FIR Against Allu Arjun: 'ਪੁਸ਼ਪਾ' ਨਾਲ ਸਾਰਿਆਂ ਦਾ ਦਿਲ ਜਿੱਤਣ ਵਾਲੇ ਅੱਲੂ ਅਰਜੁਨ ਮੁਸੀਬਤ 'ਚ ਫਸ ਗਏ ਹਨ। ਇਕ ਸਮਾਜਿਕ ਕਾਰਕੁਨ ਨੇ 'ਪੁਸ਼ਪਾ' ਸਟਾਰ ਅਲੂ ਅਰਜੁਨ ਦੀ ਇਕ ਵਿਦਿਅਕ ਸੰਸਥਾ ਨੂੰ ਪ੍ਰਮੋਟ ਕਰਨ ਲਈ ਆਲੋਚਨਾ ਕੀਤੀ ਹੈ। ਸਮਾਜਿਕ ਕਾਰਕੁਨ ਕੋਠਾ ਉਪੇਂਦਰ ਰੈੱਡੀ ਨੇ ਦਾਅਵਾ ਕੀਤਾ ਕਿ ਵਿਸ਼ੇਸ਼ ਇਸ਼ਤਿਹਾਰ, ਜਿਸ ਵਿੱਚ ਅੱਲੂ ਅਰਜੁਨ ਨੂੰ ਚਿਹਰੇ ਵਜੋਂ ਦਰਸਾਇਆ ਗਿਆ ਸੀ, ਗੁੰਮਰਾਹਕੁੰਨ ਅਤੇ ਗਲਤ ਜਾਣਕਾਰੀ ਦੇ ਰਿਹਾ ਸੀ।
ਸਮਾਜ ਸੇਵੀ ਨੇ ਅਜਿਹੇ ਗੁੰਮਰਾਹਕੁੰਨ ਇਸ਼ਤਿਹਾਰਾਂ ਖ਼ਿਲਾਫ਼ ਕਾਰਵਾਈ ਦੀ ਮੰਗ ਵੀ ਕੀਤੀ ਹੈ। ਉਹਨਾਂ ਨੇ ਅੱਲੂ ਅਰਜੁਨ ਖਿਲਾਫ ਅੰਬਰਪੇਟ ਪੁਲਿਸ ਕੋਲ ਇਸ਼ਤਿਹਾਰ ਵਿੱਚ ਪੇਸ਼ ਹੋਣ ਅਤੇ ਸ਼੍ਰੀ ਚੈਤੰਨਿਆ ਵਿਦਿਅਕ ਸੰਸਥਾਵਾਂ ਦੇ ਖਿਲਾਫ ਜਾਅਲੀ ਜਾਣਕਾਰੀ ਦੇਣ ਲਈ ਸ਼ਿਕਾਇਤ ਦਰਜ ਕਰਵਾਈ। ਕੋਠਾ ਉਪੇਂਦਰ ਰੈੱਡੀ ਨੇ ਅਪੀਲ ਕੀਤੀ ਕਿ ਅੱਲੂ ਅਰਜੁਨ ਅਤੇ ਸ੍ਰੀ ਚੈਤੰਨਿਆ ਵਿੱਦਿਅਕ ਸੰਸਥਾਵਾਂ 'ਤੇ ਲੋਕਾਂ ਨਾਲ ਧੋਖਾਧੜੀ ਕਰਨ ਦੇ ਦੋਸ਼ ਹੇਠ ਕਾਰਵਾਈ ਕੀਤੀ ਜਾਵੇ।
ਇਸ ਤੋਂ ਪਹਿਲਾਂ, ਅੱਲੂ ਅਰਜੁਨ ਨੂੰ ਫੂਡ ਡਿਲੀਵਰੀ ਐਪ ਦੀ ਮਾਰਕੀਟਿੰਗ ਕਰਨ ਲਈ ਆਲੋਚਨਾ ਦਾ ਸਾਹਮਣਾ ਕਰਨਾ ਪਿਆ ਸੀ, ਅਤੇ ਸਰਕਾਰੀ ਟ੍ਰਾਂਸਪੋਰਟ ਸੇਵਾਵਾਂ ਦੀ ਅਣਦੇਖੀ ਕਰਕੇ ਬਾਈਕ ਐਪ ਨੂੰ ਉਤਸ਼ਾਹਿਤ ਕਰਨ ਲਈ ਚੇਤਾਵਨੀ ਦਿੱਤੀ ਗਈ ਸੀ।
ਅੱਲੂ ਨੇ ਇਸ ਇਸ਼ਤਿਹਾਰ ਦਾ ਖੰਡਨ ਕੀਤਾ...
ਦੱਸ ਦੇਈਏ ਕਿ 'ਪੁਸ਼ਪਾ ਦ ਰਾਈਜ਼' ਸਟਾਰ ਅਲੂ ਅਰਜੁਨ ਨੇ ਆਪਣੇ ਪ੍ਰਸ਼ੰਸਕਾਂ ਲਈ ਪਾਨ ਮਸਾਲਾ ਦੀ ਕਰੋੜਾਂ ਦੀ ਡੀਲ ਦੀ ਪੇਸ਼ਕਸ਼ ਨੂੰ ਠੁਕਰਾ ਦਿੱਤਾ ਹੈ। ਦਰਅਸਲ, ਅੱਲੂ ਅਰਜੁਨ ਨੂੰ ਤੰਬਾਕੂ ਬ੍ਰਾਂਡ ਦਾ ਟੀਵੀ ਕਮਰਸ਼ੀਅਲ ਕਰਨ ਦਾ ਆਫਰ ਮਿਲਿਆ ਸੀ। ਇਸ ਵਿਗਿਆਪਨ ਲਈ ਅੱਲੂ ਅਰਜੁਨ ਨੂੰ ਮੋਟੀ ਫੀਸ ਅਦਾ ਕੀਤੀ ਜਾ ਰਹੀ ਸੀ। ਪਰ ‘ਪੁਸ਼ਪਾ ਰਾਜ’ ਨੇ ਕਦੇ ਵੀ ਆਪਣੇ ਅਸੂਲਾਂ ਅੱਗੇ ਝੁਕਣਾ ਨਹੀਂ ਸਿੱਖਿਆ। ਅੱਲੂ ਅਰਜੁਨ ਨੇ ਇਸ ਆਫਰ ਨੂੰ ਠੁਕਰਾਉਂਦੇ ਹੋਏ ਪ੍ਰਸ਼ੰਸਕਾਂ ਨੂੰ ਕਿਹਾ ਕਿ ਉਹ ਅਜਿਹਾ ਕੋਈ ਵੀ ਵਿਗਿਆਪਨ ਨਹੀਂ ਕਰਨਾ ਪਸੰਦ ਕਰਨਗੇ ਜਿਸ ਨਾਲ ਲੋਕ ਗੁਮਰਾਹ ਹੋਣ। ਅੱਲੂ ਅਰਜੁਨ ਆਪਣੇ ਟੀਵੀ ਇਸ਼ਤਿਹਾਰਾਂ ਨੂੰ ਜ਼ਿੰਮੇਵਾਰੀ ਨਾਲ ਚੂਜ਼ ਕਰਦੇ ਹਨ।