ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਵਿੱਚ ਸਾਲ 2021 ਨੂੰ "ਐਲਬਮਾਂ ਦਾ ਸਾਲ" ਕਿਹਾ ਜਾਣਾ ਚਾਹੀਦਾ ਹੈ। ਇਸ ਸਾਲ ਵੱਡੀ ਗਿਣਤੀ ਵਿੱਚ ਐਲਬਮਾਂ ਦਾ ਐਲਾਨ ਕੀਤਾ ਗਿਆ ਹੈ ਤੇ ਐਲਬਮਸ ਨੂੰ ਰਿਲੀਜ਼ ਕੀਤਾ ਗਿਆ ਹੈ। ਅਤੇ ਇਹ ਲਿਸਟ ਜਲਦੀ ਖ਼ਤਮ ਨਹੀਂ ਹੁੰਦੀ ਨਜ਼ਰ ਆ ਰਹੀ।
ਅੱਜ ਮਾਣਕਾ ਦਾ ਮੁੰਡਾ ਫੇਮ, ਜੱਸ ਮਾਣਕ ਨੇ ਵੀ ਆਪਣੀ ਅਗਲੀ ਐਲਬਮ ਦੀ ਅਨਾਊਸਮੈਂਟ ਕਰ ਦਿੱਤੀ ਹੈ। ਜੱਸ ਮਾਣਕ ਮਾਣਕ ਦੀ ਆਉਣ ਵਾਲੀ ਐਲਬਮ ਦਾ ਨਾਲ 'Bad Munda' ਹੈ। ਜੋ ਅਗਸਤ ਦੇ ਮਹੀਨੇ 19 ਤਰੀਕ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸੇ ਐਲਬਮ ਦਾ ਪਹਿਲਾ ਗੀਤ 13 ਅਗਸਤ ਨੂੰ ਰਿਲੀਜ਼ ਹੋਵੇਗਾ।
ਪਹਿਲੇ ਗਾਣੇ ਤੋਂ ਬਾਅਦ ਹੀ ਫੈਨਜ਼ ਨੂੰ ਪੂਰੀ ਐਲਬਮ ਸੁਣਨ ਨੂੰ ਮਿਲੇਗੀ। ਫਿਲਹਾਲ ਜੱਸ ਮਾਣਕ ਨੇ ਇਸ ਐਲਬਮ ਦਾ ਪਹਿਲਾ ਪੋਸਟਰ ਸਾਂਝਾ ਕੀਤਾ ਹੈ। ਐਲਬਮ ਦੀ ਟ੍ਰੈਕ ਲਿਸਟ ਅਤੇ ਐਲਬਮ ਵਿਚ ਬਾਕੀ ਚਿਹਰਿਆਂ ਦਾ ਖੁਲਾਸਾ ਹੋਣਾ ਅਜੇ ਬਾਕੀ ਹੈ।
ਇਸ ਦੌਰਾਨ ਨਾ ਸਿਰਫ ਜੱਸ ਮਾਣਕ, ਬਲਕਿ ਦਿਲਜੀਤ ਦੁਸਾਂਝ, ਗਿੱਪੀ ਗਰੇਵਾਲ, ਅਮਰਿੰਦਰ ਗਿੱਲ, ਰਣਜੀਤ ਬਾਵਾ ਵੀ ਜਲਦੀ ਹੀ ਉਨ੍ਹਾਂ ਦੀਆਂ ਐਲਬਮਾਂ ਨੂੰ ਰਿਲੀਜ਼ ਕਰਨ ਵਾਲੇ ਹਨ। ਸਭ ਦੇ ਫੈਨਜ਼ ਬੇਸਬਰੀ ਨਾਲ ਇਨ੍ਹਾਂ ਕਲਾਕਾਰਾਂ ਦੀ ਆਉਣ ਵਾਲੀ ਐਲਬਮ ਦਾ ਇੰਤਜ਼ਾਰ ਕਰ ਰਹੇ ਹਨ।