਦਿਖਾਈ ਦਿੱਤੀ ਸੀ। ਉਹ 1952 ਵਿੱਚ ਉਸਦੇ ਪਿਤਾ ਦੁਆਰਾ ਬਣਾਈ ਗਈ ਫਿਲਮ 'ਲਾਈਮਲਾਈਟ' ਵਿੱਚ ਨਜ਼ਰ ਆਈ। ਉਹ ਇਸਦੇ ਲੇਖਕ, ਨਿਰਦੇਸ਼ਕ ਅਤੇ ਨਿਰਮਾਤਾ ਸਨ। ਉਹ 1967 ਵਿੱਚ 'ਏ ਕਾਊਂਟੇਸ ਫਰੌਮ ਹਾਂਗ ਕਾਂਗ' ਵਿੱਚ ਵੀ ਨਜ਼ਰ ਆਈ। ਪਰ ਚੈਪਲਿਨ ਨੇ ਆਪਣਾ ਜ਼ਿਆਦਾਤਰ ਕੰਮ ਫ੍ਰੈਂਚ ਫਿਲਮਾਂ ਵਿੱਚ ਕੀਤਾ।