ਦੱਸ ਦੇਈਏ 'ਬਿੱਗ ਬੌਸ' ਵਿੱਚ ਦਾਖਲ ਹੋਣ ਲਈ ਦਲਜੀਤ ਆਪਣਾ ਮਸ਼ਹੂਰ ਸ਼ੋਅ 'ਗੁਡਨ ਤੁਮਸੇ ਨਾ ਹੋ ਪਾਏਗਾ' ਵੀ ਛੱਡ ਚੁੱਕੀ ਹੈ। ਇਸ ਮਾਮਲੇ ਵਿੱਚ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਦਲਜੀਤ ਲਈ ਇਹ ਇਕ ਬਹੁਤ ਹੀ ਮਾੜਾ ਸਮਾਂ ਹੈ। ਘਰ ਤੋਂ ਬਾਹਰ ਆਉਣ ਤੋਂ ਬਾਅਦ ਦਲਜੀਤ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਕਿਹਾ, 'ਮੈਂ ਉਹ ਇਨਸਾਨ ਹਾਂ ਜਿਸ ਨੂੰ ਆਪਣੇ ਦਿਲ ਦੀ ਗੱਲ ਕਹਿਣ ਲਈ ਸਮਾਂ ਲੱਗਦਾ ਹੈ। ਮੈਂ ਰਿਸ਼ਤੇ ਵੀ ਬਣਾ ਸਕਦੀ ਹਾਂ ਤੇ ਦੋਸਤੀ ਵੀ ਨਿਭਾਅ ਸਕਦੀ ਹਾਂ ਪਰ ਇਹ ਦੋ ਮਿੰਟ ਦੀ ਮੈਗੀ ਵਰਗਾ ਨਹੀਂ ਹੋ ਸਕਦਾ।'
ਦਲਜੀਤ ਨੇ ਕਿਹਾ ਕਿ ਬਿੱਗ ਬੌਸ ਦੇ ਘਰ ਵਿੱਚ ਉਸ ਤੋਂ ਇਹੀ ਉਮੀਦ ਸੀ ਪਰ ਉਹ ਜੋ ਹੈ ਜਿਵੇਂ ਹੈ, ਉਹੀ ਬਣੀ ਰਹਿਣਾ ਚਾਹੁੰਦੀ ਹੈ। ਕਿਸੇ ਸ਼ੋਅ ਖਾਤਿਰ ਉਹ ਨਕਲੀ ਚਿਹਰਾ ਨਹੀਂ ਲਾ ਸਕਦੀ ਤੇ ਉਹ ਵੀ ਉਦੋਂ ਜਦੋਂ ਸ਼ੋਅ ਹੀ ਰਿਐਲਟੀ ਦੀ ਗੱਲ ਕਰਦਾ ਹੋਏ। ਉਸ ਨੇ ਕਿਹਾ ਕਿ ਉਹ ਕਿਸੇ 'ਤੇ ਇਲਜ਼ਾਮ ਲਾਉਣ ਵਿੱਚ ਵਿਸ਼ਵਾਸ ਨਹੀਂ ਰੱਖਦੀ। ਉਸ ਨੇ ਕਿਹਾ ਕਿ ਫਿਲਹਾਲ ਉਹ ਆਪਣੀ ਪ੍ਰੋਫੈਸ਼ਨਲ ਲਾਈਫ ਵਿੱਚ ਬੁਰੇ ਦੌਰ ਤੋਂ ਗੁਜ਼ਰ ਰਹੀ ਹੈ।