Amitabh Bachchan Akshay Kumar: ਅਮਿਤਾਭ ਬੱਚਨ ਅਤੇ ਅਕਸ਼ੇ ਕੁਮਾਰ ਨੇ ਆਪਣੀਆਂ-ਆਪਣੀਆਂ ਫਿਲਮਾਂ 'ਚ ਕਈ ਸਟੰਟ ਕੀਤੇ ਹਨ। ਉਹ ਕਈ ਵਾਰ ਸਟੰਟ ਕਰਕੇ ਆਪਣੀ ਜਾਨ ਵੀ ਖਤਰੇ 'ਚ ਪਾ ਚੁੱਕੇ ਹਨ। 'ਕੌਨ ਬਣੇਗਾ ਕਰੋੜਪਤੀ' ਦੇ ਸੈੱਟ 'ਤੇ ਮੇਜ਼ਬਾਨ ਅਮਿਤਾਭ ਬੱਚਨ ਨੇ ਅਕਸ਼ੈ ਕੁਮਾਰ ਨਾਲ ਆਪਣੀ ਫਿਲਮ 'ਵਕਤ' ਫ਼ਿਲਮ ਨਾਲ ਜੁੜਿਆ ਇਕ ਹੈਰਾਨੀਜਨਕ ਕਿੱਸਾ ਸੁਣਾਇਆ।
ਇੰਡੀਅਨ ਐਕਸਪ੍ਰੈਸ ਦੀ ਰਿਪੋਰਟ ਮੁਤਾਬਕ ਅਮਿਤਾਭ ਬੱਚਨ ਨੇ ਦੱਸਿਆ ਕਿ ਫਿਲਮਾਂ 'ਚ ਸਟੰਟ ਕਰਦੇ ਸਮੇਂ ਚੀਜ਼ਾਂ ਕਿਵੇਂ ਬਦਲਦੀਆਂ ਹਨ। ਬਿੱਗ ਬੀ ਨੇ ਦੱਸਿਆ ਕਿ ਨਿਰਮਾਤਾਵਾਂ ਨੇ ਹੁਣ ਉਨ੍ਹਾਂ ਸੀਨਜ਼ ਨੂੰ ਇਕਰਾਰਨਾਮੇ 'ਚ ਰੱਖਿਆ ਹੈ, ਜਿਨ੍ਹਾਂ ਨੂੰ ਕਰਨ ਦੀ ਐਕਟਰਸ ਨੂੰ ਇਜਾਜ਼ਤ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਅਜੇ ਵੀ ਕੁਝ ਐਕਟਰ ਖਤਰਨਾਕ ਸਟੰਟ ਕਰਨਾ ਚਾਹੁੰਦੇ ਹਨ। ਉਨ੍ਹਾਂ ਨੇ ਉਦਾਹਰਣ ਵਜੋਂ ਅਕਸ਼ੈ ਕੁਮਾਰ ਦਾ ਨਾਂ ਲਿਆ।
ਅਕਸ਼ੇ ਕੁਮਾਰ ਨੂੰ ਦੱਸਿਆ ਅਸਲੀ 'ਖਿਲਾੜੀ'
ਬਿੱਗ ਬੀ ਨੇ ਵਕਤ ਫ਼ਿਲਮ ਨਾਲ ਜੁੜਿਆ ਇੱਕ ਕਿੱਸਾ ਕੇਬੀਸੀ ਦੇ ਪ੍ਰਤੀਭਾਗੀਆਂ ਨਾਲ ਸ਼ੇਅਰ ਕੀਤਾ। ਉਨ੍ਹਾਂ ਦੱਸਿਆ ਕਿ ਅਕਸ਼ੇ ਕਿਵੇਂ ਬਿਨਾਂ ਡਰੇ ਆਪਣੇ ਸਟੰਟ ਖੁਦ ਕਰਦੇ ਹਨ। ਉਹ ਇੱਕ ਇਮਾਰਤ ਤੋਂ ਦੂਜੀ ਇਮਾਰਤ `ਤੇ ਛਾਲ ਮਾਰਨ ਤੋਂ ਜ਼ਰਾ ਵੀ ਨਹੀਂ ਘਬਰਾਉਂਦੇ। ਇਸ ਦੇ ਨਾਲ ਨਾਲ ਬਿਗ ਬੀ ਨੇ `ਵਕਤ` ਫ਼ਿਲਮ ਦੇ ਸੈੱਟ ਤੇ ਵਾਪਰੇ ਇੱਕ ਕਿੱਸੇ ਨੂੰ ਯਾਦ ਕੀਤਾ। ਉਨ੍ਹਾਂ ਦੱਸਿਆ ਕਿ ਅਕਸ਼ੇ ਨੇ ਇੱਕ ਬਿਲਡਿੰਗ ਤੋਂ ਦੂਜੀ ਬਿਲਡਿੰਗ `ਚ ਛਾਲ ਮਾਰੀ। ਹੋਰ ਤਾਂ ਹੋਰ ਆਪਣੇ ਆਪ ਨੂੰ ਅੱਗ ਵੀ ਲਗਾ ਲਈ। ਅਮਿਤਾਭ ਨੇ ਕਿਹਾ, "ਮੈਂ ਅਕਸ਼ੇ ਨੂੰ ਕਿਹਾ ਕਿ ਉਹ ਕੀ ਕਰ ਰਹੇ ਹਨ, ਇਸ ਤੇ ਅਕਸ਼ੇ ਦਾ ਜਵਾਬ ਸੀ ਕਿ ਬੱਸ ਤੁਸੀਂ ਦੇਖਦੇ ਜਾਓ ਕੀ ਹੁੰਦਾ ਹੈ।" ਇਸ ਦੇ ਨਾਲ ਅਮਿਤਾਭ ਨੇ ਅਕਸ਼ੇ ਨੂੰ ਸੱਚਾ ਖਿਲਾੜੀ ਕਿਹਾ।
ਅਕਸ਼ੇ ਕੁਮਾਰ ਨੇ ਕੀਤਾ ਖਤਰਨਾਕ ਸਟੰਟ
ਬਿੱਗ ਬੀ ਨੇ ਪ੍ਰਤੀਭਾਗੀਆਂ ਦੇ ਸਵਾਲ ਦਾ ਜਵਾਬ ਦਿੱਤਾ ਕਿ ਉਹ ਇਸ ਬਾਰੇ ਗੱਲ ਕਰ ਰਹੇ ਹਨ। ਅਕਸ਼ੈ ਦਾ ਇੱਕ ਸੀਨ ਸੀ ਜਿਸ ਵਿੱਚ ਉਨ੍ਹਾਂ ਨੂੰ ਆਪਣੇ ਸਾਰੇ ਸਰੀਰ ਵਿੱਚ ਅੱਗ ਲੈ ਕੇ ਕੁਝ ਦੂਰੀ ਤੱਕ ਭੱਜਣਾ ਪਿਆ ਸੀ। ਅਮਿਤਾਭ ਨੇ ਫਿਰ ਪ੍ਰਤੀਭਾਗੀਆਂ ਨੂੰ ਕਿਹਾ ਕਿ ਉਹ ਹੁਣ ਖੇਡ 'ਤੇ ਧਿਆਨ ਦੇਣ ਅਤੇ ਸ਼ੋਅ ਨੂੰ ਜਾਰੀ ਰੱਖਣ।