ਲੌਕਡਾਊਨ ਤੋਂ ਬਾਅਦ ਦੇਸ਼ ਭਰ ਦੇ ਥੀਏਟਰ ਖੁੱਲ੍ਹਣ ਦੀਆਂ ਤਿਆਰੀਆਂ ਹਨ। ਦਰਸ਼ਕ ਵੀ ਸਿਨੇਮਾ ਹਾਲ ਵਿੱਚ ਫਿਲਮਾਂ ਦੇਖਣ ਦੀ ਉਡੀਕ ਕਰ ਰਹੇ ਹਨ। ਸਭ ਤੋਂ ਪਹਿਲਾਂ ਮਨੋਜ ਬਾਜਪਾਈ, ਦਿਲਜੀਤ ਦੁਸਾਂਝ ਅਤੇ ਫਾਤਿਮਾ ਸਨਾ ਸ਼ੇਖ-ਸਟਾਰਰ ਫਿਲਮ 'ਸੂਰਜ ਪੇ ਮੰਗਲ ਭਾਰੀ' ਸਿਨੇਮੇ ਘਰ ਨੂੰ ਓਪਨ ਕਰ ਸਕਦੀ ਹੈ। ਅਭਿਸ਼ੇਕ ਸ਼ਰਮਾ ਦੁਆਰਾ ਡਾਇਰੈਕਟ ਕੀਤੀ ਇਸ ਫਿਲਮ ਦੀ ਸ਼ੂਟਿੰਗ 6 ਜਨਵਰੀ, 2020 ਨੂੰ ਸ਼ੁਰੂ ਕੀਤੀ ਗਈ ਸੀ।
ਇਹ ਕਾਮੇਡੀ ਫਿਲਮ 13 ਨਵੰਬਰ ਨੂੰ ਦੀਵਾਲੀ 'ਤੇ ਰਿਲੀਜ਼ ਕੀਤੀ ਜਾਏਗੀ। ਹਾਲਾਂਕਿ ਇਹ ਸਪਸ਼ਟ ਨਹੀਂ ਕਿ ਇਹ ਫਿਲਮ ਥੀਏਟਰ 'ਚ ਰਿਲੀਜ਼ ਹੋਏਗੀ ਜਾਂ ਓਟੀਟੀ ਪਲੇਟਫਾਰਮ 'ਤੇ ਜਾਵੇਗੀ। 'ਸੂਰਜ ਪੇ ਮੰਗਲ ਭਾਰੀ' ਦੇ ਮੇਕਰਸ ਨੇ ਅੱਜ ਫਿਲਮ ਦੇ ਪਹਿਲੇ ਆਫੀਸ਼ੀਅਲ ਪੋਸਟਰ ਨਾਲ ਫਿਲਮ ਦੀ ਰਿਲੀਜ਼ ਡੇਟ ਦਾ ਐਲਾਨ ਕੀਤਾ ਹੈ।
ਹੁਣ ਇਥੇ ਇਹ ਦੇਖਣਾ ਦਿਲਚਸਪ ਹੈ ਕਿ ਅਕਸ਼ੈ ਕੁਮਾਰ ਦੀ ਲੀਡ 'ਚ ਬਣੀ ਫਿਲਮ 'ਸੂਰਯਾਵੰਸ਼ੀ' , ਜੋ ਕਿ ਪਹਿਲਾਂ ਦੀਵਾਲੀ ਦੇ ਮੌਕੇ 'ਤੇ ਰਿਲੀਜ਼ ਕਰਨ ਲਈ ਤਹਿ ਕੀਤੀ ਗਈ ਸੀ, ਪਰ ਹੁਣ ਮੇਕਰਸ ਦਾ ਕਹਿਣਾ ਹੈ ਕਿ ਇਕ ਵਾਰ ਥੀਏਟਰ ਖੁੱਲ੍ਹ ਜਾਣ ਉਸ ਤੋਂ ਬਾਅਦ ਫਿਲਮ ਮਾਰਕੀਟ ਦਾ ਹਾਲ ਦੇਖਣ ਤੋਂ ਬਾਅਦ ਇਸਦੀ ਨਵੀਂ ਰਿਲੀਜ਼ਿੰਗ ਦਾ ਫੈਸਲਾ ਲਿਆ ਜਾਵੇਗਾ। ਜੇ ਫਿਲਮ 'ਸੂਰਜ ਪੇ ਮੰਗਲ ਭਾਰੀ' ਥੀਏਟਰ ਰਿਲੀਜ਼ 'ਤੇ ਜਾਣ ਦਾ ਫੈਸਲਾ ਕਰਦੀ ਹੈ, ਤਾਂ ਇਹ ਬਾਕਸ ਆਫਿਸ' ਤੇ ਰਿਲੀਜ਼ ਹੋਣ ਵਾਲੀ ਇਕਲੌਤੀ ਫਿਲਮ ਹੋਵੇਗੀ।