Tom Cruise Stunt Video: ਟੌਮ ਕਰੂਜ਼ ਹਾਲੀਵੁੱਡ ਦੇ ਟੌਪ ਕਲਾਕਾਰ ਹਨ। ਉਨ੍ਹਾਂ ਦੀ ਪੂਰੀ ਦੁਨੀਆ 'ਚ ਜ਼ਬਰਦਸਤ ਫੈਨ ਫਾਲੋਇੰਗ ਹੈ। ਉਨ੍ਹਾਂ ਨੇ ਆਪਣੀ ਮੇਹਨਤ ਤੇ ਟੈਲੇਂਟ ਦੇ ਦਮ 'ਤੇ ਇਹ ਮੁਕਾਮ ਹਾਸਲ ਕੀਤਾ ਹੈ। ਫਿਲਹਾਲ ਟੌਮ ਕਰੂਜ਼ ਆਪਣੀ ਫਿਲਮ 'ਮਿਸ਼ਨ ਇੰਪੌਸੀਬਲ 7' ਨੂੰ ਲੈਕੇ ਖੂਬ ਸੁਰਖੀਆਂ 'ਚ ਹਨ। ਫਿਲਮ ਨੇ ਭਾਰਤ 'ਚ ਵੀ ਸ਼ਾਨਦਾਰ ਕਾਰੋਬਾਰ ਕੀਤਾ ਹੈ। ਫਿਲਮ 'ਚ ਟੌਮ ਕਰੂਜ਼ ਆਪਣੀ ਕਮਾਲ ਦੀ ਐਕਟਿੰਗ 'ਤੇ ਖਤਰਨਾਕ ਸਟੰਟ ਨਾਲ ਸਾਰੀ ਮਹਿਫਲ ਲੁੱਟ ਕੇ ਲੈ ਗਏ।
ਕੀ ਤੁਹਾਨੂੰ ਪਤਾ ਹੈ ਕਿ ਟੌਮ ਕਰੂਜ਼ ਦੀ ਉਮਰ 61 ਸਾਲ ਹੈ ਅਤੇ ਇਸ ਉਮਰ ਵਿੱਚ ਵੀ ਉਹ ਖੁਦ ਆਪਣੇ ਸਟੰਟ ਕਰਦੇ ਹਨ। ਇਸ ਦਾ ਪਤਾ 'ਮਿਸ਼ਨ ਇੰਪੌਸੀਬਲ 7' ਦੇ ਸੈੱਟ ਤੋਂ ਆਈ ਵੀਡੀਓ ਦੇਖ ਕੇ ਲੱਗਦਾ ਹੈ। ਟੌਮ ਕਰੂਜ਼ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਛਾਇਆ ਹੋਇਆ ਹੈ। ਜਿਸ ਨੇ ਵੀ ਇਹ ਵੀਡੀਓ ਦੇਖਿਆ, ਉਸ ਦੀ ਰੂਹ ਕੰਬ ਗਈ ਕਿ ਕਿਵੇਂ ਟੌਮ ਕਰੂਜ਼ ਖੁਦ ਇੰਨੇਂ ਖਤਰਨਾਕ ਸਟੰਟ ਕਰ ਸਕਦੇ ਹਨ। ਟੌਮ ਕਰੂਜ਼ ਵੀਡੀਓ 'ਚ ਇੱਕ ਸਾਈਕਲ 'ਤੇ ਸਵਾਰ ਨਜ਼ਰ ਆ ਰਹੇ ਹਨ ਅਤੇ ਉਨ੍ਹਾਂ ਨੇ ਇੱਕ ਉੱਚੇ ਪਹਾੜ ਤੋਂ ਛਲਾਂਗ ਲਗਾ ਦਿੱਤੀ। ਐਕਟਰ ਨੂੰ ਇਹ ਸਟੰਟ ਕਰਦੇ ਦੇਖ ਕੇ ਫਿਲਮ ਦੇ ਡਾਇਰੈਕਟਰ ਵੀ ਹੈਰਾਨ ਰਹਿ ਗਏ। ਤੁਸੀਂ ਵੀ ਦੇਖੋ ਇਹ ਵੀਡੀਓ:
ਕਾਬਿਲੇਗ਼ੌਰ ਹੈ ਕਿ ਟੌਮ ਕਰੂਜ਼ ਪਿਛਲੇ ਤਕਰੀਬਨ 3 ਦਹਾਕਿਆਂ ਤੋਂ ਹਾਲੀਵੁੱਡ 'ਤੇ ਰਾਜ ਕਰ ਰਹੇ ਹਨ। ਉਨ੍ਹਾਂ ਦੇ ਚਾਹੁਣ ਵਾਲਿਆ ਦੀ ਗਿਣਤੀ ਅਰਬਾਂ 'ਚ ਹੈ। ਭਾਰਤ ਵਿੱਚ ਵੀ ਟੌਮ ਕਰੂਜ਼ ਦਾ ਜ਼ਬਰਦਸਤ ਕਰੇਜ਼ ਹੈ। ਉਨ੍ਹਾਂ ਦੀ ਫਿਲਮ 'ਮਿਸ਼ਨ ਇੰਪੌਸੀਬਲ 7' ਨੇ ਭਾਰਤ 'ਚ ਚੰਗੀ ਕਮਾਈ ਕੀਤੀ ਹੈ।
ਇਹ ਵੀ ਪੜ੍ਹੋ: ਬਾਲੀਵੁੱਡ ਅਦਾਕਾਰ ਅਰਜੁਨ ਰਾਮਪਾਲ ਦੇ ਘਰ ਆਈਆਂ ਖੁਸ਼ੀਆਂ, ਗਰਲਫਰੈਂਡ ਗੈਬਰੀਏਲਾ ਨੇ ਬੇਟੇ ਨੂੰ ਦਿੱਤਾ ਜਨਮ