Amitabh Bachchan On Vinod Khan Incident: ਭਾਵੇਂ ਸੋਨੀ ਚੈਨਲ 'ਤੇ ਪ੍ਰਸਾਰਿਤ ਹੋਣ ਵਾਲਾ ਰਿਐਲਿਟੀ ਸ਼ੋਅ 'ਕੌਨ ਬਣੇਗਾ ਕਰੋੜਪਤੀ' ਕੁਇਜ਼ ਸ਼ੋਅ ਹੈ, ਪਰ ਸਦੀ ਦੇ ਮਹਾਨਾਇਕ ਅਮਿਤਾਭ ਬੱਚਨ ਨਾਲ ਜੁੜੇ ਕਈ ਖੁਲਾਸੇ ਵੀ ਹੋ ਰਹੇ ਹਨ। ਇਸ ਵਜ੍ਹਾ ਨਾਲ ਇਹ ਸ਼ੋਅ ਕਾਫੀ ਚਰਚਾ 'ਚ ਰਹਿੰਦਾ ਹੈ। ਇਸ ਦਾ 14ਵਾਂ ਸੀਜ਼ਨ ਇਨ੍ਹੀਂ ਦਿਨੀਂ ਪ੍ਰਸਾਰਿਤ ਹੋ ਰਿਹਾ ਹੈ ਅਤੇ ਬਿੱਗ ਬੀ ਨੇ ਆਪਣੀ ਜ਼ਿੰਦਗੀ ਨਾਲ ਜੁੜੀਆਂ ਕਈ ਮਜ਼ਾਕੀਆ ਗੱਲਾਂ ਸਾਂਝੀ ਕੀਤੀਆਂ ਹਨ। ਅਮਿਤਾਭ ਨੇ ਇੱਕ ਪੁਰਾਣਾ ਕਿੱਸਾ ਸਾਂਝਾ ਕੀਤਾ। ਇਹ ਕਿੱਸਾ ਉਨ੍ਹਾਂ ਦੀ ਫ਼ਿਲਮ ਮੁਕੱਦਰ ਕਾ ਸਿਕੰਦਰ ਨਾਲ ਜੁੜਿਆ ਹੋਇਆ ਹੈ। ਅਮਿਤਾਭ ਬੱਚਨ ਨੇ ਦੱਸਿਆ ਕਿ ਉਨ੍ਹਾਂ ਦੀ ਇੱਕ ਗ਼ਲਤੀ ਕਰਕੇ ਵਿਨੋਦ ਖੰਨਾ ਜ਼ਖ਼ਮੀ ਹੋ ਗਏ ਸੀ।
ਅਸਲ 'ਚ 'ਕੌਨ ਬਣੇਗਾ ਕਰੋੜਪਤੀ 14' ਦੇ ਆਖਰੀ ਐਪੀਸੋਡ 'ਚ ਪ੍ਰਤੀਯੋਗੀ ਸੂਰਜ ਦਾਸ ਹੌਟਸੀਟ 'ਤੇ ਬੈਠੇ ਸਨ, ਜਿਨ੍ਹਾਂ ਨੇ 25 ਲੱਖ ਰੁਪਏ ਜਿੱਤੇ ਸਨ। ਖੇਡ ਦੌਰਾਨ ਉਨ੍ਹਾਂ ਨੇ ਅਮਿਤਾਭ ਬੱਚਨ ਨਾਲ ਮਜ਼ਾਕੀਆ ਗੱਲਾਂ ਕੀਤੀਆਂ ਅਤੇ ਉਨ੍ਹਾਂ ਨੂੰ ਸਵਾਲ ਵੀ ਪੁੱਛਿਆ। ਸੂਰਜ ਦਾਸ ਨੇ ਬਿੱਗ ਬੀ ਨੂੰ ਪੁੱਛਿਆ, ''ਮੈਂ ਕਿਤੇ ਪੜ੍ਹਿਆ ਸੀ ਕਿ ਫਿਲਮ 'ਮੁਕੱਦਰ ਕਾ ਸਿਕੰਦਰ' ਦੀ ਸ਼ੂਟਿੰਗ ਦੌਰਾਨ ਤੁਸੀਂ ਆਪਣੇ ਕੋ-ਸਟਾਰ ਵਿਨੋਦ ਖੰਨਾ 'ਤੇ ਗਲਾਸ ਸੁੱਟ ਦਿੱਤਾ ਸੀ, ਜਿਸ ਕਾਰਨ ਉਸ ਦੀ ਠੋਡੀ 'ਤੇ ਸੱਟ ਲੱਗ ਗਈ ਸੀ ਅਤੇ ਉਸ ਨੂੰ 16 ਟਾਂਕੇ ਲੱਗੇ ਸਨ। ਕੀ ਇਹ ਸਹੀ ਹੈ?"
ਵਿਨੋਦ ਖੰਨਾ ਨੂੰ ਬਿਗ ਬੀ ਨੇ ਮਾਰਿਆ ਸੀ ਗਲਾਸ
ਇਸ ਸਵਾਲ ਦਾ ਜਵਾਬ ਦਿੰਦੇ ਹੋਏ ਬਿਗ ਬੀ ਕਹਿੰਦੇ ਹਨ, ''ਹਾਂ ਇਹ ਸੱਚ ਹੈ। ਮੈਨੂੰ ਇਸ ਲਈ ਬਹੁਤ ਅਫ਼ਸੋਸ ਹੈ। ਅਸੀਂ ਬਾਰ ਵਿੱਚ ਸ਼ਰਾਬ ਪੀ ਰਹੇ ਸੀ ਅਤੇ ਮੈਨੂੰ ਪਤਾ ਲੱਗਾ ਕਿ ਮੇਰੀ ਪ੍ਰੇਮਿਕਾ ਕਿਸੇ ਹੋਰ ਨਾਲ ਪਿਆਰ ਕਰ ਰਹੀ ਹੈ, ਮੈਂ ਗੁੱਸੇ ਵਿੱਚ ਆ ਗਿਆ ਅਤੇ ਮੈਂ ਗਲਾਸ ਸੁੱਟ ਦਿੱਤਾ ਅਤੇ ਗ਼ਲਤੀ ਨਾਲ ਗਲਾਸ ਵਿਨੋਦ ਖੰਨਾ ਦੀ ਠੋਡੀ ਤੇ ਜਾ ਲੱਗਿਆ। ਇਸ 'ਤੇ ਬਿੱਗ ਬੀ ਕਹਿੰਦੇ ਹਨ ਕਿ ਜੇਕਰ ਤੁਹਾਨੂੰ ਇੰਨਾ ਹੀ ਪਤਾ ਹੈ ਤਾਂ ਤੁਸੀਂ ਕਿਉਂ ਪੁੱਛ ਰਹੇ ਹੋ। ਇਸ ਘਟਨਾ ਬਾਰੇ ਹੋਰ ਜਾਣਕਾਰੀ ਦਿੰਦੇ ਹੋਏ ਬਿੱਗ ਬੀ ਕਹਿੰਦੇ ਹਨ, ''ਮੈਨੂੰ ਉਹ ਗਲਾਸ ਚੁੱਕ ਕੇ ਥੱਲੇ ਸੁੱਟਣਾ ਸੀ, ਪਰ ਉਹ ਗ਼ਲਤੀ ਨਾਲ ਵਿਨੋਦ ਖੰਨਾ ਨੂੰ ਜਾ ਲੱਗਿਆ। ਉਹ ਮੇਰਾ ਬਹੁਤ ਕਰੀਬੀ ਦੋਸਤ ਸੀ। ਅਸੀਂ ਉਨ੍ਹਾਂ ਨੂੰ ਹਸਪਤਾਲ ਲੈ ਗਏ ਜਿੱਥੇ ਉਨ੍ਹਾਂ ਨੂੰ 16 ਟਾਂਕੇ ਲੱਗੇ। ਇਸ ਤੋਂ ਬਾਅਦ ਮੈਂ ਉਨ੍ਹਾਂ ਦੇ ਘਰ ਗਿਆ ਅਤੇ ਉਨ੍ਹਾਂ ਦੀ ਪਤਨੀ ਤੋਂ ਮੁਆਫੀ ਮੰਗੀ।