Lock Up 2: ਸੋਸ਼ਲ ਮੀਡੀਆ ਇਨਫਲੂਐਂਸਰ ਪੁਨੀਤ ਸੁਪਰਸਟਾਰ ਨੂੰ ਹਾਲ ਹੀ ਵਿੱਚ 'ਬਿੱਗ ਬੌਸ OTT 2' ਵਿੱਚ ਦੇਖਿਆ ਗਿਆ ਸੀ। ਹਾਲਾਂਕਿ, ਘਰ ਦੇ ਅੰਦਰ ਰਹਿ ਕੇ ਸਿਰਫ ਇੱਕ ਦਿਨ ਵਿੱਚ ਉਸਨੇ ਸਾਰਿਆਂ ਨੂੰ ਪਰੇਸ਼ਾਨ ਕਰ ਦਿੱਤਾ ਸੀ। ਉਸ ਨੂੰ ਆਪਣੇ ਸਿਰ 'ਤੇ ਡਿਟਰਜੈਂਟ ਪਾਉਂਦੇ ਦੇਖਿਆ ਗਿਆ ਸੀ ਅਤੇ ਇੱਥੋਂ ਤੱਕ ਕਿ ਉਸ ਨੂੰ ਵਾਸ਼ਰੂਮ 'ਚ ਚੀਜ਼ਾਂ ਇਧਰ-ਉਧਰ ਸੁੱਟਦੇ ਦੇਖਿਆ ਗਿਆ ਸੀ। ਪੁਨੀਤ ਸੁਪਰਸਟਾਰ ਦੇ ਵਿਵਹਾਰ ਤੋਂ ਪਹਿਲੇ ਹੀ ਦਿਨ ਘਰ ਦੇ ਲੋਕ ਖਿੱਝ ਗਏ। ਉਸ ਦੀਆਂ ਹਰਕਤਾਂ ਤੋਂ ਤੰਗ ਆ ਕੇ ਉਸ ਨੂੰ ਇਕ ਦਿਨ ਵਿਚ ਹੀ ਘਰੋਂ ਕੱਢ ਦਿੱਤਾ ਗਿਆ।
ਇਹ ਵੀ ਪੜ੍ਹੋ: ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਭੈਣ ਨੇ ਸ਼ੇਅਰ ਕੀਤੀ ਐਕਟਰ ਦੀ ਅਣਦੇਖੀ ਤਸਵੀਰ, ਫੈਨਜ਼ ਹੋ ਰਹੇ ਭਾਵੁਕ
ਹਾਲਾਂਕਿ ਪੁਨੀਤ ਸੋਸ਼ਲ ਮੀਡੀਆ 'ਤੇ ਆਪਣੀਆਂ ਹਰਕਤਾਂ ਤੋਂ ਨਹੀਂ ਰੁਕੇ ਹਨ। ਹਾਲ ਹੀ 'ਚ ਉਸ ਦਾ ਇੰਸਟਾਗ੍ਰਾਮ ਅਕਾਊਂਟ ਬੈਨ ਕਰ ਦਿੱਤਾ ਗਿਆ ਸੀ ਅਤੇ ਹੁਣ ਖਬਰਾਂ ਆ ਰਹੀਆਂ ਹਨ ਕਿ ਪੁਨੀਤ ਸੁਪਰਸਟਾਰ ਕਥਿਤ ਤੌਰ 'ਤੇ ਇਕ ਹੋਰ ਸ਼ੋਅ 'ਚ ਹਿੱਸਾ ਲੈਣ ਜਾ ਰਹੇ ਹਨ। ਇਸ ਦੇ ਨਾਲ ਹੀ ਸੋਸ਼ਲ ਮੀਡੀਆ ਇਨਫਲੂਐਂਸਰ ਨੇ ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਬਾਰੇ ਵੀ ਹੈਰਾਨ ਕਰਨ ਵਾਲਾ ਦਾਅਵਾ ਕੀਤਾ ਹੈ।
ਕੀ ਕੰਗਨਾ ਰਣੌਤ ਨੇ ਪੁਨੀਤ ਸੁਪਰਸਟਾਰ ਨੂੰ ਕੀਤਾ ਪ੍ਰਪੋਜ਼?
ਦਰਅਸਲ, ਪੁਨੀਤ ਸੁਪਰਸਟਾਰ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ ਦਾਅਵਾ ਕੀਤਾ ਹੈ ਕਿ ਉਸ ਨੂੰ 'ਲਾਕ ਅੱਪ ਸੀਜ਼ਨ 2' ਲਈ ਕੰਗਨਾ ਰਣੌਤ ਨੇ ਸੱਦਾ ਦਿੱਤਾ ਸੀ। ਉਸ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਕੰਗਨਾ ਨੇ ਉਸ ਨੂੰ ਸ਼ੋਅ 'ਤੇ ਸੱਦਾ ਦਿੰਦੇ ਹੋਏ 'ਆਈ ਲਵ ਯੂ' ਕਿਹਾ ਸੀ। ਪੁਨੀਤ ਨੇ ਸਾਂਝਾ ਕੀਤਾ ਕਿ ਜਦੋਂ ਉਹ 'ਲਾਕ ਅੱਪ 2' ਵਿੱਚ ਹਿੱਸਾ ਲਵੇਗਾ, ਤਾਂ ਕੰਗਨਾ ਉਸ ਨੂੰ ਪ੍ਰਪੋਜ਼ ਕਰਨ ਦਾ ਪਲਾਨ ਬਣਾ ਰਹੀ ਹੈ। ਉਸ ਨੇ ਕੰਗਣਾ ਨਾਲ ਵਾਅਦਾ ਵੀ ਕੀਤਾ ਹੈ ਕਿ ਉਹ 'ਲਾਕ ਅੱਪ 2' 'ਚ ਵਧੀਆ ਪ੍ਰਦਰਸ਼ਨ ਕਰੇਗਾ ਅਤੇ ਸਾਰਿਆਂ ਦਾ ਮਨੋਰੰਜਨ ਵੀ ਕਰੇਗਾ। ਦੱਸ ਦੇਈਏ ਕਿ ਪੁਨੀਤ ਦੇ ਇੰਸਟਾਗ੍ਰਾਮ 'ਤੇ 3.2 ਮਿਲੀਅਨ ਫਾਲੋਅਰਜ਼ ਹਨ।
ਮੁਨੱਵਰ ਫਾਰੂਕੀ ਲਾਕ ਅੱਪ ਸੀਜ਼ਨ 1 ਦਾ ਸੀ ਜੇਤੂ
'ਲਾਕ ਅੱਪ' ਦੀ ਗੱਲ ਕਰੀਏ ਤਾਂ ਸ਼ੋਅ ਦਾ ਪਹਿਲਾ ਸੀਜ਼ਨ ਮੁਨੱਵਰ ਫਾਰੂਕੀ ਨੇ ਜਿੱਤਿਆ ਸੀ। ਪਾਇਲ ਰੋਹਤਗੀ ਇਸ ਸ਼ੋਅ ਦੀ ਪਹਿਲੀ ਰਨਰ-ਅੱਪ ਰਹੀ ਸੀ। ਸ਼ੋਅ 'ਚ ਨਿਸ਼ਾ ਰਾਵਲ, ਸ਼ਿਵਮ ਸ਼ਰਮਾ, ਕਰਨਵੀਰ ਬੋਹਰਾ, ਪੂਨਮ ਪਾਂਡੇ, ਅੰਜਲੀ ਅਰੋੜਾ ਅਤੇ ਹੋਰਾਂ ਨੂੰ ਮੁਕਾਬਲੇਬਾਜ਼ ਵਜੋਂ ਦੇਖਿਆ ਗਿਆ। ਦੱਸ ਦੇਈਏ ਕਿ ਏਕਤਾ ਕਪੂਰ 'ਲਾਕ ਅੱਪ' ਦੀ ਨਿਰਮਾਤਾ ਹੈ ਅਤੇ ਨਿਰਮਾਤਾ ਵਜੋਂ ਇਹ ਉਨ੍ਹਾਂ ਦਾ ਪਹਿਲਾ ਰਿਐਲਿਟੀ ਸ਼ੋਅ ਸੀ।