ਮੁੰਬਈ: ਅਭਿਨੇਤਾ ਬਿਕਰਮਜੀਤ ਕੰਵਰਪਾਲ, ਜੋ ਕਿ ਭਾਰਤੀ ਫੌਜ ਵਿਚੋਂ ਮੇਜਰ ਵਜੋਂ ਸੇਵਾਮੁਕਤ ਹੋ ਕੇ ਅਦਾਕਾਰੀ ਦੀ ਦੁਨੀਆ ਵਿਚ ਦਾਖਲ ਹੋਇਆ ਸੀ, ਦੀ ਅੱਜ ਸਵੇਰੇ ਮੁੰਬਈ ਦੇ ਸੇਵੇਨ ਹਿਲਸ ਹਸਪਤਾਲ ਵਿਚ ਮੌਤ ਹੋ ਗਈ। ਉਹ ਕੋਰੋਨਾ ਨਾਲ ਸੰਕਰਮਿਤ ਸੀ ਅਤੇ ਪਿਛਲੇ ਹਫਤੇ ਹੀ ਉਨ੍ਹਾਂ ਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ।
ਬਿਕਰਮਜੀਤ ਕੰਵਰਪਾਲ ਨੇ ਹਿੰਦੀ ਫਿਲਮਾਂ ਦੀ ਦੁਨੀਆ ਵਿੱਚ 2003 ਵਿੱਚ ਪੈਰ ਰੱਖਿਆ ਸੀ।ਉਹਨਾਂ ਨੇ ਕਈ ਮਸ਼ਹੂਰ ਹਿੰਦੀ ਸੀਰੀਅਲਾਂ ਅਤੇ ਵੈੱਬ ਸ਼ੋਅਜ਼ ਵਿਚ ਵੀ ਕੰਮ ਕੀਤਾ ਹੈ ਅਤੇ ਇਕ ਸਹਾਇਕ ਅਦਾਕਾਰ ਵਜੋਂ ਉਦਯੋਗ ਵਿਚ ਇਕ ਵੱਖਰੀ ਪਛਾਣ ਬਣਾਈ ਹੈ।
ਬਿਕਰਮਜੀਤ ਕੰਵਰਪਾਲ ਨੇ ਪੇਜ 3, ਪਾਪ, ਰਾਕੇਟ ਸਿੰਘ ਸੇਲਜ਼ਮੈਨ ਆਫ਼ ਦਿ ਈਅਰ, ਰਿਜ਼ਰਵੇਸ਼ਨ, ਮਰਡਰ 2, ਦਿ ਗਾਜ਼ੀ ਅਟੈਕ, 2 ਸਟੇਟਸ, ਜੋਕਰ, ਹੀਰੋਇਨ, ਕਿਆ ਕੂਲ ਹੈ ਹਮ, ਕਾਰਪੋਰੇਟ, ਕਰਮ, ਹੇ ਬੇਬੀ ਵਰਗੀਆਂ ਫਿਲਮਾਂ ਵਿੱਚ ਕਿਰਦਾਰ ਨਿਭਾਏ ਸਨ। ਉਸਨੇ ਸ਼ੌਰਿਆ ਅਤੇ 1971 ਵਰਗੀਆਂ ਫਿਲਮਾਂ ਵਿੱਚ ਫੌਜੀ ਅਧਿਕਾਰੀਆਂ ਦੀਆਂ ਭੂਮਿਕਾਵਾਂ ਨਿਭਾਈਆਂ। ਹਾਲ ਹੀ ਵਿੱਚ ਉਹ ਡਿਜ਼ਨੀ ਹੌਟਸਟਾਰ ਵੈੱਬ ਸ਼ੋਅ ਵਿੱਚ ਇੱਕ ਰਾਅ ਅਧਿਕਾਰੀ ਦੀ ਭੂਮਿਕਾ ਵਿੱਚ ਨਜ਼ਰ ਆਇਆ ਸੀ।
ਹਿਮਾਚਲ ਪ੍ਰਦੇਸ਼ ਦੇ ਸੋਲਨ ਵਿੱਚ 1968 ਵਿੱਚ ਪੈਦਾ ਹੋਏ, ਬਿਕਰਮਜੀਤ ਕੰਵਰਪਾਲ ਭਾਰਤੀ ਸੈਨਿਕ ਅਧਿਕਾਰੀ ਦਵਾਰਕਨਾਥ ਕੰਵਰਪਾਲ ਦਾ ਪੁੱਤਰ ਸੀ, ਜਿਸ ਨੂੰ 1963 ਵਿੱਚ ਕੀਰਤੀ ਚੱਕਰ ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਵਿਕਰਮਜੀਤ ਨੂੰ ਸਾਲ 1989 ਵਿਚ ਭਾਰਤੀ ਫੌਜ ਵਿਚ ਕਮਿਸ਼ਨ ਦਿੱਤਾ ਗਿਆ ਸੀ ਅਤੇ ਸਾਲ 2002 ਵਿਚ ਭਾਰਤੀ ਫੌਜ ਵਿਚੋਂ ਮੇਜਰ ਵਜੋਂ ਸੇਵਾਮੁਕਤ ਹੋਇਆ ਸੀ। ਅਭਿਨੇਤਾ ਹੋਣਾ ਉਸਦਾ ਬਚਪਨ ਦਾ ਸੁਪਨਾ ਸੀ ਅਤੇ ਉਸਨੇ ਫੌਜ ਤੋਂ ਸੇਵਾਮੁਕਤ ਹੋ ਕੇ ਆਪਣਾ ਸੁਪਨਾ ਪੂਰਾ ਕੀਤਾ।
ਬਿਕਰਮਜੀਤ ਸਿੰਘ ਨੇ ਦੀਆ ਔਰ ਬਾਤੀ ਹਮ, ਯੇ ਹੈਂ ਚਾਹਤੇਂ, ਦਿਲ ਹੀ ਤੋ ਹੈ, 24, ਤੇਨਾਲੀ ਰਾਮ, ਕ੍ਰਾਈਮ ਪੈਟਰੋਲ ਦਸਤਕ, ਸਿਆਸਤ, ਨੀਲੀ ਛੱਤਰੀਵਾਲੇ, ਮੇਰੀ ਮੈਂ ਰੰਗਵਾਲੀ, ਕਾਸਮ ਤੇਰੇ ਪਿਆਰ ਕੀ ਵਰਗੇ ਟੀਵੀ ਸ਼ੋਅਜ਼ ਵਿੱਚ ਅਹਿਮ ਭੂਮਿਕਾ ਨਿਭਾਈ ਸੀ।