Jawan Box Office Collection Day 6: ਸ਼ਾਹਰੁਖ ਖਾਨ ਦੀ 'ਜਵਾਨ' 7 ਸਤੰਬਰ ਨੂੰ ਰਿਲੀਜ਼ ਹੋਣ ਤੋਂ ਬਾਅਦ ਤੋਂ ਹੀ ਬਾਕਸ ਆਫਿਸ 'ਤੇ ਨਵੇਂ ਰਿਕਾਰਡ ਬਣਾ ਰਹੀ ਹੈ। ਫਿਲਮ ਦਾ ਕ੍ਰੇਜ਼ ਲੋਕਾਂ 'ਚ ਵਧਦਾ ਜਾ ਰਿਹਾ ਹੈ ਅਤੇ ਦਰਸ਼ਕ ਸਿਨੇਮਾਘਰਾਂ 'ਚ ਫਿਲਮ ਨੂੰ ਦੇਖਣ ਲਈ ਪਹੁੰਚ ਰਹੇ ਹਨ। ਫਿਲਮ ਨੇ ਐਤਵਾਰ ਨੂੰ ਇੱਕ ਦਿਨ ਵਿੱਚ ਸਭ ਤੋਂ ਵੱਧ ਕਲੈਕਸ਼ਨ ਕਰਕੇ ਇਤਿਹਾਸ ਰਚ ਦਿੱਤਾ ਸੀ। ਹਾਲਾਂਕਿ ਹਫਤੇ ਦੇ ਦਿਨਾਂ 'ਚ 'ਜਵਾਨ' ਦੀ ਕਮਾਈ 'ਚ ਗਿਰਾਵਟ ਆਈ ਹੈ। ਐਤਵਾਰ ਦੇ ਮੁਕਾਬਲੇ ਸੋਮਵਾਰ ਨੂੰ ਫਿਲਮ ਦੇ ਕਲੈਕਸ਼ਨ 'ਚ 58.90 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ। ਆਓ ਜਾਣਦੇ ਹਾਂ 'ਜਵਾਨ' ਨੇ ਆਪਣੀ ਰਿਲੀਜ਼ ਦੇ ਛੇਵੇਂ ਦਿਨ ਭਾਵ ਪਹਿਲੇ ਮੰਗਲਵਾਰ ਕਿੰਨੇ ਕਰੋੜ ਦੀ ਕਮਾਈ ਕੀਤੀ ਹੈ?


ਇਹ ਵੀ ਪੜ੍ਹੋ: ਧਰਮਿੰਦਰ ਦੇ ਇਲਾਜ ਲਈ ਨਹੀਂ, ਸਗੋਂ ਇਸ ਖਾਸ ਵਜ੍ਹਾ ਕਰਕੇ ਪਿਤਾ ਨਾਲ ਅਮਰੀਕਾ ਗਏ ਹਨ ਸੰਨੀ ਦਿਓਲ, ਮਾਂ ਪ੍ਰਕਾਸ਼ ਕੌਰ ਵੀ ਹੈ ਨਾਲ


'ਜਵਾਨ' ਨੇ ਰਿਲੀਜ਼ ਦੇ ਛੇਵੇਂ ਦਿਨ ਕਿੰਨੀ ਕਮਾਈ ਕੀਤੀ?
ਸ਼ਾਹਰੁਖ ਖਾਨ ਦੀ 'ਜਵਾਨ' ਸਿਨੇਮਾਘਰਾਂ 'ਚ ਧੂਮ ਮਚਾ ਰਹੀ ਹੈ। ਇਸ ਫਿਲਮ ਨੇ ਭਾਰਤੀ ਸਿਨੇਮਾ ਦੇ ਇਤਿਹਾਸ 'ਚ ਸਭ ਤੋਂ ਵੱਡੀ ਓਪਨਰ ਦਾ ਰਿਕਾਰਡ ਬਣਾਇਆ ਹੈ। ਤੁਹਾਨੂੰ ਦੱਸ ਦਈਏ ਕਿ ਫਿਲਮ ਨੇ ਪਹਿਲੇ ਦਿਨ 75 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਇਸ ਤੋਂ ਬਾਅਦ ਫਿਲਮ ਨੇ ਦੂਜੇ ਦਿਨ 53.23 ਕਰੋੜ, ਤੀਜੇ ਦਿਨ 77.83 ਕਰੋੜ, ਚੌਥੇ ਦਿਨ 80.1 ਕਰੋੜ ਅਤੇ ਪੰਜਵੇਂ ਦਿਨ 32.92 ਕਰੋੜ ਰੁਪਏ ਦੀ ਕਮਾਈ ਕੀਤੀ। ਇਸ ਦੇ ਨਾਲ ਹੀ ਇਹ ਫਿਲਮ ਆਪਣੀ ਰਿਲੀਜ਼ ਦੇ ਪੰਜ ਦਿਨਾਂ ਵਿੱਚ 300 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰਨ ਵਾਲੀ ਸਭ ਤੋਂ ਤੇਜ਼ ਫਿਲਮ ਬਣ ਗਈ ਹੈ। ਹੁਣ 'ਜਵਾਨ' ਦੀ ਰਿਲੀਜ਼ ਦੇ ਛੇਵੇਂ ਦਿਨ ਮੰਗਲਵਾਰ ਦੀ ਕਮਾਈ ਦੇ ਸ਼ੁਰੂਆਤੀ ਅੰਕੜੇ ਆ ਗਏ ਹਨ, ਜਿਸ ਮੁਤਾਬਕ ਸ਼ਾਹਰੁਖ ਖਾਨ ਦੀ ਫਿਲਮ ਦੀ ਕਮਾਈ 'ਚ ਗਿਰਾਵਟ ਆਈ ਹੈ।


ਸਕਨਿਲਕ ਦੀ ਸ਼ੁਰੂਆਤੀ ਰੁਝਾਨ ਰਿਪੋਰਟ ਦੇ ਅਨੁਸਾਰ, 'ਜਵਾਨ' ਨੇ ਆਪਣੀ ਰਿਲੀਜ਼ ਦੇ ਛੇਵੇਂ ਦਿਨ ਭਾਵ ਪਹਿਲੇ ਮੰਗਲਵਾਰ 26.50 ਕਰੋੜ ਰੁਪਏ ਦੀ ਅੰਦਾਜ਼ਨ ਕਮਾਈ ਕੀਤੀ ਹੈ।


ਇਸ ਤੋਂ ਬਾਅਦ 6 ਦਿਨਾਂ 'ਚ 'ਜਵਾਨ' ਦੀ ਕੁੱਲ ਕਮਾਈ ਹੁਣ 345.58 ਕਰੋੜ ਰੁਪਏ ਹੋ ਗਈ ਹੈ।



'ਜਵਾਨ' ਛੇਵੇਂ ਦਿਨ ਵੀ 'ਗਦਰ 2' ਦਾ ਨਹੀਂ ਤੋੜ ਸਕੀ ਰਿਕਾਰਡ
ਸ਼ਾਹਰੁਖ ਖਾਨ ਦੀ ਫਿਲਮ 'ਜਵਾਨ' ਭਾਵੇਂ ਹੀ ਦੇਸ਼ ਅਤੇ ਦੁਨੀਆ ਦੇ ਬਾਕਸ ਆਫਿਸ 'ਤੇ ਤੂਫਾਨ ਮਚਾ ਰਹੀ ਹੋਵੇ, ਪਰ ਇਹ ਫਿਲਮ ਰਿਲੀਜ਼ ਦੇ ਛੇਵੇਂ ਦਿਨ ਸੰਨੀ ਦਿਓਲ ਦੀ ਫਿਲਮ 'ਗਦਰ 2' ਦਾ ਰਿਕਾਰਡ ਨਹੀਂ ਤੋੜ ਸਕੀ। ਦਰਅਸਲ 'ਜਵਾਨ' ਦਾ ਛੇਵੇਂ ਦਿਨ ਦਾ ਕਲੈਕਸ਼ਨ 26.50 ਕਰੋੜ ਰੁਪਏ ਹੈ, ਜਦੋਂ ਕਿ 'ਗਦਰ 2' ਨੇ 32.37 ਕਰੋੜ ਰੁਪਏ ਦਾ ਕਲੈਕਸ਼ਨ ਕੀਤਾ ਸੀ। ਹਾਲਾਂਕਿ 'ਜਵਾਨ' ਦਾ ਛੇਵੇਂ ਦਿਨ ਦਾ ਕੁਲੈਕਸ਼ਨ ਸ਼ਾਹਰੁਖ ਦੀ ਪਿਛਲੀ ਬਲਾਕਬਸਟਰ ਫਿਲਮ 'ਪਠਾਨ' ਦੇ ਬਰਾਬਰ ਹੈ ਪਰ ਅਸਲ 'ਚ 'ਪਠਾਨ' ਨੇ ਵੀ ਛੇਵੇਂ ਦਿਨ 26.5 ਕਰੋੜ ਦੀ ਕਮਾਈ ਕੀਤੀ ਸੀ।


ਪਰ 'ਜਵਾਨ' ਨੇ ਛੇ ਦਿਨਾਂ ਦੀ ਕੁੱਲ ਕਮਾਈ 'ਚ 'ਪਠਾਨ' ਦਾ ਰਿਕਾਰਡ ਤੋੜ ਦਿੱਤਾ ਹੈ। ਤੁਹਾਨੂੰ ਦੱਸ ਦਈਏ ਕਿ 'ਜਵਾਨ' ਦੀ 6 ਦਿਨਾਂ 'ਚ ਕੁੱਲ ਕਮਾਈ 345.58 ਕਰੋੜ ਰੁਪਏ ਹੈ। ਜਦੋਂ ਕਿ 'ਪਠਾਨ' ਦੀ ਕੁਲੈਕਸ਼ਨ 307.25 ਕਰੋੜ ਰੁਪਏ ਸੀ।


ਇਹ ਹੈ 'ਜਵਾਨ' ਦੀ ਸਟਾਰ ਕਾਸਟ
ਐਟਲੀ ਦੇ ਨਿਰਦੇਸ਼ਨ 'ਚ ਬਣੀ 'ਜਵਾਨ' 'ਚ ਸ਼ਾਹਰੁਖ ਖਾਨ ਨਾਲ ਨਯਨਤਰਾ ਮੁੱਖ ਭੂਮਿਕਾ 'ਚ ਹੈ ਅਤੇ ਵਿਜੇ ਸੇਤੂਪਤੀ ਵਿਲੇਨ ਦੀ ਭੂਮਿਕਾ 'ਚ ਹਨ। ਦੀਪਿਕਾ ਪਾਦੁਕੋਣ ਨੇ ਫਿਲਮ 'ਚ ਯਾਦਗਾਰ ਕੈਮਿਓ ਕੀਤਾ ਹੈ। ਫਿਲਮ 'ਚ ਪ੍ਰਿਆਮਣੀ, ਸਾਨਿਆ ਮਲਹੋਤਰਾ, ਲਹਰ ਖਾਨ, ਸੰਜੀਤਾ ਭੱਟਾਚਾਰੀਆ ਅਤੇ ਰਿਧੀ ਡੋਗਰਾ ਨੇ ਵੀ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ। 


ਇਹ ਵੀ ਪੜ੍ਹੋ: ਸੰਨੀ-ਬੌਬੀ ਦਿਓਲ ਨਾਲ ਆਪਣੇ ਰਿਸ਼ਤੇ 'ਤੇ ਬੋਲੀ ਈਸ਼ਾ ਦਿਓਲ, ਕਿਹਾ- 'ਕੁੱਝ ਚੀਜ਼ਾਂ ਨੂੰ ਲੈਕੇ ਅਸੀਂ ਗੱਲ ਨਹੀਂ ਕਰ ਸਕਦੇ...'