Gippy Grewal Video: ਪੰਜਾਬੀ ਸਿੰਗਰ ਤੇ ਐਕਟਰ ਗਿੱਪੀ ਗਰੇਵਾਲ ਇੰਨੀਂ ਦਿਨੀਂ ਖੂਬ ਸੁਰਖੀਆਂ ਬਟੋਰ ਰਹੇ ਹਨ। ਉਨ੍ਹਾਂ ਦੀ ਫਿਲਮ 'ਸ਼ਿੰਦਾ ਸ਼ਿੰਦਾ ਨੋ ਪਾਪਾ' 10 ਮਈ ਨੂੰ ਰਿਲੀਜ਼ ਹੋਣ ਲਈ ਤਿਆਰ ਹੈ। ਇਸ ਫਿਲਮ 'ਚ ਗਿੱਪੀ ਆਪਣੇ ਪੁੱਤਰ ਸ਼ਿੰਦੇ ਨਾਲ ਐਕਟਿੰਗ ਕਰਦੇ ਨਜ਼ਰ ਆਉਣਗੇ। ਇਸ ਦਰਮਿਆਨ ਗਿੱਪੀ ਗਰੇਵਾਲ ਦਾ ਇੱਕ ਵੀਡੀਓ ਚਰਚਾ 'ਚ ਆ ਗਿਆ ਹੈ।
ਦਰਅਸਲ, ਬੀਤੇ ਦਿਨੀਂ ਗਿੱਪੀ ਗਰੇਵਾਲ ਇੰਸਟਾਗ੍ਰਾਮ ;ਤੇ ਲਾਈਵ ਹੋਏ। ਇਸ ਦੌਰਾਨ ਸਿੰਗਰ ਕਮ ਐਕਟਰ ਨੇ ਫੈਨਜ਼ ਨਾਲ ਕਾਫੀ ਗੱਲਾਂ ਕੀਤੀਆਂ ਅਤੇ ਫੈਨਜ਼ ਦੇ ਸਵਾਲਾਂ ਦੇ ਜਵਾਬ ਵੀ ਦਿੱਤੇ। ਇਸ ਦਰਮਿਆਨ ਇੱਕ ਫੈਨ ਨੇ ਗਿੱਪੀ ਤੋਂ ਅਜਿਹਾ ਸਵਾਲ ਪੁੱਛਿਆ, ਜਿਸ ਤੋਂ ਬਾਅਦ ਗਿੱਪੀ ਨੇ ਜੋ ਰਿਐਕਸ਼ਨ ਦਿੱਤਾ, ਉਹ ਸਚਮੁੱਚ ਦੇਖਣ ਲਾਇਕ ਸੀ। ਇਸ ਪ੍ਰਸ਼ੰਸਕ ਨੇ ਗਿੱਪੀ ਸਾਹਮਣੇ ਡਿਮਾਂਡ ਰੱਖੀ ਕਿ ਉਹ ਗਿੱਪੀ ਤੇ ਮੀਆ ਖਲੀਫਾ ਦਾ ਕੋਲੈਬ ਦੇਖਣਾ ਚਾਹੁੰਦਾ ਹੈ। ਗਿੱਪੀ ਨੂੰ ਪਤਾ ਨਹੀਂ ਸੀ ਕਿ ਮੀਆ ਖਲੀਫਾ ਕੌਣ ਹੈ। ਇਸ ਬਾਰੇ ਗਿੱਪੀ ਨੇ ਆਪਣੇ ਸਾਲੇ ਯਾਨਿ ਪਤਨੀ ਰਵਨੀਤ ਦੇ ਭਰਾ ਭਾਨੇ ਨੂੰ ਪੁੱਛਿਆ ਕਿ ਮੀਆ ਖਲੀਫਾ ਕੌਣ, ਤਾਂ ਪਤਾ ਲੱਗਣ 'ਤੇ ਗਾਇਕ ਨੇ ਜਿਵੇਂ ਰਿਐਕਟ ਕੀਤਾ, ਦੇਖੋ ਇਸ ਵੀਡੀਓ 'ਚ:
ਕਾਬਿਲੇਗ਼ੌਰ ਹੈ ਕਿ ਗਿੱਪੀ ਗਰੇਵਾਲ ਲਈ ਸਾਲ 2024 ਕਾਫੀ ਵਧੀਆ ਸਾਬਤ ਹੋ ਰਿਹਾ ਹੈ। ਇਸ ਸਾਲ ਗਿੱਪੀ ਦੀਆਂ ਹੁਣ ਤੱਕ 2 ਫਿਲਮਾਂ 'ਵਾਰਨਿੰਗ 2' ਤੇ 'ਜੱਟ ਨੂੰ ਚੁੜੈਲ ਟੱਕਰੀ' ਰਿਲੀਜ਼ ਹੋਈਆਂ ਹਨ, ਇਨ੍ਹਾਂ ਦੋਵੇਂ ਹੀ ਫਿਲਮਾਂ ਨੇ ਬਹੁਤ ਵਧੀਆ ਕਾਰੋਬਾਰ ਕੀਤਾ ਸੀ। ਹੁਣ ਫੈਨਜ਼ ਬੇਸਵਰੀ ਦੇ ਨਾਲ ਗਿੱਪੀ ਤੇ ਸ਼ਿੰਦੇ ਦੀ ਜੋੜੀ ਨੂੰ ਵੱਡੇ ਪਰਦੇ 'ਤੇ ਦੇਖਣ ਦਾ ਇੰਤਜ਼ਾਰ ਕਰ ਰਹੇ ਹਨ। ਦੱਸ ਦਈਏ ਕਿ ਇਹ ਫਿਲਮ 10 ਮਈ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਫਿਲਮ ਨਾਲ ਟੀਵੀ ਅਦਾਕਾਰਾ ਹਿਨਾ ਖਾਨ ਵੀ ਪੰਜਾਬੀ ਸਿਨੇਮਾ 'ਚ ਐਂਟਰੀ ਕਰਨ ਜਾ ਰਹੀ ਹੈ।