Dunki New Song Out: ਸ਼ਾਹਰੁਖ ਖਾਨ ਦੀ ਫਿਲਮ 'ਡੰਕੀ' ਇਨ੍ਹੀਂ ਦਿਨੀਂ ਸੁਰਖੀਆਂ 'ਚ ਹੈ। ਫਿਲਮ 'ਤੇ ਪ੍ਰਸ਼ੰਸਕਾਂ ਦੀ ਨਜ਼ਰ ਹੈ। ਫਿਲਮ ਦਾ ਟੀਜ਼ਰ ਹਾਲ ਹੀ 'ਚ ਰਿਲੀਜ਼ ਹੋਇਆ ਹੈ, ਜਿਸ ਨੂੰ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ ਹੈ। ਇਸ ਦੇ ਨਾਲ ਹੀ ਹੁਣ ਹੌਲੀ-ਹੌਲੀ ਫਿਲਮ ਦੇ ਗੀਤ ਅਤੇ ਨਵੇਂ ਟੀਜ਼ਰ ਰਿਲੀਜ਼ ਹੋ ਰਹੇ ਹਨ। ਅੱਜ ਯਾਨੀ 1 ਦਸੰਬਰ ਨੂੰ ਫਿਲਮ ਦਾ ਨਵਾਂ ਗੀਤ ਰਿਲੀਜ਼ ਹੋ ਗਿਆ ਹੈ।
'ਡੰਕੀ' ਦਾ ਨਵਾਂ ਗੀਤ ਡ੍ਰੌਪ 3 ਨਾਲ ਹੋਇਆ ਰਿਲੀਜ਼
ਅੱਜ ਕਿੰਗ ਖਾਨ ਦੇ ਪ੍ਰਸ਼ੰਸਕਾਂ ਨੂੰ ਦੋਹਰਾ ਸਰਪ੍ਰਾਈਜ਼ ਮਿਲਿਆ। ਫਿਲਮ ਦੇ ਡ੍ਰੌਪ 3 ਦੇ ਨਾਲ ਫਿਲਮ ਦਾ ਨਵਾਂ ਗੀਤ 'ਨਿਕਲੇ ਥੇ ਕਭੀ ਹਮ ਘਰ ਸੇ' ਰਿਲੀਜ਼ ਹੋ ਗਿਆ ਹੈ। ਇਸ ਗੀਤ ਨੂੰ ਸੋਨੂੰ ਨਿਗਮ ਨੇ ਆਪਣੀ ਆਵਾਜ਼ ਦਿੱਤੀ ਹੈ, ਜਿਸ ਨੂੰ ਸੁਣ ਕੇ ਕੋਈ ਵੀ ਇਸ ਗੀਤ ਦਾ ਆਨੰਦ ਲੈ ਸਕਦਾ ਹੈ। ਹਾਲਾਂਕਿ, ਇਹ ਗੀਤ ਫਿਲਹਾਲ ਸਿਰਫ ਬੋਲ ਦੇ ਰੂਪ ਵਿੱਚ ਹੈ। ਪਰ ਇਸ ਦੇ ਬੋਲ ਇੰਨੇ ਲਾਜਵਾਬ ਹਨ ਕਿ ਉਹ ਕਿਸੇ ਦੇ ਵੀ ਦਿਲ ਨੂੰ ਛੂਹ ਲੈਣਗੇ।
ਗੀਤ ਇੱਕ ਖੂਬਸੂਰਤ ਕਹਾਣੀ ਨੂੰ ਬੁਣਦਾ ਹੈ ਅਤੇ ਫਿਲਮ ਵਿੱਚ ਭਾਵਨਾਵਾਂ ਦੀ ਇੱਕ ਪਰਤ ਜੋੜਦਾ ਹੈ, ਜੋ ਚਾਰ ਦੋਸਤਾਂ ਦੀ ਸ਼ਾਨਦਾਰ ਕਹਾਣੀ ਅਤੇ ਉਨ੍ਹਾਂ ਦੇ ਵਿਦੇਸ਼ ਪਹੁੰਚਣ ਦੇ ਯਤਨਾਂ ਨੂੰ ਬਿਆਨ ਕਰਦਾ ਹੈ। ਇਹ ਗੀਤ ਦੇਸ਼ ਦੀਆਂ ਯਾਦਾਂ ਵਿੱਚ ਡੂੰਘਾ ਉਤਰਦਾ ਹੈ, ਜਿਸ ਨੂੰ ਹਰ ਉਸ ਵਿਅਕਤੀ ਦੇ ਦਿਲ ਦੀਆਂ ਗਹਿਰਾਈਆਂ ਤੋਂ ਮਹਿਸੂਸ ਕੀਤਾ ਜਾ ਸਕਦਾ ਹੈ ਜੋ ਆਪਣੇ ਦੇਸ਼ ਤੋਂ ਦੂਰ ਹੋ ਕੇ ਚੰਗੇ ਭਵਿੱਖ ਦੀ ਭਾਲ ਵਿੱਚ ਹੈ।
ਸ਼ਾਹਰੁਖ ਖਾਨ ਦੀ ਇਹ ਫਿਲਮ ਅਸਲ ਜ਼ਿੰਦਗੀ ਦੀਆਂ ਕਹਾਣੀਆਂ ਤੋਂ ਪ੍ਰੇਰਿਤ ਦੋਸਤੀ ਦੀ ਕਹਾਣੀ ਹੈ। ਇਹ ਇਸ ਗੀਤ ਵਿੱਚ ਵੀ ਸਾਫ਼ ਨਜ਼ਰ ਆ ਰਿਹਾ ਹੈ। ਗੀਤ ਹਾਰਡੀ, ਮਨੂ, ਬੱਗੂ ਅਤੇ ਬੱਲੀ 'ਤੇ ਫਿਲਮਾਇਆ ਗਿਆ ਹੈ। ਇਹ ਗੀਤ ਸੁਣ ਉਨ੍ਹਾਂ ਲੋਕਾਂ ਨੂੰ ਆਪਣੇ ਪਰਿਵਾਰ ਦੀ ਯਾਦ ਜ਼ਰੂਰ ਆਵੇਗੀ, ਜੋ ਇਸ ਸਮੇਂ ਆਪਣੀ ਫੈਮਿਲੀ ਨਾਲ ਨਹੀਂ ਹਨ।
ਇਸ ਦਿਨ ਸ਼ਾਹਰੁਖ ਖਾਨ ਦੀ ਫਿਲਮ ਹੋਵੇਗੀ ਰਿਲੀਜ਼
ਫਿਲਮ ਦੀ ਗੱਲ ਕਰੀਏ ਤਾਂ ਇਸ 'ਚ ਸ਼ਾਹਰੁਖ ਖਾਨ ਦੇ ਨਾਲ ਤਾਪਸੀ ਪੰਨੂ, ਵਿੱਕੀ ਕੌਸ਼ਲ, ਵਿਕਰਮ ਕੋਚਰ, ਬੋਮਨ ਇਰਾਨੀ ਅਤੇ ਅਨਿਲ ਗਰੋਵਰ ਨਜ਼ਰ ਆਉਣਗੇ। ਫਿਲਮ ਦਾ ਨਿਰਦੇਸ਼ਨ ਰਾਜਕੁਮਾਰ ਹਿਰਾਨੀ ਨੇ ਕੀਤਾ ਹੈ ਅਤੇ ਗੌਰੀ ਖਾਨ ਨੇ ਪ੍ਰੋਡਿਊਸ ਕੀਤਾ ਹੈ। ਡੌਂਕੀ 22 ਦਸੰਬਰ, 2023 ਨੂੰ ਰਿਲੀਜ਼ ਹੋਣ ਵਾਲੀ ਹੈ।
ਇਹ ਵੀ ਪੜ੍ਹੋ: ਵਿੱਕੀ ਕੌਸ਼ਲ ਨੂੰ ਲੱਗਿਆ ਵੱਡਾ ਝਟਕਾ, 'ਸੈਮ ਬਹਾਦਰ' ਰਿਲੀਜ਼ ਹੁੰਦੇ ਹੀ ਆਨਲਾਈਨ HD ਪ੍ਰਿੰਟ 'ਚ ਹੋਈ ਲੀਕ