ਮੁੰਬਈ: ਕਾਰਤਿਕ ਆਰੀਅਨ ਦੀ ਕੋਰੋਨਾਵਾਇਰਸ ਰਿਪੋਰਟ ਪੌਜ਼ੇਟਿਵ ਆਈ ਹੈ। ਅਦਾਕਾਰ ਨੇ ਖਬਰਾਂ ਨੂੰ ਸੋਸ਼ਲ ਮੀਡੀਆ 'ਤੇ ਸਾਂਝਾ ਕੀਤਾ ਤੇ ਪ੍ਰਸ਼ੰਸਕਾਂ ਨੂੰ ਸਿਹਤਯਾਬੀ ਲਈ ਪ੍ਰਾਰਥਨਾ ਕਰਨ ਲਈ ਕਿਹਾ। ਅਭਿਨੇਤਾ ਨੇ ਇੱਕ ਪਲੱਸ ਨਿਸ਼ਾਨ ਸਾਂਝਾ ਕੀਤਾ ਤੇ ਲਿਖਿਆ, "ਪੌਜ਼ੇਟਿਵ ਹੋ ਗਿਆ। ਦੁਆ ਕਰੋ।"
ਕਾਰਤਿਕ ਨੇ ਹਾਲ ਹੀ ਵਿੱਚ ਲੈਕਮੇ ਫੈਸ਼ਨ ਵੀਕ ਵਿਖੇ ਐਕਸ ਡਿਜਾਈਨਰ ਮਨੀਸ਼ ਮਲਹੋਤਰਾ ਲਈ ਰੈਂਪ ਵਾਕ ਕੀਤਾ। ਅਭਿਨੇਤਾ ਨਾਲ ਉਨ੍ਹਾਂ ਦੀ ਭੂਲ ਭੁਲਾਇਆ 2 ਦੀ ਸਹਿ-ਸਟਾਰ ਕਿਆਰਾ ਅਡਵਾਨੀ ਰੈਂਪ 'ਤੇ ਸੀ। ਉਸ ਨੇ ਫੈਸ਼ਨ ਸ਼ੋਅ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਸੀ।
ਮੁੰਬਈ ਸਥਿਤ ਆਪਣੇ ਘਰ 'ਤੇ ਨੌਂ ਮਹੀਨੇ ਤੋਂ ਵੱਧ ਸਮਾਂ ਬਿਤਾਉਣ ਤੋਂ ਬਾਅਦ, ਕਾਰਤਿਕ ਨੇ ਪਿਛਲੇ ਸਾਲ ਦਸੰਬਰ 'ਚ ਆਪਣੀ ਫਿਲਮ ਧਮਾਕਾ ਲਈ ਕੰਮ ਕਰਨਾ ਸ਼ੁਰੂ ਕੀਤਾ ਸੀ। ਇਹ 10 ਦਿਨਾਂ ਦੇ 'ਚ ਉਸ ਦਾ ਸ਼ੂਟ ਪੂਰਾ ਕਰ ਲਿਆ ਗਿਆ ਸੀ।
ਕਾਰਤਿਕ ਨੇ ਫਿਰ ਭੂਲ ਭੁਲਈਆ 2 ਦੀ ਸ਼ੂਟਿੰਗ ਸ਼ੁਰੂ ਕੀਤੀ। ਉਸ ਨੇ ਕਿਆਰਾ ਨਾਲ ਮਿਲ ਕੇ ਫਿਲਮ ਦੇ ਇੱਕ ਖ਼ਾਸ ਹਿੱਸੇ ਨੂੰ ਮਨਾਲੀ ਵਿੱਚ ਸ਼ੂਟ ਕੀਤਾ। ਫਿਲਮ ਦੀ ਸ਼ੂਟਿੰਗ ਅਜੇ ਵੀ ਜਾਰੀ ਹੈ ਪਰ ਕਿਉਂਕਿ ਕਾਰਤਿਕ ਹੁਣ ਕੋਰੋਨਾਵਾਇਰਸ ਲਈ ਪੌਜ਼ੇਟਿਵ ਪਾਏ ਗਏ ਹਨ, ਇਸ ਦਾ ਅਸਰ ਇਸ ਫਿਲਮ ਦੀ ਸ਼ੂਟਿੰਗ 'ਤੇ ਪਏਗਾ।
ਇਸ ਤੋਂ ਇਲਾਵਾ ਕਾਰਤਿਕ ਆਰੀਅਨ ਨੈੱਟਫਲਿਕਸ ਦੀ ਫਿਲਮ ਧਮਾਕਾ ਵਿੱਚ ਵੀ ਨਜ਼ਰ ਆਉਣਗੇ। ਇਸ ਫਿਲਮ ਦਾ ਟੀਜ਼ਰ ਕੁਝ ਦਿਨ ਪਹਿਲਾਂ ਰਿਲੀਜ਼ ਹੋਇਆ ਸੀ, ਜਿਸ ਵਿੱਚ ਉਨ੍ਹਾਂ ਨੂੰ ਕਾਫੀ ਪਸੰਦ ਕੀਤਾ ਗਿਆ ਸੀ। ਇਸ ਫਿਲਮ ਵਿੱਚ ਕਾਰਤਿਕ ਆਰੀਅਨ ਪੱਤਰਕਾਰ ਅਰਜੁਨ ਪਾਠਕ ਦੀ ਭੂਮਿਕਾ ਨਿਭਾਅ ਰਹੇ ਹਨ।
ਇਸ ਫਿਲਮ ਦਾ ਨਿਰਦੇਸ਼ਨ ਰਾਮ ਮਾਧਵਾਨੀ ਕਰਨਗੇ। ਇਸ ਤੋਂ ਪਹਿਲਾਂ ਉਹ ਨੀਰਜਾ ਦਾ ਨਿਰਦੇਸ਼ਨ ਕਰ ਚੁੱਕੇ ਹਨ। ਇਸ ਦੇ ਨਾਲ ਹੀ, ਰੌਨੀ ਪੇਚਵਾਲਾ, ਅਮਿਤਾ ਮਾਧਵਾਨੀ ਤੇ ਰਾਮ ਮਾਧਵਾਨੀ ਨੇ ਪ੍ਰੋਡਿਊਸ ਕੀਤਾ ਹੈ। ਫਿਲਹਾਲ ਫਿਲਮ ਦੀ ਰਿਲੀਜ਼ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ।