Matthew Perry Death: ਅਮਰੀਕੀ-ਕੈਨੇਡੀਅਨ ਅਦਾਕਾਰ ਮੈਥਿਊ ਪੇਰੀ ਦਾ 54 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਅਦਾਕਾਰ ਲਾਸ ਏਂਜਲਸ ਦੇ ਆਪਣੇ ਘਰ ਵਿੱਚ ਮ੍ਰਿਤਕ ਪਾਇਆ ਗਿਆ ਹੈ। TMZ ਨੇ ਸਰੋਤ ਦੇ ਹਵਾਲੇ ਨਾਲ ਕਿਹਾ ਕਿ ਮੈਥਿਊ ਦੀ ਮੌਤ ਹਾਟ ਟੱਬ ਵਿੱਚ ਡੁੱਬਣ ਕਾਰਨ ਹੋਈ। ਉਹ ਟੀਵੀ ਸਿਟਕਾਮ 'ਫ੍ਰੈਂਡਜ਼-ਲਾਈਕ ਅਸ' ਲਈ ਸਭ ਤੋਂ ਵੱਧ ਜਾਣਿਆ ਜਾਂਦਾ ਹੈ, ਜਿਸ ਵਿੱਚ ਉਸਨੇ ਚੈਂਡਲਰ ਬਿੰਗ ਦਾ ਕਿਰਦਾਰ ਨਿਭਾਇਆ ਸੀ।
ਮੈਥਿਊ ਪੇਰੀ ਅਭਿਨੇਤਾ ਜੌਹਨ ਬੇਨੇਟ ਪੈਰੀ ਅਤੇ ਕੈਨੇਡੀਅਨ ਪ੍ਰਧਾਨ ਮੰਤਰੀ ਪਿਏਰੇ ਟਰੂਡੋ ਦੇ ਇੱਕ ਸਮੇਂ ਦੀ ਪ੍ਰੈਸ ਸਕੱਤਰ ਸੁਜ਼ੈਨ ਮੈਰੀ ਲੈਂਗਫੋਰਡ ਦੇ ਪੁੱਤਰ ਦਾ ਹੈ। ਉਨ੍ਹਾਂ ਦਾ ਜਨਮ 19 ਅਗਸਤ, 1969 ਨੂੰ ਵਿਲੀਅਮਸਟਾਊਨ ਵਿੱਚ ਹੋਇਆ ਸੀ। ਜਦੋਂ ਪੇਰੀ 1 ਸਾਲ ਦਾ ਸੀ, ਤਾਂ ਉਸਦੇ ਮਾਤਾ-ਪਿਤਾ ਦਾ ਤਲਾਕ ਹੋ ਗਿਆ। ਉਸ ਨੇ 'ਚਾਰਲਸ ਇਨ ਚਾਰਜ' ਰਾਹੀਂ ਬਾਲ ਕਲਾਕਾਰ ਵਜੋਂ ਆਪਣੇ ਅਦਾਕਾਰੀ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।
'Friends' ਤੋਂ ਮਿਲੀ ਪ੍ਰਸਿੱਧੀ!
ਮੈਥਿਊਜ਼ 'ਬੇਵਰਲੀ ਹਿਲਸ 90210' ਅਤੇ 'ਏ ਨਾਈਟ ਇਨ ਦ ਲਾਈਫ ਆਫ ਜਿਮੀ ਰੀਅਰਡਨ' ਵਿੱਚ ਵੀ ਨਜ਼ਰ ਆਏ। ਪਰ ਉਸ ਨੂੰ ਅਸਲੀ ਪ੍ਰਸਿੱਧੀ ਟੀਵੀ ਸਿਟਕਾਮ 'ਫ੍ਰੈਂਡਜ਼' ਤੋਂ ਮਿਲੀ। ਇਹ ਸੀਰੀਜ਼ 22 ਸਤੰਬਰ 1994 ਨੂੰ ਸ਼ੁਰੂ ਹੋਈ ਸੀ ਜੋ ਕਿ 6 ਮਈ 2004 ਨੂੰ ਸਮਾਪਤ ਹੋਈ। ਇਸ ਦੌਰਾਨ Friends ਦੇ 236 ਐਪੀਸੋਡਾਂ ਵਾਲੇ ਦਸ ਸੀਜ਼ਨ ਟੈਲੀਕਾਸਟ ਕੀਤੇ ਗਏ ਸੀ। ਉਨ੍ਹਾਂ ਨੇ ਕਈ ਫਿਲਮਾਂ ਵਿੱਚ ਕੰਮ ਕੀਤਾ ਹੈ। ਜਿਸ ਵਿੱਚ ਫੂਲਜ਼ ਰਸ਼ ਇਨ, ਅਲਮੋਸਟ ਹੀਰੋਜ਼, ਦ ਹੋਲ ਨਾਇਨ ਯਾਰਡਸ, 17 ਅਗੇਨ ਅਤੇ ਦ ਰੌਨ ਕਲਾਰਕ ਸਟੋਰੀ ਸਮੇਤ ਕਈ ਫਿਲਮਾਂ ਵਿੱਚ ਵੀ ਕੰਮ ਕੀਤਾ ਹੈ।
6 ਮਹੀਨਿਆਂ ਬਾਅਦ ਹੀ ਟੁੱਟ ਗਈ ਮੰਗਣੀ
ਦੱਸ ਦੇਈਏ ਕਿ ਮੈਥਿਊ ਨੇ ਅਜੇ ਤੱਕ ਵਿਆਹ ਨਹੀਂ ਕੀਤਾ ਸੀ। ਹਾਲਾਂਕਿ ਕੁਝ ਸਾਲ ਪਹਿਲਾਂ ਉਸ ਦੀ ਮੌਲੀ ਹਰਵਿਟਜ਼ ਨਾਲ ਮੰਗਣੀ ਹੋਈ ਸੀ। ਪਰ ਉਨ੍ਹਾਂ ਦਾ ਰਿਸ਼ਤਾ ਸਿਰੇ ਨਹੀਂ ਚੜ੍ਹਿਆ ਅਤੇ 6 ਮਹੀਨਿਆਂ ਬਾਅਦ ਉਨ੍ਹਾਂ ਨੇ ਮੰਗਣੀ ਤੋੜ ਦਿੱਤੀ। ਇਸ ਤੋਂ ਇਲਾਵਾ ਉਨ੍ਹਾਂ ਦਾ ਨਾਂ ਲਿਜ਼ੀ ਕੈਪਲਨ ਨਾਲ ਵੀ ਜੁੜ ਗਿਆ ਹੈ।
ਨਸ਼ੇ ਤੋਂ ਛੁਟਕਾਰਾ ਪਾਉਣ ਲਈ ਕਰੋੜਾਂ ਰੁਪਏ ਖਰਚ ਕੀਤੇ
ਨਿਊਯਾਰਕ ਟਾਈਮਜ਼ ਨੂੰ ਦਿੱਤੇ ਇੰਟਰਵਿਊ 'ਚ ਮੈਥਿਊ ਨੇ ਖੁਲਾਸਾ ਕੀਤਾ ਸੀ ਕਿ ਉਹ 14 ਸਾਲ ਦੀ ਉਮਰ ਤੋਂ ਹੀ ਨਸ਼ੇ ਦਾ ਆਦੀ ਸੀ। ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਕਈ ਬਿਮਾਰੀਆਂ ਦਾ ਸਾਹਮਣਾ ਕਰਨਾ ਪਿਆ। ਮੈਥਿਊ ਨੇ ਦੱਸਿਆ ਸੀ ਕਿ ਉਸ ਨੇ ਨਸ਼ੇ ਦੀ ਲਤ ਤੋਂ ਉਭਰਨ ਲਈ 9 ਮਿਲੀਅਨ ਡਾਲਰ ਯਾਨੀ 74 ਕਰੋੜ ਰੁਪਏ ਖਰਚ ਕੀਤੇ ਹਨ।