Dharmendra And Jaya Bachchan: ਧਰਮਿੰਦਰ ਅਤੇ ਜਯਾ ਬੱਚਨ ਦੀ ਮਸ਼ਹੂਰ ਜੋੜੀ ਕਰਨ ਜੌਹਰ ਦੀ ਆਉਣ ਵਾਲੀ ਫਿਲਮ 'ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ' ਨਾਲ ਸਿਲਵਰ ਸਕ੍ਰੀਨ 'ਤੇ ਵਾਪਸੀ ਕਰ ਰਹੀ ਹੈ। ਇਸ ਫਿਲਮ 'ਚ ਰਣਵੀਰ ਸਿੰਘ, ਆਲੀਆ ਭੱਟ, ਸ਼ਬਾਨਾ ਆਜ਼ਮੀ ਵੀ ਹਨ। ਧਰਮਿੰਦਰ ਅਤੇ ਜਯਾ ਬੱਚਨ ਲੰਬੇ ਸਮੇਂ ਬਾਅਦ ਇਕੱਠੇ ਕੰਮ ਕਰਦੇ ਨਜ਼ਰ ਆਉਣਗੇ।
ਧਰਮਿੰਦਰ ਨੇ ਜ਼ੂਮ ਨਾਲ ਗੱਲਬਾਤ ਕਰਦਿਆਂ ਅਮਿਤਾਭ ਬੱਚਨ ਅਤੇ ਜਯਾ ਬੱਚਨ ਨਾਲ ਆਪਣੇ ਰਿਸ਼ਤੇ ਬਾਰੇ ਗੱਲ ਕੀਤੀ। 'ਗੁੱਡੀ' ਦੀ ਸ਼ੂਟਿੰਗ ਦੌਰਾਨ ਧਰਮਿੰਦਰ ਜਯਾ ਬੱਚਨ ਦਾ ਕਰੱਸ਼ ਹੁੰਦੇ ਸੀ। ਜਦੋਂ ਧਰਮਿੰਦਰ ਨੂੰ ਇਸ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਕਿਹਾ, ''ਇਹ ਉਨ੍ਹਾਂ ਦਾ ਪਿਆਰ ਅਤੇ ਸਨਮਾਨ ਸੀ। ਮੈਂ ਅਮਿਤਾਭ ਅਤੇ ਜਯਾ ਨੂੰ ਲੰਬੇ ਸਮੇਂ ਤੋਂ ਜਾਣਦਾ ਹਾਂ। 'ਸ਼ੋਲੇ' ਦੀ ਸ਼ੂਟਿੰਗ ਦੌਰਾਨ ਅਸੀਂ ਕਾਫੀ ਮਸਤੀ ਕਰਦੇ ਸੀ। ਆਊਟਡੋਰ ਤਾਂ ਪਿਕਨਿਕ ਵਰਗਾ ਹੁੰਦਾ ਸੀ। ਸਾਰਾ ਯੂਨਿਟ ਇੱਕ ਵੱਡੇ ਪਰਿਵਾਰ ਵਾਂਗ ਸੀ। 'ਰੌਕੀ ਔਰ ਰਾਣੀ' ਦੀ ਸ਼ੂਟਿੰਗ ਦੌਰਾਨ ਵੀ ਮੈਨੂੰ ਕੁਝ ਅਜਿਹਾ ਹੀ ਮਹਿਸੂਸ ਹੋਇਆ ਸੀ।
ਜਯਾ ਬੱਚਨ ਨੇ ਧਰਮਿੰਦਰ ਨਾਲ 'ਗੁੱਡੀ' ਫਿਲਮ 'ਚ ਕੀਤਾ ਸੀ ਡੈਬਿਊ
ਸਾਲ 1971 'ਚ ਜਯਾ ਬੱਚਨ ਨੇ ਰਿਸ਼ੀਕੇਸ਼ ਮੁਖਰਜੀ ਦੀ ਫਿਲਮ 'ਗੁੱਡੀ' ਨਾਲ ਬਾਲੀਵੁੱਡ 'ਚ ਡੈਬਿਊ ਕੀਤਾ ਸੀ। 22 ਸਾਲ ਦੀ ਜਯਾ ਬੱਚਨ ਨੇ ਫਿਲਮ 'ਚ 16 ਸਾਲ ਦੀ ਲੜਕੀ ਦਾ ਕਿਰਦਾਰ ਨਿਭਾਇਆ ਸੀ। ਫਿਲਮ ਵਿੱਚ, ਉਹ ਆਪਣੇ ਸਕ੍ਰੀਨ ਆਈਡਲ ਧਰਮਿੰਦਰ ਨੂੰ ਪਿਆਰ ਕਰਦੀ ਸੀ। ਫਿਲਮ 'ਚ ਧਰਮਿੰਦਰ ਫਿਲਮ ਸਟਾਰ ਧਰਮਿੰਦਰ ਦੀ ਭੂਮਿਕਾ 'ਚ ਨਜ਼ਰ ਆਏ ਸਨ।
ਧਰਮਿੰਦਰ ਨਾਲ ਪਹਿਲੀ ਮੁਲਾਕਾਤ 'ਚ ਹੀ ਹੋਇਆ ਕੁਝ ਅਜਿਹਾ
ਰਿਪੋਰਟ ਮੁਤਾਬਕ ਜਯਾ ਬੱਚਨ ਨੇ ਇਕ ਅਖਬਾਰ ਨੂੰ ਦਿੱਤੇ ਇੰਟਰਵਿਊ 'ਚ ਕਿਹਾ ਸੀ, ''ਜਦੋਂ ਮੈਂ ਪਹਿਲੀ ਵਾਰ ਧਰਮਿੰਦਰ ਨੂੰ ਮਿਲੀ ਤਾਂ ਸੋਫੇ ਦੇ ਪਿੱਛੇ ਲੁਕ ਗਈ ਸੀ। ਮੈਂ ਬਹੁਤ ਘਬਰਾ ਗਈ ਸੀ। ਮੈਨੂੰ ਨਹੀਂ ਪਤਾ ਸੀ ਕਿ ਕੀ ਕਰਨਾ ਹੈ। ਉਹ ਬਹੁਤ ਹੈਂਡਸਮ ਲੱਗ ਰਹੇ ਸੀ। ਉਨ੍ਹਾਂ ਨੇ ਚਿੱਟੀ ਪੈਂਟ ਅਤੇ ਜੁੱਤੀ ਪਾਈ ਹੋਈ ਸੀ। ਉਹ ਗਰੀਕ ਗੌਡ ਵਰਗੇ ਦਿਖਦੇ ਹੁੰਦੇ ਸੀ।
ਬਸੰਤੀ ਦਾ ਕਿਰਦਾਰ ਨਿਭਾਉਣਾ ਚਾਹੁੰਦੀ ਸੀ ਜਯਾ ਬੱਚਨ
'ਕੌਫੀ ਵਿਦ ਕਰਨ' 'ਚ ਉਨ੍ਹਾਂ ਨੇ ਧਰਮਿੰਦਰ ਲਈ ਆਪਣੇ ਪਿਆਰ ਦਾ ਇਜ਼ਹਾਰ ਕੀਤਾ ਸੀ। ਉਨ੍ਹਾਂ ਨੇ ਕਿਹਾ ਸੀ ਕਿ ਉਨ੍ਹਾਂ ਨੂੰ 'ਸ਼ੋਲੇ' ਵਿੱਚ ਬਸੰਤੀ ਦਾ ਕਿਰਦਾਰ ਨਿਭਾਉਣਾ ਚਾਹੀਦਾ ਸੀ ਕਿਉਂਕਿ ਉਹ ਧਰਮਿੰਦਰ ਨੂੰ ਪਸੰਦ ਕਰਦੀ ਸੀ। ਜਯਾ ਨੇ ਕਿਹਾ ਸੀ- ''ਮੈਨੂੰ ਬਸੰਤੀ ਦਾ ਰੋਲ ਕਰਨਾ ਚਾਹੀਦਾ ਸੀ। ਕਿਉਂਕਿ ਮੈਂ ਧਰਮਿੰਦਰ ਨੂੰ ਪਿਆਰ ਕਰਦੀ ਸੀ।
ਇਹ ਵੀ ਪੜ੍ਹੋ: ਐਮੀ ਵਿਰਕ ਦੀ ਫਿਲਮ 'ਗੱਡੀ ਜਾਂਦੀ ਏ ਛਲਾਂਗਾਂ ਮਾਰਦੀ' ਦਾ ਪੋਸਟਰ ਆਊਟ, ਰਿਲੀਜ਼ ਡੇਟ ਦਾ ਵੀ ਹੋਇਆ ਐਲਾਨ