Susanne Khan Oops Moment: ਪ੍ਰਸ਼ੰਸਕ ਸੰਜੇ ਲੀਲਾ ਭੰਸਾਲੀ ਦੀ ਵੈੱਬ ਸੀਰੀਜ਼ ਹੀਰਾਮੰਡੀ ਦੀ ਰਿਲੀਜ਼ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਇਸ ਸੀਰੀਜ਼ ਨੂੰ ਲੈ ਕੇ ਲੋਕਾਂ 'ਚ ਕਾਫੀ ਚਰਚਾ ਹੈ। ਹੀਰਾਮੰਡੀ ਦੀ ਰਿਲੀਜ਼ ਤੋਂ ਪਹਿਲਾਂ ਇਸ ਦੀ ਸਪੈਸ਼ਲ ਸਕ੍ਰੀਨਿੰਗ ਦਾ ਆਯੋਜਨ ਕੀਤਾ ਗਿਆ ਸੀ, ਜਿਸ 'ਚ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ ਸੀ। ਰਿਤਿਕ ਰੋਸ਼ਨ ਦੀ ਸਾਬਕਾ ਪਤਨੀ ਸੁਜ਼ੈਨ ਖਾਨ ਵੀ ਆਪਣੇ ਬੁਆਏਫ੍ਰੈਂਡ ਅਰਸਲਾਨ ਗੋਨੀ ਨਾਲ ਇਸ ਸਕ੍ਰੀਨਿੰਗ 'ਚ ਸ਼ਾਮਲ ਹੋਈ। ਸੁਜ਼ੈਨ ਅਤੇ ਅਰਸਲਾਨ ਦੋਵੇਂ ਕਾਲੇ ਰੰਗ ਦੇ ਪਹਿਰਾਵੇ ਵਿੱਚ ਟਵੀਨਿੰਗ ਕਰਦੇ ਨਜ਼ਰ ਆਏ। ਸੁਜ਼ੈਨ ਨੇ ਸ਼ਾਰਟ ਸਕਰਟ ਪਹਿਨੀ ਸੀ ਜਿਸ ਕਾਰਨ ਉਹ ਊਪਸ ਮੋਮੈਂਟ ਦਾ ਸ਼ਿਕਾਰ ਹੋ ਗਈ। ਉਸ ਨੂੰ ਕਾਫੀ ਸ਼ਰਮਸਾਰ ਹੋਣਾ ਪਿਆ। ਇਸ ਦਾ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਕਾਫੀ ਸ਼ੇਅਰ ਕੀਤਾ ਜਾ ਰਿਹਾ ਹੈ।
ਸੁਜ਼ੈਨ ਖਾਨ ਨੇ ਕਾਲੇ ਸ਼ਾਰਟ ਸਕਰਟ ਦੇ ਨਾਲ ਵਨ ਸ਼ੋਲਡਰ ਟਾਪ ਪਾਇਆ ਹੋਇਆ ਸੀ। ਉਸ ਨੇ ਸਟੇਟਮੈਂਟ ਨੈਕਪੀਸ ਨਾਲ ਆਪਣਾ ਲੁੱਕ ਪੂਰਾ ਕੀਤਾ। ਇਸ ਲੁੱਕ 'ਚ ਸੁਜ਼ੈਨ ਕਾਫੀ ਕਿਊਟ ਲੱਗ ਰਹੀ ਸੀ ਪਰ ਰੈੱਡ ਕਾਰਪੇਟ 'ਤੇ ਫੋਟੋਜ਼ ਕਲਿੱਕ ਕਰਵਾਉਂਦੇ ਹੀ ਉਨ੍ਹਾਂ ਦਾ ਸਕਰਟ ਉੱਡਣ ਲੱਗਾ।
ਸੁਜ਼ੈਨ ਖਾਨ ਹੋਈ ਊਪਸ ਮੋਮੈਂਟ ਦਾ ਸ਼ਿਕਾਰ
ਸੁਜ਼ੈਨ ਖਾਨ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਜਿਸ 'ਚ ਜਿਵੇਂ ਹੀ ਉਹ ਰੈੱਡ ਕਾਰਪੇਟ 'ਤੇ ਅਰਸਲਾਨ ਦੇ ਨਾਲ ਪੋਜ਼ ਦੇਣ ਲੱਗਦੀ ਹੈ, ਉਸ ਦੀ ਸ਼ਾਰਟ ਸਕਰਟ ਉੱਡਣ ਲੱਗਦੀ ਹੈ। ਉਹ ਆਪਣੀ ਸਕਰਟ ਨੂੰ ਸੰਭਾਲਣਾ ਸ਼ੁਰੂ ਕਰ ਦਿੰਦੀ ਹੈ ਜਿਸ ਤੋਂ ਬਾਅਦ ਉਹ ਬਿਨਾਂ ਪੋਜ਼ ਦਿੱਤੇ ਉਥੋਂ ਚਲੀ ਜਾਂਦੀ ਹੈ।
ਲੋਕਾਂ ਨੇ ਕੀਤੇ ਕਮੈਂਟ
ਸੁਜ਼ੈਨ ਦੇ ਇਸ ਵੀਡੀਓ 'ਤੇ ਲੋਕ ਕਾਫੀ ਕਮੈਂਟ ਕਰ ਰਹੇ ਹਨ। ਇੱਕ ਨੇ ਲਿਖਿਆ- ਅਜਿਹੇ ਕੱਪੜੇ ਕਿਉਂ ਪਹਿਨਦੇ ਹੋ ਕਿ ਤੁਸੀਂ ਖੁਦ ਅਸਹਿਜ ਹੋ ਜਾਂਦੇ ਹੋ ਅਤੇ ਫਿਰ ਤੁਹਾਨੂੰ ਸ਼ਰਮਸਾਰ ਹੋਣਾ ਪੈਂਦਾ ਹੈ। ਜਦੋਂ ਕਿ ਇੱਕ ਨੇ ਲਿਖਿਆ- ਇੰਨਾ ਫਾਲਤੂ ਪਹਿਰਾਵਾ, ਬੇਚਾਰੀ ਇਸ ਨੂੰ ਸੰਭਾਲ ਵੀ ਨਹੀਂ ਸਕਦੀ। ਲੋਕ ਇਸ ਵੀਡੀਓ 'ਤੇ ਕਈ ਤਰ੍ਹਾਂ ਦੇ ਕਮੈਂਟ ਕਰ ਰਹੇ ਹਨ।
ਤੁਹਾਨੂੰ ਦੱਸ ਦਈਏ ਕਿ ਸੁਜ਼ੈਨ ਬਾਲੀਵੁੱਡ ਵਿੱਚ ਇੱਕ ਇੰਟੀਰੀਅਰ ਡਿਜ਼ਾਈਨਰ ਹੈ। ਉਸਨੇ ਦਸੰਬਰ 2000 ਵਿੱਚ ਰਿਤਿਕ ਰੋਸ਼ਨ ਨਾਲ ਵਿਆਹ ਕੀਤਾ ਸੀ। ਉਸ ਦੇ ਦੋ ਪੁੱਤਰ ਵੀ ਹਨ। ਜੋੜੇ ਨੇ ਦਸੰਬਰ 2013 ਵਿੱਚ ਵੱਖ ਹੋਣ ਦਾ ਫੈਸਲਾ ਕੀਤਾ ਅਤੇ 2014 ਵਿੱਚ ਤਲਾਕ ਹੋ ਗਿਆ। ਰਿਤਿਕ ਅਤੇ ਸੁਜ਼ੈਨ ਵੱਖ ਹੋ ਗਏ ਹਨ ਪਰ ਆਪਣੇ ਦੋ ਪੁੱਤਰਾਂ ਲਈ ਹਮੇਸ਼ਾ ਇਕੱਠੇ ਆਉਂਦੇ ਹਨ। ਰਿਤਿਕ ਇਸ ਸਮੇਂ ਅਦਾਕਾਰਾ ਸਬਾ ਆਜ਼ਾਦ ਨੂੰ ਡੇਟ ਕਰ ਰਹੇ ਹਨ ਜਦੋਂਕਿ ਸੁਜ਼ੈਨ ਅਰਸਲਾਨ ਗੋਨੀ ਨੂੰ ਡੇਟ ਕਰ ਰਹੀ ਹੈ।